|
هذا هو شعارنا ياصيادين وقناصين منتدنا العزيز
بسم الله الرحمن الرحيم
السلام عليكم ورحمه الله وبركاته اللهم صلى على سيدنا محمد عليه افضل الصلاه والسلام وعلى آله واصحابه أجمعين اخوانى اعضاء منتدى الصيد فى مصر شعارنا باذن الله فى الفتره المقبله وهو ثقافه صياد وازى ننمى الموهبه ونطورها هناك بعض الاعضاء هداهم الله يقومون بوضع مواضيع ليس لها فائده ونحن نريد مواضيع ثقافيه اوعلميه او معلومه تفيد كل صياد وقناص وحرصا منا على وقت عضو المنتدى اثناء التصفح وعدم اضاعة وقته بائى موضوع غير مفيد ولذلك نريد من الاداره حذف اي موضوع لا يستفاد منه باي معلومه علميه او ثقافيه ونريد حذف اى موضوع يكون النقاش فيه غير هادف ولا يفيدنا كا قناصين وصيادين وطبعا اى موضوع يسىء لاى عضو ودون الرجوع للعضو الى منزل الموضوع يتم حذف الموضوع ويتم تحذيره على الخاص بالالتزام بقواعد المنتدى وبااخلاق الصيادين الى تعودنا عليها واذا تكرر نفس الموضوع يتم اقاف عضويه هذا الشخص دون الرجوع ليه ومتابعته اذا سجل بائى اسم تانى طبعا الموضوع ده نزلته حرصا منى للرقى بالمنتدى والتطوير الدائم والمستمر وبطالب بتثبيته حتى يكون امام كل زائر وعضو جديد للمنتدنا الغالى والعزيز على قلوبنا حتى نكون فى المقدمه دائما ولكم منى كل الاحترام والتقدير |
رد: هذا هو شعارنا ياصيادين وقناصين منتدنا العزيز
الاخ العزيز عاشق القنص جُلّنا يعتبر هذا المكان هى البيت الثانى له وليس مرجع للمعلومات فحسب فترنا تاره نواسى بعضنا البعض وتاره اخرى نشكر ونجامل وتارة نشتكى همومنا اقصد ندلى بدلونا بين اخوتنا
فلا يصح ابداً الحجر على التعبير فان اريد ان تراجع اقسام المنتدى ستجد قسم تحت اسم (القسم العام ) هنا نستطيع ان نتقارب من من يلقى بنكته ومن ينصح بحديث شريف الى غير ذلك وباقى الاقسام لهوايتنا الرائعه واريد ان اطمئنك ان جميع الاعضاء القدامى يخافون على المنتدى ويحبونه اكثر من اى احد فلا تقلق ... راجياً من الله عز وجل ان يجزينا بما تحمله ضمائرنا وان يحبى منتدانا هشام سمير |
رد: هذا هو شعارنا ياصيادين وقناصين منتدنا العزيز
اعترض وبشده
:d:d يا سيدى العزيز المنتدى اه للصيد والهوايه وكده بس بردو ما يمنعش انه يبقى اجتماعى فى نفس الوقت وكمان اى موضوع هاتلاقيه عن الصيد والرمايه يعنى مش مثلا هاتلاقى عضو يدخل يكتب موضوع او مشاركه ان ام فتكات اتخانقت مع ام حركات على طبق كشرى لا بس هاتلاقى اللى داخل يقول ليه البنادق غاليه واعمل ايه؟؟ او اللى يقول انا بفكر اشترى كذا ياترى اشتريه ولا لا؟؟ وكله بيصب فى الاخر على ارضاء شغفنا بالهوايه وتحقيق اعلى نسبه اشباع للهوايه بس لكن لو بقى المنتدى كله بيع وشرى او اعطال واسئله يبقى محل بقى مش منتدى ده رايى الشخصى |
رد: هذا هو شعارنا ياصيادين وقناصين منتدنا العزيز
كلام حضراتكم كلام محترم جدا وعلى راسى
بس انا اقصد حاجه انو فى مواضيع عامله زحمه على الفاضى ومش مجديه وفى مواضيع فى سوق المنتدى ناس بتجادل فى واحد عارض بضاعه وغيره وغيره وانا اقصد ان يكون فى قسمين فى سوق المنتدى القسم الاول اسال الخبير وحضراتكم كا استاتذه فى المجال تقوموا باللازم القسم التانى الى يختص بالبيع والشراء وهانعرض فيه كل ما ي يتعلق بالبنادق سواء كانت المباعه او المعروضه للبيع وكمان حابب اضيف ان لزم تكون فى شروط يتم الالتزام بها ومن يخل موضوعه يتحذف واناااااااااااااااااااااااااااااا بتاسف للجميع لو كان كلامى ضايق حد بس انا عايز المنتدى مش مجرد منتدى انا عايز لما يتقال صيد يضرب بالمنتدى بتعنا المثل وده بدافع حبى ليه واستاذى العزيز هشام هابعت لحضرتك رساله على الخاص ارجوا الاطلاع عليها ولكم منى كل الاحترام والتقدير |
رد: هذا هو شعارنا ياصيادين وقناصين منتدنا العزيز
لا ياجماعة مصطفى مش قصده كده
هو بس عايز يقول للجميع إن لابد للمنتدى ان يكون منظم منناحية الأفراد قبل يتم طرح أي مشاركة أولا ومن قبل الشكل ثانيا حرصا على الحفاظ على الرونق الجميل لمنتدى الصيد بالاضافة إلى إن سابق إن كان في تجاوزات كتير من زمان بين الاعضاء على الملاء وكانت مهزلة فمشعايزين حد يزعل من حد .... هو مش قصده الحجر على أي شيء أو فكرة أو معلومة حتى ولو عامة بس في اولويات بعدين المعنى في بطن الشاعر وهو ليه وجهة نظر ستناقش إن شاء الله من قبل الادارة الكريمة فالقريب العاجل لضمان الحفاظ على المنتدى من المتلاعبين وغيرهم.....! يارب أكون وضحت وجهة نظر مصطفى |
رد: هذا هو شعارنا ياصيادين وقناصين منتدنا العزيز
التخصص هو طريق النجاح
والمنتدى مخصص للصيد والاستاذ أحمس صاحب الموقع قال ان ممكن نناقش موضوعات غير الصيد في القسم العام ولا يعني ذلك ان يضيع التقسيم ويتوه لأن الاعضاء بتكتب اي مشاركة في اي قسم ومش مطلوب ان المنتدى يتحول لمحل زي ما برضه مش لازم يبقى سمك لبن تمر هندي او يتحول لساحة معارك ليس لها معنى سوى التشويش على الصيادين والهواه ومش هافترض ابدا سوء نية اي عضو في التأثير على نجاح المنتدى وخصوصا في الوقت ده بالذات اللي فيه تطور وزيادة الاعضاء واشتهاره بين مواقع الصيد العربية التنظيم مطلوب جدا وانا معاك يا عاشق القنص في كل كلمة قلتها وفي استدراكك وشرحك برضه انك مش قصدك تضايق اي حد وانا عارف كده وكتير من الاعضاء عارفين من غير ماتشرح وياريت موضوعات الصيد والبيع والشراء والاستفسارات وكل حاجة تبقى في مكانها وده برضه علشان ما نرهقش المشرفين يعني الناس بدل ما تقعد تكتب موضوعات ومشاركات مش معقول تضيع وقتها كله في نقل الموضوعات من مكان لأخر ارجو ان يتفهم الجميع ونهتم بالتنظيم ونبعد عن اي شيئ يثير الجدل بين الاعضاء مع خالص تقديري لكل اعضاء المنتدى ومشرفيه |
رد: هذا هو شعارنا ياصيادين وقناصين منتدنا العزيز
اقتباس:
|
رد: هذا هو شعارنا ياصيادين وقناصين منتدنا العزيز
اقتباس:
كلام معاليك يامحمد بيه كلام فى الصميم صح وكده بدائنا نمسك طرف الخيط وان شاء الله منتدنا قادم وبقوه فى الايام القليله باذن الله عشان ينافس |
رد: هذا هو شعارنا ياصيادين وقناصين منتدنا العزيز
انا اتفق مع hokaفى رأيه لأنه اصلا المنتدى منظم وده الى جذبنا ليه وبعدين انا ماشفتش اى موضوع خارج عن مكانه اما القسم العام من حق كل واحد يضع فيه الموضوع الى هو عايزه سواء كان قصه او خبر او طرفه من الطرائف طالما ماتجاوزش حدود الادب واللياقه انا مش شايف فى ده اى مشكله او ان ده يخل بالتنظيم العام للمنتدى
وتقبل مرورى |
| الساعة الآن 10:32 PM |
Powered by vBulletin® Copyright ©2000 - 2026, Jelsoft Enterprises Ltd. TranZ By
Almuhajir