بعد طول غياب, وصول "حاصدة الأرواح"
 

السلام عليكم يا رجالة,
للأسف في الفترة (حوالي شهر) اللي فاتت كنت بعيد عن المنتدى الرائع ده و لكن السبب و الله كان بسبب رجوعي و الحمد لله إلى أرض الوطن بعد رحلة سفر لمدة سنة في المملكة العربية السعودية و في الشهر اللي فات ده كنت بدور على أي فتفوفة إنترنت أقدر ألاقيها عشان أعيد عليكو بمناسبة الشهر الكريم لكن ملقيتش غير متأخر أوي.. و الحمد لله إشتريتلي يو إس بي موديماية كدة تمشيني لحد ماجيب خط أرضي و أشترك في الدي إس إل... :)

أكيد طبعا دلوقتي هتبدأو تسأله ياض بطل رغي بقى إحنا صايمين و متفطرناش عليك بغتاتك ديه.. عشان كدة أنا بقول لكم كل سنة و جميع أعضاء منتدى الصيد في مصر بخير و أعاده الله علينا و على الشعوب المسلمة جميعا بالخير و السعادة و السلوان.. :) أنا عارف إني متأخر جدا جدا جدا لكن و الله خارج عن إرادتي..

كلام زي الفل صح :) أكيد هتقولو بس مين بقى الحاجة حاصدة الأرواح, ديه تبقى قريبتك يعني و لا أختك؟؟؟ خش في لب الموضوع..
و الله يا عم الحاج إنت شكلك الصيام مأثر عليك و بتتوحم على لب سوبر ملح خفيف.. هههههههههههه :) هههههه :) :) :D :p

http://profile.ak.fbcdn.net/hprofile..._5410741_n.jpg

طبعا زي ما البعض كان ملاحظ قبل غيابي إنا كنت بسأل كثير جدا عن الكرال لحد ما بقيت خبير (تعبير مجازي و الله عشان محدش يقول لي ياض بطل فتي المصريين ده بقى) ..

http://www.konkarko.com/upload/download.php?img=2732

هههههههههههه :) شايفين الحوار رايح على فين ولا لسة؟؟؟ :eek::eek:

و فعلا بدأت أبحث عن أسعارها الحالية و دورت على ناس عامله عليها عروض و أفضلهم بالنسبة لي كان عرض الأسناذ محمد ياقوت و بالفعل أخذت رقمه معايا على الموبايل...
: :cool: :rolleyes:

و عشان كدة أول يوم رجعت في مصر خدت التليفون و كلمت الأستاذ ياقوت فورا بعد طبعا ما الحاج الوالد ربنا يخليهولي (أصل هو اللي إداني فلوسها, مع إني ديه تحويشة سنه.. بس يلا ديه أقل حاجة أقدر أعملهالو) شتمني و مرمطني عشان بعد ما وصلت البيت بأرع دقائف إتصل بالراجل قالي يا مجنون في حد يتصل أول ما يوصل.. لا و بالشريحة الدولي كمان.. معلش بقى أصل أخوكو عبقري زمانه..

http://www.lmada.com/vb/imgcache/2/26111lmada.jpg

هههههههههههههههههه :) :) أيوا كدة يا رجالة فرفشو بدل أم الحر ده..

و سألتة عن التفاصيل و إزاي أستلمها و مكان اللقاء و الذي منه...;) ;) ;)

و دقت الثانية و خمس دقائق بتاريخ 27 يوليو عام 2012 حين أتممت أهم إتفاق في تاريخي حتى الان و هو .......

http://www.selectedshorts.org/wp-con.../drum-roll.jpg

دن دن دن دااااااه


و هي صفقة شراء , واحد فرد بندقية كرال من أستاذ محمد ياقوت و التي أصبحت من أسعد لحظات حياتي حتى الأن. و الحمد لله الأستاذ محمد كان شخص كويس جدا جدا جدا و حاجتة زي الفل من غير ولا خربوش...

أحب بس أقوله حاجة دلوقتي... نعيماً يا أستاذ محمد.. :) ;) (أصله كان عند الحلاق لما إتصلت بيه عشان نتفق :) )

أخش بقى في التفاصيل:

الشركة المصنعة: كرال أي في
الموديل: كرال ديمون
العيار: 5.5 مم
بلدج المنشأ: تركيا
سنة الإصدار: 2012 (يعني إصدار جديد زي الفل و معاة الأيزو 9001 كمان)
خامة الدبشك: فيبر متوسط إلى عالي الجودة
لون الدبشك: بني يشبه الخشب جدا

و الأهم إني طلعت عليها إسم و هو "حاصدة الأرواح" و ده لأنها إن شاء الله هتحصد أرواح طائرات العدو... :) :) :D
دلوقتي بقى لأحلى حاجة, اللي هي الصور:

http://img713.imageshack.us/img713/8...0805062012.jpg

ديه صورة بكل متضمنات العرض ما عدا الرش التركي لأني خلصتة في ساعتها و ملحقتش أصوره

http://img207.imageshack.us/img207/4...0805062134.jpg

ديه صورة للجراب المموه الرائع جدا جدا.. على فكرة ده في مكانين لتخزين البندقية بالإضافة إلى جيب كبيييييير جدا لتخزين أدوات أخرى كعلب الرش, سكين الذبح, إلخ, إلخ, إلخ

http://img88.imageshack.us/img88/597...0805062236.jpg

ده بقى جراب الرش. اللي هو عبارة عن جيب كبير شويتين تصب فيه الرش عشان و أنت بتصطاد تعرف تأخدلك رشاية بسرعة من غير ما تعد تفتح و تقفل في العلبة الحديد..

https://lh6.googleusercontent.com/-P...805_062406.jpg

ديه بقى صورة للرش اللي أنا إشتريتو من عند أبو ضيف فرع الشيخ زايد.ز بس للأسف محلات أبو ضيف أسعارها غالية جدااااا.. أنا جايب العلبة ديه ب45 جنيه. الرش هو جامو برو ماجنم وزنه 15.43 جراين أو ما يساوي 1 جرام.. و بيني و بينكم الرش ده مش حلو خالص لكن أنا جبته مضطر عشان مكنش عنده غيره و أنا كنت هاموت و أضرب بيها.. يا ريت حد يقول لي مين بيبيع الرش بأسعار كويسة و منين أجيب الرش المصري؟؟

https://lh4.googleusercontent.com/-g...805_062427.jpg

صورة رائعة لصف مكون من 5 رشايات برو ماجنم و جراب الرش

https://lh5.googleusercontent.com/-O...805_062510.jpg

الكرال حين فتح العلبة.. و الله أنا زعلت جدا لأن البندقية رائعة لكن ينقصها كاتالوج كامل مثل جميع الشركات الأخرى.

https://lh5.googleusercontent.com/-8...805_062648.jpg

الكرال بعد إخراجها من الكيس.

https://lh5.googleusercontent.com/-Y...805_062718.jpg

صورة قريبة للدبشك الذي يحتوي على نقش أكثر من رائع.

https://lh3.googleusercontent.com/-W...805_062806.jpg

و أخرى مماثلة.

https://lh5.googleusercontent.com/-M...805_062814.jpg

صورة لمجموعة الزناد ذات نظام الأمان و الزناد مزدوج المراحل.

https://lh3.googleusercontent.com/-H...805_062827.jpg

صورة لمنطقة الزناد و الدبشك مجتمعين.

https://lh3.googleusercontent.com/-H...805_062849.jpg

صورة للمسكة الأمامية.

https://lh3.googleusercontent.com/-Y...805_062900.jpg

صورة مقربة للحلية الأمامية و الناشنكاه الأمامي.

https://lh6.googleusercontent.com/-g...805_063016.jpg

صورة مقربة لجسد البندقية مطبوع عليها لوجو الشركة.

https://lh3.googleusercontent.com/-W...805_063025.jpg

صورة للناشنكاه الخلفي المزود بتقنية TruGlo و هو النيشان الفسفوري.

https://lh4.googleusercontent.com/-q...805_063044.jpg

صورة لمصد السكوب أو Scope Stop و هي قطعة تثبت بالمسامير لمنع السكوب من الرجوع للوراء في الإرتداد.

https://lh3.googleusercontent.com/-a...805_063145.jpg

محاولة تصوير للأوبن سايت في ظهور للنيشان الأمامي و الخلفي.

https://lh3.googleusercontent.com/-N...805_063201.jpg

صورة للنيشان الأمامي و الحلية.

https://lh5.googleusercontent.com/-4...805_063253.jpg

صورة للبندقية فوق الجراب.

https://lh3.googleusercontent.com/-4...805_063259.jpg

و أخرى.




أتمنى الموضوع يكون عجبكم و مكنش طولت عليكم يا أساتذتنا الكبار..
دلوقتي أنا منتظر أول صيد ليا بحاصدة الأرواح لكي ترتقي حقا بإسمها...

أخيرا, أحب أشكر جميع الأساتذة العضاء اللي أنا ياما تعبتهم معايا عشان أفهم أكثر عنها :rolleyes: :D ;) :cool: و هم أ/عادل عبدة, أ/القبطان المصري, أ/عادل (اللي هو adel152 أنا أظن إن إسمه عادل أحمد لكن غير متأكد الحقيقة), أ/هشام سمير, أ/قنصل, أ/قناص المنوفية, و أخيرا و بالتأكيد ليس أخرا أ/محمد ياقوت... أتمنى إني ما كنش نسيت حد :confused: و لو حد ساعدني قبل كدة و ملاقاش إسمه رسالة على الخاص و هاحط إسمه على طول بإعتذار كمان :o ..

تحياتي,
محمد قطب الدكماوي

رد: بعد طول غياب, وصول "حاصدة الأرواح"
 

اولا حمدا لله علي السلامه ثانيا مبروك البندقية الرائعة وربنا يباركلك فيها ويديك خيرها ان شاء الله

رد: بعد طول غياب, وصول "حاصدة الأرواح"
 

ههههههههههههههههههههههههههههههههههه


الناس بدءوا يقلدوا القبطان المصري في طريقة كتابة المواضيع

الف الف الف الف الف مليون مبروك يا باشا

يديك خيرها ويكفيك شرها

رد: بعد طول غياب, وصول "حاصدة الأرواح"
 

الف مبرووووووووووووك ربنا يعطيك خيرها ويكفيك شرها

رد: بعد طول غياب, وصول "حاصدة الأرواح"
 

الله يبارك فيك يا فندم و كل سنة و حضرتك طيب.. :)

رد: بعد طول غياب, وصول "حاصدة الأرواح"
 

و الله مهما عملت عمري ما هبقى بخفة دم الأوبيتان.. :) :)
و الله يبارك فيك يا أستاذ و رمضان كريم يا باشا.. :)

رد: بعد طول غياب, وصول "حاصدة الأرواح"
 

الله يبارك فيك يا فندم و عقبال ما ربنا يرزقنا بالأيركينج.. :)

رد: بعد طول غياب, وصول "حاصدة الأرواح"
 

مبررررروك علي حاصدة الارواح

وانا بعدك بيومين واخد واحد من الاستاذ ياقوت

ده انسان مش ممكن تلاقيه زيه في الزمن ده نادرا جدا

وفعلا حاجاته تحفه

ربنا يبارك لك فيها وياريت تقولنا انت منين وتحب تطلع طلعات صيد وله ايه النظام

ممكن نرتب طالعه نحصد بيهم الارواح. ونزل موضوع مشترك

رد: بعد طول غياب, وصول "حاصدة الأرواح"
 

رد: بعد طول غياب, وصول "حاصدة الأرواح"
 

و الله فعلا أ/ياقوت شخص في قمة الذوق و الأدب و نادر تلاقي في الزمن ده.. :)
ربنا يباركلك يا باشا و يكفيك شرها إن شاء الله.. و الله أنا من نفسي أطلع طلعة تزفير للكرال...

أنا يا باشا من حدائق الأهرام (مكان كدة عند ميدان الرماية) :) يبقى شرف ليا إني أقابل حضرتك.. :)

رد: بعد طول غياب, وصول "حاصدة الأرواح"
 

طب و الله يا باشا أنا مستنيك تنورني إنت مخصوص من الساعة 7 الصبح.. :) :) الله يبارك فيك يا باشا يا أوبيتان.. :) :) مصر منورة بيكم و الله.. :) يا ريت ألاقي عصفورة حتى ولا الهوا يا باشا.. :)

معلش سؤالين. مين أرخص واحد بيبيع رش و علبة الجامو هنتر نمرة 2 عاملة كام.. و كمان مين بيبيع المارسمان و بكام.. :) أصل أخوك إتنصب عليه في الرو ماجنم و خدتها ب45 جنيه.. :(

بس و الله منور الموضوع كلللله.. :)

رد: بعد طول غياب, وصول "حاصدة الأرواح"
 

ده نورك ياكبير والله
وعلى فكره انا كمان تقريبا من اول رمضان مدخلتش المنتدى
الدنيا صيام بقى كل سنه وانت طيب
وبالنسبه للرش
انا مش باشترى غير من فتح الله اسكندريه محطة مصر
باجيب الجامو ماتش250... 40
الجامو هانتر250.. 40
الديابلو الالمانى العلبه 500 ..40 جنيه وده جميييييييييل اوى ويعتبر رخيص كمان
وفيه بقى رش اسمه هدف مان
ده مصر
العلبه 80 بـــ 5 جنيه
بس نصيحه منى
بالنسبه للكرال
خليك فى الجامو ماتش
والديابلو الالمانى
اوعى تجيب الديابلو التركى
دول عاملين شغل جامد مع الكرال
المارسمان مجربتهوش

رد: بعد طول غياب, وصول "حاصدة الأرواح"
 

أصل أنا قلت و أنا بتدرب كدة أستخدم رش أي كلام كدة طب المان بيتجاب منين.. و بالنسبة للديابلو.. هل هو ال RWS Diablo اللي شبه الجامو ماتش... أصل أنا مش لاقيله نمرة 2 خالص على النت؟؟
و الله أنا نفسي بس أشوف طير واحد أجيبه الأرض.. :)

رد: بعد طول غياب, وصول "حاصدة الأرواح"
 

الف مبروووو ك و عقبال الخرطوش
لو ممكن اسأل ايه الفرق بينها و بين الكرال ماجنوم

رد: بعد طول غياب, وصول "حاصدة الأرواح"
 

الله يباركلك يا باشا.
مفيش فرق بين أي كرال و الثانية.. نفس المواصفات و الحديد و السرعات و الطول.. الفرق الوحيد بيبقى في الشكل بتاع الدبشك يا باشا.. :) هات الدبشك اللي حضرتك مستريحله نفسيا.. :)

رد: بعد طول غياب, وصول "حاصدة الأرواح"
 

رد: بعد طول غياب, وصول "حاصدة الأرواح"
 

الف مليار مبروك يامعلم ربنا يديك خيرها ويكفيك شرها ويباركلك فيها يارب
وحمدا لله على رجوعك بالسلامه
ولو عوزت اى حاجه انا تحت امرك

رد: بعد طول غياب, وصول "حاصدة الأرواح"
 

الله يبارك فيك يا أستاذ شادي و أشكرك على وقتك الثمين.. :) و كل سنة و حضرتك طيب.. :)

رد: بعد طول غياب, وصول "حاصدة الأرواح"
 

الله يبارك فيك يا عادل بيه.. :) و الله حضرتك أفدتني كثييييييييييييير أوي و ياما نفسي أردلك الجميل يا باشا.. :) رمضان كريم يا باشا.. :) :)

رد: بعد طول غياب, وصول "حاصدة الأرواح"
 

مبروووووووووووووووك يا باشا عاوزين نشوف الطلعات بئة :)

Re: بعد طول غياب, وصول "حاصدة الأرواح"
 

اولا الف مبروك
تانيا :

ياريت مكنتش اتسرعت وجبت الكرال ده
التقدير العام لها جيد
وخاصة للمبتدئين
كنت حوشت شوية وجبت اى حاجة جامو افضل وادق اقل تقدير جيد جدا مع مرتبة الشرف
اسف على كلامى ولكن حبيت اقوللك الحقيقة
شوية وبعها وهاتلك جامو هنتر او جامو مارفك وياريت لو لقيتت الجامو ويست والله هتدعيلىى
وبلاش حاصدة الارواح ده عشان سمعتها معروفة فى الوسط هة قوية بلا انتظام ولا دقة وشكرا

رد: بعد طول غياب, وصول "حاصدة الأرواح"
 

الله يبارك فيك يا أستاذ هشام.. و إن شاء الله هصور أول ضحاياي.. :)

رد: Re: بعد طول غياب, وصول "حاصدة الأرواح"
 

الله يبارك فيك يا باشا.. :)

حضرتك ناس كثير جدا من كبار المنتدى بيستخدموها و عاملين بيها أحلى شغل.. و أنا الحقيقة مش ناوي أبيعها أبدا... :) لكن بحترم رأيك جدا جدا جدا.. لأن أكيد طبعا الجامو أفضل لكن مش هيبقى في السعر ده بنفش المواصفات.. :)

رد: بعد طول غياب, وصول "حاصدة الأرواح"
 

حمدآ لله على رجوعك بالسلامة. والف مبروك على حاصدة الأرواح ونورت المنتدى من تاني

رد: بعد طول غياب, وصول "حاصدة الأرواح"
 

الله يسلمك يا أحمد بك.. :) و الله يبارك فيك و كل سنة و حضرتك طيب يا باشا.. :)