استفهام وارجو الافاده
 

يا جماعه انا اشتريت موبايل من ع النت من موقع سوق دوت كوم وكان الدفع عند الاستلام
ولما وصل مندوب شركه الشحن قالي انه مينفعش اعاين الموبايل هو موبايل مستعمل على فكره واني ادفع الفلوس وبعدين افتح الكيس بتاع الطرد واشوف الموبايل براحتي ولو عاوز ارجعه ابقى اكلم السوق فعملت كده غصب عني ولما فتحت الموبايل لقيته متبهدل وسوكت الشحن مش موجود وباعتنلي شاحن ديسك توب مع العلم انه لما عميل السوق كلمني اشترطت اني اعرف حاله السلعه وايه اللي معاها من الملحقات فكان الرد ان الموبايل حالته جيده جدا ومفيهوش اي غلطه ومعاه الشاحن الاصلي بتاعه وده طبعا كله كدب
انا الموبايل لسه جايلي امبارح ومش عارف اعمل ايه عشان ارجعه عشان بصراحه خساره الفلوس
ارجو من الاعضاء الكرام الافاده
وشكرا

رد: استفهام وارجو الافاده
 

ممكن اللينك بتاع المنتج علي سوف دوت كوم

رد: استفهام وارجو الافاده
 

السلام عليكم د.محمود اولا احب اوضح لحضرتك ان شركات الشحن بتوصل طرد وهى مش ليها ذنب فى الموقف ده لاانها من شروطه عدم فتح الطرد قبل دفع الفلوس وده متعارف عليه فى كل شركات الشحن انما بالنسبه للتليفون انت تقدر تكلم الراجل وتواجه بالحقيقه وتعرفه انه غشاش وهو وضميره ويوسفنى اقولك انه باعك شى غلط ومافيش اى دليل ولا يمكن ترجعه

رد: استفهام وارجو الافاده
 

رد: استفهام وارجو الافاده
 

يا باشا انا مش مشتريه من واحد انا مشتريه من موقع سوق دوت كووم والمفروض ان سيف باي بتحمي البائع والمشتري زي ما مكتوب في الموقع
يا استاذ هيما اللسلعه اول ما تحطها في عربه التسوق وتكمل اجرائات الشراء بتختفي من العرض ع العموم هي سوني اريكسون فيفاز
وشكرا ليكم ع الرد السريع

رد: استفهام وارجو الافاده
 

انت عندك علي الملف الشخصي بتاعك علي الموقع بينات البائع او الملف الشخصي بتاعو علي الموقع ممكن تجيبو من سلة المشتريات بتعتك

رد: استفهام وارجو الافاده
 

يا استاذ محمد ياقوت والله عارف اني غلطان بس انا اشتريت السلعه دي من ع الموقع بعد ما ناس قالولي ان موقع امن وممكن ترجع الموبايل وتدفع قيمه الشحن بس انا مش عارف ازاي وبعدين حضرتك انا في اسيوط ولقيت ان حكايه الشحن دي اسهلي وهو نصيب الواحد مش بيتعلم بالساهل بس اكيد في طريقه ارجعلهم بيه منتجهم ؟؟ّّ

رد: استفهام وارجو الافاده
 

ثواني يا استاذ هيما هشوف

رد: استفهام وارجو الافاده
 

http://egypt.souq.com/eg-ar/%D8%B3%D...D8%B2-68472/i/
هو ده يا استاذ هيما اللينك بتاع الشحنه

رد: استفهام وارجو الافاده
 

رد: استفهام وارجو الافاده
 

ايه يا جماعه محدش يعرف طريقه :(

رد: استفهام وارجو الافاده
 

انت قدامك 24 ساعة تبلغ فيهم والفلوووس هترجع ليك

رد: استفهام وارجو الافاده
 

باشا هو اللى فهمته من اللينك انك مش تقدر ترجع الحاجه هما بيقولو انه امن فى نقل الاموال بس هو كل اللى اقدر اقوله لحضرتك ربنا يعوض عليك لاانه واضح من صفحه الراجل انه تاجر موبيلات من شخص عادى ورجوع الموبيل صعب جدا جدا بس ممكن تكلم اداره السوق وتبلغهم ممكن يقدرو يتصرفو وتعمل محضر وهما يشهدو معاك لان ده اسمه غش تجارى وانت معاك اوراق واعلان بيثبت حاله التليفون والله واعلم

رد: استفهام وارجو الافاده
 

سوق.كوم سيف باي هو برنامج لحماية كل من البائع والمشتري يوفر بيئة تسوق آمنة عبر نظام سوق.كوم للدفع الآمن .
عندما يقوم المشتري باختيار السلعة التي يريد شراءها على سوق.كوم ويدفع باستخدام أي من طرق الدفع الآمنة المتوفرة ؛ يقوم سوق.كوم بحماية الدفعة وذلك بإيداعها في حساب البائع كدفعة معلقة .
بعد تأكد سوق.كوم من صحة عملية الدفع، يتم إرسال أمر الشحن للبائع ليقوم بشحن السلعة وتوصيلها للمشتري.
يقوم سوق.كوم بمتابعة الشحنة ويتأكد من استلامها من قبل المشتري، وعند قيام المشتري بتقييم البائع إيجابياً؛ يتم فوراً الإفراج عن المبلغ المعلق في حساب البائع ليحصل عليه بشكل كامل. وعلى المشتري الإبلاغ عن أية ملاحظات على السلعة خلال 24 ساعة لاتخاذ التدابير اللازمة في الوقت المناسب.
تعمل خدمة سوق.كوم سيف باي على حماية كافة فئات السلع، ما عدا الأثاث، والسيارات، والعقارات، وشاشات الـ lcd، والمجوهرات.
إذا قام المشتري بالشراء من البائع مباشرة خارج نظام سوق.كوم للدفع الآمن، لن تدخل العملية الشرائية في برنامج سوق.كوم سيف باي لحماية البائع والمشتري، ولن يضمن سوق.كوم صحة عملية الدفع أو مواصفات السلعة المباعة.

رد: استفهام وارجو الافاده
 

يعني ايه ده يا استاذ هيما ؟؟؟

رد: استفهام وارجو الافاده
 

انا بالفعل قدمت شكوى في حق البائع بس مش عارف ازاي ابلغ الاداره بكده ؟؟

رد: استفهام وارجو الافاده
 

http://egypt.souq.com/eg-ar/contact_us.php ده اللينك اللى هاتبع بيه ايمال للاداره

رد: استفهام وارجو الافاده
 

والله انا بعت شكوى في حق البائع وبعت ايميل للاداره وربنا يسهل
ومتشكر ليكم كلكم يا اخواني على الافاده

رد: استفهام وارجو الافاده
 

ممكن حد يفهمني اللي موجود هنا لو سمحتم انا عارف اني تقلت عليكم
http://egypt.souq.com/eg-ar/return-policy/c/

رد: استفهام وارجو الافاده
 

25260042كود الاتصال 02

داااا رقم خدمة العملاء للموقع

رد: استفهام وارجو الافاده
 

والله متشكر جدا ليكم يا احلى اعضاء وخاصه انت يا استاذ هيما معلش تعبتكم معايا وهما ردوا عليا ع الميل وده كان نص الرساله وان شاء الله خير

مرحبــاً محمود،
نحن نأسف لوجود شكوى على إحدى السلع، وقد تم فتح ملف هذه الشكوى على السلعة سوني اريكسون فيفاز .
بإمكانك متابعة التطورات على الشكوى التي قدمتها عن طريق الدخول إلى حسابك على سوق.كوم، وسوف يقوم البائع الذي اشتريت السلعة منه، بالرد على نموذج الشكاوي خلال أربعة أيام، سيتم إعلامك بالمستجدات من خلال البريد الإلكتروني.
في حال عدم التوصل إلى تفاهم مع البائع، بإمكانك تحويل المسألة بإبلاغ فريق خدمة المستخدمين للتوصل الى حل على الفور .

رد: استفهام وارجو الافاده
 

والله اللى انا فهمه انهم بيتكلمو عن الدفع الالكترونى اما فى حاله الشحن ودفع الفلوس لشكه التامين مش قايلين اى حاجه واستاذ ابراهيم كاتب رقم خدمه العملاء حضرتك كللمهم الصبح واحكلهم اللى حصل بالضبط