الصيد فى مصر - سؤال لإدارة المنتدى

طبعاً أنا عارف ان الموضوع هيتمسح حالاً

هو ينفع مشرف يمسح مشاركات الأعضاء لمجرد انها مش عجباة ؟؟

طيب ايه هي شروط المشاركة العادية عشان متتمسحش ؟؟
انها تكون محترمة لا تمس الأديان مفيش فيها سب أو اعتداء مبتتهمش حد بحاجة الخ الخ وأنا عارف الكلام دة
كويس لأني كنت مشرف في منتدى كبير

للناس الي هتقول ايه الي حصل

الي حصل اني كنت طالب حاجة من تاجر هنا في المنتدى واتصلت بيه قالي ابعتلي بياناتك عشان الشحن
فوراً بعتت البيانات,, أستنى يوم 2 ,3 أسبوع مفيش
بعتلة رسايل على الخاص مردش
وانسحب من الموضوع بدون أي سبب
دخلت على الموضوع الي عامل فيه العرض قلتلة كدة بالنص
ولو حد شايف ان كلامي فيه حاجة خارجة يقولي

""استاذ فلان لو حضرتك مش عايز تبيعلي قولي لكن مينفعش
التجاهل دة .. حضرتك حاطط عرض وأنا شاري ليه العطلة بقا ؟؟ ""

شوية والمشاركة اتمسحت

طيب ايه الخارج في مشاركة زي دي وليه تتمسح

انا مش بتكلم عن عدم رد التاجر انا بتكلم عن مسح المشاركة

أتمنى ألاقي رد من المشرفين مش مجرد مسح الموضوع