الصيد فى مصر - انهى احسن

البلي له مميزات انه اقوي بدون شك لو معموله طبه صح بس نشانه مش حلو , و الصوت مع الاصابه انسي اللي قدامك يقف و تكلفة استخدامه هي الطلقات بس و مستعد يشتغل في اي وقت يعني خزنتك مليانه 24 ساعه مش حيزعلك بس طبعا ممنوع و لو اتمسكت بيه قضيه و حبس , المسدس الرش هو تقريبا قانوني بس برده نرجع نقول انت في بلد كل ضابط فيها له تصرف يعني ممكن يتغتت عليك و تروح القسم و يتصادر او يتفرج عليه و يدهولك , المسدس الرش اضعف بكتيييير بس نشانه و مداه مع المحافظه علي النشان احسن من البلي و بيحتاج انبوبه غاز تمنها يبتدي من 5 جنيه اقل حاجه بتضرب بشكل معقول اقل من 40 رشه و بعد كده انسي الانبوبه بس مش حتقدر تسيب الانبوبه فيه فتره عشان حتبوظ الجلبه و حينفس و الانبوبه تفضي بس هو فيه ميزه انك ممكن يستخدم في الصيد او تلعب بيه و تنشن في اي مكان حتي في البيت و ساعتها مش حيكلفك كتير بعكس الصوت اللي بيضرب بلي اللي حيبقي صعب يتعمل بيه كده و الطلقه تقريبا ب7 جنيه و تقريبا الاتنين في نفس التمن , لو حتجيبه للبيت و مش حتطلع بيه يبقي بلي لو للتحرك بيه يبقي الرش و انت و حظك بس البلي في التحركات يعني قضيه وش الاعطال بالنسبه للصوت هي ولا حاجه تقريبا و لو حصلت حاجه قطع الغيار متوفره الي حد ما مش صعبه و مفيش عطل يخليك ترمي مسدس غير ان الجسم نفسه يتكسر غير كده كل الاجزاء بتتغير و حاول تجيب حاجه منتشره عشان تلاقي قطع غيارها , الرش عادي تلاقي جلبه بس ده اخرك معاه يعني لو باظت منك حاجه مهمه تقريبا مش حتلاقيها عشان المسدسات الرش مش منتشره في بلدنا , بالنسبه للانواع دي حتبقي حسب قدرتك تدفع كام