بستم خربان
 

البستم خربان هو مشقوق من تحت وملحوم لحام اي كلام ودة بيسبب تسرب للهواء وبتالي ضعفها الشديد وصوتها العالي انا كنت فاكر اول ما جبتها ان صوتها عالي دة يدل على قوتها اتضح العكس كمان الرش لما اضربة على المولة الخشب يدوب نص الرشة بس الي بيدخل في الخشب وكمان الجلبة بايظة وناشفة جدا
انا كنت عايز استفسر اشتري منين في المنصورة بستم او جلبة بس يكون حد غير الي جنب العصارة دة انا سمعت كتيييير انة نصاب ياريت افادة ضروري

رد: بستم خربان
 

مفيش ولا رد؟

رد: بستم خربان
 

ممكن صور بس للبستم يمكن حضرتك فاهم انه مشقوق غلط لأن في بساتم بتبقا ليها شق في النص من تحت المهم الجلبة تكون مش بتسرب هواء و ممكن تتأكد انك تنفخ في الماسورة و هي مقفولة بس المهم مايكونش بيسرب هواء من عند الناشنكاه و لو الهواء مكتوم يبقا تمام....في حاجة تانية ممكن تجربها زيت البندقية كويس اهم حاجة و فك السوستة و اكسر الماسورة و اضغط علي البستم من ورا و انت حاطط صباعك جامد علي فتحة خروج الهواء لو البستم مارضاش يتحرك بسبب الهواء مش راضي يخرج بسبب صباعك يبقا تمام و لو البستم مشي عادي يبقا فعلا في تسرب....ارجو ان اكو افدك ....و ياريت تحط صور ليه و لبندقية ايه كمان يمكن يكون الشق مصنوع كده

رد: بستم خربان
 

شكرا يباشا وانا عملت كدة فعلا واتضح ان الهواء بيخرج من مكان اللحام ذي ماقلت والجلبة ناااشفة وبتسرب فانا بردو مش عارف اجيبها منين في المنصورة

رد: بستم خربان
 

انا خلاص سديت الفتحة الي تحت كويس جدا ومعدش بيسرب كدة البستم تمام اما الجلبة هي المشكلة

رد: بستم خربان
 

عند الخراط واعمل جلبه تيفلون وهاتدعيلى ;) احسن من الجلبه اللى بتتباع ليها وغير السوسته بالمره لان شكل البندقيه دى متلصمه :( عشان يبيعها باى سعر- عرفت البندقيه دى لى كانت ب300 :) وحاول تشترى البستم باى ثمن عشان البندقيه من البنادق القويه - بس مش هاى باور طبعا

رد: بستم خربان
 

بص ممكن صوره للبندقيه والبستم بالتفصيل من جميع النواحى - من طريقه اللحام شكله معمول عموله لان مافيش بستم بالطول كدا بيتشق دى ماسوره وطبعا صاج لانه لاحم نحاس ولاحم ورده من الامام او حديده مدوره بنحاس بردوه داير داير باللحام حوالين البستم - صور واضحه ومكبره قدر الامكان

رد: بستم خربان
 

لا بلعكس البندقية حالتها جيدة جدا من الداخل مش متطلصمة خالص هي من الخارج الدبشك مبهدل شوية لانة في محل خراطة مكركب و كمان رامي البنادق بس انا عملتلة تموية بقا تحفة,,,,, هو فعلا عامل البستم دة بس عاملة اي كلام وهبل دة حتى شكلة معفن والسوستة قوية لسا ما ضعفتش المشكلة الوحيدة الجلبة البايظة

وانا هاخد بنصيحتك واشتري بستم باي ثمن بس هو يعملو كام عشان ميضحكش عليا؟

كمان اعمل ازاي الجلبة التيفلون؟؟

رد: بستم خربان
 

اتفضل يباشا

رد: بستم خربان
 

بص لو عاوز بستم انا برضه من المنصوره وعارف محل ممكن يبعلك بستم

هو في مشعل وهو راجل بتاع صيانه بنادق رش ومسدسات صوت

رد: بستم خربان
 

فين دة قولي
طيب اسعارة معقولة وبيفهم؟؟

رد: بستم خربان
 

الجلبه التيفلون عند الخراط تروحله بالبستم والجلبه وتعرفوا عشان يعملك مكان المسمار اللى رابطها - قصدى متلصمه مس انها خرده متلصمه يعنى مكروتها بالبلدى انا شفتها اول ماجبتها وباركتلك عليها النشان الخلفى مش بتاعها واديك شفت البستم والحاله من الصور من الداخل شكلها تمام مش وحشه هى ممكن تقف عليك فى حدود ال500 او 450 ودا سعر مناسب لها على فكره هو ادهالك ب300 لان عارف ان فيها مصاريف;) اوعى تضيع سوسته الزناد عشان غاليه ومابتتباعش;)

رد: بستم خربان
 

رد: بستم خربان
 

مين قال ان النشان الخلفي مش بتاعها؟؟؟

رد: بستم خربان
 

هو اسعاره عاديه وفي فصال معاه

هو فيه مشعل الي في الجلاء

رد: بستم خربان
 

طيب معلش اوصفلي مكانة بالمللي

رد: بستم خربان
 

بص يا سيدي انت هتركب تاكسي وتقوله نازلني مشعل الي في الجلاء

ولما تنزل عند مشعل

هتلاقي ادامك شارع يمين وشمال

ملكشي دعوه بيهم

هتلاقي ادامك مكان بتاع كاوتشات

هو المحل جمبهم بالظبط

رد: بستم خربان
 

روح كده وشوف ولو معرفتش تروحله انا ممكن اجي معاك

رد: بستم خربان
 

الف الف شكر ليك يباشا

رد: بستم خربان
 

معلشي يباشا هو انهي واحد بالظبط بتاع كاوتشات في مشعل في مشعل

رد: بستم خربان
 

انا :cool: نشان الشنجهاى يا حبيبى حديد ورفيع وله مدرج لتقديم وتاخير المسافه لكن البكره دى مش فى الشنجهاى الكسر ابدا ;)

رد: بستم خربان
 

هههههههههه طيب ماشي يا ابو :cool: انت باين عليك الخبرة ولكن مفيش مشكلة من الناشنكاة دة وبتهيالي كمان ان البكر احسن من المدرج

رد: بستم خربان
 

طيب انا نازل اشتري واحد متعرفش سعرة كام؟؟

رد: بستم خربان
 

مافيش حد خبره انا معايا 3 بنادق شنجهاى وعود نفسك يموت المعلم ولا يتعلم - اى نشان وخلاص المهم انه يبقى شغال ومضبوط كويس - وياريت ماتصطادش حيمامه صغيره وترميها زى ايام النبله;)

رد: بستم خربان
 

الله اعلم بس فى رنج ال100-150 والله اعلم - ماعرفتش تلاقيه اعمله عند خراط برده

رد: بستم خربان
 

يا ابن الايية انت فاكر ههههههههههههههههههههههههه بس انا مرمتهاش انا اكلتها لوحدي بس كان طعمها خرافي

رد: بستم خربان
 

:eek::eek::eek::eek::eek::eek::eek::eek::eek::eek: :eek::eek::eek::eek: نعم 100-150

شوف دة http://www.egypthunt.net/showthread.php?t=1335

رد: بستم خربان
 

الموضوع من سنه 2009 :) صح النوم - ايامها الرمسيس كانت ب250 جنيه جديده تقريبا - والزناد ب10 جنيه الزناد دلوقتى ب80 جنيه - بلاش ياسيدى الجلبه دلوقتى المصرى ب15جنيه

رد: بستم خربان
 

انا عندى 30 سنه على فكره;) وبالهناء والشفاء بس انا مابحبش اصطاد حاجه صغيره باستحرم:(

رد: بستم خربان
 

تعرف تقيس بالبوكوليس :confused: وانا اخليك تعملو ما يكلفش 10 جنيه حتى

رد: بستم خربان
 

لا للاسف زززززززززز

رد: بستم خربان
 

انا اتهبلت اول ما شفتها ونزلت جري جبت النبلة وهي شايفاني عادي عمال اتحرك واول ضربة ضربتها حفت فيها وماطارتش وتاني ضربة خبتت في الحديد الي واقفة علية وماطرتش بردة واخر واحدة فشفشت نفوخها

رد: بستم خربان
 

معلش يباشا انا اروح للخراط اقولة اية بالظبت عشان ميبوظش الحاجة؟؟

رد: بستم خربان
 

هايبوظ ايه ؟ دا هايعمل واحد على نفس المقاس بالظبط - وها يعمل الجلبه تيفلون على نفس مقاس الجلبه البايظه - اوعى حد يقولك اوسعلك البندقيه من جوه ويعملك بستم اكبر :eek: نفس المقاس وشوفه هايكلف كام - وشوفه هاتشتريه بكام - وكلمنى قبل ماتعمل حاجه عشان فى فكره رخيصه اقولك عليها

رد: بستم خربان
 

لو رحت للمحل الي في مشعل قولي عملت ايه

رد: بستم خربان
 

انا رحتلة بس كان قافل متعرفش الاسعار اية؟؟

رد: بستم خربان
 

طيب ما تقولي عليها دلوقتي

رد: بستم خربان
 

حاول تشتري جلبة اصلي من القاهرة حاتعملها من 30 ال 40 جنيه تقريبا في الحدود دي تقريبا و الله اعلم