|
انسحبوا كان الاسلكى بعيد والعسكرى مسمعش
1 مرفق
انسحبوا
كان الاسلكى بعيد والعسكرى مسمعش انسحبوا شوفوا العجب يا ولاد العسكرى مرجعش انسحبوا اطرش دا ولا صنم ارجع يا جندى بياده دخل العدوا العريش ارجع خلاص بزياده العسكرى سامع لكنه واد مجدع شال اربجيهه وضحك اشمعنا انا اللى ارجع وقف الزمن مذهول ساعتين بيشاهد الجندى قام كبر المدفع اتشاهد الدبابات ظهرت ارجع يا جندى نظام دا كان كلام القياده ودا برضوا وقت كلام وقف الولد ددبان ياساده يا سمعين صادهم كما الدبان محروس يا واد من العين الدبابات صفين اتفاجؤا وافترقوا على كتفه كان مدفع وعلى الجبين عرقه غطاء العفار النار ولا حد عاد شايف والدبابات بتهل ودا برضوا مش خايف الضحكه على وشه متقولش بيصيف ولسه الزمن واقف مبسوط ومتكيف الدبابات كترت والكتره غلابه والقلب لو مؤمن ولا الف دبابه هتقولوا مات الولد انا قولكم لاعاش ما الجنه ولا فيها موت ولا تدخل ببلاش. . . . . . . . . Ziko Arabic |
رد: انسحبوا كان الاسلكى بعيد والعسكرى مسمعش
قصيدة جميل فعلا للشاعر العظيم هشام الجخ تسلم يا باشا
|
رد: انسحبوا كان الاسلكى بعيد والعسكرى مسمعش
احلي تقييم ليك رائعه بجد
|
رد: انسحبوا كان الاسلكى بعيد والعسكرى مسمعش
حصلت فعلا القصيده دى فى معركة راس العش فى 67 بقيادة العقيد كمال حسن على(اخر منصب له كان رئيس وزراء مصر) ونجح فى صد الهجوم ومنع الدبابات من الاستيلاء على الارض وانسحبوا من قدام رجالته بس القياده فى القاهره اصرت انه ينسحب لأن ماكانش فى غطاء جوى يحميه
|
رد: انسحبوا كان الاسلكى بعيد والعسكرى مسمعش
روعة بكل معنى وتمس القلب ....انا اول مرة اسمعها شكرا اخى على مشاركتنا اياها
واحلى تقييم |
رد: انسحبوا كان الاسلكى بعيد والعسكرى مسمعش
تسلم ايدك وشكرا علي المجهود
|
| الساعة الآن 10:56 PM |
Powered by vBulletin® Copyright ©2000 - 2026, Jelsoft Enterprises Ltd. TranZ By
Almuhajir