السباحه و النشان
 

السلام عليكم ورحمه الله وبركاته ياجماعه هوا تعليم السباحه بياخد فتره اد ايه وبالنسبه للنشان موضوع ان الايد بتتهز والواحد بينشن دي بتروح لوحدها ولا بكثره التمرين وشكرا

رد: السباحه و النشان
 

السباحة على حسب السن والرغبة وخبرة المدرب والحد الأدنى يوم واحد وتكون بتعرف تعوم مش بطل سباحة بس تتعلم تمشى حالك ومتغرقش. بالنسبة للاهتزاز أكتم نفسك لحظة عصر التتك.

رد: السباحه و النشان
 

بالنسبه للنشان كتم النفس لازم يكون بعض استنشاق نفس عميق وافراغة بعد ذلك يتم كتم النفس لان كتم النفس بعد الشهيق يجعل جسم الانسان مثل البالون ويحدث اهتزاز لازم ولابد ان يكون كتم النفس بعد الزفيررررررر

رد: السباحه و النشان
 

عملت كده ولسه برده بتتهز وانا بنشن بمسدس ايه الحل بقي

رد: السباحه و النشان
 

بص ياسديى العبد لله اول متلم العوم كنت لوحدى و فى ميو النيل كان فريبى يرمين فى وسط النيل و انا مع نفسى لحد معف اذاى اعوم و دة طبعاً اخد وقت كبير جداً علشان مية تقيلة و لوحدة اما لو الشخص صغير هيستوعب ببساطة تمام اما النشان للاسف مليش فية و السلام عليكم

رد: السباحه و النشان
 

هو اية التتك دة

رد: السباحه و النشان
 

طيب وبالنسبه للنشان ياجماعه

رد: السباحه و النشان
 

تمسك البندقية فى وضع الرماية وتنشن على حاجة صغيرة زى مفتاح الكهرباء او غطاء زجاجة (بدون ضرب )وتمسك ستوب ووتش وتحسب لنفسك اكبر وقت تقدر تمسك فية البندقية اول مرة حاول تعدى نصف دقيقة ومع التمرين هيزيد الوقت
هتعمل التمرين دة مرتين او تلاتة فى اليوم على الاقل
التمرين دة هيخلي ايديك فيها ثبات جامد

رد: السباحه و النشان
 

افرد دراعك قدامك ومد صوابعك على الاخر وهى مقفولة كأنك بتحاول تلمس كتاف واحد واقف قدامك وبص على ايدك لو مش عارف تثبت صوابعك وتبتتهز غصب عنك يبقى محتاج استشارة طبية اعصاب

رد: السباحه و النشان
 

التتك هو الى البعض بيسميه الزناد

رد: السباحه و النشان
 

بص هو مفيش حد ايده مبتتهزش التمرين حيحسن الموضوع بس برده حتبقي بتتهز الصياعه في النشان انك تضرب في الوقت اللي ايدك بتبقي فيه علي الهدف اثناء الاهتزاز و انا بيتهيالي ان السبب في اللي بيحصلك ده انك ماسك البندقيه جامد عاصرها في ايدك و في كتفك جامد حاول تمسكها علي خفيف خالص بايدك اللي علي الزناد و الايد التانيه شبه مفتوحه و البندقيه قاعده عليها مش ممسوكه و جرب اكتر من وضعيه انا عن نفسي ببقي بضرب ساند كوعي في جنبي و مقعد البندقيه علي كفي مش ماسكها و الحمد لله شغال كويس و علي فكره الاجهاد و شرب السجاير و القهوه بيعمل الرعشه دي جامد جرب اضرب الصبح بدري و انت لسه صاحي من النوم و جسمك مرتاح قبل القهوه و السجاير و اتفرج حتبقي مرتاح ازاي و مسكة البندقيه دي بتختلف بين الناس مش مشكله ان مسكتك تبقي غريبه بس نشانك صح

رد: السباحه و النشان
 

انا اولا بنشن بمسدس ثانيا هيا مش بتتهز اوي يعني بس برده بتتهز فبكتره التمريت دا مابيروحش

رد: السباحه و النشان
 

النشان بالمسدس اسهل في حاجات و اصعب في حاجات اسهل عشان مفيش وزن و المسافه بين النشنكاه الخلفي و السن الامامي صغيره و حتجمع اسرع و اسهل بس اصعب عشان انت لازم ايدك تبقي مفروده و انت بتدوس علي الزناد حيرمي معاك النشان يمين عموما موضوع رعشة الايد ده بيبقي زياده عند ناس اكتر من ناس و انت حلك تتمرن و تاخد علي المسدس اكتر و في فيتامين بي 6 و بي 12 ده كويس جدا للاعصاب و حيحسن الرعشه دي شويه بأذن الله

رد: السباحه و النشان
 

هيا مش بتتهز ازي انا لنشن علي ورق نشان الي هوا دواير فامش بتتهز اوي بس حاجه بسيطه فكت عاوز اعرف السبب من ايه بس انا متأكد انه مش ضعف اعصاب

رد: السباحه و النشان
 

النشان اول شىء لو ماسك طبنجه او بندقيه لازم تحس بيها انها جزء منك
خلينا فى الطبنجه امسك الطبنجه برفق لا تمسكها بقوه حتى لاتهتز فى يدك
ثانيا اهم شىء تدريبك على تطابق فتحه الشيز الخلفه مع سن نمله الدبانه الاماميه (يجب التدريب على التطابق السن الامامى يملىء فراغ الفتحه الخلفيه ويكون متساوى)
تحدد الهدف المراد اصابته وتبدأ التصويب والاهم الاهم ان لا تشد التتك مره واحد لان ده اكثر واكبر خطأ يقع فيه الرامى
يجب عسر التتك يعنى تسحبه بتدريج بسيط ولا تتوقع خروج الطلقه حتى لايحدث لك رد فعل عكسى ولو طبقت ماقلته لك اصابتك ان شاء الله ستكون فى مكانها يعنى الطلقه فى السواده (10)

رد: السباحه و النشان
 

صعوبه الطبنجه فى النشان عن البندقيه ان ماسوره الطبنجه قصيره واى اهتزاز بسيط فيها بيكون مؤثر عن ماسوره البندقيه الطويله

مع التمرين وتوافق كتم النفس (لا تطول كتم نفسك) مع تنفيذ قاعده التنشين السابقه مع عسر التتك كما قلت لك ان شاء الله كل شىء يكون تمام