مصنع الحلوان والمأساة الكبري
 

السلام عليكم وكل عام وانتم بخير.....دايخ السبع دوخات علشان التصريح قرب يخلص وكنت نزلت اجازة قبل رمضان مباشرة علشان الحق اشتري بدل ما اجدد التصريح تاني قولت خلاص اشتري حلوان جديدة وخلاص وهنا كانت الطامة الكبري الكارثة فى مصنع الحلوان نفسة..اني ذهبت بتصريح الشراء الي هناك وروحت لموظف التسويق اللي بيفرجك على عينة السلاح فى اوضة ولا عشة الفراخ وفيها تليفون اسود من ابو قرص.... فرجني الموظف على ال 910 وال 980 والمفاجأة ان سعر ال 910 ب 26500 جنية وال 980 ب 38600 جنية..والله العظيم دي الاسعار....المهم قلت ما قداميش حل غيرة وخلاص وخصوصا ان والدى واخويا معاهم حلوان 51 القديم بس تحفة بصراحة...طلبت من الموظف يبجيبلي السلاح الجديد اللي هاشترية فى علبتة علشان اشوفة هو..واليكم الملاحظات التالية:-
1- السلاح والله العظيم مصدي وخاصة عند مكان شد الاجزاء
2- يوجد رايش وبروز عند خرم مسمار مقبض المسدس
3- ماسورة زبالة وحاجة تقرف دة غير ان الخامة شبة الكرتون المضغوط كدة
ومش قادر اكمل لاني قربت ولا مؤاخذة ارجع..طبعا انا انفعلت على الموظف جدا وقلتلة اية القرف اللي انت جايبة وجايبلي فرز عاشر علشان ادفع فى حتة ماتساويش 100 جنية ادفع فيها دم قلبي وسيبتهم ومشيت ولسة بدور.....حاجة تحزن والله العظيم

Re: مصنع الحلوان والمأساة الكبري
 

والله ماكانو لاقيين يبيعو منها للة الثورة

رد: مصنع الحلوان والمأساة الكبري
 

الكلام ده غريب قوى لازم تروح شركة المعادى للصناعات الهندسية وتقدم شكوى

رد: مصنع الحلوان والمأساة الكبري
 

ماهو انا ياباشا كنت فى الشركة زي ماحكيت لحضرتك بالظبط(( شركة المعادي للصناعات الهندسية)))...تدخل الاول عند اوضة الامن بعد البوابة على الشمال يشوفو التصريح وبعدين يبعتوك عند الاخ اللي بيوريك حتة السلاح كعينة الاول فى اوضة اول حاجة لفت نظري ليها التليفون الاسود ابو قرص مش عارف لية....بس عارف..انت سخنتني وانا نازل اجازة تاني بعد العيد مباشرة وهاروح اعملهم باللو هناك

رد: مصنع الحلوان والمأساة الكبري
 

حسبى الله و نعمه الوكيل

رد: مصنع الحلوان والمأساة الكبري
 

دة الواحد يبيع الدنشواي ب 30 الف علي الوضع ده

رد: مصنع الحلوان والمأساة الكبري
 

*****************

رد: مصنع الحلوان والمأساة الكبري
 

وعليكم السلام ورحمة الله وبركاتة......وبرد علي حضرتك بما يلي:-
1- لا في حلوان 910 وممكن سيادتك تسأل بنفسك فى المصنع
2-لا فى ان السلاح اللي شوفتة مصدي من عند منطقة شد الاجزاء بالتحديد
3- ومعرض شركة المعادي زي ماوصفت لسيادتك بالظبط ثم انة دة مش معرض دة موظف فى اوضة ملحق بيها اوضة تانية وبكراسي خشب كمان وكانت هاتقطع البنطلون والموظف دة قاعد بكرتونة فيها عينات السلاح وعملية مقبول ولا لأ دى عملية ازواق لان دى مش خدمة بتتقدم لسلاح بيدفع فية متوسط 30000 جنية وهو مايستاهلش 100 جنية اصلا
4- انا ماقولتش على الاطلاق اني اخدت السلاح ومشيت محصلش.. وراجع سيادتك كويس اللي انا كاتبة..والموظف قبل مايجيبلي السلاح اللي انا هاشترية بقي(( مش العينة )) قالي هاتروح ببصمة السلاح مع الجواب اللي هاخدة من قسم التسويق اللي فى الدور التاني (( اللي انا مطلعتوش اصلا)) لاني مشيت من تحت من الاوضة اللي اتفرجت فيها على عينة السلاح وقالي هاتروح بية العباسية عند كلية الشرطة القديمة ومش فاكر قالي هايدونى جواب تاني وبعدين اطلع بية على القسم
5- ودة الاهم..مافيش اي سبب يخليني اكذب أو أألف اي كلام وافتري على الناس بالكذب

ولو ان سيادتك اتهمتني بالكذب ضمنيا ولكني مسامحك وكل عام وانت والاسرة الكريمة بكل خير

رد: مصنع الحلوان والمأساة الكبري
 

حسبى الله و نعمه الوكيل فى من هوى قائم على المصانع الحربيه

رد: مصنع الحلوان والمأساة الكبري
 

فعلا انا رحت قبل ما اشتري وحصل ده معايه ونفس المواصفات اللي حضرتك كاتبها والمصنع اصلا كله بيفكرني بأفلام الاربعينات مصنع عاوز يتولع فيه والمشكله انهم بيعملو حاجات كويسه شويه للتصدير بس انا ربنا كرمني واشتريت واحده انتاج 98 جديده من واحد محترم هنا في المنتدى وحلوه جدا جدا غير اللي شفته في المصنع وعند فتح الله بس 920 مش 910 لأن ال910 ده جديد

رد: مصنع الحلوان والمأساة الكبري
 

يعنى معنى كيدا ان هما عندهم كمية كبيرة لدرجة انها صدت ومع ذلك بيرفعوا الاسعار

رد: مصنع الحلوان والمأساة الكبري
 

حاجة تحزن والله يا معالي الباشا ومبروك عليك وربنا يكفيك شرها يارب..وعقبالي انا دايخ والله ...والموظف اللي فرجني عليها قالي 910 ....وخلي بالك انا لا انا فاهم اية 910 ولا 20 ولا 928028.....بس انت شوفت التليفون الاسود؟؟!!! اصلة عاجبني بصراحة..هههههههههههههه..كل سنة وسيادتك بخير

رد: مصنع الحلوان والمأساة الكبري
 

اذا كانت الاسعار هكذا يبقى الsig sauerبكام

رد: مصنع الحلوان والمأساة الكبري
 

بصراحه ملفت جدا للنظر واللي يجنن انه شغال والراجل بيتكلم فيه
العجيب بقى فين معارض الانتاج الحربي اللي تليق بأسم قطاع عريق زي ده ؟؟؟؟
وربنا يوفقك وتلاقي حاجه كويسه

رد: مصنع الحلوان والمأساة الكبري
 

طيب كان عندي سؤال يا باشا الحلوان 910 دة شكله إيه ؟
لاني إشتريت من فترة حلوان وقاللي التاجر إن دة 910 ولاقيت كل اللي في المنتدى طلعو فيا وقالو إن مافيش حاجة إسمها 910 ؟؟؟؟؟؟؟؟؟؟ أرجو الإفادة
وكل عيد فطر والجميع بخير

رد: مصنع الحلوان والمأساة الكبري
 

انتو الادري يا ياباشا لانكم خبراء السوق والاسلحة..انا مجرد باحث عن حتة سلاح على رخصة وحبيت انقل تجربة حصلت لي ...وليس لدي اي تفسير لما يحدث فى ذلك المصنع..بس هاروح تاني وهاتفرج تاني..وهاصور المرة دى..وهاعمل شكوي زي مانصحنى احد اعضاء المنتدي المحترمين ..يارب الاقي حاجة بقي لان الوقت اصلا خلاص والتصريح هايخلص يوم 10 سبتمبر ودة التجديد كمان..ربنا ييسر الحال

رد: مصنع الحلوان والمأساة الكبري
 

والله ياباشا قالي 910 ...ولان اخويا ووالدي عندهم حلوان 51 القديم ...فهو هو نفس الشكل ونفس عدد الطلقات 8 ونفس المواصفات على حسب ماقلي اخويا وهو مستشار لاني مش خبير فى السلاح....بس شتاااااان بين اللي معاهم وبين اللي انا شوفتة..حاجة تعبااانة جدا جدا جدا

رد: مصنع الحلوان والمأساة الكبري
 

يا صديقي العزيز أنا أيضآ في سلك القضاء ومعايا حلوان إنتاج 1988 بس حاجة محترمة جدآ هو شكل الحلوان العادي بس أخف منه شوية وهو نصف نيكل والخزنة نيكل ....... بس سؤالي اللي إنت شوفته كانت مواصفاته كدة ؟؟؟

رد: مصنع الحلوان والمأساة الكبري
 

لا ياباشا ماكنش كدة..عادي خالص...مش نيكل ...لونة اسود جربان شوية..يعني اعتبرة رصاصي كدة..ومن مادة غريبة وبالذات عند منطقة مقبض الطبنجة..لدرجة اني حسيت انها من الكرتون المضغوط او برادة حديد مضغوطة...والاهم الماسورة بقي..اخويا قالي ان الماسورة دى هاتنفخ لو جربوها بطلقة حامية شوية (( خلي بالك هو حاول يشرح لي طبعا ولا الهوا..ههههههه))..ودة غير بقي الحلوان ال 51 اللي معاه ..لونها اسود اسود فحمة وحاجة صلب كدة وزي الفل اشتراها فى 98 لما كان لسة فى النيابة

رد: مصنع الحلوان والمأساة الكبري
 

على راى كوكاكولا

حلوان احزن أأأأ قصدى افرح

رد: مصنع الحلوان والمأساة الكبري
 

لك الله يا مصر

رد: مصنع الحلوان والمأساة الكبري
 

الحلوان باظ بعد ابو غزالة و بعد الثورة بقى انتاج ردىء و زبالة - اتوقع تغييرات جذرية الفترة القادمة فى ا?نتاج الحربى - فى طبنجة توكاريف فى سوق المنتدى افضل من اى طبنجة حلوان و بنفس متوسط السعر و انا شخصيا كان معايا حلوان و بدلتها بالتوكاريف ?نها افضل فى كل شىء - الحلوان الجديد حرام فيه الفلوس

رد: مصنع الحلوان والمأساة الكبري
 

حسبنا الله و نعم الوكيل... بقالي 10 سنين جاتلي اكتر من 20 فرصه سفر..و لكني متمسك بالبلد دي و مش عايز اسيبها و لكن بفكر الناس و الانهيار الاخلاقي و الاجتماعي الي احنا عايشينو.... بفكر اراجع نفسي.... و فعلا لكي الله يا مصر

رد: مصنع الحلوان والمأساة الكبري
 

اه لازمه اتهام الناس بالكدب بدون دليل انا بضايق اوي من الاسلوب ده ياريت تغيروا الاسلوب االغريب ده مش معقوله يعني كل مواحد يروح مكان يعد يصور المكان ويصور الحاجه الي اتفرج عليها عشان حضرتك تصدق وبعدين ياريت تسئل قبل ما تتهم حد فيه حلوان 910 ومصنع المعدي سئ ولا مقبول ولا نيله وعادي ان السلاح يصدي من سوء التخزين ياريت انت تراجع كلامك وتعتذر للراجل

رد: مصنع الحلوان والمأساة الكبري
 

انا مع الاستاذ نيل مان في موضوع التوكاروف ده طبنجه ممتازه زات اعتماديه عاليه ولغايه دلوقتي لسه في جيوش بتستخدمها في تسليحها لو ربنا كتبهالك مش هتندم لحظه انك اشترتها وفي رئي الشخصي عيارها اقوي من ال9 ملم

رد: مصنع الحلوان والمأساة الكبري
 

معالي الباشا اشكرك على احترامك وزوقك..انا فعلا اتفقت مع الاستاذ يوسف صاحب التيكاروف اشوف السلاح لما انزل الاجازة بعد العيد على طول ان شاء الله...بس في ناس حذروني من موضوع العيار بتاعها..راي سيادتك اية؟ وكل عام وسيادتك والاسرة الكريمة بكل خير

رد: مصنع الحلوان والمأساة الكبري
 

رد: مصنع الحلوان والمأساة الكبري
 

طب يا باشا لو قدامك حاجة ياريت تدلني عليها اكون شاكر فضلك جدا..وبدعيلك مقدما وكفاية زوقك واحترامك

رد: مصنع الحلوان والمأساة الكبري
 

على فكرة انا مقولتش انة بيكدب بس هو مبالغ شوية واسلوب حضرتك معايا مش كويس وال يحب يتكلم فى تعديل اسلوب عضو يكلمة على الخاص مش العام
واشكر حضرتك

رد: مصنع الحلوان والمأساة الكبري
 

وهو سيادتك اما اتهمتني بالكذب كنت كلمتني على الخاص؟؟!!!!!! ومش من حقك تقول مبالغ ولا لأ.....انا عرضت معلومة وانا صادق فيها تماما ويعلم الله هذا..يا تعلق حضرتك عليها فى حدود المعلومات الموثوق منها والاحترام المتبادل بدون تجريح يا اما لا تشارك من الاساس لو الكلام مش عاجبك....اسال الله لي و لك الهداية..وكل عام وسيادتك بخير للمرة التانية ولو انك ماردتش التهنئة فى المرة الاولي....ممكن ترد بقي التهنئة المرة دى ومش خناقة هي..كلنا اخوة

رد: مصنع الحلوان والمأساة الكبري
 

اولا كل سنه وحضرتك طيب يا استاذ هشام والاسره الكريمه بخير باذن الله بالنسبه للعيار هوه فعلا مش متوفر بكثره بس موجود مش منعدم تماما وبالنسبه لموضوع الطلق بيبقا علي حسب استخدامك للسلاح لو هتستخدمه للرمايه يبقا حتاج طلق كتير في الحاله ديه يبقا الافضل انك تجيب حاجه 9 ملي اما لو حتستخدمه للحمايه فقط انا اعرف ناس بتعد بالسنه مبتستهلكش علبه طلق صغيره الي هيا 25 طلقه فا بالطريقه ديه مش هتفرق معاك توفر العيار من عدمه لانك ممكن تخلي الي هيجبهولك يجبلك 200 طلقه مثلا دول هيعدوا معاك فتره طويله جدا وفي ناس هنا في المنتدي بتوفر اي كميه من الطلقات شرط وجود تصريح بيهم بس الطبنجه التوكاروف الصراحه انا بحترمها جدا كفايه انك هيبقا معاك طبنجه مصنفه علي انها طبنجه حربيه وربنا يوفقك لما فيه الخير انشاء الله

رد: مصنع الحلوان والمأساة الكبري
 

يا فندم انا بعتذر لو اسلوبي دايئق حضرتك بس برده التشكيك في كلام احد الاعضاء حاجه مش كويسه ولازم يترد عليها خاصه لما يبقا الكلام منطقي ومفهوش مبالغات ولو مش عاجب حضرتك الكلام كنت ممكن زي ما بتقول تبعتله علي الخاص مش علي العام وعامه كل سنه وانت طيب

رد: مصنع الحلوان والمأساة الكبري
 

السلام عليكم ورحمة الله وبركاتة
الرجاء العلم ان كل ما ذكر مضبوط، وانا اشتريت للأسف ال910 و خزنة إضافية و اتمشورت مابين المكاتب البعيدة عن بعد بتاعت الاربعينات دى و شوفت التليفونات ام قرص :) .
و فعلا الفنش بتاع المسدس سىء جداً و الخزنة بتعلاء و بتحشر الطلقات حتى بعد ما رحت اصلحها و قالولى دى تمام.
انشاء الله حروح ابدلها بس المشوار فعلا غلس

رد: مصنع الحلوان والمأساة الكبري
 

يا جماعة دى مصيبة للصناعة الوطنية
مش ممكن نسكت على كدة
لازم حضرتك تقدم شكوى وتتابعها كمان حتى لو و صلت لوزير الدفاع والانتاج الحربى

رد: مصنع الحلوان والمأساة الكبري
 

رد: مصنع الحلوان والمأساة الكبري
 

اشكر مرور الجميع وانا ان شاء الله هاروح تاني وها بلغكم جميعا بما تم بمشيئة الله......أحبكم فى الله

رد: مصنع الحلوان والمأساة الكبري
 

السلام عليكم...انا فعلا مع الاخ المحترم بان مستوي المصنع الحربي سئ جدا لغاية وبجد حاجة تكسف...والمنتج لا يتناسب مع ارتفاع سعره للدرجة دي.
بس فلا هوا فيه حلوان 910 وهوا شبه الحلوان القديم كتير وبردو 9 طلقات..بس انا اشتريتو فعلا من المصنع ف شهر 12/2011
وكانت مشكلتي معاه هية طبقة النيكل وكانت سيئة جدا وكتبت شكوي لرئيس مجلس الادارة وفعلا نكلولي المسدس مرة تانية واخدت عليه ضمان سنة علي النيكل
لكن من ناحية اداء الطبنجة فهوا ممتاز جدا ورد الفعل بتاعها بسيط مش زي القديمة وكمان عاملين تعديل علي جانبي الماسورة عشان متسخنش ...شكرا وتقبلوا مروري

رد: مصنع الحلوان والمأساة الكبري
 

طبعاً عشان الاسعار تعلي وتغلي مدام الي في المصنع سعره كده يبقي التجار الي بره يبيعوه بكام ؟؟؟؟؟؟؟؟؟؟؟؟؟؟؟
وتقبل مروري