|
ليه السلاح حلم للمصريين
السلام عليكم ورحمه الله وبركاته
عاوز افضفض معاكم بخواطر عندي بخصوص تحكمات الدولة فى اقتناء السلاح ليه خطوات اقتناء سلاح صعبه كده فى البلد ليه مش تكون رخصه السلاح زي رخصه قياده العربيات من حق من يطلبها طبعا كلنا عارفين كل العراقيل انك لازم يبقي عندك مبررات واملاك بكذا و اشتراطات طب انا عايز اشيل سلاح وابقي مسئول عن سلاح ليه ياحكومه تمنعيني مع اني لائق طبياً وجسمانياً ونفسياً ما ممكن لو عاوز اشيل اشيل من غير رخصه بمبدأ الممنوع مرغوب ولو ربنا كرمنا بالوساطه وبالمعارف طلع التصريح ايه الاسعار الخزعبليه دي معقول الشرعي اغلى من المخالف وبعد ده اسمع انك بتحاسبني عن عدد الطلقات اللي بستعملها في السنه ( ليك فيها دي ايه) ما تحاسبني على الهوا الكيلومترات اللى السلاح مشيها معايا كمان وفى الاخر لما اموت تقول نرجع المسدس طب فرضا ان المسدس له قيمه عند اولادي و مثلا اعوذ بالله اكون عرفت فى حياتي اني اشتري مسدس جميل بالاسعار الخزعبليه بتاعتكم دي ليه مش يتنقل لاحد الورثة ده بفرض انكم لا قدر الله بتسهلوا اجراءات التراخيص بدل ما يتباع باي ثمن طب انا دلوقتي مش معايا الامكانيات اللي تحقق لي ده كله وحبي للسلاح موجود نوادي الرماية مش منتشرة ليه وليه اشتراكتها بالشكل ده من اللي اعرفه ان فيه ناس اعراب مصريين في بعض المناطق بيعدوا علي كماين بعربياتهم المتفيمه سوبر دارك ومش عليها نمر كمان ولا حد يوقفهم ولايقدروا ومعروف ان مفيش حد منهم بيمشي من غير سلاح هنرجع نقول لو عملنا كده هيبقي الشوارع حمامات دم طب ليه نفترض اسوأ حاجه مش لو سهلتوا الترخيص ايوه هيكون في اقبال و الترخيص لازم معاه دورات تدريبية والمتقدم يعديها بتقديرات ( ممكن هنا يكون شبهه فساد وواسطه) وتغلظوا عقوبة السلاح المخالف وتشغلوا المصانع بتاعكم و تخلوا فلوس البلد فيها شكلي بحلم صح؟ معلش مخنوق من الحال وقول افضفض معاكم |
رد: ليه السلاح حلم للمصريين
معلش يا باشا .. هوا ده حال البلد ومش هيتعدل الا بمعجزة ..
|
رد: ليه السلاح حلم للمصريين
والحال من بعضه ياصاحبي
ده همي وهمك واحد يا باشا |
رد: ليه السلاح حلم للمصريين
كلنا نفسنا نمتلك سلاح بغرض الدفاع عن النفس بردوه صدقنى بس ما باليد حيلة
لما قالو عم مرسى مشا الحرامية المشير وعنان قلنا الدنيا هتبقى زى الفل طلعت بصل زى ماهى |
رد: ليه السلاح حلم للمصريين
تعرف تقول الجملة دى ورايا يبقى انته اكيد اكيد فى مصر دى الاجابة معلش اما كناش احنا نستحمل مصر مين يستحملها امريكا ده قدر العظماء
|
رد: ليه السلاح حلم للمصريين
كلامك فعلا صح
انا واحد من الناس نفسى ارخص سلاح ومقدرش طبعا لانى فى افراد من عائلتى الكبيره عليهم قواضى ومتطر انى اشيل اسلحه غير مرخصه ولكنى مش بستعملها فى المشى |
رد: ليه السلاح حلم للمصريين
بص حضرتك الفكرة و ما فيها مش ف السلاح .. الفكرة و مربط الفرص ف الاشخاص هتقولي ازاي .. اقولك واشرحلك كمان . بص يا سيدي
الاشخاص و مدار 30 سنة اتنوعوا ب اخلاقهم و افكارهم ف ظهر كتير بلطجية و كتير اصحاب افكار متعصبة متعطشة لجر الشكل لاتفة الاسباب و كمان عدم احترام الغير و عد القناعة و انعدام الاصول و الاخلاق و زيادة العظمة والكبرياء و دة يتمثل ف حياتك وحياتك ف الامثلة الاتية . واحد ماشي مخالف ف الشارع قام اتخانق مع اللي ماشي صح مع انة غلطان واحد عاكس واحدة ف الشارع قامت خناقة واحد قتل بهدف السرقة و غيرة ب هدف الطار و ال خ الخ واحد قتل واحد ف الشارع عشان اتخانقوا لسبب تافة ف ازاي يكلموا كدة هو مش عارف هو ابن مين و هكذا دواليك .. ف لو الحكومة سهلت استخراج التراخيص هتلاقي كل الناس شايلة سلاح و كل الناس بتستخدمة و تقتل ف بعضها الا ما رحم ربك زي و زيك و زي ناس كتير ف المنتدي محترمين و ولاد ناس و هدفهم الحماية فقط ولا بيجروا شكل و بتوع خناقات ابسط مثال امريكا .. امريكا مسهلة عملية الاتجار و الاقتناء بصورة مبالغ فيها لدرجة انك ممكن تلاقي واحد مقتني مدفع رشاش عيار ثقيل ف البيت و قناصات بتتباع عادي و ف المحلات الامريكية كل انواع الرشاشات و القناصات و المدافع الرشاشة يعني من اول اللبس المموة لحد الطلقة العيار التقيل ف المقابل شوف كمية العصابات المسلحة اللي هناك و اعمال القتل و التخريب اللي علي سبيل المثال ف مدينة شيكاغو .. الشوارع بتفضي من بعد الساعة 10 تقريبا اتمني تكون وجهة نظري وصلت .. و انا واحد زيكم بالظبط نفسي اقتني سلاح للحماية والهواية لكن دة وضعنا |
رد: ليه السلاح حلم للمصريين
انا اتمنى طبعا اني اشيل سلاح حي مترخص و اني امشي قانوني
بس المش مترخص ارخص بكتير و ناس كتير شايلاه انا دلوقت ببات في المحل بتاعنا عشان المحلات بتتسرق بخلي معايا الصوت وشكينه عشان لو المحل اتفسخ عليا تفتكرو لو الي فسخ المحل اتنين ثلاثه باوالي هعمل انا ايه ظ انا عن نفسي مش هموت لوحدي وعليا و على اعدائي |
رد: ليه السلاح حلم للمصريين
ممكن توضح اكثر موضوع عدد الطلقات خلال السنة وكام طلقة وكيفية السيطرة ان المرخص له سلاح لا يستعمل اكثر من هذا .. يعى توضيح النقطة دى بالكامل وشكرا
|
رد: ليه السلاح حلم للمصريين
كنت سمعت من محل الاسلحه الوحيد عندنا ان الرخصه الواحده ليها عدد طلقات تنصرف له فى السنه
وعلشان المعلومه مش متأكد منها كاتب اني سمعت |
رد: ليه السلاح حلم للمصريين
اقتباس:
بس ماشي الرخصه تبقي متاحه للي عاوزها و زي رخصه القياده في اشتراطات معينه تحكم الاستخدام ان تم تسجيل المخالفة عدد مرات تسحب الرخصه ولا تجدد مثال ان الناس اللى بتتخانق فى الشوارع ما برضه حصل ومن غير اسلحه ناس دخلت فى عربيات بعض عند وكملت سكتها ومشيت وممكن باقرب حاجه لايده تبقى سلاح بس لو السلاح اللي معاه مرخص باسمه وعارف ان لو حصل منه تجاوز هيتسجل عليه ويبقى في ملف الرخصه اكيد هيفكر ميت مره ليه حكومتنا محسسانا انها هتدينا حته من القنبله الذرية ده السلاح (المبارزة وخلافه) من ايام الجزيرة العربية ومن زمان و مكنش بيت يخلى من سيف لصاحب البيت السلاح جزء من التاريخ وكمان جزء من الثقافه ولازم نرجع نفكر نفسنا ونتعلم ثقافة حمل السلاح والالمام بالمهارات اللازمه ولا الحكومه عاوزه علاقتنا بالسلاح تبقى في البلاي ستيشن بس |
رد: ليه السلاح حلم للمصريين
اقتباس:
عدا تكساس و نيفادا تسجيل فقط والغالب غير مسجل -- ولايات اطلاق النار The states of shooting اولا دول 300 مليون نسمة فحجم الجريمة عندنا اقل بكتير طبيعي الجريمة المنظمة هناك مابتشتريش من المحلات بتشتري من السوق السوداء لتجنب التسجيل في اسلحة مجرم بيعها فعلا ... وجميع انواع الطلقات الخارقة للدروع بيقفلو من الساعة 10 طبعا وعاوز الصراحة هما الي صح واحنا الي متخلفين مع الاسف ده مش شطارة ان احنا بنفضل شغاليين لحد الصبح الناس يومها هناك بيبتدي الساعة 530 الصبح يوميا فطار - رياضة - الشغل - مدرسة - كلية يرجع الساعة 3 يمارس حياته وهواياته والعشاء الساعة 8 الماتشات الساعة 9 الساعة 10 او 11 بيكونو فالسرير ده عيب عندنا مش ميزة .. والي يقولك اصل الليل عندهم خطر ... خطر علشان الناس بتنام بادري واحنا عندنا كدة في مناطق فمصر كتير اوي ومحترمة تخاف تمشي فيها بعد الساعة 11 بالكتير اوي علشان ضلمة خد صدمة عمرك ... كل الدول الأوروبية و امريكا مفيهاش عدد عمدان النور الي عندنا وكل الطرق السريعة من غير اضاءة وتعتمد علي الكات ايز ... زي طريق مصر اسكندرية الجديد ماهو ماعمول الحارات والطريق متحدد بالكات أيز ومعظم الطرقات مفيهاش اضاءة بعواميد النور لان بيوتهم عبارة عن فيلات زي مابنقول عندهم جريمة منظمة لان امريكا نشات علي المجرمين وظلت تستورد مجرمين حتي 1950 من اوروبا وافريقيا احنا الجريمة عندنا مملة وغبية قواعد بيانات منتجي الأسلحة متوفرة والتسجيل واجب وفوري في كل الولايات من اكثر من 8 سنوات وبصمات الاسلحة المباعة فالسوق موجودة داخل قاعدة البيانات منذ أكثر من 5 سنوات يعني الي حيعمل حاجة بسلاحة بصمة السلاح علي المقذوف حتجيبه من قفاه الرشاشات والحاجات التقيلة تباع بتراخيص كاملة تصل اجراءاتها لمدة 5 ايام ولها شروط فالإستخدام وأماكن مخصصة لاستخدامها عندهم نظام مش عندنا فلا تقارن بيهم وبينا الي بيقف يتخانق في اشارة بيجي الشرطي ياخدة لمقر الشرطة وبيتحجز ويدفع غرامة لاتقل عن 500 دولار ده غير لو اتكررت ممكن تصل العقوبة ل 10000 وحرمان من استخراج رخصة من الولاية مدي الحياة كله بعقابه يامعلم ايام بوش الابن ثارت الدنيا ايام حادثة فمدرسة لسحب تراخيص ووقف انتاج السلاح ... عارف عضو فالكونجرس قال لانستطيع أن نأخذ السلاح من المواطن العادي ... لأن ذلك سيخل بالتوازن بين الافراد العاديين والشرطة المسلحة علشان كدة لازم قبل لما يدخل يعلن عن نفسه ... ويستخدم سارينة والاضاءة علشان ميضربش عليه نار بدون قصد ... واحد ولاقيته واقف فالجنينة بيتسحب حتسال ده ضابط ولا لأ ... حتضرب بعدين تسأل |
رد: ليه السلاح حلم للمصريين
الي عاوز يقتل بهدف السرقة مفيش حاجة حتمنعة ماهو ممكن يخنقو و يطعنو ويسممو الضحايا ... مجتش علي المسدس الي هو عدو الحرامي الأول ونقول هي دي الي حتقلل الجريمة
اسرائيل لا يوجد طفل صغير لا يمتلك ام كاربين فالبيت والبيت الواحد ممكن تلاقي في 3 آلي علي الأقل وبنادق قنص وخرطوش وكل الي نفسك فيه |
رد: ليه السلاح حلم للمصريين
حضرتك الفكرة ان الشعب هنا لو الامر بقي سهل علية ان يستخرج سلاح حي . هل هيستخدمة صح .. عندك ملايين من الناس ممكن يصلحون ل حمل سلاح حي .. هل لو الامور بقت اسهل هل تضمن ان الناس تتصرف صح و مش تأذي نفسها ؟ !!
هناك هما بيعانوا من مشكلة الاقتناء السهل للسلاح .. دة كل اللي انا عاوز اوضحة لا اكثر و لا اقل .. و انا مبسوط بتبادل الاراء .. و نحقق فايدة للكل تقبلوا مروري |
رد: ليه السلاح حلم للمصريين
و شيء تاني بعد اذنكم هناك ف امريكا زي ما قال اخويا سنايبر سهل يجيبوا الشخص لو معاة سلاح .. طب هنا ف مصر هل سهل ؟
هل احنا عندنا من الكفاءة و التكنولوجيا الامنية زي امريكا عشان لما يحصل حاجة نلحق نلمها ؟ و نسيطر عليها الحكومة اعتقد سهلت علي نفسها و صعبت علينا و مع ذلك الناس بتقتني بس ب صعوبة شديدة .. الامنية اللي بتمناها ان الامور تتغير و اننا نقدر نقتني السلاح بحرية و الناس يبقي عندهم وعي اكتر و الاهم من كدة ان الناس تعرف السلاح صديق مش عدو لان كتير من الناس بتخاف من السلاح و بمجرد ما يعرفوا اني معايا مسدس حتي لو صوت يقولولي لية السكة دي يا بني .. نفسي الناس تتوعي اكتر و تعرف ان السلاح صديق لحاملة و هو المنقذ لحاملة لو حصل موقف لاقدر الله حياة او موت تشرفت بالنقاش معاكم - ميشو و سنايبر - تقبلوا مروري |
رد: ليه السلاح حلم للمصريين
سعيد جدا بكل الاراء والنقاشات الهادفه دي ويا ريت لو نعرف نبلور الافكار دي ونبعتها للجنه كتابه الدستور
انا متخيل ان لو انتشرت ثقافه حمل السلاح بين الناس و تسهيل التراخيص اول حاجه السلاح سعره هيقل جامد لان ممكن وان بشتري مفيش حاجه تعجبني عند التاجر او السعر عالي فنستورد او نعتمد علي انتاج مسدسات حلوان وطبعا نسعي نقدم ليهم ملاحظتنا علشان يطوروا منه وبدل الفلوس ماتطلع بره مصر تبقي فى الدوله نفسها ونشتري انتاج الدوله ( لو سعره معقول لامكانياته ) واحنا صغيرين كنا بنبص ازاي لاي حد بيسوق عربية وكان نفسنا نبقى مكانه دلوقت بعد ما تحقق الشروط وكبرنا و اخدنا الرخصه زهقنا من السواقة فاعتقد ان المثال ده هيكون نفس حال رخصه السلاح واتمنى ان الرئيس يهتم بتسهيل ممارسه رياضات السلاح فى المحافظات وتيسيره للشباب واعتقد انه هيكون مجال يشد انتباهم وجهدهم ووقتهم الفاضي |
رد: ليه السلاح حلم للمصريين
اقتباس:
بس برضه الحكومه هيا مسهلاها علي نفسها ومصعبه علينا مفيش اعتراض بس فى نفس الوقت تحارب السلاح الغير شرعي بقوه مش تكون عارفه اماكنهم وتسيبهم شغالين تحت سمعهم وبصرهم كان زمان التثبيت فى الشوارع بالشوم وبجزوع الاشجار دلوقتي بقى بالألي وساعات بالتقيل |
رد: ليه السلاح حلم للمصريين
بالظبط كلامك و مش هنعطي فرصة للمستورد انة يتحكم فينا و يدينا اسلحة مش مطابقة للمواصفات مثلا او يدينا الانواع اللي علي مزاجة
و فعلا هيشد انتباة كتير من الشباب بدل الوقفة عالنواصي و كمان يكون نوادي لممارسة الرماية بكل انواعها لاني بصراحة حزنت لما شوفت بطولات الرماية ف الالعاب الاولمبية و مفيش حد من دول عربية موجود ينافس و احنا المسلمين اللي معروف عنا زمان بالرماية و نبقي بالحال دة .. حاجة محزنة بجد |
رد: ليه السلاح حلم للمصريين
هى المشكله مش مشكله اننا مش هنعرف نستخدمه او اننا نخاف من غباء الأخر
التعسف فى قوانين التراخيص هى للمحترم فقط لأن البلطجى كدا كدا معاه سلاح حتى لو التراخيص بقت سهله مش هيرخص لان هيخاف من تحديد مساره ولكن تخيل لو الناس العاديه معاه تراخيص والدنيا بقت سهله وحصل موقف بسيط مثلا ان جماعه بلطجيه ثبتوا اتوبيس هيبقى موجود اكتر من عشره معاهم سلاح مرخص انما دلوقتى انت لو معاك سلاح شمال او بلى وهجم عليك بلطجى بمطوه وضربته فى رجله ..هتتاخد قبل منه حتى لو قات ان المسدسه بتاع البلطجى هيجبوا بصماتك من على الفارغ... ولو كان معاك صوت هيتاخد منك وانت هتطله (زى مايكون القانون بيقول للبطجى اتفضل اسرق واتهجم على الناس) |
رد: ليه السلاح حلم للمصريين
اثبتت الثورة معدن الشعب المصرى المتسيب الذى لا يحترم القوانين و الذي يعشق المخالفة و تحدى القانون و اذا كان هذا سلوك 70% من الشعب و هم الاغلبية ايضا سيكون التسيب فى استعمال السلاح و الانفعال و التهور انظر الى كمية المخالفات بعد الثورة فى كافة المجالات لكى تعلم ان هذا الشعب همجى و غير متحضر و افضل حل تدعيم جهاز الشرطة و تقويته مع توفر الدوريات الراكبة فى كل مكان .
|
رد: ليه السلاح حلم للمصريين
اقتباس:
|
رد: ليه السلاح حلم للمصريين
طب امريكا واوربا تدخل تشتري سلاح من المحل ولا رخصه ولا بتاع حد بيتكل وعدد حلات القتل والخطف اقل بكتير من مصر
|
رد: ليه السلاح حلم للمصريين
والله موضوع قاعدة البيانات ده تافه تافه تافه ... أنا أصلا مبرمج وعيب علي دولة كبيرة زي مصر ... انها مش عارفة توفرها
|
رد: ليه السلاح حلم للمصريين
اقتباس:
صحيح في همجيين و متسيبين كتير بس مش 70 % لو النسبه كده كان ال30 الباقيين خلصو من زمان و رايي ان المحترم هو الي هيحاول يطلع رخصه سلاح عشان يحمي نفسه و اهله انما المجرم كده كده بيجيب سلاح و احسن له انه ميكونش مترخص لان حسب ما اعرف الششخانات بتسيب بصمه على المقذوف مبتتشابهش ابدا يعني من الاخر لو الواحد عمل جريمه بسلاح مترخص يبقى بيسلم نفسه |
رد: ليه السلاح حلم للمصريين
نظام التراخيص بيخدم فقط الأغنياء
وضع لحماية نظام مبارك وضع لتسهيل عمل الداخلية الي هي مش مكلفة خاطرها أنها تشتغل أصلا مع أن صناعة وتطوير السلاح هي من اساسات نهضة الأمم تخيل كدة امريكا كانت بهذا الشكل ... السلاح والرماية جزء من ثقافة الشعب القوي ما يبصو فاسرائيل اه معلش اصل دول أحسن مننا ده حتي رخص الصيد واقفة بقالها أكتر من 15 سنة ... والله الواحد تعب صراحة |
رد: ليه السلاح حلم للمصريين
مش عاوز ازعلكم واجيب ليكم الخبر ده بس يالله أمال حكتئب لوحدي
http://www1.youm7.com/News.asp?NewsID=764683&SecID=94 |
رد: ليه السلاح حلم للمصريين
وهو من امتى أصلا دم المصريين غالي على حكومتها!!
احنا نتحرق ونموت في داهيه المهم النظام يعيش ويستمر لو كان المرخص شغال من زمان يمكن ماكانش دم المصريين أريق على الطرق وفي المحافظات على ايد البلطجيه لكن هي دي رغبة النظام أنه يخلص من الشعب في ستين داهيه المهم الاغنياء اللي بيفيدو البلد يعيشو انما الفقرا دول حيرخصو ليه من أساسه ؟؟؟ حمايه للمال .؟ مش موجود حمايه للعرض.؟ بيتهان ويتكشف قدام القريب قبل الغريب حمايه للمتلكات.؟ اصلا الفقرا بيشتغلو عند الاغنياء يبقه يرخصو ليه !! هي دي سياسة البلد زمان ويمكن تستمر الى مالانهايه فاليحيا الفساد |
رد: ليه السلاح حلم للمصريين
اقتباس:
|
رد: ليه السلاح حلم للمصريين
اقتباس:
|
رد: ليه السلاح حلم للمصريين
عند القبض على صبرى نخنوخ أكبر بلطجية مصر...عسر عنده على سلاح طبنجة براونينج المفاحأة أنها طلعت مرخصة...تخيلو ..بلطجى عتيد وقديم منذ 15 سنة ومع ذلك الداخلية رخصت له طبنجة (للدفاع عن النفس) ..طبعا ده كان فى عهد السيد حبيب العادلى...
|
رد: ليه السلاح حلم للمصريين
لو على الخنقة حاجات كتير بقت تخنوق فى البلد
|
رد: ليه السلاح حلم للمصريين
http://www.egypthunt.net/showthread.php?t=15060
انا نفسي حد يشوف الموضوع ده ويرد يا جماعة ... السلاح غير أنه أمان ... السلاح غزة وقوة وشرف لا مانع من توفير كورسات لحمل السلاح وعمل امتحان فيها لأخذ الرخصة علي نفقة طالب الرخصة لا مانع من التدريب علي الرماية وعمل اختبار لا مانع من وجود ترخيص للصيد مرة اخري واستخراج تصاريح للخروج فالصيد مع التسهيل لصاحب الرخصة لأنه بيخبر عن منطقة صيده فبالتالي يسهل تتبعه صراحة انا أتألم كل لما أقرأ حادث زي ده وأتألم أكثر كل لما أسأل نفسي ولو اتحطيت فنفس الموقف أية الحل |
رد: ليه السلاح حلم للمصريين
اقتباس:
والمشكله ان الحكومه لا بترحم ولا بتسيب رحمه ربنا تنزل يبقي الواحد عايش في منطقه كلها متسولين وممكن حد يموته في يوم لو مش معاه سلاح علشان مفيش امن ولا امان ولما تيجي تطلع تصريح يقولك لازم يكون عندك املاك مهو يا تدافعو عني يا اما تسيبوني ادافع عن نفسي وبعدين ليه اسعار المسدسات ولعت ناااااااااااار كده -- المسدس الحلوان اللي بيتكلف صنعه علي المصنع 300 جنيه ليه اسمع انه ب 12 الف واسعار خرافيه زي كده بصراحه انا احترت وكرهت السلاح كله وزهقت مش لازم يكون معاايا سلاح وانا ونصيبي بقي واللي يحصل يحصل |
رد: ليه السلاح حلم للمصريين
اقتباس:
|
رد: ليه السلاح حلم للمصريين
عن نفسي قررت وانا ماشي ان عربيتي هيا السلاح و بدور علي اني اركب ليها حاجه زي الديفندر او اكصدام معدني يكون قريب في الشكل من بتاعها غير كده البيت المطبخ مليان سكاكين
وربنا يخليكي يا حكومه انا بعت اقتراحي للجنه التأسيسية لكتابه الدستور فلو حد عنده اقتراح زيي يبعت ليهم برضه كل ما العدد زاد هيعرفوا انه راي ناس كتير |
Re: ليه السلاح حلم للمصريين
أخي حموده لا تكتب مثل هذا الكلام فإنه يدينك
خلي كلامك عام |
رد: ليه السلاح حلم للمصريين
ياجماعه موضوع ترخيص السلاح لازم ميبقاش سهل لان شيل السلاح بيحسسك ان انت ماشى ومعاك 10 رجاله معاك ولو لا قدر الله حصلت اى مشكله ولو حتى تافهه اول حاجه بتفكر فيها انك تطلع سلاحك على فكره انا مرخص سلاح واول مرخصت شيلته معايا لفتره لدرجه انك بتحس انك لازم يبقى معاك زى ولاعتك او موبايلك لكنى بطلت اشيله معايا غير فى السفر ياجماعه السلاح فعلا بيقوى القلب ومبيخلكش تحسبها صح وربنا يكفينى ويكفيكم شر السلاح
|
| الساعة الآن 12:41 AM |
Powered by vBulletin® Copyright ©2000 - 2026, Jelsoft Enterprises Ltd. TranZ By
Almuhajir