|
اريد حلا .... ضبط المنظار
2 مرفق
عندي مشكلة مقرفة وهي ضبط المنظار انا والله كنت ضبط واحد بس خلصت علبة رش بحالها عقبال ما تم ضبطه فلو حد عنده طرقة علمية مجربة يقول او لو حد عنده ليزر بور سيتر laser bore sighter او مسند من الي بيحملو البندقية rifle rest مرفق الصور للمسند او مساعد الضبط بالليزر مع العلم ان مسافة الضبط هي 100 ياردة اي 91.44 متر تقريبا والمنظار الكليك الواحدة لضبط الارتفاع واليمن و الشمال يساوي ربع اينــش
1/4 اينش كل 100 ياردة يعني 0.635 سم كل 91.44 متر وهذا لكي احصل علي اكتر نيشان مضبوط وافضل مسافة رماية |
رد: اريد حلا .... ضبط المنظار
يالمناسبة البندقية جامو 1250 والمناظير 3-9 40X تاسكو وأخر bsa نفس الامكانيات
|
رد: اريد حلا .... ضبط المنظار
فى طريقه سهله جدا ممكن تظبط بيها المنظار بس لا بد من توافر عوامل ثابته وهى المسافه ونوع الرش وثبات السلاح وهى تكون على بعد 20 متر تقريبا انك تضع هدف من الاهداف المقسمه يعنى ترجيت ورق على جسم صلب مثلا ثم تقوم بالتصويب فى اتجاه عين الطور اى المنتصف وبعد كده عند انحراف الطلقه يمين او شمال او فوق او تحت هتضع الظبط الجديد على نفس نقطه الطلقه الاولى وتظبط الاتجهات الافقيه والراسيه على الثقب اللى عملته الرشه الاولى ثم تصوب عليها من نفس مكان التصويب الاول هتلاقيها جت فى المنتصف تماما ودى اسرع طريقه لظبط بتستعمل فيها رشتين وشكرا
|
رد: اريد حلا .... ضبط المنظار
1- ياريت تجرب الكلام اللى هقولهولك بالتليسكوب الجامو لأنه بصراحة موثوق فيه أكثر من البى اس ايه.
2- انت معاك بندقيه ما شاء الله فلابد من تثبيت قاعدة التليسكوب بقوة (مش عارف الهنتر ليها استوبر والا لا عموماً لو ليها لازم يتثبت بقوه) لأن رد فعل البندقية قوى. 3- بعد كده تثبيت التليسكوب على القاعدة مع مراعاة وضعيه شعرات التوجيه فى وضع افقى ورأسى (بقدر الإمكان). 4- للتأكد من ان تثبيت التليسكوب تم بقوه ونجاح (أى ان رد فعل البندقية لا يؤثر على تثبيت التليسكوب) هتأخد هدف ثابت على مسافة حوالى 20 متر وتضرب 4 أو 5 رشات لو كلهم أصابوا مكان واحد (طبعاً مش مكان التوجيه) يبقى التليسكوب ده جيد ومثبت بشكل ممتاز أما لو كل رشاية اصابت مكان مختلف يبقى التليسكوب غير مثبت بشكل جيد ويجب اعادة التأكد من التثبيت. 5- بقى ضبط شعرات التليسكوب على الهدف وهنا عنك طريقتين أ- الطريقة اللى أشار اليها المستشار محمد بس ديه لازم لها منجله تثبيت يا باشا. ب- طريقة المحاولة والخطأ. بالتوفيق |
رد: اريد حلا .... ضبط المنظار
طبعا شكرا ليكم علي المجهود طب محدش حاول يجيب ليزر او الضبط بيه
|
رد: اريد حلا .... ضبط المنظار
بالنسبه لليزر مافتكرش موجود في مصر
الطرق السابق ذكرهاأسهل وطريقة سيادة المستشار ممتازه لكن محتاجه ثبات تام يعني تثبت البندقيه على منجله مثلآ وبعدين ماتحاولش تظبطه على المسافه الكبيره من الأول, إبدأ فعلآ ب20-30 متر عشان يبقي سهل تشوف الطلقه مكانها فين لإن كل ما المسافه حتزيد الإنحراف عن الهدف حيزيد ولما تظبطه على المسافه القريبه يبقى سهل تظبطه على مسافه أبعد وغالبآ حيبقى الظبط للإرتفاع أساسآ والإنحراف يمين وشمال حايبقى حاجه بسيطه |
رد: اريد حلا .... ضبط المنظار
اقتباس:
ولو عايز ممكن تجيبها عن طريق النت هى بتبقى فى حدود 40 أو 50 دولار ودخولها عن طريق شركات الشحن ماعتقدش فيه مشكله لآنه مش بيموت ههههههههه بالتوفيق |
| الساعة الآن 01:53 PM |
Powered by vBulletin® Copyright ©2000 - 2026, Jelsoft Enterprises Ltd. TranZ By
Almuhajir