|
صبري نخنوخ وقع يارجاله
أعتذر عن مسح الخبر ياجماعه
جاتلي تعليمات بإلغاء الموضوع |
رد: صبري نخنوخ وقع يارجاله
هههههههههههههه لسا شايف الخبر النهاردة الراجل دا برنس والله العظيم
|
رد: صبري نخنوخ وقع يارجاله
برنس ايه يا احمد بس ؟؟؟
ده كان بيورد البلطجيه للحزب الوطني المنحل عشان يرهبو كل خصومهم وكان على علاقه شخصيه بحبيب العادلي نفسه يبقه برنس ازاي بس ؟؟؟ |
رد: صبري نخنوخ وقع يارجاله
المفروض ان الناس اللى بمنتهى القذاره والقسوه والاستهتار بارواح الناس واعراضهم زى الكلب ده يتصفو على طول من غير محاكمات ولا غيره . للاسف القانون مليان ثغرات ده فضلا عن ان الاحكام والعقوبات ليست رادعه اصلا . علشان كده احنا بنطالب بتطبيق الشريعه وما بها من احكام قاطعه ورادعه لمثل هؤلاء . يمكن بكره يطلع براءه لخطاء فى الاجراءات او اذن النيابه او الناس اللى وراه تعرف تظبطه. حسبنا الله ونعم الوكيل فى مثل هؤلاء الاندال لكم ازهقوا من ارواح انتهكوا من اعراض وروعوا الامنين.
|
رد: صبري نخنوخ وقع يارجاله
احسن عقبال باقي البلطجيه و الزيه
|
رد: صبري نخنوخ وقع يارجاله
فرحت والله لما سمعت الخبر ده
يارب البلد تنضف بقى بس عنده شويه سلاح ناااااااااار |
رد: صبري نخنوخ وقع يارجاله
انا عايز الواقي من الرصاص وبس علي كدة .. ياكشي يصلبوة ف الميدان ههههههه
|
رد: صبري نخنوخ وقع يارجاله
طب والتهمة ايه اصلا؟؟
|
Re: صبري نخنوخ وقع يارجاله
بالسلامة انا عاوز بس الكلاب الي عندة :) هو كدا هيتفسح صح نيهاهاهاهاها هههههههههههههه
|
رد: صبري نخنوخ وقع يارجاله
حد لاحظ حاجة غريبة فالصور انه واقف بيضحك وواقف في الصورة الي لوحدة واقف بيضحك تفاخرا مع الحاجة كانو بيتصور مع عادل إمام
وهو فمنطقة العامرية ماكنش معروف للأمن ده صوت الخمس أسود الي عنده يسمع لأخر البلد ... مش مرتاح |
رد: صبري نخنوخ وقع يارجاله
غير كدة شايف 3 خزن ألي 7.62 وبيقولك 57 نص بوصة طب فين سلاح الاطلاق بتاعهم اكيد مخابينهم ... حاجة تانية ده شكله اتمسك بدون مقاومة خالص وده مش طبع الي زي دول ... مش عارف المرة دي مش مبسوط
|
رد: صبري نخنوخ وقع يارجاله
ياجدعان المعلم ده كان بيورد جاردات لشارع الهرم وبياخد اتاوات من الكباريهات ولسه مضروب عليه نار من 8 شهور في العجوزه والحوار كان كبير قبل رأس السنة وكان داخل في الحوار ده عيل مسجل من الشرابيه وكام جارد من شبرا
|
رد: صبري نخنوخ وقع يارجاله
وواضح من اسلحة الكلب ده انه كان بيشتغل فالتصفية مش البلطجة وبس
اجهزة لاسلكي ... بندقية عمليات تكتيكية + واقي اطلاق نار علشان لو الشخص المراد تصفيته مسلح البندقية القديمة دي استحاله تتبع مقذوفها جنائيا ولا تحديد مصدر العيار واضح ان ده وكر مش بلطجي عادي ... ده وكر قاتل مأجور أقفاص الاسود يجب ان تحلل لمعرفة وجود اثار دماء بشرية ده ممكن يخطف ناس ويقطعهم ويختفو في بطن السباع دي في اقل من نصف ساعة |
رد: صبري نخنوخ وقع يارجاله
شغل البودي جاردات ده الرزق الثابت لاحظ من الاسكندرية لشارع الهرم ... ده بيزنس تاني بيجيب منه فلوس تأمن بيزنس اخر ... او بمعني اصح ده الشغل الي فاتح الخراب انما الشغل السريع والمربح جدا له اماكن اخري
|
رد: صبري نخنوخ وقع يارجاله
ياعم ده شكله بيتصور فى رحله وقاعد يضحك جنب المضبوطات
هههههههههههههههههههه ماهو حاجه من اتنين يا اما الراجل ده عبيط يا اما هو واثق انه هايطلع برائه لسبب ما |
رد: صبري نخنوخ وقع يارجاله
اقتباس:
واثق ان مفيكش عرق شبراوى ههههههههههههههههههههههه تحياتى |
رد: صبري نخنوخ وقع يارجاله
أنا باتفق مع الاخ صياد هاوى فى وجوب تصفية مثل هؤلاء البلطجية والعتاة فى الاجرام ولابد من تطبيق أحكام الشرع عليه وعلى أمثاله , وأنا متأكد انه حايخد براءة وكل اللى حيخسره هو مصادرة المضبوطات من أسلحة نارية وأسلحة بيضاء وحتى لو قلنا انه فيه قضية أداب لوجود مجموع من الساقطات معه برده بايظة لعدم وجود تلبس , علشان كده كان يجب تصفيته
|
رد: صبري نخنوخ وقع يارجاله
اقتباس:
|
رد: صبري نخنوخ وقع يارجاله
وحتشارك معاكم في معلومات اعرفها نخنوخ ده مش بس مورد بلطجيه وبودي جاردات لكل محلات الكباريهات والكازينوهات اللي في شارع الهرم والمهندسين والعجوزه والقاهره ده كمان على علاقه جامده جدا برجال أعمال كبار وأعضاء في الحزب الوطني المحلول وعلى علاقة شخصيه بحبيب العادلي وأحمد عز وجمال مبارك كمان لأن هو يعتبر عم البلطجيه كلهم لأنه كان بيورد لأي انتخابات - خناقات - مناطق شعبيه - محلات بلطجيه إما لحمايتها والسيطره عليها أو لتخريبها وتدميرها لدرجه انه كان بيخرب كل اجتماعات الاخوان المسلمين قبل الثوره ونظير طبعا الحمايه الخفيه دي لكل الشخصيات الكبيره والمشهوره دي بياخد مقابل مادي رهيب جدا بيصل إلى ملايين الجنيهات وثبت أنه على علاقه بموقعة الجمل لأنه ورد بلطجيه وهجانه الى ميدان التحرير ولما أتعرف الموضوع هرب إلى لبنان وافتكر انه مش حيتمسك أبدا ولما الاخوان مسكو البلد أعتقد أن موضوعه أتنسى ونسي ان عين الله لاتنام ده عامل جوه الاستراحه بتاعته في المريوطيه حاجه زي الكهف مليانه أسلحه مابين جرينوف وألي وسيوف وخناجر وبنادق ودروع ورماح كان ناقص بس يجيب مدفع الالمان بتاع الحرب ده غير جنينة حيوانات فيها أسود ونمور ونعام وثعابين وكلاب مابين دينواه وماستيف وبوكسر وكلها وحوش هو بيقول ان الاسود بيحبها للتربيه لكن هي للأرهاب كل الخدمات اللي كان بيعملها للكبار دي كان لازم ياخد أضعااااااافها بالحمايه من العقاب والتستر على جرائمه لدرجة أوصلته أن موكب عربياته المكون من 6 سيارات مابين شيروكي ومرسيدس وهو داخل سياره هامر لاتقف في أي لجنه أو كمين ولو أستوقفت بالخطأ ينزل الظابط يحييه بنفسه ويعتذرله ويفتحله الطريق !!! شوفتو وصلنا الجريمه لدرجة الاحترام إزاي ودخلناها رتبة المافيا الايطاليه إزاي طبعا الفتوات بتوعه مش عاجبهم اللي حصله وبيدافعو عنه بإستماته على النت ودي صور لواحد من فتواته في فيلته وبأسلحته ومعاه الطبنجه الجلوك اللي كان نخنوخ مطلعها بترخيص وقد قمت بتغطية عينيه عشان أحنا مش بنشهر بحد http://im26.gulfup.com/2012-08-25/1345902126461.jpg http://im26.gulfup.com/2012-08-25/1345902127202.jpg http://im26.gulfup.com/2012-08-25/134590212753.jpg http://im26.gulfup.com/2012-08-25/1345902127814.jpg http://im26.gulfup.com/2012-08-25/1345902127915.jpg http://im26.gulfup.com/2012-08-25/1345902127836.jpg أحد الفلول اللي كان بيحميهم نخنوخ http://im18.gulfup.com/2012-08-25/1345902276941.jpg وابو نضاره ده بدر القاضى نائب مدير امن الدولة ونسيب ممدوح عباس وحبيب العادلى ساكن فى عماراته ومات بعد انتخابات الشعب 2010 ب6 ايام بعد ما كان هيموتنا ببلطجيته فى اتميده ودي بعض الصور أحد أسلحة نخنوخ بيبي جلوك http://im23.gulfup.com/2012-08-25/134590245541.jpg الصوره دي من الاستراحه بتاعته http://im23.gulfup.com/2012-08-25/1345902455522.jpg بعض الكلاب التي يقتنيها نخنوخ بغرض الارهاب للأبرياء وأقول بعض فقط لأنهم أكثر من 8 كلاب http://im23.gulfup.com/2012-08-25/1345902455523.jpg كما أنه يحمل شهاده شكر من الاتحاد الافريقي لمساندته في تدعيم الاستقرار !!! عرفتو بقه أننا قدام مافيا كامله ألف شكر الى صديقنا العزيز mr vigo على الموضوع ده |
رد: صبري نخنوخ وقع يارجاله
أنا أتفق مع راي الزميل حسام محمود
يجب تصفية النوعيات دي فعلا لأنها لايمكن تهتدي وأندهشت جدددددددددا من المعلومات اللي جابها الباشا المصري بجد حاجه ترعب وتخلينا كأننا في كابوس رهيب |
رد: صبري نخنوخ وقع يارجاله
يا باشا احنا فى مصر . و شرع الله عمره ما اطبق فى البلد دى . و لا هيطبق . ده مش تشاؤم . بس هى دى الحقيقه . و ان شاء الله البيه ده طالع طالع مش هيطول كتير . فى بلدنا دى لازم تفهموا ان فيه ناس كتير اقوى من الحكومه نفسها . و ربنا يرحمنا برحمته
|
رد: صبري نخنوخ وقع يارجاله
بجد الله يستر علينا في البلد دي
لما المجرمين يبقو هما الحكام يكونو هما الاغنياء والاباطره ويكون قانون الغابه هو القانان اللي بيطبقوه علينا واحنا اصلا قانونا لا يحمينا أمامهم فسيكون فعلا دي نهاية مصر لأن قانون الغابه هو من سيحكمنا |
| الساعة الآن 09:43 PM |
Powered by vBulletin® Copyright ©2000 - 2026, Jelsoft Enterprises Ltd. TranZ By
Almuhajir