الصيد فى مصر - العملية صفر واحد= (طلعة تزفير الكرال بالسرد العسكري) 27/08/2012

الصيد فى مصر (http://www.egyhunt.net/index.php)

- صور وفيديو الصيد ورحلاته (http://www.egyhunt.net/forumdisplay.php?f=47)

العملية صفر واحد= (طلعة تزفير الكرال بالسرد العسكري) 27/08/2012

السلام عليكم,

أخباركم إيه يا رجالة؟ النهاردة كانت أول طلعة ليا في حياتي بحبي الأول الكرال اللي النهاردة أول يوم أجربها بره بيتها بجد. :)

طبعا توقيعي و صوري الشخصية و طريقة حواري ممكن تكون مخلية أغلب الأعضاء اللي عارفيني إني بعشق القوات المسلحة المصرية بجميع فروعها خاصة نسور الجو, أو القوات الجوية. و لذلك من دلوقتي كل سرد طلعاتي هيكون بطريقة عسكرية طبعا في حال عجبتكم الطريقة إن شاء الله.. و يا رب تعجبكم و يا ريت لو في حاجة محتاجة تظبيط في طريقة السرد ما تبخلوش على أخوكم..

التاريخ: 27/08/2012 أو السابع و العشرون من شهر أغسطس عام ألفين و إثني عشر.

الأفراد المشاركة: اللواء محمد قطب الدكماوي (رامي المخصص التابع للفرقة), الظابط معتز قطب الدكماوي (اللي هو أخويا يعني) (مراقب المخصص للفرقة), الفريق قطب الدكماوي (اللي هو أبويا يعني :) ) ( و هو متخصص الإسقاط و الملاحة في الفرقة)

قوات العدو: وحدة تتضمن من +50 فرد منهم شخصيات ذات أهمية عالية (اللي هما اليمام و العصافير و الحمام أما الشخصيات المهمة هي الغربان لكبر حجمها :) ).

تقرير المهمة: تم إنزال قواتنا بالتنسيق مع الوحدة 65 ميكانيكي و الفريق قطب لإنزال قواتنا خلف خطوط العدو و ذلك لإكمال المسيرة مشيا لأهمية التسلل في هذه المهمة, و كان هذا في تمام ساعة الصفر. بعد الوصول إلى مسرح العمليات قامت الفرقة بتجهيز المعدات من أسلحة القناصة و الأسلحة البيضاء (اللي هي السكينة للتذكية) للأهداف القريبة لمن إصدار أصوات غير مرغوب فيها و ذخائر (اللي هما الكرال و الرش المارسمان يعني يا رجالة :) ) و أجهزة ارصد ( اللي هي كامير فيها زووم عالي بس للأسف بايظة و مش بتسجل أو بتلقط صور. ) . ثم إتخذت قوانتا أماكن الإطلاق الأخيرة و فتحت النيران. و مع أول صوت إطلاق نيران قواتنا أصابت قوات العدو حالة من الفزع الشديد و بدأت في الهروب سريعا إلى أقرب أماكن إختفاء (اللي هو الشجر اللي حولينا يعني). و مع أول ضربة أسقط اللواء محمد أول ضحية من الأعداء و تم التأكد من القتيل. ثم طاردنا بقايا العدو و أطلق الفريق قطب (على فكرة والدي شغال كويش في الرماية لأن جدي اللي هو والده كان في فرقة المشاة قبل المعاش و لذلك هو متعلم نشان أبا عن جد) و اللواء محمد لكن كانت قوات الأعداء بعيدة عن المدى المؤثر للأسلحة المتاحة (على المسافة كانت حوالي 30 متر بس بالأوبن سايت ده صعب جدا بالذات إن الوالد نظرة ضعيف و من غير نظارة مش قد كدة.. :( ) و لكن رغما عن هذا قام الجنديان بإصابة من 5 إلى 6 أفراد من قوات العدو لكن لم تتأكد المعلومات حيال إذا قتلو أم لا؟ ( اللي قصدو هنا إنهم رييشو خالص لكن بعد ما جريت وراهم إتأكدت إنهم ماتو لكن وقعو في هوة عمقها من 30-40 متر فا ما عرفتش أجيبهم خالص.) مع قرب نهاية الذخيرة تم إطلاق نار على لواء (يمامة يعني :) )من العدو و جنرال (غراب يعني :) ) و تم بحمد الله إسقاط الهدفين و التأكد من القتلى. (اليمامة نزلت بتفرر و أنا كملت عليها و الغراب نزل مقفول بضربة في الرقبة :) :) )

أخيرا إنسحبت قواتنا الباسلة (أنا عارف و الله إني مزودها أوي بأس ده لأني هاموت من الفرحة إني زفرت الكرال و حصيلة لا بأس لو حسبت اللي رييشو و ماتو بعيد.) إلى نقطة الإستخلاص (أو البيت من الأخر لحسن كده كثييييييييييير أوووووووووووووووووووووووووووووووووووووي... :)

ملخص المهمة:
تأكد قتل 2 فرد يمام + 1 فرد غراب

ترييش 5-6 فرد يمام لم أستطع إحضارها... :(

فترة المهمة: ساعة و ربع

أخيرا و الله فعلا أحب أشكركم جزيلا على رحب صدركم للإستماع إلي. لكن إعذروني أول طلعة ليا و حصيلة زي الفل و صحبة جامدة جدا ....... أنا عاوز كل حد و أي حد عنده أي ملحوظة مهما كانت صغيرة أو كبيرة إنه يقول عليها عشان أحسن من نفسي و لو طريقة السرد طويلة أو مملة و النبي قولولي عشان مبقاش كدة على طول.. :)

و أترككم مع الصور مع الأسف قليلة بس إن شاء الله هاتبقى أحسن و أكثر بعد كدة.. :)

http://img28.imageshack.us/img28/326...0827072407.jpg

http://img109.imageshack.us/img109/3...0827072425.jpg

http://img703.imageshack.us/img703/5...0827072450.jpg

تحياتي,
محمد قطب الدكماوي