التعديلات ألي ما بنسمعش عنها في مصر
 

الغريب أن كل الناس هنا بيدوروا على بندقيه تكون (صياده) بس محدش يعرف أيه ألي بيخلي البندقيه تكون صياده كل الناس عماله بتعدل في الكرال بتغير سوست و جلب و دليل بس بصراحه كل ده مالوش أي علاقه بالدقه

القوه هي أهم حاجه عند كل الناس مع أن القوه المفروض تكون رقم 2 مش رقم واحد
رقم واحد هي الدقه

يعني لو صيبت حمامه ببندقيه رمسيس نمره واحد في راسها من 25 متر هتنزل مقفوله بس المشكله أن الرمسيس مش ممكن تضرب بالدقه دي أبدا أبدا


طب أيه ألي بخلي البندقيه دقيقه؟؟؟؟؟؟

حاجتين عليهم أهم عامل بالنسبه للدقه
1- الزناد
2- الماسوره
و كمان ممكن نزود:
3- سلامه الجلب

طب أزاي الزناد بيفرق؟؟؟
معظم الزناد بتاع البنادق بيكون مرحلتين: مرحله أولى خفيفه و مرحله تانيه واضحه و ما فيهاش لعب (زحف)
الزناد لو تقيل هيخلي أيدك تتهز و لو المرحله التانيه مش واضحه مش هتعرف تظبط نفسك و أنت بتضرب

طيب هو فيه تعديلات بتتعمل على الزناد؟؟
طبعا فيه
أجزاء الزناد ديما بتكون 3 قطع
التعديل ألي دايما بيتعمل هو تلميع الجزء الأسمه Sear (متعلم بدوريه في الصوره دي)


http://www.arld1.com/images/gifs/tx200trigger.gif



نيجي للماسوره و ديه الحته ألي دايما (الأجانب) بيعدلوها و في مصر عمر ما حد بيلمسها


Crowning أضافه تاج

التاج هو عباره عن زاويه على طرف الماسوره يعني بدل طرف الماسوره يكون بزاويه 90 لأ بيخلوها مجوفه بزاويه 11 أو 15

التاج ده بيتحط على البنادق الرش و الحي و المسدسات و المدافع كمان و هو حاجه مهمه جدا جدا لأنه بيجبر الهواء الخارج ورا الرش أو الرصاصه بأنه بتوزع بالتساوي بدون ما يجي في أتجاه معين و بالتالي بيحافظ على أتجاه الرش سليم بدون أنحراف
الصور دي فيها أشكال مختلفه للتاج


http://www.mcgowenbarrel.com/picts/barrelcrowns.jpg


خطوه أضافه التاج مكلفه و بتاخد وقت طويل علشان كده البنادق الرخيصه زي الكرال مافيهاش التاج ده
طيب أزاي الصياد البسيط ألي مش لأي تمن الرش هيعمل التعديل ده؟؟؟
الموضوع مش محتاج مخرطه ولا حتى أنك تفك البندقيه أصلا
التاج بيتعمل يدوي بالبتاع ده :


http://www.blindhogg.com/pics/tool16.jpg



في مصر بيتهيألي بيسموه رييمر و وجوده في شارع الجمهوريه بزاوايه مختلفه أو لو عاوز ممكن تفك الماسوره و توديها للخراط و لاحظ أنك لازم تسد الماسوره بمنديل أو قطنه علشان الرايش مايدخلش الماسوره و بعدين لازم تتلمع بسنفره 400 و بعدين 800 و بعدين 1200


طيب أيه كمان؟؟

خنق الماسوره Barrel choking

هو عباره عن ضغط الماسوره من بره عند الطرف لتصغير القطر الداخلي و ده بيزود الدقه و القوه في نفس الوقت

الموضوع برده سهل و مش محتاج أي أدوات خاصه

كل المحتاجه هو منجله و صاموله و شنيور و بنطه و منشار
الصاموله أشتريها أصغر من القطر الخارجي للماسوره و بعدين أخرم الصاموله بحيث أنها تبقى أد الماسوره بالضبت (16 مم) في معظم المواسير و بعدين أنشر الصاموله من النص و أبردها شويه
و بعدين ركب الصاموله على الماسوره و على المنجله و اربطها جامد و عتل المنجله و أرط جامد جدا و بعدين فكها و لف الماسوره زاويه 90 و عيد تاني

http://img.photobucket.com/albums/v7...g?t=1190822639



علشان تتأكد أنها فعلا أتخقت زق رشه فيها بسيخ رفيع هتلاقيها أتحشرت قرب الأخر
و أنا عندي بندقيه 350 الماسوره بتاعت المصنع مخنوقه لدرجه أني مابعرفش أزقها بأيدي بأتطر أسند السيخ على الحيطه و أزق


تعديل كمان

قطع الماسوره


معظم الأجانب بيقصوا الماسوره علشان يزودوا القوه بس الأهم هي أن البندقيه بتبقى أصغر و أسهل في الشيل

طيب لو بندقيه محترمه زي الفايراوخ أو الديانا فهي الماسوه بيكون فيها تاج و مخنوقه ف علشان دول مايبظوش بيفكوا الماسوره من بيت الرش و يقصوها من الناحيه التانيه

و لو بندقيه مافيهاش أختناق يبقى بتتقص من الطرف و بعدين بتتخنق و بعدين بيتحطلها التاج
الأطوال المنتشره هي:
12 بوصه و 18 بوصه و 24 بوصه

المشكله ألي ممكن تحصل لو قصيت الماسوره أوي هي أن البيستم يرزع جامد لأنه ما أداموش مقاومه فالجلب تبوظ بسرعه أه و التعمير يبقى صعب لو هي كسر


تعديلات تانيه برده بس ملهاش علاقه بالدقه و برده مش موجوده في مصر


زراير أو كباسين على البيستم

دي عباره عن أنك بتخرم البيستم من ورا و تحط في الخروم حتت بلاستيك علشان تقلل الأحتكاك بين المعدن بتاع البيستم و القميص و تحافظ على القميص من التجريح و بالتالي الجلب من التقطيع

أو ممكن تتلزق حتت كوتش على البيستم من بره


http://i182.photobucket.com/albums/x...sInstalled.jpg


http://www.springgunning.com/r7adv.JPG



في رأي الشخصي دي رافاهيه ملهاش تلاتين لازمه


أه و ملحوظه و رأي شخصي

الدليل و الحدافه الصلب دول أفشل أختراع و تعديل
ببساطه علشان الصدمه بتاعت السوسته كلها بتتنقل للبندقيه في حاله الدليل المعدن لكن في حاله الدليل البلاستيك بيمتص الصدمه و يحافظ على أجزاء البندقيه
و يا سيدي لو أتكسر غيره ببلاستيك نوع أطرى شويه
يعني الأرتلون المصري أطرى من المستورد


و أتمنى يكون الموضوع عجبكوا

رد: التعديلات ألي ما بنسمعش عنها في مصر
 

موضوع مميز
تم التثبيت

رد: التعديلات ألي ما بنسمعش عنها في مصر
 

مشكور يا باشا جدا و أن شاء الله ربنا يوفقنا للأحسن

رد: التعديلات ألي ما بنسمعش عنها في مصر
 

موضوع اكثر من رائع
نرجو المزيد

رد: التعديلات ألي ما بنسمعش عنها في مصر
 

هههههههههههه تسلم الايادى بس هو انا مثلا هغامر بالكرال المسكينة الى حوشت تمنها بالعافية!!
الموضوع جامد والله بجد

رد: التعديلات ألي ما بنسمعش عنها في مصر
 

والششخنات اللى هاتنقص من الماسوره بعد القص مالهاش علاقه بالدقه وانحراف النشان ؟

رد: التعديلات ألي ما بنسمعش عنها في مصر
 

ديه الحاجه الجميله في الموضوع

الشخشنات مابتفرقش طولها و لا عددها ألي بيفرق فيها هي حاجه أسمها Twist rate أو نسبه اللف و دي بتتقاس بكام لفه للبوصه يعني مثلا لفه واحده كامله لكل 10 بوصه بتتكتب كده: 1:10

عدد الشخشنات في البنادق القديمه أو الضعيفه نسبيا بيكون 8
في البنادق الأحدث و الأقوى بيكون 12

و برده هديلك مثال
الديانا 34 مثلا القديمه ال T01 عدد الشخشنات فيها 8 و الموديل الحديث ال T06 عدد شخشناتها 12

و الأتنين بنفس الدقه

رد: التعديلات ألي ما بنسمعش عنها في مصر
 

سؤال بس قصطك ايه البادليل الحديد بدل البلاستيك قصضدك الي بيبقا ورا السوست؟؟؟ اصل الدليل بتاع البام الي عندي البلاستيك اتكسر فغيرته بدليل حديد بس البندقية بقت بتخلف يمين اوي هل الدليل ده السبب مثلا؟

رد: التعديلات ألي ما بنسمعش عنها في مصر
 

في الصوره دي الأجزاء الخضرا الدليل على الشمال و الحدافه على اليمين

http://www.gunspares.co.uk/images/products/TK023.jpg

و بالنسبه لمشكله حضرتك ممكن البندقيه تكون بتتهز في أتجاه معين أو رده الفعل ليها أتجاه معين بسبب أن السوسته معوجه

ممكن يكون الدليل المعدن خلى السوسته تتعوج

فك البندقيه و أتأكد من أن السوسته عدله
و لو عاوز تغير الدليل ما تشتريش واحد جاهز خلي أي خراط يعملهولك من ماده الأرتلون و مش هيكلف تلاته مليم

و برده حضرتك عرفنا لقيت أيه علشان كلنا نستفيد

رد: التعديلات ألي ما بنسمعش عنها في مصر
 

موضوع روعة بصراحة ... تسلم لمجهودك بس انا عندي مشكلة تانية . انا مابقتش مقتنع بالرش

هجيب بندقية رش ب حوالي ال 1000 او ال1500 جنية بعد التعديلات عشان اضرب رش يوصل مسافة 50 و 70 متر ؟!!! بس كدة !!!

انا حاسس ان المشكلة عندي ف وجهة نظري و عايز حل للمشكلة دي

تقبل مروري

رد: التعديلات ألي ما بنسمعش عنها في مصر
 

الرش يا باشا فيه دقه رهيبه مش موجوده في السلاح الحي
يعني مثلا ممكن تصتاد دبور من 30 متر ;)
الرك على ألي ماسك السلاح و الرش فيه متعه كبيره ده غير أن أقصى مسافه ممكن تضربها ببندقيه زي الديانا بتوصل لأكتر من 200 متر بس طبعا لازم تبقى فنان بجد علشان تعرف تضرب من المسافه دي

رد: التعديلات ألي ما بنسمعش عنها في مصر
 

ممتاز جدا جدا جدا يا استاذ كريم ونقل جميل لتعديلات رائعه وان كان النقل لايفهمه الا المحترفون فى التعديلات وغير مبسط

انا اؤيدك بشده فى خنق الماسوره وبرده فى قصها
حكايه بقى عمل تاج انا لا افهمه مطلقا
على العموم بالنسبه للزناد مش كل انواع الزناد قابله للتعديل
والماسوره صعب مبتدء انهه يقصرها وفى تجارب كنت حاولت اعملها فى المخرطه بتحتاج فنى مختص ودوات معينه لانها بتزرق وبتبوظ
قاعده الدليل الحديد انا معاك انها بترود رد الفعل وغير مجديه وانا كنت عوضتها باشياء اخرى
حضرتك بتقول ان الحدافه الصلب فاشله
كنت عاوز اعرف نتيجه استنتاجك لسبب ده ايه لانى انا عملتها وجربتها وزودت السرعه 40 متر وزودت من الاتزان وقلله رد الفعل
ومش كل واحد عمل حدافه عن خراط بقى بيعرف يعمل حدافات لان فيها سر احترافى
واضح ان حضرتك جيد فى البحث على المنتديات ابحث عنهه جيدا سوف تصل الى ما اردت ان اوصله لك
تحياتى لمجهودك ومساعدتك لاعضاء

نسيت اقول لحضرتك ان ارتلون المصرىمن ازبل واردءوارخص الخامات وان لو عاوز تعمل دليل فعلا او قاعده اعملها ارتلون المانى او تيفلون المانى وابقى ادعيلى

رد: التعديلات ألي ما بنسمعش عنها في مصر
 

اللى حضرتك نسيت تقوله ان الششخان بيبقى لافف لفه معينه عشان يديك دوران معين على طول الماسوره ولما تقصها هيقل الدوران
بس خلى بالك مش كل حاجه الدوران
ومن افشل بنادق الديانا ال350 ماجنوم القديمه بسبب طول ماسورتها وسرعتها الزياده عن اللزوم
على فكره الكلام ده عن جارب وعن تداول افكار مع ناس محترفه
تحياتى يا باشا وليك منى احلى تقييم

رد: التعديلات ألي ما بنسمعش عنها في مصر
 

عادل باشا ملك التعديلات أولا تقييم سعتك ده وسام أفتخر بيه

بالنسبه لقص الماسوره بيتعمل يدوي بالمنشار علشان ماتسخنش و التاج بيتعمل يدوي برده شوف الفيديو ده:


و الفيديو ده:


بالنسبه للحدافه أنا قصدي أنها بتبوظ السوسته و بتتنيها بس كلامك في أنها بتزود السرعه صح ميه في الميه لأن الوزن الزياده في طرف السوسته بيزود الطاقه

مثال للناس ألي مش فاهمه أحنا بنتكلم عن أيه:
لو عندك عربيه و قطار ماشين هم الأتنين بسرعه 100 كم/س مين يوقف أسهل ؟؟؟؟؟
أكيد العربيه علشان عندها وزن و طاقه أقل
يعني السوسته لما يكون في طرفها وزن تقيل ده بيديها طاقه أكبر

رد: التعديلات ألي ما بنسمعش عنها في مصر
 

حبيبى انا معاك والله ومش قصدى اى حاجه وسعيد جدا بالحوار
واللى حضرتك متعرفوش ان غالبا كل البنادق فيها تاج ولو ماكنش فى الماسوره نفسها
المهم بقى ان الحدافه مش بتبوظ السوسته خالص
وفى تجربه عمليه لو كان ينفع كنت ورتهالك
كنت عملناها وقومنا بقياس السرعه
اللى عملا صديق ليا مش انا
تحياتى يا باشا وخلى بالك ان قص الماسوره هيخلى طرف الششخان غير مستوى وبالتالى هيأثر على الدقه ويستحب انهه يبقى من عند البلوط طبعا

رد: التعديلات ألي ما بنسمعش عنها في مصر
 

الله ينور يا دكاتره
عمار يا مصر

رد: التعديلات ألي ما بنسمعش عنها في مصر
 

أنا ألي ليا الشرف يا باشا أحنا بنتعلم منك
و كلامك عن التاج أنه أوقات مابيكونش على الماسوره برده مظبوط مليون في الميه أنا عندي ال 350 التاج بتعها كان موجود على النشنكان الأمامي البلاستيك لما فكيته لاقيت الماسوره تحته عدله

رد: التعديلات ألي ما بنسمعش عنها في مصر
 

مووضوع مفيد جدااااااا بجد تسلم ايدك ياباشا ومبروك علي التثبيت

رد: التعديلات ألي ما بنسمعش عنها في مصر
 

موضوع اكتر من رائع بجد بجد تسلم ايدك

رد: التعديلات ألي ما بنسمعش عنها في مصر
 

موضوع اكثر من رائع ولك احلى تقييم ..

رد: التعديلات ألي ما بنسمعش عنها في مصر
 

مشكورين على الردود الجميله و التقييم

رد: التعديلات ألي ما بنسمعش عنها في مصر
 

و بس ربنا يكرمني ببام 21 و أنا أجربلكوا كل التعديلات دي و أصورهالكوا كمان و نعمل عليها موضوع بالرز و المولخيه
هههههههههههه

أنا عارف رأيك يا عادل باشا أن مالوش داعي المخاطره ببندقيه محترمه زي البام
بس مش مشكله مش هنخسر حاجه و أنشاء الله تطلع أحسن من الديانا كمان
أنا مقتنع أن لو الواحد أشتغل ببطء و أتقان أن شاء الله ربنا هيوفقه و يعمل شغل أحسن من المصنع

أصل أحنا مش ناقصين أيد و لا رجل ولا المصنع ألي همه يصنع أكبر كميه و يبيع و خلاص هيعمل شغل أحسن من ألي الواحد هيعمله في حاجه ملكه و بتاعته و يأدر يعد براحته يفسفس في كل التفاصيل

الموضوع عامل زي العربيات ألي بتتعدل بتبئ أحسن من بتاعت المصنع

المهم بس ربنا يكرمني ببام تكون بسعر معقول
أدعولي

رد: التعديلات ألي ما بنسمعش عنها في مصر
 

امتيااااااااااااااز مع مرتبة الشرف

رد: التعديلات ألي ما بنسمعش عنها في مصر
 

مشكور يا باشا تعليق حضرتك ده شرف ليا

رد: التعديلات ألي ما بنسمعش عنها في مصر
 

بجد موضوع تحفه مع اني ما بفهمش حاجه في شغل التعديلات ده

رد: التعديلات ألي ما بنسمعش عنها في مصر
 

تسلم ايدك ياكبير
والتعديلات اللى احنا بنعملها فى مصر اينعم مش اللى هى
لكن بتقضى الغرض برده

رد: التعديلات ألي ما بنسمعش عنها في مصر
 

رد: التعديلات ألي ما بنسمعش عنها في مصر
 

موضوع رائع تسلم ايدك ويستحق التقييم

رد: التعديلات ألي ما بنسمعش عنها في مصر
 

تقضي ما تقضيش ليه يا أوبوطان

شكرا يا جماعه على المشاركات و التقييم

رد: التعديلات ألي ما بنسمعش عنها في مصر
 

Re: التعديلات ألي ما بنسمعش عنها في مصر
 

هو الموضوع رائع بس بصراحة انا بخاف اعمل اي حاجة في الكرال احسن تبوظ

رد: Re: التعديلات ألي ما بنسمعش عنها في مصر
 

باشا سعتك ولا تقلق خالص أنا أنشاء الله ألاقي البام ألي بدور عليها وهعمل فيها كل ده و أكتر
و هحاول سعتها أعمل موضوع بالصور كمان

رد: التعديلات ألي ما بنسمعش عنها في مصر
 

تسلم ايدك يا باشا

رد: التعديلات ألي ما بنسمعش عنها في مصر
 

بجد ألف شكر على الإضافة القيمة والمعلومات الجديدة بالنسبة لمعظم الصيادين
موضوع التاج وضبط الزناد بجد مجهولين لي تماما
يا تري ممكن تساعدني لو حبيت انفذ التعديلات دي ؟
وجزاكم الله خيرا

رد: التعديلات ألي ما بنسمعش عنها في مصر
 

أنا الحمد لله ربنا كرمني ببام 22 و أبتديت أعدل فيها
أنا قصيت الماسوره و قللت القطر الخارجي ليها و عملت فيها أختناق
فاضل بس أعملها تاج و كاتم صوت

رد: التعديلات ألي ما بنسمعش عنها في مصر
 

موضوع اكتر من رائع بجد بجد تسلم ايدك

رد: التعديلات ألي ما بنسمعش عنها في مصر
 

بجد بجد تسلم ايدك
:lov::lov:
:lov::lov::lov:

رد: التعديلات ألي ما بنسمعش عنها في مصر
 

تسلم موضووع ممتازززززززززززززززززززززززززززززز