|
مسابقه صيد
بسم الله الرحمن الرحيم
اخوانى الاعزاء وطبعا مفيش اخواتى العزيزات :D:D:D انا بصراحه مش عارف انام من كتر التفكير فى الصيد بالرغم من انى ندى كليه بعد 6 ساعات المهم انا قعدت افكر فى الرحله الرائعه بتاعه يوم الجمعه ووجدت اعضاء كتير مبسوطين من صور الحمام وبصراحه فيه ناس كتير نفسى اقابلهم واكلمهم فلقيت حل ليا وليهم اننا نعمل مسابقه بين الصيادين بمعنى اننا هانعمل فريقين من الصيادين كل فريق ليه قائد وطبعا من غير كلام القياده للاستاذ جلال وللاستاذ طلعت او حسب ما انتو عايزين بس دول اكتر شخصين بحبهم واكتر شخصين يستحقوها عن جداره المهم المكان هايبقى مدينه الشروق بردو الميعاد اما الجمعه الجايه وبكده هاتخلونى اعرف اركز فى الدراسه او الجمعه اللى بعدها وبكده هاتخلونى معرفش انام لحد ما يجى اليوم ده القواعد: مفيش قواعد ;) اهم شئ اننا نتجنب الاصابات والمشاحنات طبعا اذا ده حصل من اساسه احنا منتدى حلو وكل اعضاءه ناس محترمه و ودودين المهم الفكره ديه هاتوصلنا لحاجه مهمه اولا متعه الصيد الحقيقيه ومتعه المنافسه وطبعا اكتساب خبرات الكبار ثانيا هاترضى شغفنا بالصيد ولو لفتره قصيره حتى تجمع اخر لينا ان شاء الله واكيد طبعا هايبقى فيها ناس كتيره شويه واعمار متفاوته فبالتالى تعاقب الاجيال :D:D:D بس بشرط الفريقين هايبعدو تماما عن بعض فى المدينه وكمان اعضاء الفريق لازم يسمعو كلام القائد حتى لو امرهم انهم يضربو اعضاء الفريق الاخر :p:p بس كده ياريت بقى تقولولى رايكو وياريت ياريت ياريت توافقووووووووووووووووووووو (يارب يارب يارب يوافقو) :D سلام عليكم |
رد: مسابقه صيد
صحيح تحديد الفوز او الخساره لاحد الفريقين مش بعدد الحمام او اليمام اللى جابوه
لا بمدى استمتاعهم سوا ومدى تالفهم مع بعض وحبهم لبعض بعد نهايه الرحله وكمان لو فيه تعادل يبقى اكيد هايبقى فيه مسابقات تانيه لحد ما احد الفريقين يكسب وطبعا طبعا طبعااااااااااااااا هايحصل تبادل بين القاده لاعضاء الفريقين مش علشان زهقو من بعض ولا حاجه لا قدر الله علشان بس الكل يشوفو بعض ويبقو سوا لفتره واهو يبقى عيش و حمام :d |
رد: مسابقه صيد
26 مشاهده ومفيش ولا رد واحد حتى
اطمنو ديه مسابقه مسالمه مفيهاش سفك دماء :d شكلى هاكمل بقيه السنه من غير مزاكره اهئ اهئ اهئ |
رد: مسابقه صيد
والله دى فكرة روعة ويرت تتم على خير وانا كنت متردد ارد قبل عمالقة الصيد علشان نشوف رئيهم الاول
|
رد: مسابقه صيد
انا معاك فى الحوار ده :)
|
رد: مسابقه صيد
انا كمان معاكم في الموضوع دة خصوصا اني في ىالقاهرة الاسبوع ده ومعايا البندقية (ديانا 54)
رقم تليفوني 0174464484 وجدان |
رد: مسابقه صيد
اه نسيت انا ساكن في رمسيس بعد جامع الفتح في ش الجمهورية اروح الشروق وبدر من عندي ازاي لو حصل فعلا انكم طلعتوا ؟؟؟
وهل في القاهرة في مشاكل اني اتحرك بالبندقية خصوصا ان عليها تليسكوب وهو طبعا ممنوع .. |
رد: مسابقه صيد
اششششششششطه
كده مش ناقص غير القاده بتوعنا واعضاء تانيه لكلا الفريقين ويا وجدان اكيد فيه مواصلات من رمسيس ولو ع البندقيه حطها فى الجراب وامشى بيها عادى او استنى نشوف الكبار هاينظموها ازاى بس اهم شئ ان الفكره تعجب الناس ويفكرو فيها والباقى هايتحل ان شاء الله |
رد: مسابقه صيد
وانا معاكوا
|
رد: مسابقه صيد
ارجو من الاداره غلق الموضوع للسلبيه المفرطه
|
رد: مسابقه صيد
كلنا معاك في الحوار ده
|
رد: مسابقه صيد
خلاص يا جزار انا عدلت عن الفكره لان واضح انها فاشله زى صاحبها
|
رد: مسابقه صيد
اقتباس:
|
رد: مسابقه صيد
فكره جميله ...... وانا مستعد للمنافسه ...... تحياتى
|
رد: مسابقه صيد
مع انى مش من القاهره ولكن فكره حلوه انكم تعملوا مسابقه
وكمان عشان نشوف صور الصيد واجدع صيادين فى مصر والوطن العربى كله |
| الساعة الآن 12:10 PM |
Powered by vBulletin® Copyright ©2000 - 2026, Jelsoft Enterprises Ltd. TranZ By
Almuhajir