الصيد فى مصر

الصيد فى مصر (http://www.egyhunt.net/index.php)
-   البنادق الهوائيه (http://www.egyhunt.net/forumdisplay.php?f=79)
-   -   نداء ألى عظماء المنتدى الجميل (http://www.egyhunt.net/showthread.php?t=3346)

mido_23279 10-09-26 11:48 PM
نداء ألى عظماء المنتدى الجميل
 
مساء الخير يا جماعة :

انا كنت ناوى أشترى بندقية جديدة و محتار ما بين الموديلات دى :
1- GAMO CFX Royal أو GAMO CFX COMBO أن وجد
2- Norika Quick

3- GAMO HUNTER 890
4- GAMO HUNTER 440
5- NORIKA JET
6- NORIKA WEST
أرجو من الاساتذة الكبار فى المنتدى ترشيح أفضل هذة الأسلحة من حيث جودة الصناعة و الشكل الجميل و القوة .
و أكون شاكررر لسيادتكم جداااااا

محمد عز 10-09-27 12:25 AM
رد: نداء ألى عظماء المنتدى الجميل
 
الأجمل طبعا الجامو سي اف اكس رويال ملكة جمال البنادق الاسبانية
وبعدها النوريكا الكويك بدبشكها المنقوش المميز
وبعدين الجامو هنتر 890 عشان القبضة اللي في نهاية الماسورة

القوة تتقدمهم النوريكا كويك 250 متر ثانية رقم 2
وبعدين النوريكا جيت والوست تقريب زي بعض
ثم الجامو هنتر 440 و890 وفيه منهم اصدار قوي 250 متر ثانية

جودة الصناعة السي اف اكس رويال الجامو
وبعدين النوريكا كويك
وبعدين البنادق المتبقية

mido_23279 10-09-27 01:40 AM
رد: نداء ألى عظماء المنتدى الجميل
 
متشكرين جدااا يا أستاذ محمد على مرورك الجميل و ردك الشافى و ليا استفسار بعد اذن حضرتك
عن أسعار هم دلوقتى تعمل كام

و شكرا مرة ثانية و استاذنا كلنا

المستشار 10-09-27 01:57 AM
رد: نداء ألى عظماء المنتدى الجميل
 
ديما بتسبقنا يا محمد بك ولا كلام بعد كلامك

mustafa alqadi 10-09-27 04:06 AM
رد: نداء ألى عظماء المنتدى الجميل
 
من بعد اذنك يا mido ياريت يا استاذ محمد و المسشار تزور موضوعي وتدوني رايكم عشان انا عاايز انزل الجيب الحاجه في الكم يوم دول من بعد اذنكم.. شكرا

adeltaher 10-09-27 08:23 AM
رد: نداء ألى عظماء المنتدى الجميل
 
الاخ ميدو:

السلام عليكم
انا المهندس عادل طاهر ولما قرات المشاركة بتاعتك اردت ان اقول لك انى عندى بندقية نوريكا كويك جديدة بالكرتونة وثمنها 3000 جنيه مع العلم انها فى المحلات ثمنها 3500 و لو عندك نية للشراء ممكن تتصل على موبايلى اللى ساضعة فى المشاركة لبيع البندقية
تحياتى

hassan_11176 10-09-27 08:54 AM
رد: نداء ألى عظماء المنتدى الجميل
 
اقتباس:
المشاركة الأصلية كتبت بواسطة محمد عز (المشاركة 28313)
الأجمل طبعا الجامو سي اف اكس رويال ملكة جمال البنادق الاسبانية
وبعدها النوريكا الكويك بدبشكها المنقوش المميز
وبعدين الجامو هنتر 890 عشان القبضة اللي في نهاية الماسورة

القوة تتقدمهم النوريكا كويك 250 متر ثانية رقم 2
وبعدين النوريكا جيت والوست تقريب زي بعض
ثم الجامو هنتر 440 و890 وفيه منهم اصدار قوي 250 متر ثانية

جودة الصناعة السي اف اكس رويال الجامو
وبعدين النوريكا كويك
وبعدين البنادق المتبقية
استاذ..................... استاذ ......................... استاذ

mido_23279 10-09-27 09:19 AM
رد: نداء ألى عظماء المنتدى الجميل
 
صباااااح الفل

طيب يا بشوات ممكن حد يعرف أسعارهم اية دلوقتى

adeltaher 10-09-27 10:35 AM
رد: نداء ألى عظماء المنتدى الجميل
 
انا المهندس عادل
رقم موبايلى 0122318579

mido_23279 10-09-27 10:47 AM
رد: نداء ألى عظماء المنتدى الجميل
 
متشكر جداا يا بش مهندس عادل بس عندى سؤال هو سعر gamo cfx royal زى Norika quick بتاعة حضرتك ؟؟
و عندى سؤال ثانى معلش انا قدامى بندقية bsa air sporter بجزرة على 3000 مع واحد صاحب أخويا هل السعر دة مناسب ؟؟
أخوك محاسب أحمدعصام

galal khalifa 10-09-27 11:11 AM
رد: نداء ألى عظماء المنتدى الجميل
 
اقتباس:
المشاركة الأصلية كتبت بواسطة mido_23279 (المشاركة 28310)
مساء الخير يا جماعة :

انا كنت ناوى أشترى بندقية جديدة و محتار ما بين الموديلات دى :
1- GAMO CFX Royal أو GAMO CFX COMBO أن وجد
2- Norika Quick

3- GAMO HUNTER 890
4- GAMO HUNTER 440
5- NORIKA JET
6- NORIKA WEST
أرجو من الاساتذة الكبار فى المنتدى ترشيح أفضل هذة الأسلحة من حيث جودة الصناعة و الشكل الجميل و القوة .
و أكون شاكررر لسيادتكم جداااااا
ترتيب البنادق من حيث القوة والخامة
1- Norika Quick سرعتها 250 متر وخشبتها احسن وبها 2 امان
2- GAMO CFX Royal وسرعتها 205 متر في الثانية وفي منها 220 متر وهي صورة طبق الاصل من
B S A
3- NORIKA JET و سرعتها 205 متر في الثانية
4- NORIKA WEST وسرعتها 235 متر في الثانية ولكنها ارقي من ال jet
5- GAMO HUNTER 440 وبعد ذلك 890
واذا كنت عايز نصيحتي الشخصية المفاضلة بين الكويك والويست

galal khalifa 10-09-27 11:14 AM
رد: نداء ألى عظماء المنتدى الجميل
 
اقتباس:
المشاركة الأصلية كتبت بواسطة محمد عز (المشاركة 28313)
الأجمل طبعا الجامو سي اف اكس رويال ملكة جمال البنادق الاسبانية
وبعدها النوريكا الكويك بدبشكها المنقوش المميز
وبعدين الجامو هنتر 890 عشان القبضة اللي في نهاية الماسورة

القوة تتقدمهم النوريكا كويك 250 متر ثانية رقم 2
وبعدين النوريكا جيت والوست تقريب زي بعض
ثم الجامو هنتر 440 و890 وفيه منهم اصدار قوي 250 متر ثانية

جودة الصناعة السي اف اكس رويال الجامو
وبعدين النوريكا كويك
وبعدين البنادق المتبقية
استاذنا الكبير اختلف معاك في الترتيب
النوركا كويك احسن واحدة فيهم وبعدها ال السي اف الجامو وبعديم الويست عن تجربة

adeltaher 10-09-27 11:19 AM
رد: نداء ألى عظماء المنتدى الجميل
 
الاخ احمد:
انا قرات راى الاستاذ جلال خليفة المخضرم وانا شاكر لكلامه وعلى العموم انا وضعت المشاركة بتاعتى فى سوق المنتدى والسعر 2900 جنيه واتحدى ان تجد هذا السعر و لك مطلق الاختيار
مع تحياتى

galal khalifa 10-09-27 11:19 AM
رد: نداء ألى عظماء المنتدى الجميل
 
اقتباس:
المشاركة الأصلية كتبت بواسطة mido_23279 (المشاركة 28380)
صباااااح الفل

طيب يا بشوات ممكن حد يعرف أسعارهم اية دلوقتى
النوركا كويك ثمنها بالكرتونة 3500 جنية
السي اف ثمنها بالكرتونة 3500 جنية
الجت نمرة (1 ) سعرها 1600 جنية
الجت نمرة ( 2 ) سعرها 2500 جنية
الويست ثمنها 2750 جنية
هانتر 440 ثمنها 2250 جنية
هانتر 890 ثمنها 1900 جنية

adeltaher 10-09-27 11:48 AM
رد: نداء ألى عظماء المنتدى الجميل
 
اخ احمد :
ممكن تكلمنى من فضلك

محمد عز 10-09-27 12:25 PM
رد: نداء ألى عظماء المنتدى الجميل
 
اقتباس:
المشاركة الأصلية كتبت بواسطة galal khalifa (المشاركة 28399)
استاذنا الكبير اختلف معاك في الترتيب
النوركا كويك احسن واحدة فيهم وبعدها ال السي اف الجامو وبعديم الويست عن تجربة

أنا بصراحة اتفق معاك في الاختلاف معايا
هههههههههههههههههههههههههههه
والله ياجلال بك انا مارضيتش أكتب كده تعففا لآني كنت بابيع بندقية من نفس النوع وبسعر اقل من سعر جملتها في المحلات اللي التجار بيشتروا بيه
وسبب اني ماكتبتش كده لان احد الاعضاء الجدد على المنتدى ظلمني وقال اني ممكن اكتب كلام مبالغ فيه علشان ابيع بنادق رغم اني ماكتبتش الا جزء من مميزات البندقية
على الرغم من اني بابيعها تقريبا ببلاش
وانا هعذره لأنه ماشفهاش وما يعرفش حاجة عن اسعار السوق وماراحش محلات من سنين
يا عمدة انا والمستشار محمد عبد الرازق وعمرو بيه البهي كنا عند احد المحلات في القاهرة من يومين والراجل قال لنا الديانا 52 ب 8 الاف وال54 ب 8500 جنيه وكمان زناد تي 05 مش 01
وقال وجهة نظره ان فتح الله اللي بيبيع ب 6500 مش عارف السوق ماشي ازاي وان مافيش بنادق في السوق وان اسعار الانواع الانجليزي والالماني زادت عن سعر الخرطوش وان البنادق حتوصل 10 الاف جنيه
ورغم تحفظي على كلامه الا انه قال السوق بيقول كده وانه مش مستعجل على البيع
لنا الله
والمهم احب اقول ان اللي بيلاقي بندقية جديدة اسباني او الماني او انجليزي بسعر مناسب وما ياخدهاش خسران لأنه مش هيشوفها تاني
وغلطان تاني لأنه بيشك في اسعار ما يقدرش اصحاب المحلات يبيعوا بيها علشان مايبوظوش النصباية بتاعتهم
ده طبعا الا لو واحد زيك او زي بعض الاعضاء المحترمين اللي لهم تعاملات كبيرة معاهم اتدخلوا لتقليل السعر والناس دول عارفين هما بيتعاملوا مع مين علشان كده ما بيرجعوش كلامك لصالح الاعضاء
ماشي يا كبير انا موافق على اعتراضك
بس مش موافق بقه بصراحه على ان الهانتر 890 ب 1900 جنيه ده فين ده الكلام ده؟
انا عايز واحدة وبرضه هابيع بتاعتي ب 2100 هههههههههههههههه لأني واخدها بأكتر من كده

الجوكر 10-09-27 10:05 PM
رد: نداء ألى عظماء المنتدى الجميل
 
اقتباس:
المشاركة الأصلية كتبت بواسطة محمد عز (المشاركة 28411)



أنا بصراحة اتفق معاك في الاختلاف معايا
هههههههههههههههههههههههههههه
والله ياجلال بك انا مارضيتش أكتب كده تعففا لآني كنت بابيع بندقية من نفس النوع وبسعر اقل من سعر جملتها في المحلات اللي التجار بيشتروا بيه
وسبب اني ماكتبتش كده لان احد الاعضاء الجدد على المنتدى ظلمني وقال اني ممكن اكتب كلام مبالغ فيه علشان ابيع بنادق رغم اني ماكتبتش الا جزء من مميزات البندقية
على الرغم من اني بابيعها تقريبا ببلاش
وانا هعذره لأنه ماشفهاش وما يعرفش حاجة عن اسعار السوق وماراحش محلات من سنين
يا عمدة انا والمستشار محمد عبد الرازق وعمرو بيه البهي كنا عند احد المحلات في القاهرة من يومين والراجل قال لنا الديانا 52 ب 8 الاف وال54 ب 8500 جنيه وكمان زناد تي 05 مش 01
وقال وجهة نظره ان فتح الله اللي بيبيع ب 6500 مش عارف السوق ماشي ازاي وان مافيش بنادق في السوق وان اسعار الانواع الانجليزي والالماني زادت عن سعر الخرطوش وان البنادق حتوصل 10 الاف جنيه
ورغم تحفظي على كلامه الا انه قال السوق بيقول كده وانه مش مستعجل على البيع
لنا الله
والمهم احب اقول ان اللي بيلاقي بندقية جديدة اسباني او الماني او انجليزي بسعر مناسب وما ياخدهاش خسران لأنه مش هيشوفها تاني
وغلطان تاني لأنه بيشك في اسعار ما يقدرش اصحاب المحلات يبيعوا بيها علشان مايبوظوش النصباية بتاعتهم
ده طبعا الا لو واحد زيك او زي بعض الاعضاء المحترمين اللي لهم تعاملات كبيرة معاهم اتدخلوا لتقليل السعر والناس دول عارفين هما بيتعاملوا مع مين علشان كده ما بيرجعوش كلامك لصالح الاعضاء
ماشي يا كبير انا موافق على اعتراضك
بس مش موافق بقه بصراحه على ان الهانتر 890 ب 1900 جنيه ده فين ده الكلام ده؟
انا عايز واحدة وبرضه هابيع بتاعتي ب 2100 هههههههههههههههه لأني واخدها بأكتر من كده


اموت واعرف الاسعار دى بتجيبوها منيين دى الهانتر 890 اللى استاذ جلال بيقول عليها ب 1900 وانت عاندى واحدة عايز فيها 2100 لسا شايف هانتر 890 ب 2600 :confused:

mido_23279 10-09-28 12:05 AM
رد: نداء ألى عظماء المنتدى الجميل
 
تسلم ايدك يا أستاذ جلال بس ليا أستفسار هي أسعار البنادق دى أسعار المحلات ولا أسعار بنادق متوفرة عند حضرتك؟


و متشكرين تانى يا باشا

محمد عز 10-09-28 01:26 AM
رد: نداء ألى عظماء المنتدى الجميل
 
اقتباس:
المشاركة الأصلية كتبت بواسطة الجوكر (المشاركة 28482)
اموت واعرف الاسعار دى بتجيبوها منيين دى الهانتر 890 اللى استاذ جلال بيقول عليها ب 1900 وانت عاندى واحدة عايز فيها 2100 لسا شايف هانتر 890 ب 2600 :confused:
البنادق دي انا بابيعها من مجموعتي الخاصة للاقتناء
وهي كلها جديدة بالكراتين سواء جايبها من بره او مشتريها من المحلات في مصر
وطبعا بابيعها اقل كتييييييييييييييييييييييييييير من سعر السوق
وطبعا بتكون فرز اول ومافيهاش عيوب زي اللي في بعض المحلات
بخلاف علاقات كويسة مع تجار السلاح
والاستاذ جلال عنده علاقات كويسة مع محلات بعع السلاح وخاصة ميشيا عازر وابنه الاستاذ اشرف عازر وهما بيستجيبوا لطلباته وبيثقوه فيه جدا
وكمان هو عنده حاجات بتجيله من بره كتير واللي بيفوز بيها بيكون له حظ طبعا

mido_23279 10-09-29 09:02 PM
رد: نداء ألى عظماء المنتدى الجميل
 
طيب يا جماعة أية رأيكوا فى البندقية bsa airsporter rb2 و يا ترى سعرها كام دلوقتى

أرجو الأفادة و مع الشكر

Youssef 10-09-30 09:16 AM
رد: نداء ألى عظماء المنتدى الجميل
 
اقتباس:
المشاركة الأصلية كتبت بواسطة mido_23279 (المشاركة 28785)
طيب يا جماعة أية رأيكوا فى البندقية bsa airsporter rb2 و يا ترى سعرها كام دلوقتى

أرجو الأفادة و مع الشكر
دى بندقيه أكتر من رائعه ..... خطيرة وأعتقد ان الأستاذ اسامه فتحى محضر فيها 3 دكتوراه وهو أجدر واحد ممكن يتكلم عنها لو عمل مشاركة متميزه كالعاده ويبقى من حظك لو لقيت البندقيه ديه .

mido_23279 10-09-30 10:25 AM
رد: نداء ألى عظماء المنتدى الجميل
 
ميرسى يا أستاذ يوسف على تعليق سيادتك و مرورك الجميل و ياريت لو الأستاذ أسامة شايفنا يتكرم و يسقينا من بحر علمة عن البندقية دى

و أحب أشكر الأستاذ جلال خليفة و الأستاذ محمد عز على معلوماتهم القيمةو بالنسبة للبنادق النوريكا و الجاموو الى فادتنى جدا جدا و حسيت فعلا ان انا عندى معلومات كويسة من خلال المنتدى الجميل دة لما نزلت أتفرج أمبارح و أشوف كل الماركات دى عند ميشيل عازر الفرع الى عند سنترال الأوبرا و الفرع الى ورا عمارة مصر للبترول و عند السجلابى و أحمد منسى و فعلا يا أستاذ جلال لما كنت بسأل على الأسعار كان ميشيل عازر أقل سعر . و شفت عندة موديل جديد BSA Airsporter الجزرة بتاعتها شكلها مختلف شوية و فيها نقش أكتر على الدبشك كان شكلها تحفة الصراحة و البى أس عامة تحفة زى ما حضرتك عارف .

عشان كدة أنا أستخرت ربنا و ناوى أنى أشترى واحدة عشان نرجع أيام زمان الحلوة و أرجع لهوايتى الجميلة الى سيبها من سنين بسبب مشاغل الحياة بس تكون مستعملة أستعمال جيد جدا و أستقريت على الموديل الممتاز الى سيادتكو رشحتوة فى المنتدى الجميل دة و بدور علية الى هو Air Sporter RB2 مع العلم أنى كان قدامى BSA Air Sporter mk7 لكن لما قرأت رأيكوا عن RB2 أعجبت بيها أكتر و قلت أبعد عن مشاكل الجزرة .

و متشكر جداا على المرور الكريملسيادتكم و أسف على الأطالة

galal khalifa 10-09-30 10:43 AM
رد: نداء ألى عظماء المنتدى الجميل
 
توجد بندقية سوبر ستار اجمل ما انتجت شركة b s a جدية وبسعر منافس

mido_23279 10-09-30 10:52 AM
رد: نداء ألى عظماء المنتدى الجميل
 
صباح الفل ياأستاذ جلال

بعد إذن سيادتك هو الموديل دة تعميرة بجزرة ولا بوابة للتعير و أية الفرق بين الموديل دة و super sport و السعر كام

و متشكر جدا على التفاعل و المشاركة

galal khalifa 10-09-30 10:54 AM
رد: نداء ألى عظماء المنتدى الجميل
 
البندقية تعمير سفلي وتعمل بنظام البوابة وسعرها 4500 قابل للتفاوض وهي من ادق البنادق التي انتجتها الشركة

mido_23279 10-09-30 11:01 AM
رد: نداء ألى عظماء المنتدى الجميل
 
طيب و بالنسبة rb2 مفيش منها حاليا ؟

mido_23279 10-09-30 11:05 AM
رد: نداء ألى عظماء المنتدى الجميل
 
أيوة هى سعرها عند ميشيل عازر 4500 ج و الى بجزرة 3500 ج Air Sporter

mido_23279 10-09-30 11:07 AM
رد: نداء ألى عظماء المنتدى الجميل
 
هل فرق السعر دة عشان أسلوب التعمير المختلف ولا فى حاجات تانية ؟

galal khalifa 10-09-30 11:17 AM
رد: نداء ألى عظماء المنتدى الجميل
 
لا طبعا البندقية Air Sporter هي الانتاج القديم اما التانية هي الموديل الجديد وانا عارف انها عند ميشيل ب 4500 وانا قلت لك ان شاء الله في تفاوض في السعر دا انت معانا في المنتدي يعني عينينا لك

mido_23279 10-09-30 11:53 AM
رد: نداء ألى عظماء المنتدى الجميل
 
دة العشم بردة يا أستاذ جلال طيب أية الفرق بين super star و super sport

المستشار 10-09-30 03:42 PM
رد: نداء ألى عظماء المنتدى الجميل
 
اقتباس:
المشاركة الأصلية كتبت بواسطة mido_23279 (المشاركة 28785)
طيب يا جماعة أية رأيكوا فى البندقية bsa airsporter rb2 و يا ترى سعرها كام دلوقتى

أرجو الأفادة و مع الشكر
دى بقى التحفه الانجليزيه اللى النمره واحد فيها بتوصل لسرعهه 344 متر لكل ثانيه باستعمال نوع معين من الرش بندقيه حكايه وانا لما بحب اضرب بنمره واحد بضرب بيها وللاسف هى نادره جدا بل اجزم ان مافيش منها اكتر من حته او حتتين فى السوق المصرى وهى تعمل من 4000 الى 4500 مؤقتا بعد بدايه السنه الجديده ولما الصينى يوصل 2500 جنيه تصوروا بقى هتبقى بكام هى تعمير سفلى فى بطن الدبيشك خفيفه الوزن لها باب بيتفتح على شكل بوابه يفتح من اليمين الى اليسار بصراحه ليس لها اى عيوب او يحدث لها اى مشاكل وانا اعتقد انها فخر الصناعه الانجليزى وتفوق الباتريوت لان البايتريوت بيظهر فيها عيوب مع الاستخدام مثل انها دائمه التفكك وعموما البنادق الانجليزى بيطلق عليها نرفس جن من قوتها ورد فعلها واهم ما يقال عن البى اس ايه اير سوبرتر موديل ار بى 2 انها ادق بندقيه تقريبا عرفها التاريخ ولكل قاعده شواذ وتقبلوا مرورى

mido_23279 10-09-30 05:18 PM
رد: نداء ألى عظماء المنتدى الجميل
 
والله يا جماعة أنا سعيد جداا أن رأيى المتواضع فى أختيار الأفضلية بين الأسلحة جية متوافق مع رأئ الأساتذة الكبار هنا أمثال سيادة المستشار

محمد عز 10-09-30 05:48 PM
رد: نداء ألى عظماء المنتدى الجميل
 
اقتباس:
المشاركة الأصلية كتبت بواسطة mido_23279 (المشاركة 28871)
دة العشم بردة يا أستاذ جلال طيب أية الفرق بين super star و super sport
بعد اذن الاستاذ جلال
وبعد احترام كل الاراء ومن تجربتي الشخصية سنين مع البنادق الانجليزي
السوبر ستار افضل بندقية بي اس ايه واقوى بندقية سبرنج انتجتها الشركة وسرعتها 344 متر ثانية بالرش العادي وليس الخفيف واسهل في التعمير والسرعة من الار بي تو وسرعتها نفس سرعة الجولد ستار ام خزنة 10 رشات التي تحتاج لخبرة في سرعة التعمير مع الخزنة الحديدية
وبمجرد ما تمسك البندقية بي اس ايه سوبر ستار هتحس انك ماسك بندقية صيد حقيقية وافضل عيارفيها رقم 2
ولا ينافس هذه البندقية سوى المدفع الانجليزي ويبلي باتريوت اقوى بندقية ضغط هواء في العالم ومن ادق البنادق ايضا في العالم وهي افضل من بندقية الرصاص 22 في نظري ونظر الكثيرين
وبعض الصيادين يحكم على البنادق الويبلي الباتريوت الانجليزية على انها الباتريوت التركية المصنوعة في مصنع هاتسن في تركيا او على الباتريوت المصنوعة في شركة بيمان الامريكية التي تحمل اسم كودياك وهاتين البندقيتين تحملان اسم باتريوت ايضا ولكنهما مختلفتان عن الانجليزي في القوة والدقة وان كانت البيمان الامريكية افضل من التركية بكثير
اما البندقية السوبر سبورت فهي افضل بندقية كسر من بي اس ايه وقوتها مقاربة للسوبر ستار ولكنها اخف قليلا
وعموما هي مجرد اراء واحيانا اذواق اذا ما نحينا المواصفات الثابتة التي لا تقبل جدال جانبا وتحتاج لفترات طويلة من الخبرة والاستعمال والصيد
ولك ولكل المشاركين التحية والود والتقدير

المستشار 10-10-01 01:41 AM
رد: نداء ألى عظماء المنتدى الجميل
 
يا اخ حوكا بغض النظر عن معلوماتك ان كانت صح ولا غلط ما ينفعش تتكلم مع شخص اكبر منك سنا ويفوقك خبره فى هذه المجال بمثل هذه الطريقه انا شخصيا بقالى 30 سنه بصطاد ولسه بتعلم ومن محمد عز بالتحديد وبرجع له فى بعض الاشياء لانه فعلا موسوعه وخبره كبيره جدا فى مجال السلاح سواء ضغط الهواء او الاسلحه الناريه ده غير ان شغلته تحتم ان يكون دائما الاطلاع وبيبقى مرجع لينا فى معلومات واخبار الصيد اما عن بعض المعلومات اللى انت وضعتها على مسئوليتك الخاصه فبعضها غير صحيح الا من وجهه نظرك انت وطبعا انت لا عمرك مسكت الاكستريم ولا الويبلى ولا 22 عشان تقدر تعقد مقارنه بينهم سيب الناس اللى خوت السلاح يعنى بقى اخوها من زمان يحكموا اما عند صيد الغزلان او الارانب بضغط الهواء طبعا ممكن جدا والبيوبلى بالتحديد بس فى اماكن قاتله فيها ارجوك ارجوك ارجوك تراعى الدقه والاخوه اللى بين كل اعضاء هذا الصرح الكبير ومحمد بك عز رمز من رموز هذا المنتدى زى ما انت اخ كريم وعزيز علينا واوع تفتكر ان الصيد من فوق السطح ولا من الجناين ولا حتى من الشروق ده صيد لما تطلع طلعات وتبات اسبوع وتتعامل مع الطبيعه ومع الطرائد واحساسك بنفس الخطر اللى بتحس بيه الطريده من تعرضك انت ايضا لبعض الحيوانات والهامات الضاره والمتوحشه وده فى مصر مش بعيد ولما تكون عامل حسابك ان معظم اكلك هيبقى من صيدك تبقى كده انت صياد وارجو انك تستوعيب كلامى وتخده على انه كلام اخ كبير بيحبك وبيرشدك مش بهاجمك ابدا وتقبل كامل احترامى

محمد حافظ 10-10-01 02:35 AM
رد: نداء ألى عظماء المنتدى الجميل
 
بعيدا" عن ألصيد و تبادل ألخبرات و أنواع ألآسلحة
نداء ألى عقلاء ألمنتدى
لما نجيب راجل فى مقام محمد عز و فى أدبه و أحترامه و خبراته و ييجى طفل من سن أولاده يتكلم معاه بأسلوب لا يليق و ببذاءة و أنا أسف فى ألتعبير يبقى أحنا كده بنظلم ألناس ألمحترمين ألمنتدى مش ساحة للعب ألعيال و تنطيط ألقرود و ألسفاهه و ألتفاهه كل موضوع أو مشاركة ألآخ (حوكة) بيدخل فيها نلاقى أسلوبه فى ألكلام مليء بالتهكم و ألسخرية و ألآلفاظ ألسوقية و كده ما يصحش و لا يليق أبدا" بنا و بلغة حوارانا ألتى نتميز بها لازم نحفظ للناس أقداراها و مقاماتها ألواحد لو حب يعمل مداخلة يبقى بألآدب و عن علم و للأضافة و ألتوضيح أو للشكر و ألمجاملة مش يدخل يتهكم و يتهم و يتسافه فى ألقول و أسلوبك يا محمود لا يليق أبدا" و أطالبك بألآعتذار ألعلنى و ترضية محمد بك عز لآن ألراجل ده راجل خلوق و محترم و مهذب و خبرته تتعداك بمسافات شاسعة لن تتعداها ما حييت و مهما تعلمت و جربت و أكتسبت من خبرات فضلآ" عن فارق ألسن و ألمركز ألآجتماعى
و سأعطيك مثال على صحة كلامى محمد عز ده صاحب فكرة حفل ألتعارف رغبة منه فى جمع ألآعضاء و ألتقاؤهم و ألتعرف عليهم و ألرجل مصر على أستضافة ألجميع على نفقته ألخاصة رغم أعتراضى أنا و ألآستاذ جلال على ذلك أما سيادتك دخلت تتهكم علينا و أنا ما رضيتش أشد عليك فى ألكلام أحتراما" للناس يا محمود أول مراحل أحترام ألذات هو أحترام ألآخرين و خصوصا" ألآكبر سنا" و شأنا" و علما" و لو أسلوبك ما أتغيرش أنا أول واحد أصوت على وقف عضويتك و أكرر لابد من ألآعتذار ألعلنى للأستاذ محمد عز و أرجو من ألآدارة لفت نظر أى عضو يتكلم بأسلوب سخيف أو متهكم أو بذئ و لو لم يستجب توقف عضويته على ألفور

mido_23279 10-10-01 03:44 AM
رد: نداء ألى عظماء المنتدى الجميل
 
لا يا دكتور ما يصحش الأسلوب دة خالص فى التعامل مع أى حد سواء كبير أو فى نفس سنك ما بالك بقى لو كان حد أكبر منك سنا و علما و خبرة فى الصيد و يتمتع بمكانة و أحترام الناس الى حوالية الى نابعة من أحترامة ليهم و أحساس الناس بقيمتة فى نفس الوقت الى أنا حسيت بيها أول ما دخلت المنتدى المحترم دة و معاة ناس كتير فى المنتدى دة على نفس الدرجة من المكانة و الأحترام لدرجة أحساسى الحقيقى أن المنتدى دة مميز و مختلف عن المنتيات العادية الأخرى ، عشان كدة أرجوك حافظ على أسلوبك مع الزملاء عشان تكون جدير على الأقل بأنتمائك للمنتدى المحترم دة و فى نفس الوقت تكسب أحترام و تقدير الزملاء .

Consul 10-10-01 03:49 AM
رد: نداء ألى عظماء المنتدى الجميل
 
لا فض فوك يا أستاذ محمد حافظ...الرجوع الي الحق فضيلة...والله أنا لسه جديد في المنتدي ولسه ما أعرفش حد... وطبعا برضو ماحدش يعرفني...بس عجبني جدا اسلوب الأخ الفاضل الأستاذ محمد عز في توصيل المعلومة بكل الحب والمودة ولوجه الله دون مقابل أو حتي كلمة شكر...وبصراحة استفزني رد الأخ الدكتور حوكه اللي كان متحامل فيه بصراحة وواضح فيه الهجوم غير المبرر الذي أفقده المصداقية والخروج عن الموضوع الأساسي الي التجريح وهذا الإسلوب لايليق في الحوار بإناس كبار متعلمين ومثقفين يتخلقون بأخلاق الفرسان ويتحلون بصفاتهم...وماشاء الله علي سيادة المستشار وجلال بك خليفة اللي أتمني وأرجو من الله عز وجل أن يشرفني بلقائهما والأستاذ محمد حافظ قريبا لزيادة أواصر المعرفة والإستفادة من خبراتهم والنهل من بحور معرفتهم التي لا تنضب...خالص تحياتي وشكري واحترامي للجميع...

galal khalifa 10-10-01 12:35 PM
رد: نداء ألى عظماء المنتدى الجميل
 
اقتباس:
المشاركة الأصلية كتبت بواسطة محمد حافظ (المشاركة 29053)
بعيدا" عن ألصيد و تبادل ألخبرات و أنواع ألآسلحة
نداء ألى عقلاء ألمنتدى
لما نجيب راجل فى مقام محمد عز و فى أدبه و أحترامه و خبراته و ييجى طفل من سن أولاده يتكلم معاه بأسلوب لا يليق و ببذاءة و أنا أسف فى ألتعبير يبقى أحنا كده بنظلم ألناس ألمحترمين ألمنتدى مش ساحة للعب ألعيال و تنطيط ألقرود و ألسفاهه و ألتفاهه كل موضوع أو مشاركة ألآخ (حوكة) بيدخل فيها نلاقى أسلوبه فى ألكلام مليء بالتهكم و ألسخرية و ألآلفاظ ألسوقية و كده ما يصحش و لا يليق أبدا" بنا و بلغة حوارانا ألتى نتميز بها لازم نحفظ للناس أقداراها و مقاماتها ألواحد لو حب يعمل مداخلة يبقى بألآدب و عن علم و للأضافة و ألتوضيح أو للشكر و ألمجاملة مش يدخل يتهكم و يتهم و يتسافه فى ألقول و أسلوبك يا محمود لا يليق أبدا" و أطالبك بألآعتذار ألعلنى و ترضية محمد بك عز لآن ألراجل ده راجل خلوق و محترم و مهذب و خبرته تتعداك بمسافات شاسعة لن تتعداها ما حييت و مهما تعلمت و جربت و أكتسبت من خبرات فضلآ" عن فارق ألسن و ألمركز ألآجتماعى
و سأعطيك مثال على صحة كلامى محمد عز ده صاحب فكرة حفل ألتعارف رغبة منه فى جمع ألآعضاء و ألتقاؤهم و ألتعرف عليهم و ألرجل مصر على أستضافة ألجميع على نفقته ألخاصة رغم أعتراضى أنا و ألآستاذ جلال على ذلك أما سيادتك دخلت تتهكم علينا و أنا ما رضيتش أشد عليك فى ألكلام أحتراما" للناس يا محمود أول مراحل أحترام ألذات هو أحترام ألآخرين و خصوصا" ألآكبر سنا" و شأنا" و علما" و لو أسلوبك ما أتغيرش أنا أول واحد أصوت على وقف عضويتك و أكرر لابد من ألآعتذار ألعلنى للأستاذ محمد عز و أرجو من ألآدارة لفت نظر أى عضو يتكلم بأسلوب سخيف أو متهكم أو بذئ و لو لم يستجب توقف عضويته على ألفور
ا
اتفق معاك يا استاذ محمد في كل كلمة وحرف هناك قواعد واحترام في التعامل يجب علينا جميعا الالتزام بة في كل وقت واحترام الكبير واجب ومفروض علي الجميع .
والاعتذار واجب منك يا محمود ويجب ان يكون سريع لان الاستاذ محمد عز من الناس المحترمة جدا

hassan_11176 10-10-01 01:11 PM
رد: نداء ألى عظماء المنتدى الجميل
 
السلام عليكم
الاخ العزيز /حوكااااااااااا
عندما تحاول المشاركه يبقى باسلوب احسن من كده
ثانيا /لو لحضرتك تعليق يبقى تعلق بس بدون انتقاد الاخرين
ثالثا /تعليقك هيكون من وجهة نظرك وليس مرجع للاخرين
رابعا /الاستاذ محمد عز من الناس الى محترمين جدا ولا نزكى على الله احدا
خامسا /الاستاذ جلال بك خليفه رجل محترم جدا ومرجع للجميع فى اى شىء لخدمة المنتدى
سادسا/الاستاذ محمد حافظ رجل محترم جدااا وده من مواضيعه انا مش عارفه شخصيا بس شوف مشاركاته وانت هتعرف واخيرا وليس اخرا
اللهم اغفر لنا ذلاتنا جميعا وتقبلو مرورى جميعا /اخيكم حسن الديب

mlmk66 10-10-01 04:30 PM
رد: نداء ألى عظماء المنتدى الجميل
 
يا اخ محمود كلامك جارح جدا وفية تهكم علي شخصية محترمة جدا وخبرة كبيرة في السلاح الناري او ضغط الهواء وعنده تجارب كثيرة ومتعدده مش عند صيادين كتير واذا كان لك تعليق ( مش شرط انه يكون سليم ) يجب ان يكون بعبارات محترمة ومهذبة وطبعا انت هتكتسب اسلوب الاختلاف والحوار مع الاخرين وخصوصا الاكبر سنا وخبرة مع الوقت وده لمصلحتك في كل حياتك لانك ممكن تلاقي ردود افعال مش حتعجبك والاعتزار واجب عليك

الجزار 10-10-01 06:25 PM
رد: نداء ألى عظماء المنتدى الجميل
 
النوريكا كوبك ثمنها 3000جنيه

momo44 10-10-02 01:01 AM
رد: نداء ألى عظماء المنتدى الجميل
 
يا جماعة محمود اعتذر للاستاذ محمد عز
وبقو سمن على عسل
الحمد لله

hoka 10-10-02 02:32 AM
رد: نداء ألى عظماء المنتدى الجميل
 
حبيب قلبى يا مومو
ياريت يا استاذ جلال تشييييييييييييييييل كل المشاركات اللى ليها علاقه بالموضوع علشان يتنسى

محمد حافظ 10-10-02 02:46 AM
رد: نداء ألى عظماء المنتدى الجميل
 
ألحمد لله
زال أللبس و سوء ألتفاهم
و أعتذر ألشقيق ألأصغر لآخيه ألآكبر
ألدكتور محمود شاب مؤدب لديه ألشجاعة ألآدبية
و ألآستاذ محمد عز رجل محترم و متفاهم و واسع ألصدر
و أنا أحيى ألآخين على روحهم ألعالية و أخلاقهم ألكريمة


الساعة الآن 07:35 PM

Powered by vBulletin® Copyright ©2000 - 2026, Jelsoft Enterprises Ltd. TranZ By Almuhajir