الصيد فى مصر - برجاء الافاده

الصيد فى مصر (http://www.egyhunt.net/index.php)

- الصيد العام (http://www.egyhunt.net/forumdisplay.php?f=1)

- - برجاء الافاده (http://www.egyhunt.net/showthread.php?t=33533)

برجاء الافاده

صباح الفل يا جماعه و كل جمعه ونتو بخير
الموضوع الي عاوز اتكلم فيه يهمني اوي
الشارع عندنا مليان فيران
مليان ملتان يعني مش هزار
و فران احجامها تخض
و السم مبياثرش فيهم
نزلت البندقيه امبارح و قلت طالما مش عارف اطلع اصطاد حاجه مفيده يبقى اخلي للبندقيه الي مبتطلعش الا عشان تتنضف دي لزمه و اموت كام فار
و اهو منه صيد و منه اقلل البتوع دول شويه
نزلت عالعشا كده لقيتهم واقفين في الشارع ولا هاممهم حد رايح ولا جاي
لقيت واحد واقف بعيد عنهم بشويه قمت ماكله واحده في عقله فررفر شويه و بعدين مات في مكانه
و هما بردو مش في دماغهم وال حتي صوت البندقيه جعزهم
قمت ضارب واحد تاني كان بردو بعيد عنهم بس المره دي في جنبه و دا زحف شويه و بعدين مات
دلوقت بداو يهتمو
قمت ضارب واحد تالت قامو جاريين داخلين مخزن كده هو الي لاممهم
فضلت بعدها حوالي 3 ساعات
ان فار يوريني وشه
ابدا
فزهقت و طلعت البيت و قلت انزلهم انهارده
سؤالي بقى
هل حد هنا جرب يصطاد فران قبل كده؟
انا اعرف ان قتلها حلال مش حرام
و السؤال التاني
ممكن يكون التالت عشان كان قريب منهم حذرهم او مكانوش واخدين بالهم من الي كانو بعيد او حاجه زي كده؟
لان الفران دي بتتفسح في الشارع من المغرب و دا طبعا منظر زباله
مع ان الشارع نضيف و كل اصحاب المحلات بيكنسو قدام محلاتهم علطول
يعني مش ملمومين على زباله ولا حاجه
انا عارف ان الموضوع مقرف
بس معلش اسحملوني شويه لان الموضوع دا بجد مضايقني جدا
و الف شكر ليكو يا احسن رجاله

رد: برجاء الافاده

مش هما عاملين دكرا يبقو يستاهلو
واللي انا اعرفو ان لو فار مات في مكان بيسيب ريحة تحذير للفران التانية

رد: برجاء الافاده

الفار زكي جدا يعني ممكن تقعد يومين تلاته او اسبوع كمان متلاقيش ولا فار
بيبقوا عارفين الخطر فين

رد: برجاء الافاده

اقتباس:

المشاركة الأصلية كتبت بواسطة احمد فتحي (المشاركة 428372)

الفار زكي جدا يعني ممكن تقعد يومين تلاته او اسبوع كمان متلاقيش ولا فار
بيبقوا عارفين الخطر فين

+11111111111كانت مصيدة عندى عالسطح فيها فار ميت طول مافيها الفار مافيش ولا فار كان بيبقى فى السطح اول مارمتها الفران بقت تيجى وكترت جدا جدا وبقى السطح دا بيتها تقريبا كل ماطلع اشوف حوالى 3 كبار و5 صغيرين والمشكلة انهم مابيخافوش يعنى لو جيت تهشهم مايمشوش فطلعت موت3 بالبندقية وسبت جثثهم ومن ساعتها مافيش ولا فار عالسطح

رد: برجاء الافاده

اقتباس:

المشاركة الأصلية كتبت بواسطة mohamed.ayman67 (المشاركة 428354)

مش هما عاملين دكرا يبقو يستاهلو
واللي انا اعرفو ان لو فار مات في مكان بيسيب ريحة تحذير للفران التانية

انا عملتلهم هجمه تاني يوم راح ضحيتها 6 و3 اصابات بس موقعوش مكانهم
يستحملو بقى
بس امبارح مشفتش ولا فار في الشارع

رد: برجاء الافاده

اقتباس:

المشاركة الأصلية كتبت بواسطة احمد فتحي (المشاركة 428372)

الفار زكي جدا يعني ممكن تقعد يومين تلاته او اسبوع كمان متلاقيش ولا فار
بيبقوا عارفين الخطر فين

منا خدت بالي وبقيت بستخبالهم :p

رد: برجاء الافاده

اقتباس:

المشاركة الأصلية كتبت بواسطة ahmed yasser (المشاركة 428386)

اعمل زيي لحد ما يخلصو خالص

شكرا يا جماعه على الردود:)

رد: برجاء الافاده

الفئران ذكية
بس اياك واياك واياك تولع فى اى فار من الى بتضربهم

رد: برجاء الافاده

الله يفتح عليك..............

رد: برجاء الافاده

لا انا مبولعهمش لان لا يحرق بالنار الا رب النار
ولا ايه ؟
بس شكرا عالنصيحه

رد: برجاء الافاده

ياباشا علشان نقل العدوي من جلد وفراء الفئران الي الناس في المنطقة عن طريق التنفس
حيث ان الفئران تنقل مرض الطاعون والعياذ بالله

رد: برجاء الافاده

اقتباس:

المشاركة الأصلية كتبت بواسطة محمد خلف (المشاركة 430220)

لا انا مبولعهمش لان لا يحرق بالنار الا رب النار
ولا ايه ؟
بس شكرا عالنصيحه

تمام
لا يعذب بالنار الا رب النار
انت لو حرقت الفار .. اوعدك ان السكان هيسيبوا الشارع كله ويمشوا