|
انا تعبت من الكرال.
يا جماعة انا لسه مبتدئ في عالم الصيد بالبنادق الرش. بس الحمد لله بعرف انشن كويس و الحمد لله لأني ضربت نار كتير في الجيش.
المشكلة ان انا اشتريت بندقية كرال جديدة و فكيتها و شحمتها و اشتريت لها اسكوب و صفرته على مسافة 12 متر و جربت النشان من البلكونة و اصطدت يمامتين من على مسافة 8 متر. المشكله دلوأتي اني طلعت طلعتين و الحصيلة صفر و مش عارف ليه اليمام بيكون على مسافة من 15 ل 20 متر و بضرب و الطلقة متجيش فيه مع اني ايدي ثابته و منشن من السكوب صح. مش عارف اعمل ايه و بدأت احبط . انا استخدمت رش جامو هنتر هل ممكن عدم تغيير السوستة يكون السبب. افيدونا يا اهل الخبرة |
رد: انا تعبت من الكرال.
ضبط الاسكوب لازم يكون على 20 : 25 متر
|
رد: انا تعبت من الكرال.
يا باشا أنا بيتهيألي ممكن أساعدك
أولا تصفير السكوب بيكون عند 20 متر وألا مش هتصتاد أي حاجه خالص بسبب أن منحنى القذيفه بيكون مش معدي على منتصف الشعار أصلا و كمان فرق كبير بين ضغط الهواء و السلاح الحي مسكه السلاح الحي عكس الرش تماما يعني السلاح الحي بتمسكه جامد علشان رده الفعل لكن الرش يدوب بتسنده على أيدك بدون مسك و تسمح له يرتد زي ماهو عاوز أنا عمري ما ضربت سلاح حي لكن بالرش بأصتاد من 50 و 70 متر بكل سهوله |
رد: انا تعبت من الكرال.
عليك وعلى الاستاذ عادل عبده هوه الى هيظبط البندقيه صح ان شاء الله.
|
رد: انا تعبت من الكرال.
اقتباس:
|
رد: انا تعبت من الكرال.
اقتباس:
|
رد: انا تعبت من الكرال.
اقتباس:
|
رد: انا تعبت من الكرال.
طيب يا جماعة مشكلة عدم تغيير السوسته و القاعدة الفيبر ده ممكن بؤثر على دقة البندقية؟
|
رد: انا تعبت من الكرال.
ان شاء الله تتظبط وانا اسمع ان الاستاذ عادل عبده بيظبط النيشان كويس جدا بس كنت عاوز اساللك عاملة اية البندقية معاك بغض النظر عن النيشان وجبتها بكام وشكرا :)
|
رد: انا تعبت من الكرال.
وعلى فكرة انا برده ساكن فى الشرقية فى مدينة العاشر من رمضان
|
رد: انا تعبت من الكرال.
اقتباس:
انا اشتريت عرض ا/ محمد ياقوت اللي ب 1350 الفيبر الاسود. يس هوا قالي انها اصدار جديد بس لما روحت و بحثت لقيتها الاصدار القديم و ده بتعرف من شكل الناشنكاة الامامي اللي الناس بتقول عليه كاتم الصوت. |
رد: انا تعبت من الكرال.
اقتباس:
|
رد: انا تعبت من الكرال.
ربنا يديك خيرها ويكفيك شرها بس انا على خسب معلوماتى ان طالما النيشان مش مظبوط يبقى دى مشكلة متخافش منها ان شاء الله سهلة ومحاولة لان غالبا احنا بنبقا محتاجين خبرة عشان نظبط النيشان انا كان عندى بندقية من وانا فى 2 اعداى ومكنتش بعرف اظبط النيشان بردو بس الموضوع طلع سهل لكنى عمرى بصراحة ماظبطت تلسكوب فامتقلقش ان شاء الله خير بس انا كنت عاوز اساللك اية الفرق بين الاصدار القديم والجديد وانهى الاحسن
|
رد: انا تعبت من الكرال.
طيب تمام اوى والله يبقى فعلا نتقابل فى العاشر لان زى منتا عارف الهواية دى تكاد تكون ميتة فى مدينة العاشر من رمضان وانا هبعتللك رقمى ان شاء الله على الخاص عشان نتواصل واول مانزل اجازة من الشغل نتقابل ونعمل مذبحة العاشر من رمضان :):):)
|
رد: انا تعبت من الكرال.
اقتباس:
و ممكن اي حد من الخبراء في المنتدى يفيدنا في الموضوع ده |
رد: انا تعبت من الكرال.
اقتباس:
|
رد: انا تعبت من الكرال.
طيب يا جماعة ممكن صورة للكاتم الكبير والصغير
|
رد: انا تعبت من الكرال.
ظبط التليسكوب من 20 الي 25 قعلا...بس انا رأيي جرب نشن اوبن سايت الاول من غير سكوب و لما تتعود عليها ابقا ركبه تاني...و ممكن يكون السستة علشان لسه ماتغيرتش غشيمة شوية....بس صدقني البندقية مافيهاش الا عيبين بس...السستة و الناشنكاه بيفك..و حله انك تدور علي سستة زي الي متركبة في الناشنكاه اقوي شوية و بكده الناشنكاه حيثبت..و غير السستة الداخلية بسستة اسباني و ارجحلك النوريكا مارفيك ممتااااازة او الجامو
|
رد: انا تعبت من الكرال.
متظلمش البندقيه بسبب السكوب مفيش حاجه اسمها بندقيه نشانها مبيتظبطش عشان ببساطه انت عندك نشنكاه بيجي يمين و شمال و فوق و تحت حتي لو البندقيه دايس عليها دبابه حتظبط نشانك حسب الرش بيجي فين و الاصدار الجديد الحاجه اللي اتعدلت فيه هو السوسته و بردو سوسته عايزه الحرق و يفضل تغيرها بس مش هي السبب في اللي بيحصل و القاعده الفايبر لسه فايبر علي فكره متعملتش حديد في الاصدار الجديد و الاصدارين الفرق بينهم شكليتات و الكرال عموما بندقيه صوتها يعتبر عالي و في حاجه مهمه انت لازم تضرب من غير سكوب كتير عشان تتطبع علي البندقيه و ايضا تكون البندقيه لينت شويه عشان البنادق الرش ليها مرحلة تسخين و تلين في الاول بتكون في حدود 300 رشه و ممكن اكتر عشان تحكم علي اداء البندقيه و انا لسه جايب سكوب و تظبيطه طلع عيني عشان البندقيه رد فعلها قوي و السكوب بيتحرك لما بضرب لحد ما ثبته جامد و قرفني لحد ما اتظبط و كنت فاكره فيه حاجه غلط و ده بسبب اني كنت واثق من نشان بندقيتي انت حصل معاك العكس انت فاكر ان السكوب ده حاجه دقيقه جدا و جبت العيب في البندقيه علي الرغم ان المشكله سببها السكوب اللي بيتهز لما بتضرب مش البندقيه نفسها
(كلامي من واقع تجربه شخصيه مع الكرال و تجارب الناس الخبره اللي بتكتب عنها علي المنتدي لو حد قالك رأي تاني اعمل الرأي التاني وانسي اللي قلتهولك) |
| الساعة الآن 04:39 PM |
Powered by vBulletin® Copyright ©2000 - 2026, Jelsoft Enterprises Ltd. TranZ By
Almuhajir