الصيد فى مصر

الصيد فى مصر (http://www.egyhunt.net/index.php)
-   بنادق ضغط الهواء ومتعلقاتها (http://www.egyhunt.net/forumdisplay.php?f=51)
-   -   بعض الاستفسارات عن بعض المصطلحات (http://www.egyhunt.net/showthread.php?t=33637)

Mega 12-09-02 05:29 PM
بعض الاستفسارات عن بعض المصطلحات
 
السلام عليكم انا جديد بقى هنا استحملوني شويه
وانا باخد روند في المنتدى واهو بسلي نفسي لقيت حاجات غريبه عليا بمعنى مصطلحات واسماء هي مفهومه الاسم ومجهولة الوظيفه زي مثلا:
1- الناشنكاه الفسفوري ايه الفرق بينه وبين العادي يعني
2- على قد فهمي المتواضع ان في بندقيه تعمرها بانك تكسر الماسوره او نوع تاني عارفه بس مش فاكر اسمه هههههههههههههه ايه الفرق واي واحد فيهم افضل
3- انا عايز اشتري بندقيه والصراحه انا دماغي لفت كل واحد في الموقع عنده بندقيه مريحاه يقوم لم حد يساله يرشحها ليه.......بس الصراحه انا عايز اشتري بندقيه سعرها من 1000 الى 1500 وومكن تزيد شويه لكن اهم حاجه الوزن بتاعها وسرعه المقذوف والدقه.........وصيانتها تكون سهله على اساس اني مبتدا
وحاجه اخيره مش عايزه مثا تغير سوسته زي الكرال وهل الكرال لو غيرتلها سوسته بتكون كويسه ولا افكني منها واشوف نوع تاني يحقق متطلباتي

طولت عليكم بس اعذوروني ضيف تقيل شويه

Mega 12-09-02 05:31 PM
رد: بعض الاستفسارات عن بعض المصطلحات
 
ايوه النوع التاني اسمه عتله حالا لسه فاكره

hemi afifi 12-09-03 01:07 AM
رد: بعض الاستفسارات عن بعض المصطلحات
 
الناشنكاه الفسفوري هو هو العادي بس النشنكاه الخلفي بيبقي فيه حتة الياف ضوئه لونها فسفوري و نفس الكلام في سن نملة الدبانه و ميزتها انها من اقل اضائه بتبقي واضحه كأنها منوره عشان تعرف تجمع نشان بسرعه و دقه اكتر و البنادق انواعها كالتالي كسر و عتله و العتله نوعين جانبيه و سفليه و في انواع بتشتغل بانبوب هواء مضغوط pcp و العتله بتكون ادق و محترمه اكتر و لكن لازم تكون بندقيه محترمه عشان الانواع الرخيصه مشاكلها كتير و الكسر عمليه و قطع غيارها و صيانتها اسهل و دقتها ممتازه بردو و الفلوس اللي انت مجهزها دي متفصله علي الكرال و هي بس السوسته تغيرها و ممكن جلبه و قاعده حديد و تبقي زي الفل و قطع غيارها متوفره و صيانتها سهله و تقبل تعديلات كتير ممكن تزود قوتها و متانتها و لما تبيعها مستعمل مش بتخسر كتير و بتتباع بسرعه و في منها نمره واحد و اتنين بس المنتشر نمره اتنين و سرعة المقذوف في الكتالوج 240 م/ث بس ده مالوش دعوه بالواقع هي اقل من كده و لما تغير السوسته السرعه حتعتمد علي نوع السوسته اللي حتتركب بس عشان متوجعش دماغك هي بندقيه قويه و التعديلات في حدود 250 جنيه سوسته و جلبه و قاعده حديد و حتبقي ممتازه بس يبدو انك ممسكتش بنادق قبل كده يبقي بلاش تجرب تعمل الصيانه انت عشان متبوظش الدنيا و يفضل متجبش حاجه جامده و عاليه عشان ممكن متعجبكش الهوايه و البندقيه الكرال تعتبر قويه عشان تبتدي بيها

احمدفتحىمحمد 12-09-03 01:19 AM
رد: بعض الاستفسارات عن بعض المصطلحات
 
هيما كلامة لوزززززززززززززززززززززززززززززز ما قصرت يا هيما

.................................................. ................................
ولا تقولن لشيء إني فاعل ذلك غدا إلا أن يشاء الله واذكر ربك إذا نسيت وقل عسى أن يهدين ربي لأقرب من هذا رشدا
صدق الله العظيم

Mega 12-09-03 02:21 AM
رد: بعض الاستفسارات عن بعض المصطلحات
 
اقتباس:
المشاركة الأصلية كتبت بواسطة hemi afifi (المشاركة 429723)
الناشنكاه الفسفوري هو هو العادي بس النشنكاه الخلفي بيبقي فيه حتة الياف ضوئه لونها فسفوري و نفس الكلام في سن نملة الدبانه و ميزتها انها من اقل اضائه بتبقي واضحه كأنها منوره عشان تعرف تجمع نشان بسرعه و دقه اكتر و البنادق انواعها كالتالي كسر و عتله و العتله نوعين جانبيه و سفليه و في انواع بتشتغل بانبوب هواء مضغوط pcp و العتله بتكون ادق و محترمه اكتر و لكن لازم تكون بندقيه محترمه عشان الانواع الرخيصه مشاكلها كتير و الكسر عمليه و قطع غيارها و صيانتها اسهل و دقتها ممتازه بردو و الفلوس اللي انت مجهزها دي متفصله علي الكرال و هي بس السوسته تغيرها و ممكن جلبه و قاعده حديد و تبقي زي الفل و قطع غيارها متوفره و صيانتها سهله و تقبل تعديلات كتير ممكن تزود قوتها و متانتها و لما تبيعها مستعمل مش بتخسر كتير و بتتباع بسرعه و في منها نمره واحد و اتنين بس المنتشر نمره اتنين و سرعة المقذوف في الكتالوج 240 م/ث بس ده مالوش دعوه بالواقع هي اقل من كده و لما تغير السوسته السرعه حتعتمد علي نوع السوسته اللي حتتركب بس عشان متوجعش دماغك هي بندقيه قويه و التعديلات في حدود 250 جنيه سوسته و جلبه و قاعده حديد و حتبقي ممتازه بس يبدو انك ممسكتش بنادق قبل كده يبقي بلاش تجرب تعمل الصيانه انت عشان متبوظش الدنيا و يفضل متجبش حاجه جامده و عاليه عشان ممكن متعجبكش الهوايه و البندقيه الكرال تعتبر قويه عشان تبتدي بيها
يا باشا كفيت ووفيت ومرورك فوق راسي بس سؤال اخير هل اجيب كرال ولا ازود شويه واجيب نوريكا ولا الاتنين نفس السعر؟
انا عارف اني بتعبك بس انت عارف في فلوس هتدفع
ويا ريت ترشحلي حد اجيب منه ونوع البندقيه بالظبط ولو في منها مثلا خشب ولا فيبر وانهي الاحسن وهل ممكن اركبلها ناشنكاه فسفوري....يعني انا عارف اني طولت بس عادي بقه

Mega 12-09-03 02:22 AM
رد: بعض الاستفسارات عن بعض المصطلحات
 
اقتباس:
المشاركة الأصلية كتبت بواسطة احمدفتحىمحمد (المشاركة 429738)
هيما كلامة لوزززززززززززززززززززززززززززززز ما قصرت يا هيما

.................................................. ................................
ولا تقولن لشيء إني فاعل ذلك غدا إلا أن يشاء الله واذكر ربك إذا نسيت وقل عسى أن يهدين ربي لأقرب من هذا رشدا
صدق الله العظيم

شكرا يا غالي على مرورك الجميل

mahmoudsaid 12-09-03 02:29 AM
رد: بعض الاستفسارات عن بعض المصطلحات
 
بصراحة استاذ يا هيما
كفيت ووفيت فعلا ومشكور
وشكرا لميجا كمان لانة خلاك رديت علية الرد الرائع دة

hemi afifi 12-09-03 02:55 AM
رد: بعض الاستفسارات عن بعض المصطلحات
 
شكرا لردودكم و اللي انا كتبته ده من نصائح الاعضاء المحترمين اللي مبخلوش عليا لما انا كنت بسأل قبل ما اجرب الكرال , السعر الي تجيب بيه كرال و تعدلها يا دوب يجيبلك نوريكا يونج شكلها وحش و ضعيغه كمان خليك في الكرال و اعمل التعديلات البسيطه دي و حتبقي ماسك بندقيه محترمه قريبه في الاداء من النوريكا جيت و الجامو شادو 1000 و دول بنادق بتلعب بين ال 3000 و ال 4000 جنيه و بالنسبه للدبشك انا معايا الدبشك الرمايه و ما شاء الله عليه بس عيبه انه اتقل دبشك موجود و يأتي بعده الخشب ثم الفيبر "الاسود و البني و المموه" بالنسبه للجوده طبعا مفيش زي مسكة الدبشك الخشب بس الخشب في الكرال مستواه متوسط مش ممتاز و مش سيء و بالنسبه للفيبر العادي يفضل الاسود عشان ده اللون الاصلي للدبشك و مبيتخربش بالنسبه للبني و المموه لما بيتخربش بيبان فيه الخربوش اسود عشان البني و المموه ده عامل زي الدهان علي الدبشك و تحتهم لون اسود عشان كده بيبان فيه التجريح و انت بتشتري امسك التلاته و اختار بس بصراحه شكل الدبشك الرمايه مختلف و جديد و عاطي البندقيه شكل اعلي من سعرها و مفيش منه غير اسود في مصر حاليا , و بلاش تفكر في الكرال العتله خليك في الكسر و بالنسبه لمكان الشراء عندك تجار المنتدي كلهم ناس محترمه و اسعارهم كويسه و فوق ده كله نصائحهم مكسب اكتر من البندقيه نفسها و اي سؤال اخواتنا في المنتدي معلمين في الكرال حيفيدوك

Mega 12-09-03 04:23 AM
رد: بعض الاستفسارات عن بعض المصطلحات
 
اقتباس:
المشاركة الأصلية كتبت بواسطة hemi afifi (المشاركة 429785)
شكرا لردودكم و اللي انا كتبته ده من نصائح الاعضاء المحترمين اللي مبخلوش عليا لما انا كنت بسأل قبل ما اجرب الكرال , السعر الي تجيب بيه كرال و تعدلها يا دوب يجيبلك نوريكا يونج شكلها وحش و ضعيغه كمان خليك في الكرال و اعمل التعديلات البسيطه دي و حتبقي ماسك بندقيه محترمه قريبه في الاداء من النوريكا جيت و الجامو شادو 1000 و دول بنادق بتلعب بين ال 3000 و ال 4000 جنيه

انا تعبتك بجد والف شكر ليك وبجد انا استفدت منك كتييييييييير


الساعة الآن 11:13 AM

Powered by vBulletin® Copyright ©2000 - 2026, Jelsoft Enterprises Ltd. TranZ By Almuhajir