لإختبار جلبة بيت الرش
 

السلام عليكم ,,

حبيت أشارك بطريقة بعملها بختبر بيها مدي صلاحية الاويل سيل : جلبة بيت الرش

يتم تزييت الماسورة من الداخل بوضع بضع قطرات من زيت مكن الخياطة مثلا
ويتم وضع رشة وضربها .. بكده هيتحرق الزيت ويعمل دخان داخل الماسورة
يتم النفخ فى الماسورة من الامام
لو لاقيتها مكتومة ومفيش دخان خرج يبقي تمام
ولو فى دخان خرج من عند مكان الكسر يبقي الاويل سيل عايز يتغير

اتمني ان الطريقة تكون مفيدة

تحياتى للجميع..

رد: لإختبار جلبة بيت الرش
 

السلام عليكم ، الطريقة دى صحيحة وانا شفت محمود شلبى بيعملها ولما سألته قلى انه بيختبر جلبة بيت الرش .

مشكور اخى الكريم على المعلومة

رد: لإختبار جلبة بيت الرش
 

الحمدلله ان الطريقة طلعت صحيحة
والشكر موصول لسيادتك

رد: لإختبار جلبة بيت الرش
 

رد: لإختبار جلبة بيت الرش
 

الله يكرمك يا دكتور محمد
المنتدي دايما عامر بأصحابه
شرفني مرورك

رد: لإختبار جلبة بيت الرش
 

طب مش ممكن بدخان سجاره؟؟
ههههههههه

رد: لإختبار جلبة بيت الرش
 

هو ممكن .. بس بكده البندقية تتعود على التدخين
وهتضطر بدل ما تجيبلها رش .. تجيب سجاير

رد: لإختبار جلبة بيت الرش
 

جزاك الله خير
ممكن حضرتك تكمل جميلك وتقولنا نغيرها ازاي؟

رد: لإختبار جلبة بيت الرش
 

جزانا الله واياك
هتشيل الجلبة القديمة بحاجه رفيعه
وتاخدها معاك لمحل اكسسوار وقطع غيار العربيات وتقوله عايز اويل سيل زيها
هاتلاقيها بنص جنيه
بالتوفيق

رد: لإختبار جلبة بيت الرش
 

ألف ألف شكر يا باشا
ربنا يبارك فيك

رد: لإختبار جلبة بيت الرش
 

مفيش شكر على واجب يافندم .. تحت امرك فى اى وقت
تحياتي ..

رد: لإختبار جلبة بيت الرش
 

الف شكر ياكبير انا كنت رايح اغير الجلبة الاصلية الى فى التل المجرى وهجرب طريقتك وشكرا

رد: لإختبار جلبة بيت الرش
 

تمام ياكبير الجلبة الاصلية عندى سليمة والف شكر ليك