الصيد فى مصر - طريقة دهان الدبشك الخشبى للبندقية او المسدس

طبعا مش هتشترى ربع كيلو ورنيش عشان الحاجة البسيطة دى ؟حضرتك تاخد معاك جوز جنيهات وزجاجتين فاضيين صغار قطرة برفان اى حاجة وتشوف محل نجارة قريب منك وتقولة انك بتدهن دبشك سلاح وتقولة عاوز فى الزجاجة الاولى سيلر وفى الزجاجة الثانية على مزاجك يعنى ممكن ورنيش شفاف أو لون اسطر بنى محروق مط او لميع..تحضر قطنة صغيرة وتلفها على عود كبريت وتبدا بدهن السلر هيخلى الدبشك مقاوم لرطوبة ايدك ويديلة عمر ومرتين تلاتة ينشف وتديلة سلر كمان وبعدين اللون ورنيش شفاف أو أسطر بنى محروق أو اسود زى ما تحب بقطنة جديدة ملفوفة على عود كبريت او بريشة رسم صغيرة وبالتوفيق