|
مقارنة بين الكرال نوريكا جيت وجامو 440 وجامو شادو ونوريكا وست
السادة الزملاء بالمنتدي أتمني الافادة بشكل تفصيلي عن الموديلات المذكورة اعلاه مع العلم تكون نمره 2 لاني عايز اشتري ومحتار ارجو عدم الانزعاج من كثرة الاسئلة مقارنه من حيث الشركة المصنعة والمميزات والعيوب والسعر والوزن في حدود 3 ك بجد نفسي في بندقية محترمة وتكون بسعر متوسط |
رد: مقارنة بين الكرال نوريكا جيت وجامو 440 وجامو شادو ونوريكا وست
http://www.egypthunt.net/showthread.php?t=33871 صباح الفل زميلنا المحترم لسه عامل الموضوع اهو حيفيدك
|
رد: مقارنة بين الكرال نوريكا جيت وجامو 440 وجامو شادو ونوريكا وست
شكرا يا هيما علي الينك والمعلومات والان يقتصر المقارنة علي الكرال التركي والجامو 440 والجامو شادو والهنتر
اريد التأكد علي مميزات وعيوب كل بندقية وسعرها لمعرفة التكلفة وهل لازم يتم التعديل عليهم مثل الكرال علي معرفتي البسيطة. أرجو الافادة بشكل تفصيلي أكثر لو سمحتم. |
رد: مقارنة بين الكرال نوريكا جيت وجامو 440 وجامو شادو ونوريكا وست
ال440 هي الهنتر اسمها كامل جامو هنتر 440 الزميل المحترم اللي عمل المقارنه رجح الجامو عن تجربته ليها لفترات كبيره و الاتنين حلوين و لو عدلت فيهم بتغير سوسته بس و ده لو عايز قوه اكبر بس لو سبتهم بالسوسته الاصليه حتبقي زي الفل برده مش بتغير عشان فيهم حاجه وحشه نيجي بقي للتالته الكرال في الكرال انت حتغير فيها مبدئيا السوسته و القاعده الفيبر و الجلبه و ده تقريبا حيبقي ضروري عشان الكرال الحاجات دي فيها مش معمره و مستواها مش حلو اوي بس لو جيت للاسعار الكرال بالتعديلات مش حتعدي ال1500 و الباقيين اضرب في 2 و في 3 و ده سعرهم بس قبل ما تغير حاجه انت اللي حيحكم انت حتشتري ايه الفلوس و بعد كده تختار من الانواع المتوفره في نطاق الفلوس اللي ناوي تدفعها و لو محتار عشان انت الفلوس اللي معاك في النص بين الكرال و الاتنين الباقيين يبقي جيب بام 21 او 22 وش البندقيه دي متوحشه و خاماتها ممتازه و فكك من الرعب الموجود عندنا من المنتجات الصيني و سعرها جديد يلعب بين ال 2700 و ال 3000 و كانت اقل من كده بكتير زمان بس حتعمل ايه في السوق المصري
|
رد: مقارنة بين الكرال نوريكا جيت وجامو 440 وجامو شادو ونوريكا وست
هل لو اشتريت الكرال رماية تكون افضل نوع في الكرال علشان الدبشة تقليلة أم لا؟
هل يتم تغيير السوستة وجلبتها وجلبة بيت الرش بس ولا يوجد تغيير اخر؟ وشكراً علي صبركم عليا وجزاكم الله كل خير |
رد: مقارنة بين الكرال نوريكا جيت وجامو 440 وجامو شادو ونوريكا وست
الكرال كلها واحد دبشك فايبر خشب رمايه مش فارقه و الوزن التقيل مش ميزه بس هي مسكتها حلوه و مختلفه و خامة الفيبر اللي معموله منه قوي و مش بيبان فيه تجريح و اللي لازم تغيره في الاول السوسته و لو الجلبه بالمره يبقي ريحت نفسك بدري عشان متفكش البندقيه كل شويه بس الجلبه لو مش عايز تغيرها عادي اهلكها شويه و بعد كده غيرها لما يجيلك مزاج و جلبة بيت الرش مافيهاش حاجه هي حتشتغل معاك لحد ما عمرها الافتراضي يخلص و تغيرها بعد كده و لو تقدر تغير قاعدة السوسته الفيبر بواحده خامة اقوي يكون احسن بس علي الرغم من كلام الناس الكتير عنها الا انها مش بتتكسر بالسهوله اللي الناس بتقولها
|
رد: مقارنة بين الكرال نوريكا جيت وجامو 440 وجامو شادو ونوريكا وست
مش عارف اشكرك أزي لاني عاجز عن الشكر ولكن ربنا يوفئك
|
| الساعة الآن 10:32 PM |
Powered by vBulletin® Copyright ©2000 - 2026, Jelsoft Enterprises Ltd. TranZ By
Almuhajir