بندقية bsa قديمة !
 

بعد السلامات و التحيات و الشكر لكل اضاء و زوار المنتدي الرائع الصيد في مصر احب اقول و الله دي اول مشاركة ليا هنا علي فكرة.الشكر مقدما طبعا ..
الحقيقة انا عندي ال BSA اير سبورتر و هي بتاع والدي يعني ممكن تكون انتاج ال60 او 70 بس للعلم تصميمها ميفرقش خالص عن الموديلات الجديدة و كنت دايما بستعملها و انا صغير الا ان للمشاغل ركنتها بقالها اكتر من 10 سنين للأسف اتبهدلت صدا علي الحديد.انا مكنتش جربتها خفت لا تكون من الركنة جرالها حاجة من جوة كمان و تتبهدل بزيادة اذا ضربت . وديتها الأول لشريف ف شبرا المهم هو مكنش هناك و اللي كان موجود جربها و قاللي "لا ضعيفة جدا !! يااااه ليه كدة؟ " !! بس و الله احساسي كدة و صوتها انها جامدة لكن من الأول انا قلت ادي العيش لخبازه ذي المثل ما بيقول، المهم كان مصر جدا اني اسيبهالوا لما شريف ييجي و كمان قاللي انهم ملهمش دعوة بالصدا ولا دهان الخشب !! الحقيقة مستريحتش :confused: خدتها و رحت لزكي عوض يعملها الشغل اللازم علي بعضه هيدهن الخشب و الحديد .
هو جربها و قاللي "لا كويسة مفيهاش حاجة من جوة" !!! الله ؟! سألتو عن السوستة او الجلبة اذا كانو لازمهم تغيير قاللي " لا لا تمام " انا من السيرش فهمت انها بتعدي ال200 م/ث و انها هاي باور بس الحقيقة انا معرفش واقع بندقيتي دي ايه مداها او امكانياتها او سرعتها فلو ممكن حد يدلني ازاي اقيسها ؟
طولت عليكم عارف بس الف شكر . تحياتي

رد: بندقية bsa قديمة !
 

To Merit

اولا الف مرحب بك فى المنتدى و ربنا يجعلنا عون لبعض و نقدر نستفيد من خبراتك و نفيد ك بخبراتنا المتواضعة
بخصوص البندقية افضل شىء ان حضرتك تبحث على جوجل بعد معرفة العيار ان كان نمرة 1 او 2 ..... و لو هى الموديل mk العتلة السفلية و بيت الرش عبارة عن جزرة بتتلف لوضع الرش فهى فى الغالب نمرة 1 و بيبقى مكتوب حفر على الماسورة بعد مكان الرش تقريبا مسافة 5 الى 10 سم و بيكون مكتوب .177 يعنى نمرة 1 و دى مداها اقوى من نمرة 2 لكون وزن الرش اخف و لكن الدقة فى نمرة 2 اكثر بس فى BSA نمرة 1 بتكون بقوة نمرة 2 بتاعة اليومين دول انجايزى بقى يا ريس
و دى مداها المؤثر تقريبا 75-90 متر بالمناسبة انا عندى اشلاء بندقية زيها و على وشك انى ابدا اشدها و نصيحة من هاوى لهاوى اوعى تبيع لان ان كان البايع دايما خسران فى BSA البايع خسران و ندمان و زعلان لان ثمنها مستعمل حوالى 2 الى 3 الاف و مش هتعوضها و ساعتها اتوماتيك هتنزل للمستوى الاقل من كل الجوانب الا اذا كنت مستعد تزود 3 الاف كمان علسان تمسك حتجة تملا مكان bsa و طبعا هتكون اما زيها او DIANA و الله اعلم