|
بطلب مساعدة الخبراء بالزات الضباط للاهمية القصوة
بسم الله الرحمن الرحيم دلوقتى عندنا مجموعة من البلطجية كل فترة يجو يسرقوا كابلات التليفون و يمشو و معاهم سلاح الى و اخر مرة راح ضحيتها جدى و دا كان خبر فى الجرائد عم مقتل لواء بالعبور على ايدى حرامية الكابلات . الخلاصة انا عايز اعرف ازاى اقدر اواجه السلاح الالى بسلاح نص الى و هل فى مكان الواحد يتدرب فيه على كدا؟
|
رد: بطلب مساعدة الخبراء بالزات الضباط للاهمية القصوة
متابع ل اهمية الموضوع ...
انا ممكن اضيف رأي .. ممكن حضرتك تبحث عن مكان تقدر منة تشوف البلطجية دول و هما ما يقدروش يشوفوك و تقنصهم من بعيد و مالهمش دية . او حضرتك تراقب هما بيجوا امتي و تعرف مواعيدهم و بالتواصل مع الشرطة يتم نصب كمين لهم . المواجهة بالاسلحة هيقع فيها خساير بشرية من المواطنين اللي مالهمش ذنب ف عشان كدة انا افضل الحلول اللي طرحتها لحضرتك و انا متابع ل اهمية الموضوع و نشوف رأي الخبراء بردة تقبل مروري |
رد: بطلب مساعدة الخبراء بالزات الضباط للاهمية القصوة
برجاء ذكر نوع السلاح النصف الى
|
رد: بطلب مساعدة الخبراء بالزات الضباط للاهمية القصوة
مبدايا حمدا لله على سلامتك و رجوعك بالسلامه
مينفعش مواجهه بالاسلحه ما بين طرفين في حى سكنى حتى لو السلاحين متكافئين جدا و ذلك لعدم اثاره الذعر في المنطقه و بين الاهالى و لضمان عدم حدوث خساير المطلوب ان سيادتك تبلغ السلطات المختصه اللى هيه القسم اللى حضرتك تابع ليه و تقوم باتنسيق معاهم بعمل كمين لهولاء الخارجين عن القانون و ممكن تساعد القوات في القبض عليهم و لكن انت لواحدك هتعرض حياتك و حياه اهل بيتك للخطر تحياتى ليك |
Re: بطلب مساعدة الخبراء بالزات الضباط للاهمية القصوة
ربنا يسترها علي الجميع
متابع |
رد: بطلب مساعدة الخبراء بالزات الضباط للاهمية القصوة
والله الموضوع واضح انه وصل للسلطات لأنه مش مجرد سرقة كابلات ..لأ.. ده ارتبط بجريمة قتل اكيد بعضنا قرأ عنها فى الجرايد..اكيد الداخليه بتشوف شغلها خصوصا ان الضحيه كان احد رجالها.. اما اذا استمر الحال على ماهو عليه فلا أنصح ابدا بالتصرف الفردى لما فيه خطوره شديده عليك وعلى اسرتك زى ما الزملاء تفضلوا وقالوا...لكن كان عندنا فى الشرقيه واقعتين مشابهتين للواقعه دى ولم تنتهيا الا بتكاتف الاهالى جميعا ويمكن بعضكم شافهم على اليوتيوب ونجح الاهالى فى القضاء على البلطجيه وتم تعليق جثثهم فى اعمدة النور ليكونوا عبره لغيرهم...
|
رد: بطلب مساعدة الخبراء بالزات الضباط للاهمية القصوة
اقتباس:
|
رد: بطلب مساعدة الخبراء بالزات الضباط للاهمية القصوة
اقتباس:
|
رد: بطلب مساعدة الخبراء بالزات الضباط للاهمية القصوة
متابع للاهميه
|
رد: بطلب مساعدة الخبراء بالزات الضباط للاهمية القصوة
اقتباس:
|
رد: بطلب مساعدة الخبراء بالزات الضباط للاهمية القصوة
طب متحاول تكلم الشرطه العسكريه
ربنا يوفقك وتعرف تحل المشكله ديه |
رد: بطلب مساعدة الخبراء بالزات الضباط للاهمية القصوة
اقتباس:
|
رد: بطلب مساعدة الخبراء بالزات الضباط للاهمية القصوة
ربنا يستر علي البلد
|
رد: بطلب مساعدة الخبراء بالزات الضباط للاهمية القصوة
سيدي الفاضل اعتقد انك ممكن تبلغ المديريه نفسها التابع ليها وليس القسم
وفي اسوء الاحوال متحولش انك تتعامل معاهم لان الاكيد هيبقي في خسائر كبيره ولكن ما الضرر ان تستخدم اسلوب الحارات مياه مغليه وميه نار ومولتوف |
رد: بطلب مساعدة الخبراء بالزات الضباط للاهمية القصوة
اقتباس:
|
رد: بطلب مساعدة الخبراء بالزات الضباط للاهمية القصوة
بص يا باشا
اولا:عمك بطل وتوفي شهيد الله يرحمه ثانيا:لا يمكن الدخول في معركة غير متكافئة افرادا وتسليحا ليه؟ البندقية الالي بندقية هجومية مداها المؤثر 800م والقاتل فوق ال 1000م وانتم معاكم اسلحة دفاعية قصيرة المدي والعيار والتاثير بالكثير مداها 100م ومن ناحية الافراد البلطجية لا يوجد مايبكوا عليه سواء قتل او ضرب او اصيابات وجروح لن تفرق معه وهم معهم عنصر اخر مهم وهو عتصر المفاجاءة والمباداة باختيارهم لتوقيت السطو والسرقة طيب الحل ايه؟ من وجهه نظري المتواضعة عمل كمين لهم وانتزاع عنصر المفاجاءة منهم والتعامل معهم في مدي مؤثر لاسلحتكم الدفعية وان تكونوا خلف سواتر او مباني او اسوار واهم شئ التعاون مع الشرطة والتنسيق معهم ومساعدتهم عند وضع خطة للايقاع بهم وهذه اهم نقطة في الموضوع التعاون مع الشرطة حتي تكون المعركة متكافئة وربنا سوف ينصركم لانكم اصحاب حق والدم الغالي الذي اريق لان يذهب سدي ابدا ولابد من القصاص الالهي ان يتم |
رد: بطلب مساعدة الخبراء بالزات الضباط للاهمية القصوة
اقتباس:
لا يمكن الإعتماد عليها و لازم نعتمد على نفسنا |
رد: بطلب مساعدة الخبراء بالزات الضباط للاهمية القصوة
بسم الله الرحمن الرحيم
وما رميت إذ رميت ولكن الله رمى صدق الله العظيم خلينا نكون اوضح فكرة انك تتبع بلطجية او تنصب ليهم كمين ده شيئ صعب جداً وفكرة مواجهتك ليهم بمفردك ديه فكرة اكثر خطورة سواء من الناحية القانونية أو من الناحية التأمينية لأنه هيكون فيه خطر على حياتك ولو اعتبرنا انك بايعها يعنى مش فارقة معاك هنقول ممكن يكون فى خطر على حياة ناس ملهاش ذنب يبقى خلينا فى القانونى احسن ممكن تعمل حاجتين الأولى ... هى انك تتفق مع مجموعة من اصدقائك وتنظموا لجنة شعبية بالتنسيق مع قسم الشرطة يعنى تجمدوا كده شوية وتخشوا على مأمور القسم وتقولوه انكم هتعملوا لجنة شعبية بنفسكم وعايزين تواجد شرطى معاكم حتى لو عربية فيها امين شرطة واحد وفهمه انكوا هتكونوا كتير علشان برضه ميخافشى على الراجل بتاعه المهم وبعد كام يوم كده هتبقى علاقتكم بالشرطة زى الفل وهما هيسخنوا على سخنيتكم وصدقنى اكيد هتعملوا حاجة كويسة جداً لأن تواجد سيارة نجدة معاكم يعنى معاكم شرعية وكمان اتصالات للإخطار وسلطة فى الضبط ومميزات كتير ... الحاجة التناية بقى هى انك تجهز بنفسك فقط للتعامل مع اى موقف يحصلك وانت ماشى يعنى كل الحكاية انك تكون قادر على المواجهة وديه فى حد ذاتها هتكون مفاجأة للبلطجية لأنهم فى الأساس جبناء جداً وأنذال وولاد تيييييييييييييييييييييييييت يارب اكون افدتك |
رد: بطلب مساعدة الخبراء بالزات الضباط للاهمية القصوة
اقتباس:
|
رد: بطلب مساعدة الخبراء بالزات الضباط للاهمية القصوة
السلام عليكم ,,
المشكلة مش فى السلاح الغير متكافئ حتي لو قدرت تجيب اسلحة آليه زى الى معاهم وواجهتوا البلطجية فالمشكلة مش هتنتهي بالعكس دي هتكبر بالذات لو حد من البلطجية مات يبقي هيردوا عليكم رد شديد جدا وهيروح فيها ارواح ناس كتيرة لان المرة دي مش هيكون بسبب السرقة لاء ده هيكون بسبب التار فموضوع انكم الى تواجهوهم فأنتم هيبقي الطرف الخاسر فى كل الحالات وطالما الداخلية مش قادرة تسيطر يبقي يتم التنسيق معاهم وخلي بالك التنسيق يتم مع المأمور او رئيس المباحث لان لو الموضوع اتعرف فى القسم فالخبر هيوصل للبلطجية لا يفل الحديد الا الحديد فتقضي على البلطجية ببلطجية زيهم وده الى بيحصل فى كثير من البلاد من فترة وكله بيكون بالتعاون مع القسم فمفيش غير حلين اتنين للقضاء على البلطجية لاما ببلطجية زيهم ,, لاما بالاهالي ومش اى اهالي لازم تكون عائلات كبيرة لما بيحصل عندنا حاجه زي دي فبنتجمع وننزل وبنكون عائلات كبيرة فلما بيحصل ويتقتل حد من البلطجية مابيقدروش يردوا علينا لانهم عارفين اننا اقوي منهم وعددنا كبير واكتر من عائلة فمابيرجعوش تاني وربنا يسترها معاكم والامن يرجع لمصر تاني |
رد: بطلب مساعدة الخبراء بالزات الضباط للاهمية القصوة
اقتباس:
|
رد: بطلب مساعدة الخبراء بالزات الضباط للاهمية القصوة
باشا قواعد الإشتباك ديه لما يكون قدامك جيش نظامى أو على الأقل قوات معروف تعدادها وتسليحها لكن انت بتتكلم عن بلطجية فى ميدان غير معروف يعنى انت مش هتكون عارف هتقابلهم امتى ولا فين لانك لو عارفلهم حتة مثلاً بيقفوا فيها كنت هتبلغ وخلاص ....
فمن الأخر تانى أمنلك تنسق مع قسم الشرطة زى ما قلتلك قبل كده وصدقنى لازم هيتعاونوا معاك خاصة لو حسوا انك مصر وممكن تثير الموضوع مع مستوى أعلى .... وبالتوفيق مرة تانية |
رد: بطلب مساعدة الخبراء بالزات الضباط للاهمية القصوة
اقتباس:
|
رد: بطلب مساعدة الخبراء بالزات الضباط للاهمية القصوة
والله يا استاذ محمد موضوعك مهم و انا متابع للاهمية و بالنسبة ل قواعد الاشتباك انا ماعنديش علم وافي بيها بس انا ممكن اقول بعض الاشياء البديهية او المبدئية لا اي اشتباك
حضرتك بتقول انهم بيكون ف اوقات غير منتظمة و اكيد اعدادهم مش بتكون ثابتة مرة مثلا 5 و مرة 10 و مرة 7 مثلا يعني و من كلام حضرتك يظهر انهم كلهم مسلحين انا رأي ان حضرتك و بما انك من اهل المنطقة تحاول تجمع اكبر عدد من الاشخاص االمسلحين ف المنطقة زي حضرتك لان دي تعتبر مشكلة منطقة او شارع او حي سكني اهلة بيتعرضوا للترويع و لازم الكل يشارك للتخلص منهم - حضرتك تحاول تشوف اي حد من اهل الشارع مسلح عشان عددكم يزيد - حضرتك تحاول تشوف اية الاماكن الدافعية او اللي ممكن تستخدم ف اماكن دفاعية ف الشارع و اية الاماكن اللي ممكن هما يجيوا منها المداخل و المخارج مثلا - علي ما اظن بالنسبة ل وضع حضرتك الاشتباك البعيد افضل من القريب لان الاشتباك البعيد هيديلك فرصة اكبر للحركة عكس القريب دة غير ان القريب احتمال موت فية اكبر و الاشتباك البعيد احتمال الاصابات فية اكتر -التنسيق مع الشرطة و دة اهم شيء لانهم هما اللي هيقدروا يأثرواااااا ف الموقف دة و ان شاء الله الامور تبقي تمام و انا متابع للاهمية و بردة نعرف رأي الخبراء ف الموضوع دة و رايهم ف كلامي بردة عشان اعرف انا علي صواب ولا خطأ و لو خطأ يصوبوني تقبل مروري استاذي |
رد: بطلب مساعدة الخبراء بالزات الضباط للاهمية القصوة
هو حضرتك فين ف القاهرة يا استاذ محمد
|
رد: بطلب مساعدة الخبراء بالزات الضباط للاهمية القصوة
اقتباس:
|
رد: بطلب مساعدة الخبراء بالزات الضباط للاهمية القصوة
انا مقيم فى مدينة العاشر من رمضان وتعرض الحى الذى اقيم فية لمثل هذة الافعال وقمنا بعمل الأتى :-
قمت بعمل اجتماع لأهالى المنطقة واتفقنا على تأجير حراسة ليلية وأن تكون من العرب الموجودين بالعاشر وايضا قمنا بشراء سلاح من هؤلاء العرب وقام العرب بدورهم بالقبض على المجرمين وبحوذتهم كمية كبيرة من النحاس الخاص بكابلات الكهرباء وتم الاتصال بالشرطة وتسليمهم المجرمين و حدث هذا بالتنسيق مع ضباط مباحث القسم الموجود بنفس الدائرة وكمان صورناهم بالموبيلات وصورنا المسروقات بحوزتهم وصورنا بطايقهم وصورنا الاسلحة الى بحوزتهم وكمان صورنا العرب وهما بيضربوهم وتم معرفة هويتهم ولصالح من يعملو ومن الذى يشترى منهم الكبلات ومكانة ايضا الى أن جاء السيد رئيس مباحث القسم ومعة الحملة الخاصة بالقسم |
رد: بطلب مساعدة الخبراء بالزات الضباط للاهمية القصوة
اقتباس:
خفر وحراسة خاصة واتحاد للاهالي والسكان وشرطة=القبض والتخلص من البلطجية واللصوص |
رد: بطلب مساعدة الخبراء بالزات الضباط للاهمية القصوة
نصيحتي ليك يا صاحبي
انتو ناس محترمه وولاد ناس ومهما كنتو مسلحين مش حتقدرو تسدو قدام ولاد كلب شوارعيه زي البلطجيه دول وخسار قوي لما لاقدر الله يروح حد فيكم في كلب منهم انت بتقول ساكنين في منطقه فيلل اتفق مع كل فيلا على دفع مبلغ مناسب وأستأجرو مجموعه من الاعراب بتوع سينا زي اللي كانو بيحمو هايبر ماركت كده وبقول اعراب وأياك والبلطجيه لأنك ممكن تقع في مصيبة انك تستعين بالثعالب للقضاء على الذئاب فتقع بينهم الاعراب ناس كلمتهم واحده وقلوبهم ميته وتقدرو لو حبيتو تقفو معاهم في اللجان لأن هما خبره كبيره لعلمك وبإذن الله حتنتهي المشكله دي قريب ولو على حته انا عندي أسلحه فإزاي مستعملهاش وأومال انا جايبها ليه ؟؟ ياسيدي حتفيدك لو وقفت مع الاعراب أقله مايعرفوش انكم ضعاف لا انتو باشاوات ومعاكم سلاح برضه لكن بتجيبو اللي يحميكو و مش حتنزلو قيمتكم للوقوف قدام بلطجيه وعالم مرتزقه ولو حد حاول يدخل بيتك ياسيدي ابقه أعمله مصفه بالشوت جن |
رد: بطلب مساعدة الخبراء بالزات الضباط للاهمية القصوة
اقتباس:
انا رايي كده برده |
رد: بطلب مساعدة الخبراء بالزات الضباط للاهمية القصوة
يا حماعة الحمد لله لسا ربنا منجينى من الموت على ايدى نفس البلطجبة اللى قتلوا جدى حاولوا يوقفونى على اول شارعنا و لولا انى ماشى بطبنجة غير مرخصة الله اعلم كان حصللى ايه لان اول مضربت عليهم حريو زى الكلاب و جابولى إزاز العربية على الارض و كانت الطلقات بتضرب حواليا فى كل حتة و الحمد لله انى جريت بالعربية و ربنا نجانى فى النهاية. المهم ان الموضوع بقى تار عليا لان اثناء قتل جدى وقعت واحد منهم و عرفوا اسمى و رقم تليفونى مش عارف ازاى و تهدبدات بالقتل بتجيلى كل يوم. الحمد لله فى عضو محترم جدا عرض عليا انوا يدربنى على المواقف دى لكن الموضوع كبر قوى دلوقتى لدرجة ان اهلى مش عايزنى اروح الكلية! اعمل ايه بقى؟
|
رد: بطلب مساعدة الخبراء بالزات الضباط للاهمية القصوة
فى رأيي المتواضع استعد لهم بالبندقية الخرطوش من مسافة متوسطة
وفى فكره هبعتهالك عالخاص لعل و عسي تنفع ..... |
رد: بطلب مساعدة الخبراء بالزات الضباط للاهمية القصوة
اقتباس:
|
رد: بطلب مساعدة الخبراء بالزات الضباط للاهمية القصوة
اقتباس:
اولا حمد لله على سلامتك. يبدوا ان الموضوع اخذ منحنى خطير. هل قمت بعمل محضر بعد الاعتداء عليك لأن أكيد فى شهود على كل ضرب النار اللى حصل. يمكن تتبع التليفونات اللى بتجيلك منها التهديدات. الحل فى هذه المشكلة هو وضع وزير الداخلية فى وضع محرج بأنك تحاول بأى طريقة التوصل الى أى أعلامى زى عمرو اديب او معتز الدمرداش او محمود سعد أو اى حد من بتوع هذه البرامج وتناشد وزير الداخلية على الهواء مباشرة وكذلك تناشد السيد رئيس الجمهورية الدكتور مرسى بأن يوفى بوعده فى رجوع الامن الى المواطنين أمثالك. أنا شايف من وجهة نظرى هى دى الطريقة اللى ممكن تحرك الداخلية وبسرعة بأنك تضع وزير الداخلية ورئيس الجمهورية فى وضع محرج على الهواء وأمام الجميع لأن دى مسؤليتهم انهم يقوموا بحماية المواطنين وليس المطلوب أن يحمى كل واحد نفسه فى الوقت الحالى بعد وجود رئيس جمهورية منتخب ووزير داخلية تم تكليفه من الرئاسة مباشرة. أرجو أن تتقبل نصيحتى كأخ أكبر ياأستاذ محمد بالنسبة لموضوع حملك لسلاح غير مرخص وأستعماله ليس هذا هو الحل. لو فرضنا ان فى اثناء استخدامك لسلاحك أصبت مواطن برئ كان موجود بالصدفة فى هذا المكان. أعتقد أن الأمر سينقلب رأسا على عقب لأن فى هذه الحالة ستجد نفسك متهم وليس مجنى عليه. أتمنى لك التوفيق. تحياتى. |
رد: بطلب مساعدة الخبراء بالزات الضباط للاهمية القصوة
اقتباس:
|
رد: بطلب مساعدة الخبراء بالزات الضباط للاهمية القصوة
اقتباس:
|
رد: بطلب مساعدة الخبراء بالزات الضباط للاهمية القصوة
اقتباس:
|
رد: بطلب مساعدة الخبراء بالزات الضباط للاهمية القصوة
بالنسبة للتدريب ساعة الحادث لا قدر الله الواحد بينسى كل حاجة وبتتعامل زى ما تيجى مش هتعرف تفكر وهتتلخم
|
رد: بطلب مساعدة الخبراء بالزات الضباط للاهمية القصوة
بص يا محمد . او لا قلبى معاك . و ربنا يصبركم فى مصابكم و يرحمه برحمته . ثانيا انك تتدرب انك تواجه حد و تتعامل معاه بالسلاح او غيره صعب . لان مفيش فى بلدنا هذا النوع من التدريبات للمدنيين على الاقل بصوره رسميه . و بعدين انت لازم تسلك كل الطرق القانونيه فى المقام الاول و بعدين حاول بعد كده تبقى تعمل حسابك كويس و خلى الحذر و الشك اسلوب حيا بالنسبه ليك طالما بتقول ان فى تهديدات بتجيلك و خليك شجاع و متخافش و حط فى دماغك عند اى تعامل انك مش هتروح بلاش لازم تاخد شويه معاك . و اهم حاجه انك متفكرش فى العواقب لان التفكير بيسبب التردد و التردد عند التعامل معناه الموت من الاخر و ربنا يحميك و المشكله دى تخلص على خير . و استعين بربنا قبل البشر و ان شاء الله ربنا هينصرك و يوفقك طول ما انت فاكره و الله الموفق
|
رد: بطلب مساعدة الخبراء بالزات الضباط للاهمية القصوة
حضرتك اعمل الاعلان فى المنطقة بتعت حضرتك عن عمل لجان شعبية .........او الاشتراك مع شركة لامن و تزود افراد الامن بالسلاح .
|
رد: بطلب مساعدة الخبراء بالزات الضباط للاهمية القصوة
أشكر الاعضاء على الإهتمام دا كلو بجد الواحد كان مفتقد المنتدىرطة دا قوى الفترة اللى غبت فيها و الحمد لله الشرطة العسكرية جابت كذا واحد منهم بعد إستلام المخابرات الحربية القضية ب 24 ساعة!!!!!! و بقى فى حراسة على فيلتنا و دورية ثابتة تحت البيت عندنا و يا جماعة اقتراحتكم جميلة جدا لكن احنا فى حى تقريبا مفهوش سكان غيرنا و اللى كان موحود عزل ايام الثورة الظاهر محدش مستغنى عن حياته غيرنا و الحمد لله ربنا بيسترها قوى و المواقف دى كلها بتخلى الواحد اقوى
|
رد: بطلب مساعدة الخبراء بالزات الضباط للاهمية القصوة
اقتباس:
|
رد: بطلب مساعدة الخبراء بالزات الضباط للاهمية القصوة
اقتباس:
|
رد: بطلب مساعدة الخبراء بالزات الضباط للاهمية القصوة
اقتباس:
|
رد: بطلب مساعدة الخبراء بالزات الضباط للاهمية القصوة
اقتباس:
|
رد: بطلب مساعدة الخبراء بالزات الضباط للاهمية القصوة
ربنا يسترها معاك يا محمد وينجيك منهم
|
رد: بطلب مساعدة الخبراء بالزات الضباط للاهمية القصوة
الموضوع مهم وصعب جدا
الاقتراح بتاع البدو دا اقتراح ممتاز وخليكو معاهم برضو كاهالي بسلاح برضو ساعتها هيبقى فيه عدد و سلاح بس من اماكن محميه يعني سطوح او ورا اسوار او حاجات زي كده و الاماكن العاليه هتديكو افضليه عليهم حتى لو عنصر المفاجاه في صالحهم زي حرب العصابات بس برضو بالتعاون مع الشرطه اذا امكن على فكره انت راجل عندك جراه و شجاعه لازم الواحد يحترمك عليهم و ربنا يستر و يقدم الي فيه الخير و ياريت الواحد كان يقدر يساعد |
رد: بطلب مساعدة الخبراء بالزات الضباط للاهمية القصوة
اقتباس:
|
رد: بطلب مساعدة الخبراء بالزات الضباط للاهمية القصوة
طب انا هقولك راي ممكن بكون كويس
انت بتقول ان الناس جرانك خايفين على حياتهم بس الشباب بطبعه بيسخن بسرعه يعني انت ممكن تشوف 10 15 شاب من جيرانك و من كل العائلات عشان ساعه الجد البلطجيه ميفكروش في موضوع التار ده خالص و تتفق معاهم انكو تعملو لجنه شعبيه تحمو بيوتكو و سخنهم بالكلام هيجيبو معاك بس بردو متكونوش في اماكن مكشوفه فوق سطوح البيوت و كده يعني بس بردو لازم يكون بالاتفاق مع الشرطه وتحت اشرافهم على الاقل يكون معاكو حتى امين شرطه بس لازم يكون الشباب دول بيعرفو يضربو نار مش هيضربو و خلاص احسن الغشم وحش و ممكن يصيبو حد مالوش دعوه او تبعكو يا رب اكون فدتك بس بردو خد راي حد اكتر مني خبره و بشدد على ان الارضيه العاليه نص المكسب باذن الله |
رد: بطلب مساعدة الخبراء بالزات الضباط للاهمية القصوة
اقتباس:
ربنا معاك |
رد: بطلب مساعدة الخبراء بالزات الضباط للاهمية القصوة
|
رد: بطلب مساعدة الخبراء بالزات الضباط للاهمية القصوة
اقتباس:
|
رد: بطلب مساعدة الخبراء بالزات الضباط للاهمية القصوة
اقتباس:
بقه بدل مايتشال المساعد بتاع وزير الداخليه اللي قال لخالك هاتو العرباويه يحموكم يقومو يشيلو الحراسه !!!! راجء نك تتوجه للأداره العامه للقوات المسلحه وتبلغهم بكل الكلام ده وتروح رئاسة الجمهوريه وتقولهم على كل اللي بيحصل ده |
رد: بطلب مساعدة الخبراء بالزات الضباط للاهمية القصوة
لك الله يامصر...خلاص انعدمت النخوه والرجوله فى البلد ..مافيش مسئول واحد عنده شوية نحرره ياخد قرار مناسب ويواجه المهزله دى؟؟؟؟ سايبين حماية البلد للمواطنيين المدنيين؟؟؟؟هم عايزينها دم؟؟؟ مش عارف اقول ايه...
|
رد: بطلب مساعدة الخبراء بالزات الضباط للاهمية القصوة
اقتباس:
حصل فعلا يا افندم و المفروض خلاص المخابرات الحربية استلمت التحقيق لان الموضوع كبير قوى على الداخلية و دى تقريبا جماعات زى بتوع سيناء كدا بالنسبة للحراسة اخدنا وعد انها هترجع بس هيا اصلا مش فارقة لان اما اضرب عليهم نار استخبوا كلهم جوا الفيلا عندنا . انا مش بلومهم الموضوع فعلا كبير قوى عليهم و دول ناس غلابة و معظمهم مجندين قربوا يخلصوا الخدمة فمش هيحزن اهله عليه فى اخر ايام الخدمة عشان كدا انا عايز اعتمد على نفسى . وقت الثورة لا كان فى شرطة ولا جيش و احنا اللى دافعنا عن الحى بتاعنا كله بس كان تسليح البلطجية ساعتها اقل من كدا بكتير لكن دلوقتى الموضوع كبر قوى |
رد: بطلب مساعدة الخبراء بالزات الضباط للاهمية القصوة
اقتباس:
|
رد: بطلب مساعدة الخبراء بالزات الضباط للاهمية القصوة
ايوة لا تستهين بالمدنيين لان معظم ولادها الحمد لله دخلوا الجيش واتعلموا العسكرية وتحياتى للى ما صابهمش الدور
|
رد: بطلب مساعدة الخبراء بالزات الضباط للاهمية القصوة
هو انت عمرك كام يا استاذ محمد ؟
|
رد: بطلب مساعدة الخبراء بالزات الضباط للاهمية القصوة
اقتباس:
|
رد: بطلب مساعدة الخبراء بالزات الضباط للاهمية القصوة
انا متابع لقصتك يا استاذ محمد والف رحمة ونور على الشهيد وانتوا ناس رجالة ولاد رجالة جدعان والثواب والاجر عند ربنا مش هتنفع اى كلمة مجملة . اقترح على حضرتك لازم تجيبولكوا قطعتين الى فى البيت تحموا بيهم نفسكوا ولو حصل ضرب نار على الفيلا متضربش نار فى الهواء خدلك موقع تعرف تقنص منه والطلقة بواحد والله المستعان
|
رد: بطلب مساعدة الخبراء بالزات الضباط للاهمية القصوة
اقتباس:
|
رد: بطلب مساعدة الخبراء بالزات الضباط للاهمية القصوة
اقتباس:
|
رد: بطلب مساعدة الخبراء بالزات الضباط للاهمية القصوة
اقتباس:
|
رد: بطلب مساعدة الخبراء بالزات الضباط للاهمية القصوة
ربنا يقويك ياباشا ويعينك على البلطجيه دول ويحميك
منهم انت واللى معاكربنا يرحمنا منهم تانى زى زمان |
رد: بطلب مساعدة الخبراء بالزات الضباط للاهمية القصوة
الحل عند ربنا ربنا يحفظنا
|
رد: بطلب مساعدة الخبراء بالزات الضباط للاهمية القصوة
لا طبعا ماينفش تواجهم بالطبنجات ممكن لو بندقية نص الي ماشي انما نص الي طبنجة لا طبعا لان مرمي الطبنجة المؤثر محدود يعني 50 متر وطلقاتك شكرا انما الاي من علي بعد 700 متر ممكن يقتلك الافضل تتواصل مع السلطات ومع رئيس مباحث التيفونات ورئيس مباحث القسم وربنا يعينهم
|
رد: بطلب مساعدة الخبراء بالزات الضباط للاهمية القصوة
هو الحل الواحد يشترى الى و خلاص و شكرا على الاهتمام جدا من كل اللى اهتم
|
رد: بطلب مساعدة الخبراء بالزات الضباط للاهمية القصوة
اذا كان عندك نص الى فهى تكفى لصد الالى ولاتحاول ان تضرب بغرض القتل ولاكن اضرب بعض الطلقات فى الهواء او بالقرب منهم وغالبا سيهربون عند سماع الرصاص واذا لم يهربوا فالنصف الى ادق واقوى من الالى اذا كانت من العيارات الكبيرة 7.62 ×54 او 45 او 39 ولكن ان تضع خطه مستقبليه وعمل ساتر او مكان محصن ولاتضرب وانت بالقرب من الفتحات او المنافذ واعانك الله على ما انت فيه وتقبل مرورى
|
رد: بطلب مساعدة الخبراء بالزات الضباط للاهمية القصوة
المهم هنا عددهم بيكون كام و الأسلحة اللي معاهم إيه ؟؟؟؟
و هل إنت محترف في إستخدام سلاحك بدرجة كبيرة ولا لا ؟؟؟ المهم في الموقف دة مش نوع السلاح اللي معاك سواء ألي أو نصف ألي المهم إنك تكون محترف في إستخدامه و مهم إن إمكانياتك البدنية تكون قوية سرعة في الحركة و قدرة عالية على التركيز في المواقف الصعبة ... أما أنا من وجهة نظري إنك ممكن تستفيد من كافة الجوانب عن طريق التنسيق مع الشرطة بحيث يتم التعامل من أقرب نقطة أو دورية بحيث يكونوا جاهزين للإنتقال السريع و إنت ممكن تستخدم سلاحك في تعطيلهم و إصابة حد منهم لحين وصول الشرطة لكن دة هيحتاج منك تركيز عالي جداً عشان ميحصلش أي كوارث و كمان ممكن تنسق مع جيرانك اللي معاهم سلاح بحيث متكونش لوحدك و دة هو الحل الأسلم لإن المواجهة منك لوحدك هتكون صعبة جداً و ممكن تؤدي لكوارث كبيرة و خساير و هتعرضك و أهل بيتك لخطر كبير لكن المواجهة هتكون بغرض التعطيل مش أكتر لحد ما الشرطة توصل ............ |
رد: بطلب مساعدة الخبراء بالزات الضباط للاهمية القصوة
اقتباس:
|
رد: بطلب مساعدة الخبراء بالزات الضباط للاهمية القصوة
يا جماعة بشكركم جدا على الاهتمام و الوضع تحت السيطرة الحمد لله حاليا
|
رد: بطلب مساعدة الخبراء بالزات الضباط للاهمية القصوة
الحمد لله علي كل شئ
|
رد: بطلب مساعدة الخبراء بالزات الضباط للاهمية القصوة
الحمد لله و ربنا يسترها دايماً
|
رد: بطلب مساعدة الخبراء بالزات الضباط للاهمية القصوة
الموضوع لايتم التعامل معه بالاشتباك لابد من المراقبه والتنسيق مع الامن للتعامل مع تلك الجرائم
|
رد: بطلب مساعدة الخبراء بالزات الضباط للاهمية القصوة
اقتباس:
|
رد: بطلب مساعدة الخبراء بالزات الضباط للاهمية القصوة
أرجو غلق الموضوع
|
| الساعة الآن 08:35 AM |
Powered by vBulletin® Copyright ©2000 - 2026, Jelsoft Enterprises Ltd. TranZ By
Almuhajir