الصيد فى مصر - أجمل ريدونج امريكى أرجو التقييم

الصيد فى مصر (http://www.egyhunt.net/index.php)

- مقتنيات الاعضاء (http://www.egyhunt.net/forumdisplay.php?f=80)

- - أجمل ريدونج امريكى أرجو التقييم (http://www.egyhunt.net/showthread.php?t=33993)

أجمل ريدونج امريكى أرجو التقييم

بعد تمزق احذية وتشوة شكل احذية فى رحلات الصيد صحراوية فكرت فى حذاء يكون منتهى الجودة والأمان خاص لرمال الصحراء والمساحات الجبلية والصخرية والمشى الكتير عليها و تتبع أماكن الطرائد .. بعد بحث متأنى وجدت على النت أن هذا الحذاء البوت هو الأول عالميا من جلود 100% طبيعية ومصنع من أرقى الخامات وأقواها وأخفها وزنا لراحة الأقدام وحمايتها من شرور الأحراش ومناسب لكافة المسالك الوعرة والأراضى الموحلة مع توفير راحة تامة للجسم وخفيف الوزن ولا يشعرك بالحر أيام الصيف وشديد التحمل جدا ومزود بقطعة حديدية مبطنة من الداخل لحماية أصابع مشط القدم .. من صناعة شركة ريدونج الأمريكية الغنية عن التعريف
سألت عنها فمحلات شارع الجمهورية بوسط البلد فوجدت انواع كثيرة من الإيطالى والأمريكى درجة تانية وأشهرها شبية للردونج ولكنة صينى نفس الشكل ولكن لا يحمل العلامة التجارية الأمريكية المعروفة وصناعة صينى.. وعلبتة الخارجية شكلها مختلف عن التى وجدتها على النت وبإسم آخر للعلامة التجارية الصينية.. اشتريت واحد أصلى من فترة كام شهر عن طريق صديق جابوا من برة وهوا نازل و جاملنى فى سعرة وفى استعمالة أعجبنى جدا جدا.. الناس دى مش بتلعب دى حاجة فعلا محدش يعرفها الا الى بيجربها.. يا ريت ييجى اليوم الى نلاقى فية ماركة مصرى ولا حتى تركى بالجودة دى.. وفكرت اجيب واحد تانى احافظ علية جديد نوفى يكون من ضمن مقتنياتى الى اعتز بيها..
إتصلت بواحد من أصدقاء القدامى عايش حاليا فى ولاية تكساس وكنت عملتلة خدمات قبل كدة وطلبت منة اعرف الأسعار عاملة ازاى واتفاجئت ان أعلى مبيعات للشركة فأمريكا بتتحقق فولاية تكساس لطبيعة أعمالهم هناك وعشان كدة الموزع بيعمل كل سنة سيل رهيب بيحصل لمدة شهرين كل سنة 50% خصم والى يشترى اتنين ياخد التالت مجانا كنوع من الدعاية لأهل الولاية .. مصدقتش وطلبت منة يجيب وهو نازل تلاتة بدون تفكير.. خصوصا وانى هوفر مصاريف الشحن.. ممكن اعرف منكم ازاى احافظ على الجلد الطبيعى للتخزين مدد طويلة دون أن يفقد جمالة و رونقة؟ كما أرجو التقييم