|
ادخل ومش هتزعل
فى قعده صفا كده وروقان بال بدأت فى استرجاع ذكريات كتير من ملفات الماضي اللعين ذكريات فى مجالات كتير مبيربطهاش ببعض غير انها كانت فمرحله زمنيه اتولدت فيها وانتهت بسرعه جدا ومانتقلتش للاجيال المعاصره حاليا .. وبما ان الموضوع متشعب لمجالات كتير جدا فهناخدهم واحده واحده كده ونفتكر سوا فاكر اول عجله جبتها كانت بضهر وسنادات والكاوتشات بتاعتها بلاستيك وصغيره جدا .. كان ابويا جابهالى معاه من السعوديه فاكر لما عيل حاول ياخدها مني فى الشارع واديته عضه قعد يعيط نص ساعه لما الناس انقذته من فكي المفترس ! طلعت موضه بعدها الجرس بتاع العجل وبعديه السرينه والفانوس اللى بينور بمولد فى الكاوتش .. وطبعا كان كل العجل بسبت قدام وسناده فى الجنب وشبكه ورا لو حد حب ياخد توصيله http://www.ahmo.se/wp-includes/image...on_biggrin.gif وبعدين نزل العجل ابو زمزميه السرعات .. ده كان اختراع من اختراعات الزمن http://www.ahmo.se/wp-includes/image...on_biggrin.gif طلع بعديه الاسكوتر .. وده كان بينزل هديه على الايس كريم تقريبا .. ندخل بقى على الفن والغنا .. من اول الراديو واذاعة الاغاني والبرنامج الموسيقي وياه بقى لو صوت الراديو ضعيف ونقعد نربط السلوك فى الايريال بتاع الراديو http://www.ahmo.se/wp-includes/image...on_biggrin.gif حد فك الراديو ولعب فى الفتله بتاعه الموجه اللى بتلف دي ؟ فين ايام راديو سوا .. قبل اختراع نجوم اف ام .. ولما كنا بنستنى حفلة ثومه كل اسبوع http://www.ahmo.se/wp-includes/image...on_biggrin.gif والحجاره العريضه بتاعه الراديو القديم !! وايام الكاسيت اللعينه … حد فاكر اختراع الكاسيت ابو بابين كام واحد كان بيسجل من الراديو على الشرايط فاكرين لما البلاستيكايه اللى بتبقى تحت الشريط بتتكسر والكاسيت مكانش بيرضى يسجل على الشريط لو مكانتش موجوده كام واحد حط ورقه فى المنطقه الحساسه دي من الشريط http://www.ahmo.se/wp-includes/image...on_biggrin.gif كام واحد داس بالغلط على الزرار الاحمر اللى جوه زرار البلاي ومسح كام ثانيه من شريط سالفه من واحد صاحبه ودعى ربنا انه ميكتشفش الجريمه دي ! حد فاكر الكاسيت ابو بابين اللى كان بيسجل من شريط لشريط ! ولا الكاسيت اللى كان بيقلب الوش لوحده من غير ما نفتح الباب اللى كان بيشلنا علشان يطلع الشريط اصلاً !! كام واحد كان بيشتري شرايط مضروبه من ام تلاته جنيه .. انا كان عندي درج فيه كميه شرايط .. مين فاكر البوم اليسا بدي ادوب ولا وائل كفوري انا رايح عالجيش !!!! مين بقى خد باباه وقعد يزن على دماغه علشان يشتريله ووكمان .. وقال ايه علشان يسجل بيه المحاضرات فى الجامعه !!! انا لما دخلت الجامعه كان الووكمان انقرض اساسا .. انا فاكر اني خليت والدي يشتريلي ووكمان سوني بحوالى 400 جنيه مصري وكان قمة الانحراف ان الواحد يحط شريط ويسمع فى السماعات الصغيره .. وياه بقى لو الووكمان فيه راديو !! كام واحد كان جايب حجاره من اللى بتتشحن بمبلغ وقدره وجايب شاحن بطاريات قد كده بيشحن خمسين نوع ومقاس من بطاريات النيكل المأسوف على امرها ! فاكر كمان اول كمبيوتر والدي جابه كان ويندوز 3.11 كان بيفتح شاشه دوس اكتب فيها win علشان الويندوز يشتغل اللى كان عباره عن ماوس وايقونتين ! ومكانش عليه غير لعبه علاء الدين … فاكرين بقى الماوسات اللى فيها بليه من تحت اللى مكانتش بتشتغل الا بالباده .. اوف انا فاكر ان السكرول وزرارين الباك والفورارد دول كانو اختراع عظيم حد فاكر الاسطوانات اللى كانت بتتوزع مع مجله عالم الكمبيوتر انا فاكر اني مره انا وصحابي قلبنا فلوس الدرس علشان نشتريها علشان كان معاها فيلم الساحر بتاع منه شلبي http://www.ahmo.se/wp-includes/image...on_biggrin.gif والنت الدايل اب ورقم 07770777 وقبليه كروت الاشتراك وكارت الفاكس وتعريفاته ودفع فاتوره انترنت بنت كلب وابوه قفله الخدمه من السنترال !! كام واحد هنا استخدم الفلوبي ديسك اللى كان 1.4 ميجا بايت !!!!!! يدوب يشيل صورتين http://www.ahmo.se/wp-includes/image...on_biggrin.gif ولا الفلوبي اللى كان 4 ميجا باين .. كان موجود فاجهزه المدرسه اللى مكانتش بتشتغل اساسا كام واحد شاف الطابعه اللى بتطبع نقط فى المدرسه ؟ ولا الاسكانر اللى كان بيبقى معجزه القرن ويقعد نص ساعه يسحب فى الصوره ووزنه كان حوالى 4 كيلو !! كام واحد كان حاسس ان مكنه التصوير الشارب معجزه من معجزات الزمن مع العلم بانها كانت دايما بتحشر الورق جواها !! مين بقى فاكر الكاميرات اللى بالفيلم .. وراح حمض الفيلم فى الاستوديو وطبع الصور بمبلغ وقدره وجاب البوم حط الصور ولزقت فيه وباظت !! فاكرين كمبيوتر صخر .. والاتاري “الفاميلي – العائله” اللى كان فيه خمس لعب على كل الشرايط بتاعته .. الكوره وماريو والدبابات وصياد البط والعربيات ! كام واحد فاكر المسدس بتاع البط .. اللعنه !! ويقعدو يتفرجو على ماريو طول اليوم اجباري http://www.ahmo.se/wp-includes/image...on_biggrin.gif وكان طلع جهاز اسود كده مش فاكر اسمه حالياً http://www.ahmo.se/wp-includes/image...on_biggrin.gif فاكرين اول ما الكانز نزل مصر .. انا فاكر ان البقال كان بيحط اربع علب منظر كده عالرف !فاكرين البلايستيشن الكبير قوي ده اللى كان شبه الصندوق .. كام واحد هنا اشترى اسطوانات مضروبه http://www.ahmo.se/wp-includes/image...on_biggrin.gif ولما نزل البلايستيشن ون .. انا كنت بعشق نيد فور سبيد .. فاكرين الكروت بتاعه الميموري ؟؟ فاكرين التليفزيونات اللى قبل اختراع البحث الالي !! ونقعد نلف البكره لما ايدينا تورم .. سحقاً ولا الدش اللى كان بيلف الطبق بالريموت كنترول هع الدش فحد ذاته كان اختراع .. ده كان فى حرامي الدش !! فين كل ده قبل اختراع وصلات الدش .. مش دلوقتي كل واحد مركب دش فى الشباك ! جت فتره كده كان كل منطقه فيها بلياردو .. بعدين سيبرات نت .. بعدين محلات اتصالات .. سحقا لعدوى التقليد اللى فدم المجتمع ده ! مين فاكر “البخت” اللى كان عند البقالين اللى هوه عباره عن ورقه ملزوق فيها بدبابيس لبان وفلوس وارقام بتبقى هدايا فجدول مستقل فاكرين الطيارات البلاستيك اللى كانت بتتباع عند البقال والبمب اللى كان بنجيبه فى العيد .. كام واحد عمل قنبله من البمب ورماها فبير السلم وخد علقه موت علشان يكنس المدخل من الظلط الصغير http://www.ahmo.se/wp-includes/image...on_biggrin.gif كام واحد فاكر ريحة الكبريت اللى بيبقى جوه البمب ؟ فاكرين النحل الخشب .. بكافه انواعه واحجامه .. والكُتّم http://www.ahmo.se/wp-includes/image...on_biggrin.gif ولا البلي بكل الوانه .. والبلي القزاز الصافي .. والبليه الكبيره http://www.ahmo.se/wp-includes/image...on_biggrin.gif ياما قعدنا بالساعات نلعب فى الشارع وانضربنا بما فيه الكفايه ! ولا سلك المواعين لما كنا بنولع فيه ويخرم الهدوم وناخد علقه للصبح http://www.ahmo.se/wp-includes/image...on_biggrin.gif كام واحد اتشعلق على العربيات النص نقل بعد المدرسه وكان بينزل عند المطب وياويله لو السواق خد المطب بسرعه .. احييييييييييييييه ! مره وقعت وكنت لابس اكتر من بنطلون فوق بعض علشان كنا فى الشتا والبناطيل كلها اتفرتكت من عند الركبه .. ستي خدتني حته دين علقه ! انا فاكر اني خبيت البناطيل .. ومعرفش جابتهم منين !!! كام واحد حط شريط فى سلوك العجله .. وحط علبه ميه معدنيه فاضيه وعمل ازعاج للمنطقه كلها http://www.ahmo.se/wp-includes/image...on_biggrin.gif انا كنت عيل سيس http://www.ahmo.se/wp-includes/image...on_biggrin.gif فاكرين القطر اللى كان بيمشي على قضبان بلاستيك والعربيات اللى بالريموت اللى كانت بسلك .. بتتحرك قدام وورا بس اللعنه كنا بنضطر نجري وراها فشخ ! كنت كييف اخبطها فى الحيطه .. مين فاكر السمك اللى بيقعد يلف ونصطاده بالسناره المغناطيس http://www.ahmo.se/wp-includes/image...on_biggrin.gif كام واحد جاب براده حديد وحركها بالمغناطيس من تحت الورقه وحط معدن فعلبه الكبريت وحركه من تحت الطرابيزه حط فاكر الطين الصلصاال .. اللى كان بيشلني واعرف لونه بيتغير ليه !! كام واحد فك ماتور العربيه اللعبه وشغله على الحجاره وركبله مروحه وحاول يطيره http://www.ahmo.se/wp-includes/image...on_biggrin.gif انا فاكر اني وصلته على بطاريه العربيه الـ 12 فولت وحرقلي ايدي http://www.ahmo.se/wp-includes/image...on_biggrin.gif فاكرين الطاقيه اللى كان فيها مروحه ؟؟؟ والنضاره اللى باربع عدسات بتتفتح لفوق ! وكوتشي اميجو اللى بالبوصله واللى بينور فى الضلمه مين فاكر التليفونات اللعبه اللى كانت بتقول الو مرحبا انا فاكر ايام ما كان التليفون لونه رصاصي كده وفيه بكره للارقام افتكر وقتها اننا جبنا تليفون من السعوديه كان بيسجل ارقام وكان فيه زراير كتير فوق والواد ابن عمي حطه في فيشه الكهربا وفرقع http://www.ahmo.se/wp-includes/image...on_biggrin.gif ولا التليفون الباناسوينك اللى كان لاسلكي بانتنه كبيره كده وفيه اربع قنوات ياما قعدت اسمع مكالمات عليه لناس معرفهمش وحب بقى وحكاوي طول الليل http://www.ahmo.se/wp-includes/image...on_biggrin.gif ده قبل اجهزه السيناو اللى بيبقى ليه ايريال كبير كده بيتحط عالسطح .. كل الاختراعات دي قبل الموبايل .. مين عاصر عده الموبايل اللى مبتقراش رسايل عربي والموبايل النوكيا 3300 الاكثر شهره ولعبه التعبان ! وكان بيبقى متعبي فى السعوديه .. كانز مستورد … كام واحد لسع اصحابه بالعدسه تحت نور الشمس ؟ كام واحد كهرب اصحابه بالسلك بتاع الولاعات الفاضيه .. فاكرين الولاعه اللى كانت بتولع بدايره كده بتعمل شراره ؟ ومجله ماجد.. كام واحد طلع عينه وهوه بيبحث عن فضولي http://www.ahmo.se/wp-includes/image...on_biggrin.gif ورجل المستحيل “ادهم صبري” كفايه كده .. ياريت اي حد عنده ذكريات من المرحله العمريه دي .. خصوصا مواليد التمانينات يكتبها .. بجد الحاجات دي مش سهل ان الواحد يفتكرها فوسط الزخم والتطور اللى احنا فيه اليومين دول !!! هنييجي هنا بعد عشر سنين نقرا الكلام ده .. ونكتب عن الايبود الـ 160 جيجا على انه كائن منقرض http://www.ahmo.se/wp-includes/image...on_biggrin.gif منقول من مدونات احد الاصدقاء ـــــ أ.ح |
رد: ادخل ومش هتزعل
هههههههههههههههههههههههه فكره جميله جدا و الله و في منها زكريات كتير حصلت معاي و كنت بعملها
|
رد: ادخل ومش هتزعل
انا حسيت ان عندى 100 سنة يا عم الحاج
اية مواليد الثمانينات دى انت بتهزر انا لسة عندى 29 سنة وبنتى عندها 3 سنسن صحيح ان " وخط الشيب فوديي " على رأى عم نبيل فاروق فى ادهم بس انا لسة شبابا بجرى كل يوم ... صحيح مش ورا الاوتوبيسات زى زمان عشان ربنا كرمنى بعربية بس بجرى وبطلع اربع ادوار كل يوم على السم رغم انى عندى اسانسير وبشيل طلبات الشهر من السوق كل اسبوعين كأنى لسة فى المدرسة وراجع مع الحاجة من السوق بس بصراحة فكرتنى بأيام زمان أيام جميلة ومش هاتتعوض مش عارف الزمن جرى بينا ولا احنا اللى جرينا منه؟ فعلا الواحد حاسس انه كان لسة طفل امبارح وفجأة كبر وشال المسئولية انا اوقات ببقى عايز اقف فى الشارع لوحدى ومتحركش من مكانى عشان اهدى ايقاع حياتى شوية عايز احس انى طفل تانى مش محتاج افكر فى الايجار ومصروف البيت ومصاريف البنت والعربية والجمعيات والشقة الجديدة اللى بتتشطب لا إله إلا الله فكرتنى لية يا جدع |
رد: ادخل ومش هتزعل
حد فك الراديو ولعب فى الفتله بتاعه الموجه اللى بتلف دي ؟
بالأمارة كان عمود كربون جدة و عليه ملف نحاسي..........صح بس مين الرايق اللي كتب ده كله |
Re: ادخل ومش هتزعل
متفكرنيش بالاسكوتر :( امي شاحتتة لابن بواب عمارة في الشارع وقالتلي انت كبرت علي الحاجات دي
اةةةةةةةة يازمن هههههههههههههههههههههههههه |
رد: ادخل ومش هتزعل
تسلم ايدك يا هشام باشا فكرتنى بأجمل مرحلة فى حياتى على فكره انا كنت مدمن قراءة رجل المستحيل “ادهم صبري” وكنت بانتظر العدد بفارغ الصبر تعرف ان احلى حاجة فى المرحلة ديه ان الواحد كانت دماغة فاضيه ومش شايل هم لحاجة ولا متحمل مسئولية حاجة علشان كده كنا مستمتعين بيها
|
رد: ادخل ومش هتزعل
عليا النعمه انت برنس ..........هههههههههههههههههههههههههههههههههههههههه ههههههههههههههههههههههههههه فكرت الواحد باحلى ايام وفعلا مش سهل الواحد يفتكر الحاجات دي في وسط الساقيه اللي احنا فيها دي
|
رد: ادخل ومش هتزعل
فكرتنا بالذي مضي
تسلم ايدك |
رد: ادخل ومش هتزعل
وفين والمغامرون الخمسه واليس فى بلاد العجائب
ومازنجر (كان بيجى الساعه 5 العصر وكنت وقتها فى اعدادى وكان بيبقى عندى درس فى نفس الوقت .. كنت اعمل نفسى نايم عشان ما اروحش الدرس واقوم اتفرج عليه) هههههههه فكرتنا بزمان التمانينات واوائل التمانينات ههههه موضوع جميل جدا يا هشام تحياتى |
رد: ادخل ومش هتزعل
و مين ينسي اختراع الموبايل اول ما نزل و كان الموبايل اريكسون 688 ب 1200 جنيه و الخط ب 800 و كان مفيش 100 موبايل في مصر و كنت يطلع عينك علي ما تجيب كرت شحن و يطلع عينك اكتر لو حد رن عليك و ما لحقتش تشوف رقمه و تحاول انك تعرف مين اللى رن
|
رد: ادخل ومش هتزعل
لأ كان الخط باكتر من 800
تقريبا كان 1000 او 1100 وكان قسط ب1500 :) |
رد: ادخل ومش هتزعل
هااااااااااااااااااااااااااااااااااااااااااااااااا ااااااااااااااااااااااااار ابيض فكرتني ب الجلاد بتاع الكشاكيل ف المدرسة ايام زمان
هههههههههههههههههههههههههههههههههههههههههههه |
رد: ادخل ومش هتزعل
كنت عايز اديلك تقييم .. ههههههههههه لكن انت مقفل العداد هههههههههههههههه ما شاءالله ربنا يباركلك
|
رد: ادخل ومش هتزعل
انا مش عارف اقولك ايه . افتكرت حاجات و فرحت و زعلت و ضحكت يعنى عملت كل حاجه . و على فكره الجهاز الاسود اللى انت مش فاكره كان اسمه سيجا و ده طلع بعد الفاميلى . تسلم ايدك على المجهود الجبار و موضوع فوق الممتاز بكتييييييييييييييييييير
|
رد: ادخل ومش هتزعل
ياااااه
حاجات كتيييييييييير من دي بتفكرنا كلنا بايام جميله و رجل المستحيل دا انا لسه بقراه لحد دلوقت على فكره :) |
رد: ادخل ومش هتزعل
اقتباس:
اصل الطفل المصرى نسخ مكرره :d |
رد: ادخل ومش هتزعل
اقتباس:
وانا قولت نراجع الماضى مع بعض |
رد: ادخل ومش هتزعل
اقتباس:
|
رد: Re: ادخل ومش هتزعل
اقتباس:
خلى الواد يتبسط شويه |
رد: ادخل ومش هتزعل
اقتباس:
انا على ما اعتقد ان ادهم صبرى اشهر من توم وجيرى :d |
رد: ادخل ومش هتزعل
اقتباس:
بس قول لا اله الا الله من حلف بغير الله فقد اشرك |
رد: ادخل ومش هتزعل
اقتباس:
|
رد: ادخل ومش هتزعل
اقتباس:
انا بقا فعلاً كنت مدمن للمغامرون الخامسه بس كنت جيل بعد جيلك بشويه نورت الموضوع يا حازم بك |
رد: ادخل ومش هتزعل
اقتباس:
فعلاص والله كان بيحصل ودقيقة الموبيل كانت 175 قرش |
رد: ادخل ومش هتزعل
اقتباس:
والخط ب 1000 مقفوله |
رد: ادخل ومش هتزعل
اقتباس:
اقتباس:
ايه البخل ده ابعت يا عم التقييم ابعت |
رد: ادخل ومش هتزعل
اقتباس:
الله يبركلك يا شادى باشا والله العظيم نورت الموضوع |
رد: ادخل ومش هتزعل
اقتباس:
ولسه بتصدق يا محمد بك :confused::eek: |
رد: ادخل ومش هتزعل
مش موضوع بصدق
بس الكاتب اسلوبه حلو و الروايات ممكن تقول عنها اي حاجه الا انها ممله و غير كده بتمنى يكون عندنا واحد زي ده بجد بالرغم من الاشارات الكتيييييير لانه فعلا شخصيه حقيقيه و بالنسبه لنوضوع الموتور بتاع اللعب و المروخه دا انا لما اقتنعت انه عمره ما هيطير لزقته علي عربيه قطر و خليتها تمشي المروحه و مكانتش بتخبط في الحيطه :) |
| الساعة الآن 01:38 PM |
Powered by vBulletin® Copyright ©2000 - 2026, Jelsoft Enterprises Ltd. TranZ By
Almuhajir