عملها فيا الهلب وضيع عليا الطلعة و السمك
 

السلام عليكم و رحمة الله و بركاته

أنا زى ما قلتلكم إمبيرح إنى رايح أصطاد سمك النهاردة فعلا طلعت و الحمد لله المصرف مكنش فيه مية خالص و السمك كتير جدا و البندقية ما بتخيبش و ربنا رزقنى شوية حلوين يجو 3 كيلو +فرخة مية و لكن لسؤ الحظ أو للنصيب الهلب شبك فى الموتوسيكل و كان حيقطع صبعى لولا و الحمد لله الموتوسيكل وقف و الهلب هوا الى إتقطع و طبعا من غيره مكنتش حعرف أجيب السمك الى بضربه دا غير الناس الى إتلمت حوليا و انا بضرب و الى يقول كلمة و الى يطفش السمك رحت واخدها من قصرها و مروح و أنا مروح لقيت شجرة جوافة فى الطريق و قصب مزروع على جسر رحت واخد حبيتين جوافة و عود قصب و فشيت فيهم غلى بصراحة ما لقيتش صاحب الأرض أسأله رحت وخدهم عما أشوفه هناك مرة تانية أبقا أساله عن المرتين دى و الى جاية و أنا راجع واحد صحبى قالى زى النار طبعا جبت جمبت سمك قلتله لا ما تقلقش أنا أكيد قابلت واحد زيك و أنا لسة خارج عمل الواجب و زيادة ما تتعبش نفسك و لا عنيك خليك إبقا إحسدنى الطلعة الجاية و أسيبكم للصور

http://imageshack.us/a/img29/803/dscf3229k.jpg

http://imageshack.us/a/img20/5540/dscf3228f.jpg3

http://imageshack.us/a/img163/6548/dscf3227iz.jpg

رد: عملها فيا الهلب وضيع عليا الطلعة و السمك
 

رد: عملها فيا الهلب وضيع عليا الطلعة و السمك
 

بارك الله فيما رزق

طلعة فراخ جبارة
 

السلام عليكم و رحمة الله و بركاته

بعد الموقف البايخ الى عمله الهلب معانا و إحنا بنصطاد سمك بالبندقية قررت نطلع طلعة بالليل ننتقم فيها من فراخ المية و اليمام و المرادى أخدت صحبى الحساد معايا و نسيبى و طلعنا أهو قلت الإيد الى ما تعرفش تقطعها بوسها و أهو يحسد الفراخ يموتها يساعد البندقية شوية و مشينا على مصرف كنت بروحه على طول و بصراحة بالرغم من التأخير إلا إن الطلعة كانت مسلية جداضحكنا كتير و كانت صحبة حلوة قبل ما تتوالى المقالب عدينا على فلاحين وقفين و كان فيه جسر و مصرف صغير عليه شجر جوافة المهم رحنا جيبين يجى كيلوا جوافة و جينا مشيين بندور على مفتاح الموتوسيكل ما لقيناهش إتخانئنا مع بعض و سبينا للطمع فى الجوافة و روحنا ندور على المفتاح لما زهئنا واحد قال إحنا مش أكلنا الجوافة نرمى الموتوسيكل فى المصرف للمفتاح و نمشى و الحمد لله لقيناه و روحنا لشجر اليمام و ربنا كرمنا بى 9 حبات غير الى وقع فى الغاب و معرفناش نجيبه و الى ريش و طار و لله الحمد إحنا الثلاثة وقعنا فى المية إمبيرح بالتوالى و الجميع إتجرح بس كانت طلعة لذيذة طبعا أولا للصحبة و ثانيا للحصيلة الجيدة جبنا حوالى 22 فرخة مية لكن بصراحة جات فى الأخر و مسخت أوى ضربت 6 حبات فى مصرف عليه غاب كتير و ورد نيل و معرفناش نجيب غير 2 منهم قلتلهم بارك الله فيما رزق و بلاش ضرب تانى حرام نموت و نمشى و طبعا جا على هواهم لأنهم كانوا بيسترجونى نروح الساعة كانت دخلة على 3 بالليل و الجميع مش عارف حيقول إيه لجماعته الحكومة يعنى ما عدا العبد لله قالولى إنتا إترمت طوبتك من زمان و لما طلعنا على الطريق فى النور بعد الطريق الزراعى إكتشفنا إن إحنا و الموتوسيكل عبارة عن كومة تراب و طين ودم سواء الفراخ أو الجروح الى سببها الغاب و أسيبكم مع الصور و هيا مش واضحة أوى عشان الليل

http://imageshack.us/a/img833/5932/dscf3232t.jpg

http://imageshack.us/a/img405/4386/dscf3231o.jpg

http://imageshack.us/a/img525/9236/dscf3230z.jpg

رد: عملها فيا الهلب وضيع عليا الطلعة و السمك
 

دايما الواحد بيرجع متبهدل بعد طلعات الصيد ... بس مزاجه بيبقى عالى و مبسوط عالاخر
بس بجد طالعه جامده يا صاحبى

رد: عملها فيا الهلب وضيع عليا الطلعة و السمك
 

طلعة موفقه يا ابو صفيه تسلم ايدك

رد: عملها فيا الهلب وضيع عليا الطلعة و السمك
 

رد: عملها فيا الهلب وضيع عليا الطلعة و السمك
 

يا ابو صفية يا قناص بارك الله فيما رزق....المشى فى الغيطان بليل عايز صحبة وونس لانة مرعب..انا نمجرب الموضوع دة امبارح فى طلعة صيد سمك بالسنارة...بالتوفيق وربنا يسترها معانا

رد: عملها فيا الهلب وضيع عليا الطلعة و السمك
 

رد: عملها فيا الهلب وضيع عليا الطلعة و السمك
 

ما شاء الله عليكم جميعا و شكرا على المرور الطيب و الكلام الجميل دا و بارك الله فيكم جميعا و رزقكم من طيبات رزقه

رد: عملها فيا الهلب وضيع عليا الطلعة و السمك
 

طلعه زي الفل يا ابو صفيه
و عقبال الي بعدها كمان

رد: عملها فيا الهلب وضيع عليا الطلعة و السمك
 

طالعه جامده يا صاحبى