الجلبه الى فى الماسوره
 

انا عندى بندقيه رمسيس نمره 2
الجلبه الى فى الماسوره اتاكلت اجيب واحده جديده منين
يارب تكون موجوده

رد: الجلبه الى فى الماسوره
 

يا باشا من عند أى حد بتاع قطع غيار بوتاجاز اسأل على جلبة ( كباس ) زفرة وحطها ساعتين فى شوية جاز وخدها بعد كدة وشيل باقى الجلبة اللى اتاكلت وحطها مقلوبة يعنى الجزء الناعم من تحت على الماسورة واخبط عليها بالشاكوش لحد متنزل مكانها والباقى هتلاقيه طلع لوحده وبعد كدة حطلها نقطتين زيت مكنة وتبقى كدة تمام وجربها بأنك تنفخ فى الماسورة من قدام وتقبل تحياتى

رد: الجلبه الى فى الماسوره
 

ربنا يفتح عليك

رد: الجلبه الى فى الماسوره
 

من اي حد بتاع سلاح قوله جلبة بيت رش معادي الجلبه زفره و حتلاقيها ب 2 جنيه و لما تركبها نضف مكان القديمه كويس عشان الجديده متبقاش راكبه عاليه و تتقطع

رد: الجلبه الى فى الماسوره
 

مش عارف اقول لكوا ايه الله يفتح عليكوا وربنا يبارك لينا وليكو فى المنتدى الجميل ده

رد: الجلبه الى فى الماسوره
 

بس عاوز اسال يعنى اى جلبه (زفره) رحيتها سمك يعنى ولا ايه بجد عاوز اعرف

رد: الجلبه الى فى الماسوره
 

هههههههههههههههههههههههههههههههههههههههههههههههههه ههههههههه سمك هههههههههههههههههههههههه انت بجد جاااااامد ههههههههههههههههههههههههههههههههههههههههه انا مش بسخر منك بس بكده ضحكتنى جداااااااااااااااااااااااااااااااااااااا حد يرد لانى انا كمان عاوز اعرف
وعاوز اعرف مكان اجيب منو جلبه للرمسيس جلبه داخليه للهواء

رد: الجلبه الى فى الماسوره
 

بالنسبة لجلدة الماسورة هقولكم على حاجة انا عاملها كذا مرة وشغالة عشرة على عشرة
هنجيب فبرة انبوبة بوتاجاز اللى هى بتبقا على سن الانبوبة وهى مليانة البيضة دى طبعا كلنا عارفينها ومكن تلاقيها مرمية فى الارض وانت ماشى او عند اى مستودع انابيب هتلاقيها مرمية
هتجيب الفيبرة دى هتلاقيها دايرتين جوا بعض هتجيب كتر او سكينة حامية وهناخد الجزء اللى جوا وهتلاحظ ان مقاسة على قد مكان الجلدة تقريبا بعد ما نطلع الجذء دة هنلاقية سد من فوق هنقطع الجذء السد دة وناخد باقى القطعة ونحها على مكان الجلدة وبشاكوش صغير او اى حاجة تنفع للطرق وهندق بشويش على الجلدة ونتجنب الدق على المعدن او فتحة الرشة هنركز الدق على الفيبرة بس لحد ما تبات مكان الجلدة وبعد كدة هنشيل الزوايد من الاجناب بموس او كتر وهنفتح مكان الرشة بمسمار متسخن على النار وبعد كدة هنجيب ولاعة عادية مش سخان وهنسخن الفيبرة دى بس على الهوا لانها قالبة للاشتعال ولو زودت النار عليها هتسيح خالص المهم بعد ما تسخنها هتقفل الماسورة باحكام وتضغط عليها كويس عشان الحركة دى هى اللى هتطبع الجلدة على الكانون
وشيل برضة الزوايد لو فى وجرب فى تسريب ولا لاء غلابا هيكون لاء ولو فى الحل انك تسخنها مرة كمان وتقفلها كويس جربو ابقو ادعولى


ملحوظة الجلدة دى ممكن تعيش سنين لو اتعملت صح
ولازم تفضل تدق عليها لحد ما تدخل كويس فى مكان الجلدة مع مراعاة انها ماتكونش عالية كتير عن بيت الرش عشان البندقة تقفل على الوضع الصيحيح وهنسيب فيها زيادة حوالى ملى او 2ملى وعملية التسخين والقفل وهى سخنةهى اللى بتطبع معاك وبتغط الزوايد فى فتحةالجلدة
مع خالص تحياتى

رد: الجلبه الى فى الماسوره
 

جارى النقل للورشه
تحياتى