فريق بحثى مصرى ينجح فى انتاج البنزين والسولار من بقايا البلاستيك والمواد المطاطية
 

فريق بحثى مصرى ينجح فى انتاج البنزين والسولار من بقايا البلاستيك والمواد المطاطية

الجزيرة مباشر : نجح فريق بحثى بمعهد بحوث البترول في مصر على المستوى المعملى فى إنتاج البنزين والسولار من بقايا البلاستيك والمواد المطاطية مثل الأكياس البلاستيكية وكاوتشات السيارت التالفة مماقد يساهم فى حل أزمة نقص الوقود التى تشهدها مصر حاليا.
وقال الدكتور مجدى مطاوع - فى تصريح لوكالة انباء الشرق الاوسط اليوم - إن هذا المشروع البحثى ممول ذاتياً من ميزانية المعهد ويعتمد على تكنولوجيا بسيطة وغير معقدة ورخيصة التكاليف ..مؤكدا ان النتائج الاولية اعطت مؤشرات ممتازة لإمكانية البدء فى تطبيقه صناعيا .
وأضاف انه سيتم خلال الفترة القادمة البدء فى تطبيق نتائج المشروع على أرض الواقع وسيستفيد منه المواطن المصرى حيث يلعب البحث العلمى دوراً بارزاً فى حل المشكلات التى تواجه المجتمع مثل مشكلة نقص البنزين والسولار.
وأشار إلى الدور المهم الذى يقدمه المعهد وباحثوه فى ابتكار وتطوير ونقل الأفكار والمشروعات البحثية للمجال التطبيقى بما يصب فى خدمة الاقتصاد الوطنى والتنمية.

رد: فريق بحثى مصرى ينجح فى انتاج البنزين والسولار من بقايا البلاستيك والمواد المطاطية
 

لك مني تقيم بالسالب موصوع وحش اوي هههههههههههههههههههههههههههههههههههههههههههههههه موضوع تحفه

رد: فريق بحثى مصرى ينجح فى انتاج البنزين والسولار من بقايا البلاستيك والمواد المطاطية
 

بص ياباشا الكلام دة جميل مش وحش ومع احترامى للكلميتن بتو عالالخ مدير المعهد
اولا انا مهندس ........... سيبك من دى
اى حد كان علمى رياضة او علوم واخد كيمياء عضوية هايعرف ان البلاستيك من مشتقات حلقة البنزين " الهكسانات " يعنى هما معملوش رجل الكيكى والراجل مكدبش عليك .. قال ( على المستوى المعملى ) - لية بقى ؟
لان التطبيق مرتفع التكاليف بشكل مهول ودة بسبب اولا : انت معندكش نظام معالجة مخلفات سليم
يعنى بداية من الجمع والفرز وحتى المعالجة والتخلص موضوع فاااااااااااااااشل فاااااااااااااشل جدااااااااااااااااااااا
فعشان تقدر تستخلص الوقود من المخلفات اللى هى هاتكون مثلا 1 لتر من 1 طن " شوف النسبة "
فانت محتاج تعالج يوميا 80000 طن عشان تخرج منها 20000 طن مخلفات غير عضوية اللى هاتطلع منها 20000 لتر " يعنى 2 طن " اللى هى حمولة عربية بنزين واحدة ... بيقولوا عليها فى البنزينة " وجبة "
اية رأيك فى الكلمتين دول ؟

ويارب اكون غلط وهما صح ويحلوا الازمة

رد: فريق بحثى مصرى ينجح فى انتاج البنزين والسولار من بقايا البلاستيك والمواد المطاطية
 

انت صح بس لما اعرف باقي تفاصيل الموضوع وممكن استخلاص الذهب من قطع الحاسب الالي بس انت عايز قد ايه عشان تطلع كام جرام فاهم ويارب نطلع غلط وهما صح

رد: فريق بحثى مصرى ينجح فى انتاج البنزين والسولار من بقايا البلاستيك والمواد المطاطية
 

فعلا البروسيسور البانتيم 1 وبانتيم 2 وبعض ال وبانتيم 3 ممكن تطلع من كل بروسيسور 0.65 جرام ذهب من السنون بتاعتة
لكن فى اواخر البانتيم 3 اتبدل بنحاس نقاوة 97 %

Re: فريق بحثى مصرى ينجح فى انتاج البنزين والسولار من بقايا البلاستيك والمواد المطاطية
 

المسألة مش كدة يا اخوانة المسألة تمهيد الرأى العام للشركة الجديدة اللى بتعمل فى مسطرد واللى وظيفتها تفحيم المازوت وعمليه معمل التفحيم مضرة جدا للبيئة لانها بتسبب سرطان الرئة والمشروع بيتحارب من قبل الثورة وهما عايزين يضيفوا صفة انه مشروع قومى وانجاز عشان الراى العام ما يهاجمهوش زى قبل الثورة
وعلى فكرة الشركة المنفذة للمشروع هى شركة اجريوم من الباطن وكلنا نعرف تاريخها مع المصرين من اسمدة مسرطنة ومعامل الامونيوم والشركة المنشأة هى شركة القلعة بتاعة ابن هيكل ومن اكبر شركاء جمال وعلاء
وكان اخر معلومات ان المشروع تم اعتماده ايام عصام شرف عشان عينوا له ولادة فى شركة القلعة اللى عاملة المشروع وبعد كدة اتوقف من النائب العام ودلوقت عايزين يحيوه من تانى

مع احترامى وشكرى لصاحب الموضوع

Re: رد: فريق بحثى مصرى ينجح فى انتاج البنزين والسولار من بقايا البلاستيك والمواد المطاطية
 

الدهب ماشى بس عمليه اعادة التشغيل مش مضرة للصحة زى اعادة تشغيل المواد البترولية الغير قابله للاستخدام واكيد جمعيات حماية البيئة مش هتوافق عليه
وهيحولوا يجعلوا منه صفة انه امن ومفيش منه اى اضرار بس اى كيميائى شغال فى البتروكيماويات عارف انه ضار جدا بالصحة