أيكول ديكل
 

بسم الله الرحمن الرحيم

انا كان عندي استفسار بسيط كده

طبعا الاول انا بشكر كل الاعضاء الي قالولي ازاي اصلح البريتا الي كانت معايا

والحمد لله صلحتها وباقت زي الفل وضربت بيها 5 طلقات وشغاله زي الفل الحمد لله

دلوقتي بقي فيه مشكله تانيه بس في مسدس ايكول ديكل الي انا ان شاء الله ناوي اشتريه

بس صاحبه جالي انهرده وقالي ابره النار اتكسرت

خليت ابن خالتي (نقيب حربيه)يفتحهالي ولاقيت ابره النار مش واصله لحد الطلقه يعني لما احط الطلقه واعمر واضرب الابره متوصلشي لحد الطلقه

قلت اروح اجيبلها ابره نار جديده

وده كل الي بايظ فيها

دلوقتي انا بقي خايف لاشتريها الاقي فيها عيب جديد

انا هخليه يصلح ابره النار وطبعا هجرب المسدس قبل شرائه هضرب طلقتين الاول

بس انا بقي عاوز اعرف هيا ابره النار ديه اركبها ازاي وصعبه التركيب ولا ايه

وسعرها ييجي كام

واسف علي التطويل مع تحياتي للجميع

رد: أيكول ديكل
 

بص يا سيدى تركيبها مش صعب اطلاقا
اما سعرها فانا سمعت ان فى زميل اشترى ابرة الفيرات ب 25 جنية ماظنش هاتكون اغلى منها ان لم تكن نفس المقاس لان الكوبرى بتاعهم واحد
المشكلة انك فى المنصورة يعنى لازم تنزل القاهرة عشان تشتريها او الاسكندرية
ولما تجيبها نبقى نعملك فيديو يشرحلك تركبها زاى بسيطة جدا على فكرة

رد: أيكول ديكل
 

والله يا استاذ محمود انت كده طمنتني

ولو سمحت ممكن فديو للتركيب بتعها عشان لو جبتها انا من محل وقلتله ركبهالي هيقولي 100 جنيه

انا اشتريها منه واركبها انا احسن بدل لما ادفع 100 جنيه

رد: أيكول ديكل
 

تحت امرك طبعا
بس ممكن تدينى فرصة لبكرة باليل لانى خارج البيت ومش معايا السلاح
انا معايا جاكل ديوال والاتنين نفس الفكرة

رد: أيكول ديكل
 

ولا يهمك يا كبير

طب حضرتك تديله تقييم كام

يعني في نظرك هو مسدس عملي ولا ايه

رد: أيكول ديكل
 

هو مسدس محترم وان كان اصغر من الفيرات شوية
انت كنت سألت فى موضوع منفصل عن التقييم بتاعة وجالك كذا رد منهم بتاعى انه محترم
يعنى انا مسكتة فى ايدى ووزنتة بنظرى لقيتة محترم لكن مضربتش بية لانة مش منتشر اوى

Re: أيكول ديكل
 

منا من ساعتها وانا شاكك في نفسي

لان الاستاذ محمد ياقوت قالي مسدس فاشل

وابو سيف قالي مسدس جميل

والاتنين بصراحه عندهم خبره عاليه جدا

وانا من ساعتها محتار ومش عارف اعمل ايه

رد: أيكول ديكل
 

بص ياباشا انا قلت قبل كدة مع احترامى للاتنين
انت بتحب التين البرشومى لانة مفيد ومغذى وطعمة بيعجبك ....... انا بكرة التين البرشومى حتى ولو كان مفيد ومغذى وطعمة حلو
لا حبك لية زود من قيمتة ولا كرهى لية قلل من فايدتة
انت لو كنت جنبى فى القاهرة انا كنت جيتلك والله وحضرت البيعة وقيمتة ليك وفصصتة كمان بس مشوارك صعب بصراحة
كمان انت بتقول معاك نقيب حربية خلية يفككه ويبص علية ويوزنة بنظرة ويشوف دنيته فيها اية ؟
وربنا يوفقك

رد: أيكول ديكل
 

الف شكر علي المعلومه الجميله ديه وان شاء الله ربنا يقدم الي فيه الخير

وعلي فكره انا مبحبش التين زيك

ههههههههههههه

\مع تحياتي

رد: أيكول ديكل
 

تحت أمرك وان شاء الله يكون فية الخير
تحياتى
وانا فعلا مبحبش التين :)

رد: أيكول ديكل
 

انا قلت بدل ماستنى لبكرة خد اللينك دة بسرعة
ولو ما استفدتش انا هاشرحة واصورة عملى

http://www.youtube.com/watch?feature...&v=Of5zHFmtTo8

رد: أيكول ديكل
 

الف شكر علي الفديو بس هو الديكل زي الجاكال ولا ايه

رد: أيكول ديكل
 

يا جماعه مش عارف افك ابره الفولترين التركى الى شبه البرونى 85 حد يعرق بتتفك ازاى مش لاقيلهه اى طريقه لللفك

رد: أيكول ديكل
 

اخى الكريم شوف الفيديو ده تابع الفيديو للأخر وهتلاقى طريقه فك الابرا بس تابع للأخر