استشهدكم بشهادة حق للفصل بينى وبين العضو محمد راتب mo_rateb
 

السلام عليكم اخوانى الاعزاء
احب اوضح اولا ان الموضوع دة الهدف منة الاستفادة من تجربتى لكافة الاعضاء فقط بدون الرغبة فى اى ماديات
قام العضو محمد راتب بعمل اعلان لبيع جهازين تتبع ودة الرابط بتاعة
http://www.egyhunt.net/showthread.php?t=33738
وقمت بالاتصال بة والاتفاق على السعر 700جم وطلبت يشحنهملى ويستلم فلوسة رفض دة بما يفيد انة عايز الفلوس الاول فقمت بشحن الفلوس من محافظتى من خلال شركة شحن لتوصيل الجهازين ليا وقبل ما اشحن الفلوس كلمت العضو وفهمتة ان عايز الجهازين لاطفالى وهعتمد علية لبدء الدراسة مع اطفال صغيرين وانى هشترى من محافظة تانية يعنى هيكون التعامل فية شقاء وصعب واكدت علية ان الاجهزة تعمل وبكفاءة وانة جربهم ومطمنلهم لانى هديهم لاطفال ومع ذلك اكدلى فى التليفون ان الاجهزة تعمل بكفاءة وانة جربهم شخصيا و شحنت الفلوس معتمد على الثقة فى عضو قديم بمنتداى المفضل وقبل ما احد من الاعضاء يلوم عليا انى دفعت فلوس سلعة من غير ما اجربها بوضح ان اعتمدت فى دة ان اعضاء المنتدى القدامى اهل ثقة والصيادين كلمتهم محترمة وتعاملهم جاد وشفت ان العضو محمد راتب صياد ومن القدامى يعنى المفروض انة محل ثقة ولما وصلتنى الاجهزة اتصلت بية تليفونيا لاستيضاح التشغيل فوجئت بية انة بيقولى معرفش طريقة تشغيل الجهازين دول تحديدا انا اعرف الطرق عامة عشان هو مجربهمش دول تحديدا لكن جرب اجهزة تانية مشابهه وهنا ابتدى عدم الاقتناع عندى بالكلام المهم شكرتة وابتديت اشغلهم فوجئت ان جهاز يعمل والاخر لايعمل يعنى بايظ عبارة عن قطعة بلاستيك فقط
فأتصلت بية تانى وقلتلة انة شحنلى جهاز يعمل وجهاز بايظ فرد عليا وقالى خلاص رجعة بس بعد شهر عشان اجهزلك الفلوس وبالرغم من ان دفع ثمنة مقدما كان نظير الثقة فية و المفروض ميجبرنيش انتظر شهر ثمنا لثقتى دى لانة بايظ الا انى برضو وثقت فى كلامة وقلتلة اوك ومش هتصل بيك انت معاك تليفونى ولما تجمع المبلغ كلمنى ومر الشهر ولم يتصل مع العلم انى لو مكانة كنت هسعى انا واتصل وارد حق الناس عشان وثقت فيا وبعتتلى الفلوس مقدما الا انة مر بعد الشهر اسبوع ولم يتصل فقمت انا بالاتصال فلم يرد عليا فى اول الامر ولما كررت الاتصال رد وقالى انا مش مستعد لدفع فلوس فى الوقت الحالى وطبعا مجرد انة اخل بأتفاقة باعادة الثمن بعد شهر كان مؤشر ان الكلام منتهى قلتلة شكرا وانا هعتبر المبلغ خسارة رد عليا قالى طيب مع السلامة والكلام ذى ما كتبتة بالظبط هو الى دار بينا وياريت لو العضو يكذب اى جملة انا قلتها او ينكر الى حصل دة قدام جميع الاعضاء وانا مستعد للرد وعلى فكرة انا عملت الموضوع دة عشان الناس تتعلم من تجاربى ومتثقش ثقة عمياء حتى لو كان صياد قديم لان الكمال للة وحدة وياريت الاعضاء تقولى رايهم فى الموقف دة اية

رد: استشهدكم بشهادة حق للفصل بينى وبين العضو محمد راتب mo_rateb
 

موقف مؤسف منتظرين رد من استاذ محمد راتب على هذا الكلام

رد: استشهدكم بشهادة حق للفصل بينى وبين العضو محمد راتب mo_rateb
 

منتظرين رد من استاذ محمد راتب

رد: استشهدكم بشهادة حق للفصل بينى وبين العضو محمد راتب mo_rateb
 

موقف صعب .. منتظرين رد الطرف الاخر لايضاح الصورة كاملة

رد: استشهدكم بشهادة حق للفصل بينى وبين العضو محمد راتب mo_rateb
 

الاخوة الاعضاء .. اعتذر لو تدخلت فى الموضوع ولكن لى تجربة غير سعيدة مع الاستاذ / محمد راتب اشتريت منه مسدس walther ppks كان فيه عيب لم يكشف لى عنه عند البيع واكتشفته انا وعندما اخبرته فقال ان علاجة سهل جدا ولن يكون مكلف .. وثقت فى هذا الكلام واخذت المسدس وعرضته للتصليح عند الاهلية كما قال لى وكان ردهم انه لا تصليح له ورحت به اكثر من مكان وكان نفس الرد .. استعوضت ربنا ولم اثير الموضوع منذ عدة اشهر كثيرة .. الا ان ما عرضه الزميل الان دفعنى الى الكتابه لا لشى ولا اريد شى ولكن احسست ان هذه شهاده وخفت ان اكون كاتمها .

رد: استشهدكم بشهادة حق للفصل بينى وبين العضو محمد راتب mo_rateb
 

الاخوة الاعزاء .. بعد ما كتب هذه المشاركة علمت ما حدث مع الاخ / محمد ادعوا الله له بالشفاء واشهد الله انى مسامحه ومش زعلان منه

رد: استشهدكم بشهادة حق للفصل بينى وبين العضو محمد راتب mo_rateb
 

مش عارف اقول ايه بصراحة لازم رد الراجل على الموقفين

رد: استشهدكم بشهادة حق للفصل بينى وبين العضو محمد راتب mo_rateb
 

رد: استشهدكم بشهادة حق للفصل بينى وبين العضو محمد راتب mo_rateb
 

خسارة الثقة بشخص اتسمت فية الخير لانة من منتدى عزيز عليا اهم من الخسارة المادية لمبلغ الشراء وانا منتظر رد العضو قبلكم لعلى اجد فية رد معنوى اغلى فى القيمة عندى من رد المبلغ المالى وبكرر انى مش عامل الموضوع واللة شاهد عليا عشان ارجع فلوسى الى ضاعت عليا وانما لمشاركتكم جميعا فيما حدث

رد: استشهدكم بشهادة حق للفصل بينى وبين العضو محمد راتب mo_rateb
 

المفروض ادارة المنتدى تعرف العضو طرف الخصام بالموضوع دا وتنتظر مده للرد وبعد كده تاخد اجراء صارم
لازم الاداره تاخد قرار وتعدل القوانين لتحافظ على اعضائها الموقرين

رد: استشهدكم بشهادة حق للفصل بينى وبين العضو محمد راتب mo_rateb
 

انا على اكف الاستعداد ان اعوض العضو المتضرر عن ضرره لاننا اسره واحده ولازم ادارة المنتدى تاخد الموضوع دا بجديه

رد: استشهدكم بشهادة حق للفصل بينى وبين العضو محمد راتب mo_rateb
 

السلام عليكم
اتقدم بالشكر لكافة المشاركين بردودهم الغالية واخص اخى mohamed monem واخى اسلام واكرر مرة اخرى ان الضرر المادى مش محل للنقاش فى هذا الموضوع لان ذى ما قلتلكم قيمة ال 350 جم متساويش حاجة بالنسبة للصيادين مقابل ثقتهم فى بعض ولو كانت المادة هتفرق مكنتش حولت الفلوس من غير ما اشوف هيبعتلى اية ولا اعاينة انما المشكلة فى الثقة واشكر الاخ الفاضل اسلام على عرضة بتعويض الضرر واحتراما لرغبة الاخوة لو العضو محمد راتب كذبنى فى موقف او كلمة من الى كتبتها او حتى انكرها او قال انى مجرد جملت كلامى انا مستعد لاى عقاب هتحكمو بية هنا فى الموضوع مهما بلغ قساوتة

رد: استشهدكم بشهادة حق للفصل بينى وبين العضو محمد راتب mo_rateb
 

فى اتظار رد الطرف الاخر

رد: استشهدكم بشهادة حق للفصل بينى وبين العضو محمد راتب mo_rateb
 

رد: استشهدكم بشهادة حق للفصل بينى وبين العضو محمد راتب mo_rateb
 

حصل معايا موقف مشابه بس مع العضو okapi knife بس كان نصب من غير ما اخد اى حاجة هو خد الفلووس بس

رد: استشهدكم بشهادة حق للفصل بينى وبين العضو محمد راتب mo_rateb
 

سنقوم بسماع الطرف الاخر و نرجو من الاعضاء عدم التعامل المادى مع طرف إلا بعد سؤال اكثر من فرد عن امانته و عن سيرته

رد: استشهدكم بشهادة حق للفصل بينى وبين العضو محمد راتب mo_rateb
 

لقد تركت رسالة للعضو محمد راتب للرد على الموضوع و هو الان غير متواجد

رد: استشهدكم بشهادة حق للفصل بينى وبين العضو محمد راتب mo_rateb
 

الاستاذ العزيز ادمن المنتدى يجب اتخاذ اجراء ضد اى عضو يبتز الاخرين ويكيل بمكيالين ويستغل المنتدى فى التربح بالحرام وتحليل البضاعه للغير ويستغل ثقة الغير فية والله تعالى اعلم ولكم الامر
ولله الامر من قبل ومن بعد

رد: استشهدكم بشهادة حق للفصل بينى وبين العضو محمد راتب mo_rateb
 

فعلا الادارة لازم تتخد اجراء صارم على اللى غلطان عشان بقيت الااضاء تاخد حذرها

رد: استشهدكم بشهادة حق للفصل بينى وبين العضو محمد راتب mo_rateb
 

اكرر شكرى لكافة المشاركين واكرر تاكيدى على كامل استعدادى لاى حكم يرتضية الاعضاء ضدى لو كان كلامى فية حرف واحد على خلاف الحقيقة وخلاف ما حدث وانا مبسو ط بمشاركة الاخ mohamed monem والاخ mido axis بخصوص عرض تجاربهم السلبية الى حصلت من على النتدى ايضا ودة يدينى فكرة عمل حاجة اسمها بلاك ليست(black list ) لمنع اى تعامل تجارى مع عضو سبق لة الحاق الضرر (ومش هقول النصب لانة لفظ صعب شوية ) فى اى عملية تجارية على المنتدى وياريت يكون الموضوع دة بداية لفكرة عمل البلاك ليست لكل عضو يثبت امام الاعضاء ادانتة

رد: استشهدكم بشهادة حق للفصل بينى وبين العضو محمد راتب mo_rateb
 

يا افندم لما كلمتنى و مرديدش انا كنت نايم و للاسف الفلوس مش معايا الفترة دى و اول مهيجلى فلوس على يوم 20 كدا ان شاء الله هبعتهم لحضرتك و انا قلت الكلام دا على التليفون و لو انا عايز انصب مكنتش اديد لجضرتك حاجة شغالة لكن العيب اللى فى جهاز منهم انا لم اكن اعلم به و اكيد انا كانت نيتى سليمة و لكا كلمتنى قلتلى انه فى واحد بايظ قلت لحضرتك انى هرجعلك قيمته لكن انا فعلا معيش فلوس خالص الفترة دى.

رد: استشهدكم بشهادة حق للفصل بينى وبين العضو محمد راتب mo_rateb
 

حضرتك مكلمتنيش تقولى ان العيب متصلحش و انا مكنتش اعرف ان فيه عيب اصلا قبل مبيعوا

رد: استشهدكم بشهادة حق للفصل بينى وبين العضو محمد راتب mo_rateb
 

يا فندم انا معملتش الموضوع عشان رد المبلغ انا عملتة لان حضرتك قبل ما ابعت الفلوس سئلتك ذى ما وضحت فى مشاركتى جربت الاجهزة والاجهزة سليمة واكدت ليا تليفونيا انها سليمة وتعمل بكفاءة وفى ردك حاليا بتقول انك مكنتش تعرف ذى بالظبط الى حصل مع العضو mohamed monem وبرضو ايضا مكنتش تعرف ان فيه عيب اصلا قبل متبيعوا مع ان الاصل انى قبل ما ابيع شىء واسوق لية اكون مجربة و عارف انا ببيع سلعة بايظة ولا سليمة وعشان حضرتك رديت عليا نفس الرد الى بتقولة دلوقتى من شهر برضو لما كلمتك وقلتلى انا معييش فلوس دلوقتى وانتظرنى لاخر الشهر وبالرغم انة مش ذنبى ان مش معاك فلوس فى الوقت الحاضر الا انى احترمت كلمتك وانتظرتك لاخر الشهر وما اتصلتش حتى تقولى حاجة او تطلب مدة انتظار جديدة فى الميعاد لحد ما اتصلت انا بيك ورديت عليا بنفس الرد القديم بتاع الشهر الى فات معييش فلوس فى الفترة الحالية وانتظرنى تانى اذا كنت حضرتك ما التزمتش فى اول مرة بالموعد الى حددتة اخر الشهر الى فات المفروض انى اثق تانى فى الميعاد التانى؟؟؟؟ واعتقد ان ردك دليل على صدق روايتى وان كان فى تبرير لموقفك فلاعضاء المنتدى حرية الراءى

رد: استشهدكم بشهادة حق للفصل بينى وبين العضو محمد راتب mo_rateb
 

أرجو ان الادارة تتصرف و ترحمنا من النصابين اللى بيستغلو اسم المنتدى وثقة الناس فيه و فى ادارته

رد: استشهدكم بشهادة حق للفصل بينى وبين العضو محمد راتب mo_rateb
 

على فكرة حضرتك لو تتذكر انا قلت جربت واحد و واحد لا و حضرتك عندك حق انا كان المفروض اجرب ال 2 و انا فعلا مقصر فى حقك و بعتذر و لك الحق تعمل اللى انتا عايزه لكن انا هرد لحضرتك الفلوس بعد 10 ايام بالضبط ان شاء الله

رد: استشهدكم بشهادة حق للفصل بينى وبين العضو محمد راتب mo_rateb
 

واللة يافندم انا متذكر كويس الحمد للة فقد انعم اللة على بذاكرة احتسبها بفضل اللة يعتمد عليها اول الامر حضرتك قلتلى جربت الاثنين وليس واحد ولكن فية كتالوج ضايع من واحد منهم ولم تقل انك جربت واحد فقط هذا لم يحدث واسمحلى انكرة وبعد ذلك عندما اتصلت لأسئلك عن طريقة التشغيل لما الاجهزة وصلتنى قلتلى لا انا معرفش اصلا بيشتغلو اذاى لانى مجربتهمش ولكن جربت اجهزة اخرى مشابهه فى طريقة التشغيل وعلى اى حال اعتذار حضرتك مقبول ومجرد اعتراف حضرتك بالتقصير يجب مغبتة وشجاعة منك تحتسب لحضرتك

رد: استشهدكم بشهادة حق للفصل بينى وبين العضو محمد راتب mo_rateb
 

خلاص يا افندم انا مش هختلف معاك و انا اهم حاجة عندى متكنش زعلان و ان شاء الله فلوسك هتوصلك قريب قوى و انا لم يكن فى نيتى انى اخدع حضرتك تماما و بالطبع الاعتراف بالحق واجب و انا قصرت مع حضرتك و لازم اعترف بدا انا فعلا مكنش فى دماغى موضوع حضرتك خالص لان كانت تشغلنى امور اخرى كتير و كنت محتاج مكالمتك الاخيرة تفكرنى و صدقنى با افندم مكانش صعب انى مردش على حضرتك خالص و انا مش تاجر و مش هيهمنى سمعتى فى الحاجات دى لكن انا فعلا مكانش فى نيتى اى حاجة وحشة و الفلوس هتترد باذن الله و اهم حاجة عندى حب الناس و انا بطلب من حضرتك قبول اعتذارى للمرة التانية و ان شاء الله اصحح خطأى فى اقرب فرصة

رد: استشهدكم بشهادة حق للفصل بينى وبين العضو محمد راتب mo_rateb
 

بكرر قبول اعتذارك للمرة الثانية واحتسب شجاعتك فى الاعتراف فى التقصير ومفيش زعل انشاء اللة

رد: استشهدكم بشهادة حق للفصل بينى وبين العضو محمد راتب mo_rateb
 

10 ايام مش بعيدة و انا سعيد للتوصل للنتيجة دى و للمعتزر و لمتقبل الاعتزار الموضوع به سوء تفاهم و ارجو اخطارنا فور تسديد المبلغ

رد: استشهدكم بشهادة حق للفصل بينى وبين العضو محمد راتب mo_rateb
 

السلام عليكم اخى ashraf_f
اسمحلى اعبر عن اعجابى بالمقولة التى تستخدمها فى بروفيلك
(الصياد مايصتدش صياد )

رد: استشهدكم بشهادة حق للفصل بينى وبين العضو محمد راتب mo_rateb
 

شكرا للاستاذ محمد راتب والاستاذ SMART141366 وسوف يتم غلق المحادثه فى الموضوع لحين رد الفلوس

رد: استشهدكم بشهادة حق للفصل بينى وبين العضو محمد راتب mo_rateb
 

السلام عليكم ورحمة الله
انا حبيت أرد على كل الزملاء الى بتقدم ليهم بالشكر الى بعتولى رسائل على الخاص للأستفسار عما تم فى هذا الموضوع وهل العضو محمد راتب نفذ ما تم الاتفاق علية امام الجميع من عدمة واخص بالشكر العضو الفاضل اسلام الى بعتلى رسالة يعرض تحمل ثمن الجهاز حفاظا على سمعة المنتدى وذى الزملاء ما أهتمو يعرفو من حقهم عليا اخطارهم بما تم حيث انة وفقا للموضوع والتعليقات هيتضح ان العضو طلب مهلة شهر لحد يوم 20 اكتوبر لسداد المبلغ والى حصل انة كلمنى فون قبل عيد الاضحى بيومين وقال انة هيبعت الفلوس بعد العيد مباشرة الى كان يوم 26 اكتوبر وانتهى الموضوع على ذلك ولم يرسل المبلغ او يتصل حتى تاريخة.

رد: استشهدكم بشهادة حق للفصل بينى وبين العضو محمد راتب mo_rateb
 

مش عارف اقولك ايه والله يا استاذ smart141366 بش حاول حضرتك تكلمه تاني وربنا يكرم