برجاء المساعده العاجله
 

السلام عليكم ورحمه الله بصراحه انا لسا خبرتى بسيطه واشتريت بندقيه صينى بيونير b12 ومش عارف اظبط النشان بتاعها رغم المحاولات المتعدده ومش عارف اعمل ايه ياريت حد يساعدنى علشان انا تعبت جدا

رد: برجاء المساعده العاجله
 

اولاً اهلاً بحضرتك اخ جديد معانا نورت المنتدى ونتمنى ان نكون عند حسن ظنكم
ثانياً- البيونير من اجمال البنادق الصينيه الموجوده فى مصر اهنيك على اختيارك لها
ثالثاً ناتى لضبط النشان (هنا سؤال )
هل انت متأكد انك تجيد الضبط
اقصد هل نعلم القاعده لضبط النشان ان كنت تعلمها فإليك بعض الاساسيات للضبط
عليك الاخذ فى الحسبان ان من اساسيات ضبط النشان ان تكون البندقيه ثابته والهدف فى وضع تساوى مع البندقيه اى لا تضطر لرفع المسوره لــ أعلى او لــ أسفل تقوم بضبط النشان بنفسك لختلاف الفروق الفرديه بين رامى والاخر
بعد ذلك نأتى الى اهم نقطه وهى عندما تقوم بالتنشن على الهدف اى وضعه فى خط مستقيم مع النشنكاه الامامى والخلفى تقوم بعصر الزناد وهنا اريدك ان ترى هل يدك تهتز ام لا لان هذا ما سنحكم من خلاله هل العيب منك ام من المجنوم 350 فأن وجدته تهتز فالحل كما يأتى فدعها تهتز، وفي أثناء اهتزازها، ستأتي في المكان الذي تريد التصويب عليه، في أثناء اهتزازها، وفي هذه الللحظة تماما، تعصر بإصبعك زناد البندقية، فتخرج الرشة وتصيب الهدف بإذن الله عز وجل وامكانك ومع الاستمرار ستستطيع تثبيت يدك بإذن الله عز وجل
وان لم تجد يدك تهتز فيبقى سببان الاول وهو طريقة الضغط على الزناذ
وركز معى اخى الكريم فى هذه النقطه لانها اهم نقطه لكى تصيب الهدف
كثيراً منا يستطيع ان يثبت يده على الهدف ولكن لا يصيبه وذلك بسبب الضغط الزناد
وانتبه أخي الكريم لكلمة تعصر الزناد هذه. فهذه الكلمة معناها أنك عندما تضغط على الزناد، لا تسمح لأي عضو آخر من جسدك بالحركة، إلا إصبعك الذي يضغط على الزناد.

فلو ضغطت على الزناد بعصبية، ستجد أن يدك كلها تسحب البندقية برمتها إلى إحدى الجوانب قبل أن تنطلق الرشة، وبالتالي تصيب الرشة نقطة بعيدة عن الهدف.

ولكن، حرك اصبعك فقط لا غير، ولا يتم ذلك إلا وكأنك تعصر الزناد، وليس تضغط عليه.

بالطبع أول ضغطة، أو عصره، لك على الزناد لن تتم بالسرعة التي تتوقعها، لأنك لم تعتد بعد على مدى شدة الزناد وما هي القوة اللازمة منك لعصره.

وبعد التأكد من انك قمت بكل هذا بالطريقه الصحيحه لم يبقى الا ان تتأكد من انك تجيد ضبط النشان فلربما يكون ضبطك له غير صحيح فإن تأكدت من انه سليم مائه بالمائه عليك بالنظر الى ماسوره البندقيه لترى فل فيها اى اعوجاج لو بسيط جداً فأن كان فيها اى اعوجاج لا قدر الله فالسبب يرجع اليه
ارجوا ان اكون قد افدتك اخى الكريم

رد: برجاء المساعده العاجله
 

(بعد ذلك نأتى الى اهم نقطه وهى عندما تقوم بالتنشن على الهدف اى وضعه فى خط مستقيم مع النشنكاه الامامى والخلفى تقوم بعصر الزناد وهنا اريدك ان ترى هل يدك تهتز ام لا لان هذا ما سنحكم من خلاله هل العيب منك ام من المجنوم 350 فأن وجدته تهتز فالحل كما يأتى فدعها تهتز،)
الاخ العزيز هشام سمير :
الراجل بيسأل عن ضبط نيشان بندقية بيونير .. ايه اللى جاب سيرة الماجنوم 350؟؟!!!

رد: برجاء المساعده العاجله
 

شكراااااااااااااااااااااااااااااااااااااا على سرعه الاستجابه من الاخوه هشام ووليد وهنحاول وربنا يكرمنا
كنت عايز بس اعرف هل المنظار هيعمل فرق فى الصيد ولا تكلفه وخلاص ولو كويس ايه النوع الى اشتريه وبكام جعلكم الله عوننا للمحتاسين

رد: برجاء المساعده العاجله
 

عادى يا اخ وليد هو نقل له موضوع لكى تعم الفائده وما تفرق نوع البندقيه ومجهود رائع يا هشام وتقبلوا جميعا احترامى

رد: برجاء المساعده العاجله
 

شكرا على مرورك ياسعاده المستشار الاخ هشام مشكورا حابب يخدم جزاه الله خيرا هو اول من لبى الاستغاثه مع شكرى العميق للاخ وليد ولسعاده المستشار ومنتدانا الاكثر من رائع

رد: برجاء المساعده العاجله
 

الاخ العزيز وليد لك كل الشكر على التوضيح تنظر هذا الرابط
http://www.egypthunt.net/showthread....7%E1%E3%CA%E6%
DF%E1
انا جبت الرد من هنا
من صاحب الرد الاول

رد: برجاء المساعده العاجله
 

يا سيادة المستشار انا من اول يوم دخلت فيه المنتدى وعمرى ما كتبت موضوع منقول الا وقلت عليه انه منقول

http://www.egypthunt.net/showthread....7%E1%E3%CA%E6%
DF%E1
الموضوع ان الرد كان كتير وكسلت اكتبه تانى
وشكراً

رد: برجاء المساعده العاجله
 

يا سيادة المستشار انا من اول يوم دخلت فيه المنتدى وعمرى ما كتبت موضوع منقول الا وقلت عليه انه منقول

http://www.egypthunt.net/showthread....7%E1%E3%CA%E6%
DF%E1
الموضوع ان الرد كان كتير وانا كسلت اكتبه تانى
وشكراً

رد: برجاء المساعده العاجله
 

ولا يهمك يا اتش مجهود متميز وربنا يبارك لك

رد: برجاء المساعده العاجله
 

متشكر جدا يا سياده المستشار حضرتك اطلعت على الرابط ولا ..لا؟
وايه رأى حضرتك فى مشكلة المجنوم 350

رد: برجاء المساعده العاجله
 

ايوه انا قريت الموضوع والمعروف ان بنادق السرعات العاليه مثل الماجنوم والباتريوت بيبقى فى مشاكل كتير فى دقه التصويب اما للسرعه المفرطه مع عدم استعمال رش من نوعيه مناسبه واما ان اللى بيصوب الزناد بيخطفه يعنى ديما هيلاقى الضربه بتيجى ايمن الهدف لو هو بيضرب بايده اليمين وفى حاجه انا مره صادفتنى عند احد اصدقائى فى الماجنوم كانت بتشكل يعنى مش بتظبط ابدا مره فوق مره يمين وهكذا ولما فكتيها لقيت حاجه غريبه اوى السوسته كان فيها تقويس غريب فى منتصفها فكانت لما بترتد بتخبط فى جسم البندقيه بالعرض يعنى بتعمل فيبريشن فكانت اليد بتهتز ديما واعتقد ان كل بندقيه لها عيوبها الخاصه بغض النظر عن الموديل ولو تساوى وفى حجات كتير بتكون عيب صناعه مثل الهنتر 440 ديما فى معظم الاحوال بتبقى فيه مشكله فى مجموعه الزناد والجامو هنتر 1250ديما غالبا سوستها بتكسر وهكذا طبعا ولكل قاعده شواذ وتقبل احترامى

رد: برجاء المساعده العاجله
 

ما شاء الله عليك موسوعه فى كل حاجه ربنا يحفظ يا سيادة المستشار

رد: برجاء المساعده العاجله
 

السلام عليكم ورحمه الله بصراحه ياجماعه انا استفدت معلومات كتير من مناقشاتكم دى وبصراحه اكتر انا سعيد انى اشتركت فى المنتدى الجميل دا مع شكرى العميق لكم جميعا الاخ هشام وسعاده المستشار والاخ وليد على الاستجابه للاستغاثه بتعيى

رد: برجاء المساعده العاجله
 

بارك الله فيك اخ هشام .... ازلت عنى اللبس