|
الفرق بين الاصدارين؟؟
الفرق بين الاصدارين الجديد والقديم من الكرال ايه
ثانيا ايه الى بيخلى بندقية زى الجامو مثلا احسن من الكرال ...هى مجموعة الزناد ولا السوستة ولا ايه ...يعنى لو انا جبت للكرال زناد وسوستة ديانا تبقى زيها ؟؟ وشكرا |
رد: الفرق بين الاصدارين؟؟
فى انتظار رد خبراء المنتدى
|
رد: الفرق بين الاصدارين؟؟
up>>>>>>>>>>>>>>>>>>>>>>>>>>>>>
|
رد: الفرق بين الاصدارين؟؟
مافيش فرق بين الاصدرات الا فى شكل النشان الامامى ولو فعلا فى فرق يبقى الجديد اسوء
الفرق بين الجامو والكرال فى الخامه بتاعه البندقيه كامله اذا كان زناد ولا ماسوره ولا كانون وفى تفنيش الحاجه طبعا ومعنى تفنيش يعنى تفنيش الخراطه والدهان وجوده المعدن لو ركبت سوسته وزناد وطقم جلب جامو ونشانات كمان البندقيه مش هتبقى جامو بس ده ميمنعش انها هتبقى ممتازه وصياده وهتبقى زى الفل مجموعه زناد الديانا متركبش للكرال سوسته الديانا تركب بس لازم تعدل الزناد وهتديك سرعات تقارب الجامو هانتر 440 بالسوسته الox وعن تجربه واتحدى جلب البساتم كتير جدا والكل بيقول اصلى والسوست كتير والكل بيقول اصلى لاكن الجلبه والسوسته الاصلى فعلا بيفرقو فرق السما من العمى الكرال كبندقيه مش وحشه بس يعملها واحد فاهم وتتفك مره وحده بس يتلافى كل عيوبها وتبقى ممتازه ربنا يوفقك بأذن الله وتحياتى |
رد: الفرق بين الاصدارين؟؟
متشكر يا كبير وكنت مستنى ردك طبعا
وبانتظار رد باقى الخبراء |
رد: الفرق بين الاصدارين؟؟
بص يا سيدى
الفرق بين الاصدار القديم والجديد انا هقولك . البندقه الكرال نزلت مصر فى اواخر 2008 وبدأ ظهورها فى السوق شهر 4 سنة 2009 كان ليها ضجه وشنه ورنه بسبب سرعتها الفائقه بالمقارنه بين الموجود فى السوق . كان افضل حاجه موجوده فى مصر ديانا 52 كانت هيا التوب كانت حلم اى صياد لان مفيش فى مصر غيرها الا صدف على ما اتذكر انا الامبراطور ( محمد انور ) لما نزل 350 ماجنوم معاه من ايطاليا كانت فرحه كبيره جداً لكل الصيادين لدرجه انى روحتله مخصوص علشان اسلم عليه بس النيه كانت لل 350 :) مكنش فيه ولا بندقيه pcp فى مصر ولا اير كنج ولا اى حاجه وكانت البنادق كلها سرعات تقليديه وشكل تقليدى لغاية الكرال ما نزلت الطريف ان اول الكرال ما نزلت كانت 2200 جنيه اه والله وبعدين مره واحده بقيت بــ 1800 جنيه وكانت مليانه عيوب ... الفروقات القديمه . كانت مجموعة الزناد كان اللاقط مرحله واحده كان الجلبه بمسمار مش كبس كانت مرحلة الزناد ترجز بيوتر كان دايماً الدبشك بيشرخ من اوله النشنكنا كانت مصنعه بطريقه شبه عشوائيه كان متواضعه لدرجه كبيره اه كانت بتنزل فى كرتونه عاديه مفيش عليها اى رسومات ساده خالص لون الكرتون العادى وكان بس كرال فبر اسود وبنى بعد كده تدخل الامبراطور ( محمد انور فى استيردها ) وطبعاً لازم يضع بصمته البندقيه اتغيرت 360 درجه سواء كانت سوسته او مجموعة زناد او دبشك والجدير بالذكر ان محمد انور نزل موديلات تانيه كتير الرمايه والعتله والكومفلاج بخصوص سؤائلك الثانى الفرق بين انواع البنادق او الشركات الامر مش امر خامات وبس ولا فأى شركه تقدر توفر وتصنع بندقيه من التيتنيوم الخالص او الفولاذ بس الامر خامات وتقنية تصنيع يعنى مثلاً ديانا وبى اس خامات رائعه لكن بى اس مشهوره بالدقه المفرطه عن ديانا ومهما حاولت ديانا مش هتوصل لنفس الدقه والسبب راجع لتقنية تصنيع الششخنات ومعادلات بين طول الماسوره وعدد الششخنات وهل هى طوليه ام دائريه وبين شكل ونوع النشنكنات فالامر تقنية تصنيع بصوره بحته مش خمات وبس يعنى مثلاً مجموعة الزناد التريمفايد اللى بتتميز بيه شركة fx مالوش اى علاقه بالخمات اطلاقاً بص بأختصار اى خراط يقدر يصنع بندقيه قويه جداً ومن خمات عاليه جداً ولكن يبقى تقنية تصنيع الششخنات ومجموعة الزناد والمعادلات بين وزن البستم وحجرة الهواء ( الكانون ) والطاقه المناسبه لاعطاء دقه مع عدد وشكل الششخنات ارجو ان اكون قد افدتك عظيم تحياتى |
رد: الفرق بين الاصدارين؟؟
أوباااااااااااا
هشام سمير رجع تاني منور يا كبير :) |
رد: الفرق بين الاصدارين؟؟
اقتباس:
اقتباس:
ها أروح أنا فين بينكم أنتم الاثنين؟؟؟؟؟؟ أظن كده أتقال كل حاجة تقريبا عن الكرال من A to Z . خالص تحياتى للجميع. |
رد: الفرق بين الاصدارين؟؟
اقول ايه بس على ردك يا استاذ هشام مفيش فايدى اكبر من اضافة تقييم الله يباركلك
ومنورين جميها شكرا لردكم كلكم |
| الساعة الآن 01:36 PM |
Powered by vBulletin® Copyright ©2000 - 2026, Jelsoft Enterprises Ltd. TranZ By
Almuhajir