فجن جنونى
 

السلام عليكم

كل سنة وانتم طيبين ويارب عيد سعيد عليكم :)



بصراحة الموضوع بتاع تظبيط النشان مجننى واخر مرة امبارح

المشكلة الكبيرة ف ايه يا جماعه ال انا حاسس انها السبب هى ( الجزء ال ف اول الماسورة ال فيه نملة الديانة ده بيتحرك يمين وشمال وبثبته بأمير يوم وبيرجع يلف تانى :mad::mad::mad::mad::mad:

ودى صورة محاولة التظبيط امبارح ولو لاحظتو هتلاقو ان الرش معظمة بيجيب يمين مش عارف ليه

مع العلم ان المسافة كانت حوالى10 متر مش اكتر

ودى الصورررررة


http://s11.postimage.org/bqamf66bn/071.jpg

ارجو امساعدة لان باختصار ( جن جنونى )

لان اليمامة بيبقا بينى وبينها 4 متر ساعات ولاسف بتريش وخلاص:mad::mad::mad:

وجزاكم الله خيرا

رد: فجن جنونى
 

وعليكم السلام ورحمة الله وبركاته ياباشمهندس اسلام.
أنا هأدخل فى الموضوع على طول.
هناك 3 اسباب رئيسية فى عملية التجميع وعدم التجميع:
1 مشكلة فى البندقية
2 مشكلة فى الرش
3 مشكلة من حضرتك شخصيا فى طريقة استعمال البندقية.

قبل كل شئ أضرب حوالى 10 رشات علشان تسخن ميكانيزم البندقية.

ثم حاول تثبت البندقية فى مكان ماتتحركش منه حتى اثناء التعمير.
أضرب على ورقة بيضاء من بعد 10 متر 5 رشات وتأكد تماما أن البندقية لا تتحرك من مكانها أثناء التعمير.
لو البندقية جمعت ال5 رشات تقريبا فى مكان واحد يبقى أحنا كده تأكدنا ان المشكلة هى رقم 3 يعنى فى طريقة أستعمالك للبندقية.
ولو شكلت وكل رشة فى مكان؟
هنخلى البندقية ثابتة زى ماهية ونحاول نجرب أنواع رش مختلفة وفى كل مرة لا يقل الرش المستخدم عن 5 الى 7 رشات ونشوف النتيجة.
لو فيه نوع من انواع الرش جمع معاك يبقى هوه ده أفضل رش لبندقيتك وده حيأكد أن المشكلة كانت رقم 2 مشكلة نوع الرش المستخدم.
مع العلم هذه البنادق تسمى هوائية وهى بالفعل هوائية جدا فى عملية نوع الرش المستخدم بمعنى أن ممكن بندقيتين نفس النوع والعيار وكل شئ وواحدة تجمع بالرش الاسبانى مثلا وأختها نفس الرش لا يجمع معها ولكنها تجمع أفضل بالرش المصرى او التركى مثلا.
ولو مافيش تجميع رغم ثبات البندقية وتغيير أنواع الرش؟
يبقى هنا دخلنا فى المشكلة رقم 1 وهى مشكلة البندقية نفسها ودى لها عوامل كثيرة مثل الاتى:
1 ودى أكثر مشكلة أنا واجهتها فى تجاربى وأسهل مشكلة للحل وهى جلبة بيت الرش بمعنى أن بيبقى فى تنفيس فى مكان جلبة بيت الرش مما يسبب أختلاف ضغط الهواء الخارج من الكانون عند وصوله لنقطة بيت الرش مما يجعل سرعة الرشة مختلفة فى كل مرة بسبب تنفيس جلبة بيت الرش.
الحل تغيير جلبة بيت الرش والتأكد أنه لا يوجد أى تنفيس.
2 المشكلة الثانية ممكن تكون من جلبة البستم الداخلية ولها نفس التأثير على الرشة لأن كل مرة ضغط الهواء الخارج من داخل الكانون بيكون مختلف وده برده بيأثر على سرعة الرشة كل مرة.
الحل تغيير جلبة البستم.
خالى بالك ممكن يكون عندك مشكلة فى الجلبتين. ولذلك دائما أبدأ بالأسهل والارخص وهى جلبة بيت الرش.
يبقى كده عرفنا أن الخطوة الاولى من هذا الاختبار لمعرفة أذا كان فى مشكلة فى طريقة أستعمال البندقية.
والخطوة الثانية عرفنا لو المشكلة من نوع الرش.
والخطوة الثالثة والاخيرة هتأكد لنا لو المشكلة من البندقية نفسها.
دى الخطوات اللى أنا بأستعمالها من خلال خبرتى المتواضعة لمعرفة أين تكمن المشكلة وممكن بعض الخبراء الموجودين فى المنتدى والاكثر منى خبرة يصححوا أى خطوة او يضيفوا طرق أخرى لمعرفة هذه المشكلة.
أسف للأطالة وأتمنى لحضرتك كل التوفيق.
خالص تحياتى للجميع.

رد: فجن جنونى
 

انا شاااااااكر لحضرتك جدا جدا يا استاذ عادل
بجد جزاك الله خيرا لان حضرتك فندت الموضوع بطريقة سلسة جدا
ووانا بعد شرح حضرتك العظيم ده بدأت اشك ف جلبة بيت الرش فعلا لانى اشتريتها وقولت استنا شويه وبعدين اركب الجديدة او بنسبة اقل نوع الرش
انا بستخدم مارسمان المصرى وادانى النتايج ال ف الصورة دى وكنت بستخدم ديابلو تركى برضو ونفس المشكلة

جزاك الله خيرا استاذ عادل

رد: فجن جنونى
 

بعد ازنك هى البندقيه نوعة ايه علشان المشكله دى بتحصل معايه مع الكرال

رد: فجن جنونى
 

لا شكر على واجب أخى العزيز.
بالتوفيق وتحياتى.

رد: فجن جنونى
 

تأكد أن مسمارين الدبشك الاماميين مربوطين كويس لأنهم بيحلو مع الضرب فى الكرال.
تحياتى.

رد: فجن جنونى
 

شكرا يا اخي على رضك المتواضع

رد: فجن جنونى
 

البندقية نوعها شنغهاى b 2 وفعلا زى ما قال الاستاذ عادل مسمارين الدبشك بيفكو من كتر الضرب فلازم كل يوم تشيك عليهم قبل ما تخرج

رد: فجن جنونى
 

بالفعل استاذ عادل المسمارين بيفكو بعض الضرب المتكرر وغالبية المسمارين كمان