مؤشر النشان الخلفى
 

السؤال لعد معرفة مش لاستعراض استنتاج طبعا لانى يا دوب عمرى الفعلى فى الهواية 10 ايام
اذا كان طريقة ظبط النشان المعروفة دى زى ماكله عارفها لان الشرح طويل ...طيب مش المنطقى ان اكتر حاجة مظبوطة ان النشان الامامى يبقى بالظبط فى مستوى فتحة الخلفى (أفقيا)؟؟
بمعنى اصح عايز حد يفهمنى لو هم فالوضع دا بالظبط ..ايه الى يخلى الطلقة تحود وتحتاج انى اجيب النشان الخلفى يمين وشمال؟؟؟
اتمنى يكون السؤال وصل
واسف للاطالة

رد: مؤشر النشان الخلفى
 

حسب ما اعرف
المفروض الماسوره تبقى عاموديه على الهدف
و طبعا دا مبيتحققش بالنظر كده
عشان كده الناشنكانات موجوده
و الامامي بيبقى ثابت
و الخلفي متحرك هو دا الي بتظبط منه
و ان الامامي يبقى مساوي للخلفي افقيا هياثر عالمحور الراسي مش الافقي
و الله اعلم
و هستنى معاك ردود الناس الاكتر خبره

رد: مؤشر النشان الخلفى
 

باشا:

أرسم نقطه سودا في حجم الرشه على ورقه كرتون و علقها على مسافه 10 متر أو 15 بحد أدنى 10 متر
أضرب مجموعه على الورقه

معنى مجموعه هي أنك كل مره بتنشن على النقطه السوداء و تضرب و مالكش دعوه الرش يجي فين أكيد هو مش هيجي في النقطه لأن النشنكان مش مضبوط
المجموعه على الأقل خمس رشات
لازم و أنت بتضرب المجموعه تمسك البندقيه نفس الماسكه و يستحسن تسندها على مسند

طيب فرضا مثلا الرش بيجي شمال و لفوق

حرك المؤشر العمودي لتحت (أربطه زي المسمار) و المؤشر الأفقي لليمين
و أضرب مجموعه جديده و شوف

يعني من الأخر أنت بتحرك المؤشر الخلفي في نفس الأتجاه ألي عاوز الرش يروح فيه

ده مثال:
المجموعه دي خمس رشات أنا منشن على الصليبه بالضبط و الرش بيجي شمال


http://i1240.photobucket.com/albums/...ps97bafc08.jpg


تجميع البندقيه هي المقياس الأول لجودتها
و طبعا مش كل الرش بيدي نفس النتيجه يعني فيه أنواع بتجمع أحسن من أنواع

و ما تسألنيش أيه أحسن نوع لأن ده بيختلف من بندقيه للتانيه حتى لو الأتنين نفس النوع و نفس سنه الصنع و لو الرقم المسلسل بتاعهم ورا بعض على طول برده ممكن نوع الرش المفضل للبندقيتين مايكونش واحد

و ممكن البندقيه بعد ما تستعملها فتره زوقها في الأكل يتغير و تجمع بنوع مختلف ما كانتش بتجمع بيه قبل كده
(فتره دي يعني 5000 رشه أو كذا سنه مش أسبوعين تلاته)

رد: مؤشر النشان الخلفى
 

و ده تجميع بندقيه صيني:


http://i1240.photobucket.com/albums/...psfc28075c.jpg

رد: مؤشر النشان الخلفى
 

تمام هاجربها كدا ...انا حطيت ازازة قطرة وضربت عليها كانت كل مرة تيجى تحتها ..ظبطت على كدا وطلعت النشان فوق سنة برضو جت فى نفس المكان ...يبقى كدا العيب منى انا صح؟
ولو منى اصلحه ازاى ..انا ايدى بتتهز شوية وانا بنشن

رد: مؤشر النشان الخلفى
 

سنه دي مسافه قليله جدا
على الأقل هتكون تلات لفات كاملين