استفســــــــــــــــار بخصوص الفرات ماجنم
 

السلام عليكم
معلش انا كنت عايز اسأل كده شوية اسئلة و اتمنى اني مكونش بتقل عليكم
انا كنت عايز اعرف شوية معلومات بسيييييطة اوي عن الفرات يعني مثلا بتاع 50 او 60 معلومة
مش كتير يعني
1- هل محتاج طبة لضرب البلي؟
2- سعره مستعمل في حدود كام و لو حد عايز يبيع ؟
3- هل المسدس المفتوح من المصدر عليه مشكلة ( يعني مثلا يعتبر سلاح معدل)؟
كفاية كده و معلش لو طولت عليكم
وليا عندكم لسه 57 سؤال
و شكرا مقدما

رد: استفســــــــــــــــار بخصوص الفرات ماجنم
 

اه معلش نسيت عموما انا لسه عندي 57 سؤال
لو مفتوح من المصدر اخبار البلي معاه ايه ؟ و بيضرب بلي كام ؟ وبرده في مشكلة ولا لأ؟

رد: استفســــــــــــــــار بخصوص الفرات ماجنم
 

طبعا هيبى محتاج طبه لضرب البلى علشان الماسوره متنفخش او تتخرم
لا اعلم سعره كام ممكن حضرتك تشوف اعلانات البيع او تسأل التجار هيدلوك على سعره وحسب الحاله
اى مسدس مفتوح عليه مشكله طالما الزحيره الى فى خزنته مش معدله يعنى طلق بلى
ومنصحش حضرتك تشترى مسدس بلى لخطوره مش بس خطرو ه قانونيه ده كمان خطوره شخصيه لانه لو بتهظر مع حد مش فاكر انه فى طلقه فى الماسوره وضربت ممكن تيجى فيه وتبئى طبعا مشكله كبيره
و الصوت برده لو ضربت طلقه صوت م مسافه متر الى 3 متر ممكن تصيب بتهتك فى الجسم زى الحرق من الدرجه الثانيه
وربنا يصبح الحال

رد: استفســــــــــــــــار بخصوص الفرات ماجنم
 

انا متشكر جدا لحضرتك
بس اسف كان عندي سؤال للتوضيح يعني ايه اي سلاح مفتوح عليه مشكلة طالما الذخيرة مش معدلة ؟
يعني حتى لو مش طلق بلي يبقى المسدس عليه مشكلة؟

رد: استفســــــــــــــــار بخصوص الفرات ماجنم
 

اقصد يافندم المسدس طالما الزحيره الى فيه مش بلى معلهوش مشكله
بس طبعا متمشيش فى الشارع وتبين المسدس للناس متحطوش فى جراب ويبئا ظاهر للناس ديه حاجه علشان متعردش نفسك للمسائله من اى فرد شرطه لان حضرتك مواطن عادى مش شرطه او جيش وتحمل كارنيه اثبات شخصيه
حصلت كتير مع ناس محترمه والمشكله انهم خافوا و قالوا انا ضابط جيش واتعمل لهم محاضر بانتحال صفه الغير او تهديد وترويع امن المواطن
وربنا يصلح الحال

رد: استفســــــــــــــــار بخصوص الفرات ماجنم
 

ربنا يستر يا فندم
و متشكر جدا لحضرتك

رد: استفســــــــــــــــار بخصوص الفرات ماجنم
 

انا عارف اني تاعب حضرتك معايا هنا و على الرسايل

رد: استفســــــــــــــــار بخصوص الفرات ماجنم
 

لا يجرم القانون المصرى حمل او حيازة مسدس صوت او ذخيرته ولكن إظهار او ترويع او إرهاب او إستعمال مسدس الصوت فى اماكن التجمعات السكانية و دور العبادة بغير غرض الدفاع عن النفس او الدفاع عن الناس

*** القانون يقضي بتغليظ العقوبة اذا تم استخدامه في سرقة او اكراه او اغتصاب او استخدامة في انتحال شخصية ضابط شرطة او اي نوع من انواع التهديد ( الغير مشروع )


*** القانون المصرى لا يجرم حيازة المسدسات الصوت او ذخيرته ولكن يجرم اعمال الارهاب بة والبلطجة فمن الممكن ان تضاعف العقوبة فى السرقة لو ان الشخص يحمل سلاحا ولم يفرق القانون بين السلاح الصوت او الحى


***من الناحية الاجرائية فى حال تم ضبطك حاملا لمسدس صوت فالظابط يقوم بعمل محضر حمل سلاح نارى وذخيرة حتى لو كان المسدس صوت حيث انة ليس من اهل الخبرة وتكون هذة القضية جناية ويتم مصادرة السلاح وارسالة لجهة مصلحة الادلة الجنائى لبيان نوع السلاح ومواصفاتة وكذا الزخيرة وبيان ان كان السلاح مششخن (حلزونية ماسورة الاطلاق) من عدمة وكذلك الامر بالنسبة للذخيرة


2- تعديل مسدس الصوت (مسدس صوت لضرب البلى الحديد ): نظراً للانفلات الامنى و غياب الشرطة من الشارع و توافر السلاح الحى بكثرة فى ايدى البلطجية و صعوبة إجراءات تراخيص السلاح الحى للشرفاء ...إبتكر الشباب طريقة لجعل مسدس الصوت فعال فى الدفاع عن النفس وهى بفتح الماسورة الداخلية و تركيب طبة لجعل المسدس يضرب طلقات الصوت مدعمة بكرات من البلى

رد: استفســــــــــــــــار بخصوص الفرات ماجنم
 

شكرا جدا لمرور حضرتك
و على المعلومات بس حضرتك في فكرة عن الاسعار؟

رد: استفســــــــــــــــار بخصوص الفرات ماجنم
 

مستعمل بحالة ممتازة هيكون في حدود 1100 الي 1300 جنيه لو مفتوح من المصدر و بالتوفيق

رد: استفســــــــــــــــار بخصوص الفرات ماجنم
 

متشكر جدا لمرور حضرتك

Re: استفســــــــــــــــار بخصوص الفرات ماجنم
 

حضرتك هو مسدس ميه ميه والله من احسن المسدسات الموجوده فى السوق
طبعا فى مشكله على المفتوح الى بيضرب بلى لانه بيطلق مقزوف
وليك رساله على الخاص