|
عايز افهم كل حاجة من الاول
السلام عليكم ورحمة الله وبركاته
انا عضو جديد معاكم هنا في المنتدى وسجلت فيه لاني فعلا محتاج المنتدى ده وانا شايف انه منتدى رائع انا من زمان جدااااااااا من وانا طفل وانا عايز اشتري بندقية رش بس كل شوية تحصل حاجة تخليني انسى او أأجل ودلوقتي انا عايز اشتري فعندي استفسار اعمل ايه عشان اشتري بندقية كويسة انا معرفش اي حاجة عن الانواع او الاسعار اتمنى استفيد من حضراتكو والسلام ختام |
رد: عايز افهم كل حاجة من الاول
السلام عليكم ....... اهلا وسهلا بيك فى منتدى الصيد فى مصر ......
وبالنسبه للبنادق فيه انواع كتير .....النوع الوحيد المصرى هو الرمسيس لكن غير المصرى انواع كتير بص يا سيدى ... الصينى ويبدا من 800 _1850 ج.......... الاسبانى من 1300 _3800 ج........ والالمانى من 4000_ 7000 ........ والانجليزى ان وجد 4000 _ 7000 ............ بس متتخضش من الاسعار ده هو الحال دلوقتى بس ممكن حضرتك تقول امكانياتك كام وان شاء الله كل المنتدى تحت امرك .......... خالص تحياتى . |
رد: عايز افهم كل حاجة من الاول
جزاك الله كل خير على الرد
بس انا عايز نصيحة اشتري ايه كمبتديء عايز حاجة تكون معقولة في السعر وسهلة في التعامل يعني ازاي اعملها صيانة مثلا والكلام ده كله تنصحني بايه ؟؟؟؟ |
رد: عايز افهم كل حاجة من الاول
البندقيه مش هتحتاج منك صيانه فى اول سنتين وكله برضه على حسب استخدامك ........... والاسبانى حاجه حلوه جدا وفلوسه فى المعقول .... انا بندقيتى اسبانى ونوعها جامو والموديل بتاعها هانتر 440 ....... جيبها بقالى 6شهور بس بسم الله ماشاء الله ...... وبرضه انت وامكانياتك اللى تحكم هتجيب ايه ........ الصينى فيه حاجات حلوه زى b3 ب 800 ج وبندقيه جميله وعندك فى الصينى برضه بام 21 بندقيه حلوه بس تقيله ب 1800 ج والاسبانى ماركتين منتشرين _نوركا _وجامو .... ودى بنادق ليها احترامها فى السوق بعد كده بقى فيه الانجليزى زى الويبلى والبى اس ايه ....... وفيه الالمانى زى الديانا .... وكل الانواع دى مدافع ......المهم انت امكانياتك ايه وهى اللى هتحدد .......... تحياتى .
|
رد: عايز افهم كل حاجة من الاول
حضرتك ممكن تتابع وتداوم على تصفح اقسام المنتدى من الاقدم للاحدث ودى احسن طريقه لتنميه معلوماتك واتخاذ قرار سليم نابع من شخصك وموافق لامكانياتك الماديه ويعلمك كل شئ عن الصيد وتقبل مباركتى لك بانضمامك لاسرتنا وشكرا
|
رد: عايز افهم كل حاجة من الاول
الله عليك يا سيادة المستشار
اهو ده الرأي الحكيم و الله ربنا يباركلك يا استاذنا تقبل تحياتي |
رد: عايز افهم كل حاجة من الاول
اقتباس:
معلش انا نسيت ارحب بالعضو الجديد |
رد: عايز افهم كل حاجة من الاول
اقتباس:
بالنسبة الي موضوع البندقية نصيحتي الشخصية ان تشتري بندقية مناسبة اولا للصيد ثانيا تكون مناسبة لامكانياتك المادية بمعني الموافقة بين الاحياجات والموارد المتاحة ويمكن لك كبداية الاختيار فيما بين هانتر 440 سرعتها 750 قدم في الثانية السعر من 2200 الي 2500 هانتر 890 وسرعتها 722 قدم في الثانية السعر من 1950 الي 2200 نوركا ويست وسرعتها 235 متر في الثانية السعر من 2600 الي 2750 نوركا كويك وسرعتها 250 متر في الثانية السعر من 3000 الي 3500 اما كانت الامكانيات اكثر من كدا فممكن ال b s a ////او الديانا واسعارها تبداء من 4500 الي 6700 |
رد: عايز افهم كل حاجة من الاول
الاخ اجديد
مرحبا بك وسط اخوتك الصيادين واتمنى لك التوفيق و ان تجد ضالتك فى هذا المنتدى بص و بصراحة انا لسه شارى بندقية بام 21 صينى و عايزك ماتقلقش من كلمة صينى لانها من افضل البندقيات كامكانيات و خامات و قوة بالنسبة لسعرها غير انها استنساخ من الديانا 52 التى من افضل و اقوى البندقيات على الاطلاق ولو عايز تشتريها منى تعالى و مرحبا بك و اتفرج عليها لانها لم يضرب بها سوى حوالى 20 رشة لضبط النيشان فقط ولو لك اى سؤال لا تتردد فى الاتصال بى على 0122318579 |
رد: عايز افهم كل حاجة من الاول
اقتباس:
|
رد: عايز افهم كل حاجة من الاول
والله أنا شايف إن الأعضاء هنا يفيدوك وكمان ممكن تستفيد من مشاركات قسم ورشة الأسلحة اللي بتكشف عيوب كل سلاح ومزاياة وبإذن الله تلاقي اللي انت عايزة
|
| الساعة الآن 07:09 PM |
Powered by vBulletin® Copyright ©2000 - 2026, Jelsoft Enterprises Ltd. TranZ By
Almuhajir