كل اسبوع مسدس
 

السلام عليكم ورحمة الله وبركاته
صباح الخير على جميع اعضاء المنتدى وطاقم الادارة كمان
يا جماعه انا بطرح الموضوع ده بحيث اننا نتناول فيه نوع سلاح نارى واحد بس سواء كان حى او صوت ونتكلم عنه بكل ايجابياته وسلبياته على مدار اسبوع كامل لان فى اعضاء هنا وقتها بيكون ضيق ومش بتقدر تدخل الا يوم معين فى الاسبوع فكمان نسبلهم مجال يستفيدوا او يفيدونا بتجاربهم الشخصية مع ( سلاح الاسبوع )
والموضوع طبعا مش حكر على انا بس لان اكيد مش هيبدأ ولا يكمل الا بيكم بحيث كل يوم جمعة لو انا ما اقترحتش سلاح ممكن حد يسبقنى ويختار هو نوع جديد والفكرة اننا كل يوم جمعة من كل اسبوع هنطرح سلاح معين لذكر عيوبه او ايجابياته اولا من حيث المواصفات الفنية للسلاح والميكانيكا الداخلية للقطعة ودى اهم حاجة ولا مانع من ذكر سعره مع مراعاة ان السعر عرض وطلب وليس مدرج من ضمن عيوب السلاح
وبالنسبة للمعلومات اللى هيتم وضعها متاحة حتى لو كانت منقوله من على الموقع الرسمى لشركة السلاح نفسه او اى موقع اجنبى او عربى لكن الاهم من كده معلومات بناء على تجارب شخصية
وسلاح الاسبوع اللى هقترحه انهارده هو الحلوان ال9مم ومش هرغى كتير بس هسيب المجال لاول عضو بالمنتدى يشاهد الموضوع ويكون ليه تجربة مع الحلوان وهو اللى هيبدأ مش انا
وياريت الناس تتفاعل وياريت رأيكم فى الموضوع وشكرا

رد: كل اسبوع مسدس
 

موضوع جميل بصراحة ...

رد: كل اسبوع مسدس
 

رد: كل اسبوع مسدس
 

السلام عليكم
تسلم ايدك شكرا على التفاعل وشرفتنى بمرورك

رد: كل اسبوع مسدس
 

السلام عليكم
حبيبى عطية شرفنى مرورك واكيد عندك كتير هتفيدنا بيه فى الموديلات القادمة وانا نفسى اللى طرحت الموضوع ما ذكرتش اى شىء عن الحلوان لان عارف ان فى كتيييييييييييييير فى مصر بيمتلكوا المسدس ده وكتييييييييير هيقطعوا فى فروته وكتير كمان ناس دماغها عالية وهيكونلها اقتراحات تطرحها هنا لمعالجة بعض عيوبه او للحفاظ عليه
وانا بصراحة كان على بالى ان اسبوع لطبنجة حيه والاسبوع اللى بعديه يتناول مسدس صوت لكن بما انك اقترحت بدرى قوى مسدس الاسبوع القادم فتحياتى ليك وانا اول من يحترم اختيارك والاسبوع القادم ان شاء الله يكون لاختيارك الجامد sig sauer p226 x5 l1-9 بس خلينا نشوف الناس هتقول ايه فى الحلوان بكل موديلاته

رد: كل اسبوع مسدس
 

موضوع تمام يا فندم و فكرة رائعة ان شاء الله :) و انا ان شاء الله علي استعاد لتقديم الايكول تونا مع فيديو من اعدادي

رد: كل اسبوع مسدس
 

شرفنى مرورك يافندم
وجميل قوى ان يكون مع مشاركات الناس فيديو خاص بالقطعة اللى هيتكلموا عليها
ممتاز وفى انتظار التـــــــــــــــــــــــــــــــــــــــــــــون ا

رد: كل اسبوع مسدس
 

استاذ مصرى Egyptian_Destroyer شكرا على التقييم يا فندم ما كنتش واخد بالى انك سبت تقييم

رد: كل اسبوع مسدس
 

موضوع روعة و الفكرة جميلة و انا منتظر استفيد من الاعضاء و الخبراء . و بالنسبة للمسدسات الحية ف انا مستني الهكلر ال usb و بالنسبة للصوت ريتاي ايجل .. ...

منتظر راي الخبراء ف الحلوان ال 9 ملم

مشكوررر يا هندسة علي طرحك الموضوع القيم دة

رد: كل اسبوع مسدس
 

رد: كل اسبوع مسدس
 

موضوع جميل من اخ رائع

http://www5.0zz0.com/2012/11/10/00/778672898.jpg

المواصفات الفنية و اسعار الطبنجة حلوان 51 - 9ملى

مسدس حلوان 51 9مم الطبنجة الميرى - HELWAN 51 9MM handgun
التشغيل وحركة الشاكوش : سينجل اكشن single action
العيار : 9mm x19
الخزنة : 8 رصاصة
الطول : 194 ملى
طول الماسورة : 114 ملم
الارتفاع : ملى
الوزن : 1300 جرام
سعر المسدس حلوان 51 فى مصر : 26000 جنيه مصنع حلوان متوقف عن الانتاج حاليا والزيادة فى السعر شئ اكيد

سعر المسدس حلوان 51 فى الخارج : 140 دولار

سعر المسدس حلوان 51 فى الخارج شامل 2 خزنة 8 طلقات و خزنة 10 طلقات : 250 دولار (نوفمبر 2011)
ارخص مسدس جديد فى مصر الان

تبدأ قصة المسدسات الحلوان لأوائل الخمسينات ، عندما تعاقدت مصر مع شركة Beretta الإيطالية للحصول على مسدسات من عيار 9 ملم . بعدها بفترة قليلة ، الحكومة المصرية طلبت توفير رخصة من الشركة لإنتاج المسدس Beretta 1951 . المسدس ذو تلقيم نصف آلي semi-auto ، حيث يحتوي مخزن المسدس ( المشط ) على عدد 8 إطلاقات ، وتولت شركة المعادي Maadi إنتاجه ( العراقيين أنتجوا ذات المسدس تحت إسم طارق Tariq ) .
يقول عنه أحد هواة جمع المسدسات وإستخدامها " بعد أن رميت أكثر من 500 طلقة بالمسدس ، لم أواجه أي عملية إخفاق من أي نوع ، لا حالات فشل لإنتزاع المظروف الفارغ ، لا حالات فشل لقذف المظاريف ، لا حالات فشل لإنطلاق الرصاص . لا شيء بإستثناء الإرتداد recoil العنيف الذي لم أتوقعه من مسدس بهذا الحجم " .



يبلغ وزن المسدس وهو فارغ 1300 غرام ( وهذه أحد عيوب السلاح ) أما طوله فيبلغ 194 ملم ( منها 114 ملم طول السبطانة ) ، مخزن الذخيرة يتسع ل 8 رصاصات عيار 9 ملم

الطبنجة حلوان انتاج شركة المعادى للصناعات الهندسية - مصنع 54 الحربى


عيوب مسدس حلوان 51 : الوزن الثقيل - الارتداد القوى - السخونية

Re: كل اسبوع مسدس
 

الله ينور على الشرح الوفير ونرجو المزيد

رد: كل اسبوع مسدس
 

شكرا ياباشا على المعلومات وفى بعض الاضافة
مسدس حلوان 51 9مم الطبنجة الميرى
مصنع حلوان متوقف عن الانتاج حالياً
الأقدم هو Helwan Model 1951 $النوع الثاني والأحدث هو Helwan Model 920
تبدأ قصة هذه المسدسات لأوائل الخمسينات ، عندما تعاقدت مصر مع شركة Beretta الإيطالية للحصول على مسدسات من عيار 9 ملم . بعدها بفترة قليلة ، الحكومة المصرية طلبت توفير رخصة من الشركة لإنتاج المسدس Beretta 1951 . المسدس ذو تلقيم نصف آلي semi-auto حيث يحتوي مخزن المسدس ( المشط ) على عدد 8 طلاقات ، وتولت شركة المعادي إنتاجه
حيث قام احدالمهندسين فطورها مهندس مصري فى شركة حلوان يدعى Berhama بعض أجزاء المسدس وأطلق على السلاح الجديد إسم 51/57 Berhama .
المسدس الآخر Beretta 92 طور من قبل ذات الشركة الإيطالية فى الأعوام 1970 – 1975 ، وأنتجه المصريين بترخيص تحت إسم Helwan Model 92 ( هو ذات السلاح الذي يستخدمه رجال البحرية الأمريكية ) . ومواصفات السلاح هي كالتالي : الوزن 950 غرام وهو فارغ ، الطول 217 ملم ( منها 125 ملم للسبطانة ) . أما مخزن السلاح فيتسع لعدد 13 طالقة

رد: كل اسبوع مسدس
 

السلام عليكم ورحمة الله
مهندس سيد شرفت الموضوع
واحنا اللى منتظرين بفارغ الصبر انك تحط بصمتك على الموضوع وتعرفنا على الهكلر والريتاى ايجل من وجهة نظرك اللى بتهمنا اكيد
وفى انتظار الهكلر والريتــــــــــــــــــــــــــــــــــــــــــــ ــــــــــــــــــــــــاى ايجل:p

رد: كل اسبوع مسدس
 

السلام عليكم ورحمة الله
حبيبى عطيه على اى حال انت شرفت الموضوع وشكرا على زوقك واسلوبك الجميل وعلى اى حال مافيش لبس ولا حاجة انت شوقتنا اصلا للسيج وانا نفسى مستنى الجمعه الجايه عشان نتعرف عليه اكتر مع بعض وبعدين يا سيدى ما تقلش مبتدأ ولا غيره كلنا هنا بنحاول نفيد بعض ونستفيد من بعض ولو باقل معلومه او حتى سؤال
وبالنسبة للقصة اللى انت رويتها دى فانت فكرتنى بقصة كمان مع الحلوان بس يمكن من 10 سنين او اكتر
ويمكن لضيق الوقت هحكيها مرة تانيه يكون عندى وقت اكبر وتحياتى ليك استاذ عطية

رد: كل اسبوع مسدس
 

السلام عليكم
استاذ عمرو شرفت الموضوع وشكرا على زوقك يا فندم وشكرا على مشاركتك القيمة

رد: Re: كل اسبوع مسدس
 

السلام عليكم
استاذ محمد يونس شكرا على التفاعل ونورتى يا فندم
وع فكرة بشبه على الاسم حضرتك منين من مصر

رد: كل اسبوع مسدس
 

نورت الموضوع يا فندم وشكرا على المعلومة والمشاركة المثمرة وتقبل تحياتى

رد: كل اسبوع مسدس
 

حبيبى بشمهندس سيد شكرا على التقييم

رد: كل اسبوع مسدس
 

السلام عليكم
ايه يا جماعة 207 مشاهده لدلوقت وما حدش عايز يحكى عن الحلوان اد كده الناس مخنوقه منه ولا اصلا الناس بطلت تشيله ولا ايه؟
ههههههههههههههههههه

Re: رد: Re: كل اسبوع مسدس
 

السلام عليكم
دة من اخلاق أنا من الاسكندرية

Re: رد: Re: كل اسبوع مسدس
 

السلام عليكم
شكرًا على الكلام الجميل
أنا من الاسكندرية

رد: Re: رد: Re: كل اسبوع مسدس
 

العفو يا فندم حضرتك شرفت الموضوع وخليك متابع لان يظهر الناس زهقانه من الحلوان بس الاسبوع الجاى هيكون للسيج زاور وتحديدا p226x5
والشخص اللى جى على بالى واسمه شبه اسم حضرتك بس مش اسكندرانى وعلى اى حال اتشرفت بمعرفتك يا فندم

رد: كل اسبوع مسدس
 

السلام عليكم ورحمة الله وبركاته
مساء الخير على جميع اعضاء المنتدى والادارة كمان
كنا بدأنا الموضوع الاسبوع الماضى وقلنا ان كل يوم جمعة من كل اسبوع هنبدأ نتكلم عن مسدس معين وهنسيب الموضوع متاح لمدة اسبوع لاى عضو عايز يضيف او يسأل واعتقد ان اسبوع الحلوان خلص ومعظم الناس كانت نفسها مسدودة عن الحلوان ههههههههههههه
بس الاستاذ عمرو العمده كفى ووفى وبصراحة كان ليه مشاركة فعالة فى الموضوع
ودلوقت هنبدأ نتكلم عن السيج زاور وخاصة الموديل بى226 اكس 5 الى اقترحة استاذ عطية انه يكون تانى مسدس نتكلم عنه فى الموضوع وياريت كل اللى عنده معلومه او سابق تجربة مع السيج زاور عامة او سلسة البى 226 اكس 5 بالذات ما يبخلش علينا بيها ويشارك معانا وخاصة ان تقريبا استاذ attia123 ناوى يشترى المسدس ده وانا جبت معايا انهارده شوية معلومات محدودة عن مواصفات السلاح كنقطة بداية وفى انتظار تكملة واضافات الاعضاء

رد: كل اسبوع مسدس
 

نبدأ على بركة الله مع السيج زاور
سيج زاور p226x5
اولا يا جماعة سلسلة الp226x5 تشمل 4 موديلات مختلة
1-p226x5
العيار 9مم طويل او (s&w40)
طول السبطانة5 بوصة
الطول الكلى8.8 بوصة
الارتفاع5.9 بوصة
العرض 1.7 بوصة
الوزن مع الخزنة 47.2 اوقية (1.338كيلو جرام)
سعة الخزنة19 عيار9مم او s&w14
فنش الاجزاء ستانلس
فنش جسم السلاح ستانلس
جوانب المقبض خشب

2- p226x5 competition
عيار 9مم طويل فقط
طول السبطانة 5 بوصة
الطول الكلى 8.8
الارتفاع 5.7 بوصة
العرض 1.6 بوصة
الوزن مع الخزنة 35.5 اوقية (1.006كيلو جرام)
سعة الخزنة 15 طلقة
فنش الاجزاء ستانلس
فنش جسم السلاح ستانلس

3- p226 x5 tactica
عيار 9مم طويل فقط
طول السبطانة 5 بوصة
الطول الكلى 8.8 بوصة
الارتفاع 5.7 بوصة
العرض 1.6 بوصة
الوزن مع الخزنة 35.5 (1.006كيلو جرام)
سعة الخزنة 15 طلقة
فنش جسم السلاح اسود اكسيد صلب

4-p226 x5 allround
العيار 9مم طويل او (s&w40)
طول السبطانة 5 بوصة
الطول الكلى 8.8 بوصة
الارتفاع 5.6 بوصة
العرض 1.7 بوصة
الوزن مع الخزنة 45 اوقية (1.275 كيلوجرام)
سعة الخزنة 17 عيار 9mmطويل او12(40s&w)
فنش الاجزاء ستانلس
فنش جسم السلاح ستانلس

رد: كل اسبوع مسدس
 

موضوع رائع
تسلم ايدك يافندم

رد: كل اسبوع مسدس
 

ملف مرفق 47420

ملف مرفق 47421

ملف مرفق 47422

ملف مرفق 47423

ودى صور المسدس سيج زاور p226 x5 بموديلاته الاربعة

رد: كل اسبوع مسدس
 

حبيبى يا بشمهندس محمد شرفتنى ونورت الموضوع يا فندم
انا انا قلت انت نمت

رد: كل اسبوع مسدس
 

رد: كل اسبوع مسدس
 

مسدس جميل جدا .. بس انا عندي سؤال غريب شوية المسدس دة بالذات بينزله عروض بيع كتير ف المنتدي ..اشمعني دة بالذات مع ان في انواع كتير كويسة في البريتا و الجلوك و الوالتر و الهكلر و ال سي زد

رد: كل اسبوع مسدس
 

هقول لحضرتك من وجهه نظرى ليه المسدس ده ليه عروض كتير اولا بخلاف ان الsig sauer من اجود و ادق و افخم انواع المسدسات فى العالم و لكن بيتهيالى سبب انتشار بيع هذا النوع بالذات هو سبب ارتفاع سعره يعنى مثلا ثمنه فى المحلات سعرة يتراوح بين 120 الف الى 200 الف حسب الموديل و الحاله طب معظم الناس تروح عامله ايه تروح تقدم على موافقه استيراديه و تستورد النوع دة من الخارج طبعا فى هذى الحاله ستكون تكلفة المسدس حتى يصل ليد صاحبه بعد كل الاجرائات لن يتعدى 50 او 60 الف جنيه و ييجى بعد كدة يقوم عارضه على المنتدى بسعر 120 او 100 الف يبقى هو الكسبان طلع 50 او 40 الف جنيه من الهوا يا بلاش يعنى بردو كلو بيدور على المصلحه و الناس ترجع تقول جشع التجار و الاسعار الخياليه و كل الحاجات الى بنعانى منها دى طب جشع الناس بقى الى عدى جشع التجار بكتير نقول عليه ايه و طبعا الكلام دة لا ينتبق على الجميع و مش كل الناس كدة بس احكم انت بنفسك لما تلاقى اغلبه الناس عاملين اعلانات بيقولك سج زاور للبيع لم يستخد جديد تم استيرادة من اسبوع و دة السيناريو الى موجود فى كل الاعلانات طب انت لسه مستوردة من اسبوع بتبيعه ليه احكم انت بنفسك بقى ....................................

رد: كل اسبوع مسدس
 

ودى مجموعة صور تانية اهداء لعزيزى صاحب هذا الموضوع المميز
اتمنى تعجب حضراتكم

رد: كل اسبوع مسدس
 

رد: كل اسبوع مسدس
 

- السيج زاور x5

- مش هقول اني بكرهه لاني احب كل موديلات السيج زاور لكنه اخر نوع ممكن احبه بسبب :

1- ان شكله مش نافع يكون مسدس الا للرماية

2- شكله مع انه جميل لكن مصنوع بطريقة يعني خسارة انك تضرب به طلقة !

3- افضل عنه الكثير من الموديلات الاخرى

واتمنى مسدس الاسبوع القادم يكون الجلوك 19

تحتحاتي

رد: كل اسبوع مسدس
 

استاذ شهريار بايد رأيك والسوق عرض وطلب وده مسدس جيد ومطلوب جدا فى السوق وماركة من اشهر الماركات العالمية وعليه طلب وسعر استيراده يعتبر ممتاز بالنسبة للسعر اللى هيتباع عليه بعد الاستيراد

رد: كل اسبوع مسدس
 

السلام عليكم ورحمة الله
استاذ عطية بجد واضح قوى من اسلوبك انك فعلا انسان اقل ما يقال فى شخصة محترم شرفتنى يافندم وزودت ونورت الموضوع بمشاركتك وكلامك واسلوبك الراقى المهذب
ده اولا
ثانيا شكرا جزيلا على التفاعل الايجابى لحضرتك والمدح والثناء على شخصى باكثر مما استحق
واخيرا وليس اخرا بجد عجبتنى الصور المرفقة التى تم رفعها بمشاركتك وخاصة القطعة المميزة بالنحت والتذهيب فانا شخصيا اعشق السلاح المنحوت وحبذا ان كان مصحوبا بطلاء من الذهب
تحياتى استاذ عطية

رد: كل اسبوع مسدس
 

حبيبى يا استاذ عطية
شكرا جزيلا ومقبول الاهداء

رد: كل اسبوع مسدس
 

السلام عليكم ورحمة الله
شكرا استاذ عبد الله على المشاركة وعلى الاضافة
وبحييك يا فندم لانك رشحت مسدس رائع على الاقل من وجهة نظرى المتواضعة انا حابب جدا الجلوك بشكل عام وليس عن تجربة شخصية ولكن فقط لما سمعته وقرأته عن مواصفاته الفنية
واتمنى انى امتلك قطعة جلوك فى اقرب وقت ان شاء الله تعالى
واخيرا يا استاذ عبد الله لى طلب بسيط الا وهو
ان نتناول الاسبوع القادم الحديث اولا عن الايكول تونا وذلك لان الاستاذ Egyptian_Destroyer اقترح هذه القطعة لنتناولها بعد السيج زاور
وهذا سيزيدنا شوقا للجلوك 19 وساكون انا اول المهتمين بهذه القطعة
وتقبل تحياتى وفائق احترامى استاذ عبد الله

رد: كل اسبوع مسدس
 

حبيبى يا بشمهندس سيد سؤالك مش غريب ولا حاجة ده سؤال جامد بس ارد عليك واقولك
(اللبيب بالاشارة يفهم;);))

رد: كل اسبوع مسدس
 

رد: كل اسبوع مسدس
 

موضوع رائع يابشمهندس
تحياتى

رد: كل اسبوع مسدس
 

بص ياباشا انا عامل موضوع اسمه : اتمنى من الاعضاء المشاركه
لو اى شخص عنده اى سؤال
والحمد لله قدرت اساعد ناس كتير ياريت تبقى المشاركات فيه علشان منكررش مواضيع

رد: كل اسبوع مسدس
 

بص يا باشا اول مرة ادخل على موضوعك دلوقت حالا وبالنسبة لانك ساعدت ناس كتير فده شىء ممتاز ويستحق كل تقدير منى ومن كل اعضاء المنتدى بالنسبة لتكرار المواضيع زى ما قلتلك اول مرة ادخل موضوعك دلوقت وقصة تكرار دى ما بتشغلش بالى بالمرة المهم اننا كلنا نستفيد والاختلاف بين موضوعى وموضوعك انى مش بعرض انى اساعد حد ولا عامله موضوع للاستفسارات
وانى ارد واساعد لان نظرتى لنفسى نظرة متواضعه جدا وهى انى مش شايف نفسى خبير مهما بلغت عدد السنين اللى مرت على فى استخدام السلاح وعشقى ليه
الموضوع اننا بنطرح كل اسبوع مسدس للنقاش وممكن عضو يطرح مسدس وانا اللى استفسر مش اجاوب وبنتكلم عن المسدس من جميع النواحى مميزات او عيوب او حتى اراء الاعضاء فى القطعة المعروضة بالاضافة ان الموضوع مش محدد فقط للمسدسات الحية هو للصوت وللحى
وما عنديش اى مشكلة نهائى انى اوقف النقاش فى هذا الموضوع ولكن على الاقل بعد استكمال الموديلات التى اقترحها الاعضاء للنقاش فى المشاركات القادمة وهذا احتراما وتقديرا منى لهم
وتقبل تحياتى
م/ مصطفى

رد: كل اسبوع مسدس
 

نورت الموضوع استاذ شادى وشكرا لاهتمامك

رد: كل اسبوع مسدس
 

حبيبى يا بشمهندس محمد شكرا لاهتمامك

رد: كل اسبوع مسدس
 

السلام عليكم ورحمة الله
اولا الحمد لله على رجوع المنتدى بعد الصيانة
ثانيا صباح الخير على جميع اعضاء المنتدى
ثالثا انهارده ثالث قطعة هنتكلم عليها وهى ايكول تونا اللى اقترحها استاذ Egyptian_Destroyer ووعدنا انه هيقدملنا المسدس ايكول تونا مع فيديو من اعداده
وانهارده هيكون اول مسدس صوت نتناوله فى الموضوع
واذا سمحتولى انا هقدم نبذة بسيطة عن المسدس الى ان يدخل استاذ Egyptian_Destroyer
ويتناول هو الموضوع ويقدملنا تجربته والفيديو المنتظر
الموديل تونا - انتاج شركة ايكول التركية
العيار 8مم
الطول 62مم
الارتفاع 93مم
الوزن 420 جرام
سعة الخزنة 5+1
واضح ان مواصفاته انه مسدس ربع صغير وقد تكون هذه ميزه عن البعض ودول بعض صور المسدس

رد: كل اسبوع مسدس
 

:pleur1: جارى رفع الصور

رد: كل اسبوع مسدس
 

السلام عليكم
اسف جدا علي التأخير
ده ان شاء الله فيديو من اعدادي عن طريقة فك و تركيب المسدس ( ااسف لردائة النقاء )

ekol tuna
اصدار شركة ايكول التركية
العيار : 8ملي
سعة الخزنة : 6+1 في الماسورة
الطول 62مم
الارتفاع 93مم
الوزن 420 جرام
لايوجد حشر طلقات مع جميع انواع الطلق ( ان لم يكن مرطب )

المميزات : ثقل الحجم بالنسبة للوزن ..... سهل الحمل و التخبئة .....قلة الاعطال لبساطة التركيب ..... الشكل شيك جدا

العيوب : صغير الحجم ( ميزة عند البعض و عيب عند البعض الاخر )


shop review :

ملحوظه : وجود شركة امريكية تقوم بتحويل هذا المسدس لحي و بيعه في الاسواق علي انه مسدس حي روسي و امريكي ... فنرجو الحظر

رد: كل اسبوع مسدس
 

السلام عليكم شكرا استاذ احمد على مقاطع الفيديو وعلى المجهود والمعلومات وبعتقد ان من مميزات المسدس كمان ان صوته هيكون عالى مقارنة بنفس الموديلات الاخرى من ذات العيار وذلك لقصر السبطانة وقد يكون من عيوبه عدم وجود قطعة تعليق الاجزاء حيث انه يعتمد فى تعليق الاجزاء على خزنة السلاح نفسه

رد: كل اسبوع مسدس
 

++++++++++++++1
كلامك تمام يا بشمهندس الصوت كان اعلي من الجاكال في احد الافراح اللي ضربت فيها

رد: كل اسبوع مسدس
 

السلام عليكم ورحمة الله
يظهر ان مش كتير معاهم مسدس تونا وعلى اى حال حبيت اضيف معلومة ان القطعة الممتازة اللى اضاف مقطعها الاستاذ احمد ( Egyptian_Destroyer ) هى نفسها عارضها للبيع على سوق المنتدى وبسعر مميز

رد: كل اسبوع مسدس
 

رد: كل اسبوع مسدس
 

بارك الله فيكم وجعل جهدكم لنا من الصدقات الجاريه كعلم ينتفع به
وتقبلوا مرورى

اللهم لطفك بشعب مصر

رد: كل اسبوع مسدس
 

الله ينور تسلم ايدك

رد: كل اسبوع مسدس
 

السلام عليكم ورحمة الله
شرفنى مرورك يا دكتور محمد وجزاك الله تعالى خير الجزاء على هذه المشاركة الرقيقة والدعاء النافع

رد: كل اسبوع مسدس
 

حبيبى يا بشمهندس عصام نورت الموضوع يا فندم

رد: كل اسبوع مسدس
 

السلام عليكم ورحمة الله وبركاته
انهارده تقريبا جى دور البشمهندس سيد وزى ما انا قلت فى الموضوع اننا كل اسبوع بنتناول مسدس صوت او حى سواء انا اقترحت او اى حد من الاعضاء لان الموضوع ليس حكر على وحدى
وفى انتظار بشمهندس سيد عشان يكلمنا على مسدس ريتاى ايجل وخاصة انه بيملك هذا المسدس
اما انا فقط سارفع صورة للمسدس وفى انتظار بشمهندس سيد
ملف مرفق 47914

رد: كل اسبوع مسدس
 

بسم الله ...

طبعا ماقدرش ارفض طلب لاخويا الكبير م/ مصطفي ف هلبي طلبه و اتكلم عن الايجل و اتمني اني اقدر اوفي قدر المسدس حقه سواء من عيوب او مميزات

المواصفات

المسدس : ريتاي ايجل شبيه الديزرت ايجل الاسرائيلي
المنشأ : تركيا
الوزن : 1.4 كجم فاضي بدون طلقات
الماسوره : مفتوحه
الماده المصنع منها : انتيمونيوم
الطلق : 9 ملم جيد مع الهندي و الالماني ..
اللون : فضي او اسود

المسدس يوجد منه اصداران اصدار قديم و اصدار جديد .. من وجهه نظري مايفرقوش عن بعض

المميزات :

1- شبيه بالديزرت ايجل الاسرائيلي و يوجد نوع اخر شبيه بيه اسمه بلو تايجر - blow tiger - و هو اقوي منه لكن للاسف غير متوافر

2- حجم كبير

3- صوت مدفع هاوتزر

4- مسدس جميل للاقتناء و صوت عالي .. تحفه يعني

5- لو اتركبله طبه يضرب معظم انواع البلي بجداررره

6- السعر مناسب

العيوب :

1- اللون الفضي اللي بيلمع ..انا بشوف وشي ف المسدس .. الافضل انه لو كان سلفر مطفي

2- الوزن الزايد

3- خزنه الفرات و الجاكال مش بتركب عليه الا بعد التعديل حاجة بسيطه

3- الماسوره من الداخل غير مستويه جزء ضيق و جزء واسع بالتالي صعب الفتح و اللي عايز يفتح المسدس لازم يوديه لواحده جرب ف الايجل قبل كدة مش خبره فقط .. لازم يكووووون جرب يفتح ايجل قبل كدة

بالنسبه ل اليه العمل

- سهل جدا ف ميكانزم العمل
- سهل الصيانه و التنضيف

و دي بعض الصور لمسدس اثناء التنضيف و غير التنضيف

http://www.m5zn.com/img/?img=7e5b0cd4bdd93a8.jpg

http://www.m5zn.com/img/?img=65496a6ffb8e058.jpg

http://www.m5zn.com/img/?img=8bb1a6a232c7e7b.jpg

http://www.m5zn.com/img/?img=893c4454d0befeb.jpg

http://www.m5zn.com/img/?img=1debad4ce27bfd3.jpg

http://www.m5zn.com/img/?img=334915c629666a4.jpg

http://www.m5zn.com/img/?img=e98aaa385e89a9d.jpg


اتمني اني اكون قدمت افاده

رد: كل اسبوع مسدس
 

موضوع رائع وجهد مشكور عليه وفى انتظار بشمهندس سيد

رد: كل اسبوع مسدس
 

تسلم ايدك يا بشمهندس سيد معلومات رائعه ووافيه وجهد مشكور عليه تحياتى لحضرتك على سرعة الاجابه وتعاونك المثمر

رد: كل اسبوع مسدس
 

رد: كل اسبوع مسدس
 

شرفتنى يا فندم ونورت الموضوع

رد: كل اسبوع مسدس
 

+++++++++++++++++++++++++++++++++++++1

رد: كل اسبوع مسدس
 

السلام عليكم ورحمة الله وبركاته
حبيبى يا بشمهندس سيد ربنا يديم الود والمحبة بينا يارب وانت دايما كده تبهرنا بزوقك واخلاقك العالية ومشاركاتك القيمة واكيد طبعا زى ما قلتلك يشرفنى ويسعدنى يكونلى اخ زى بشمهندس سيد (بس سيبك بقى من قصة كبير وصغير دى عشان ما تحسسناش اننا كبرنا يعنى هههههههههه)
وبجد تسلم ايدك على الاضافة القيمة والمجهود والصور كمان وخاصة الاخيرة
تحياتى

رد: كل اسبوع مسدس
 

جزيت خيرا يا هندسه .. لسه انت شباب يا هندسه هههه و الاحترام للكبير واجب يا هندسه

رد: كل اسبوع مسدس
 

ايه يا جماعه هو مافيش حد عنده ريتاى ايجل هنا الا بشمهندس سيد ؟؟؟!!!!