|
إرتداد الحلوان
السلام عليكم يا أعضاء المنتدى الكرام
أنا كنت نشرت الموضوع دة قبل كدة على الموقع القديم بس كنت عاوز أتأكد من الأستاذ هوجان والأخوة أصحاب الخبرة ... من الآتي هل لو تم تقصير السوستة عقلتين مثلآ هل ذلك سوف يقلل من إرتداد الطبنجة الحلوان 51 ويخلي تجميعها أسرع ؟؟؟؟ وعلى فكرة كل الأعضاء على المنتدى القديم أيدوا هذه الفكرة بس أنا حبيت أتأكد عشان مش أبوظ السوستة أو أبوظ الطبنجة .. وشكرآ |
رد: إرتداد الحلوان
السلام عليكم ورحمة الله
عمرو بيه ازيك يافندم انا واحد من الناس اللى ردوا على موضوعك القديم قبل كده لو تفتكر هو انت لسا ما نفذتش ما قلتلك اللى مش مصدق يجرب وانت شكلك لسا ما جربتش عامة بالتوفييييييييييييييق تحياتى |
رد: إرتداد الحلوان
يا باشا فعلآ أنا لسة ماجربتش أصل أنا من النوع الموسوس شوية بخصوص السلاح وكنت حابب أتأكد أكتر بس أنا شاكر لحضرتك إهتمامك ومرورك
|
رد: إرتداد الحلوان
ربنا يوفقك ان شاء الله و المسدس يشتغل معاك زى الفل
|
رد: إرتداد الحلوان
شكرآ ليك يا شادي بك .
|
رد: إرتداد الحلوان
اقتباس:
بس مقلتش انه له علاقة بتخفيض حدة الارتداد خالصصصصصصص قلت انه له علاقة بسرعة التجميع فى الضرب المتتالى فقط و عن تجربة فعلية و قلت برضه تخفيض الارتداد فى الحلوان حله الوحيد زيادة وزن الكوبرى و لو عملنا كده يبقى شوهنا السلاح و بوظناه , اى لعب فى سوستة الارتداد بتقويتها شوية او زيادة عدد حلقاتها عشان تمتص شوية رد فعل اتى بنتائج فاشلة بالتعليق فى خروج الفارغ لان سوسته الارتداد الاصليه مضبوطة هندسيا على وزن الكوبرى و تقصيرها حلقتين تلاتة ده يزود الارتداد حاجة بسيطة |
رد: إرتداد الحلوان
اقتباس:
|
رد: إرتداد الحلوان
السلام عليكم ورحمة الله وبركاته
مساء الخير على جميع اعضاء المنتدى والادارة كمان تحياتى لصاحب الموضوع ولكل من شارك فيه انا حبيت انقل مشاركتى بالنص من الموضوع على الصفحة القديمة السلام عليكم مساء الخير على جميع اعضاء المنتدى تحياتى بجد لصاحب الموضوع لانه فتح باب للحوار حول نقطة فنية دقيقة اولا قبل ما تسمحولى باضافة رد احب اقول الاختلاف فى الراى لا يفسد للود قضية عمرو بيه حضرتك بتسال على تقليل رد الفعل وباختصار اقول لحضرتك ان لو جبنا كمية بارود نقول بوزن 1جرام وفجرناها باى طريقة هيتولد عن الانفجار ده غاز بقوة معينه طيب لو جبنا نص كمية البارود من نفس النوع يعنى لواستخدمنا نص جرام مثلا وفجرناه هنحصل على نصف كمية الغاز المتولدة طيب لو حصرنا الانفجار ده فى مسار معين واستخدمناه فى توجيه مقذوف مثلا هيكون هنا فى رد فعل فى الاتجاه المعاكس لمسار المقذوف طيب يعنى تقليل رد الفعل يتم بتقليل البارود طيب يعنى بالنسبة لحالتك نقلل نسبة البارود الموجوده فى الظرف؟؟؟؟؟؟؟؟؟؟؟؟؟ اجاوبك واقلك لا ولو عملنا كده هيقل رد العل وهيقل المدى المؤثر للمظروف (المقذوف او الطلقة) واصلا احنا مش محتاجين نقلل رد الفعل عشان نعالج مشكلتك طيب هتقلى محتاجين ايه هقولك محتاجين نعادل او خلينا نقول نلعب فى توزيع رد الفعل طيب ازاى؟؟؟ فى الاول هضربلك مثال لو جبنا طلقتين من نفس العيار والنوع والمصنع وحتى تاريخ الانتاج واستخدمنا واحده منهم فى مسدس ساقيه والتانيه استخدمناها فى مسدس اى ان كان نوعه(مسدس باجزاء متحركة) غير مسدس الساقيه هتلاقى ان رد الفعل اقل فى المسدس ابو اجزاء متحركة واعلى منه بشكل ملحوظ فى الساقيةرغم انهم نفس نوع الزخيرة وعيارها والبارود المستخدم كمان طيب هتسالنى ليه؟ هقول لحضرتك لما استخدمت مسدس الساقيه وتم الانفجار كان فى مواجهة الطلقة المنفجرة من الخلف وفى خط مستقيم جزء ثــــــــــــــــــــــــابت غير متحرك وهنا بينتقل رد الفعل كله من المسدس لقبضة الايد مباشرة طيب لو بصينا للحالة التانيه (استخدام مسدس ذو اجزاء متحركة)هتلاقى ان فى مواجهة الطلقة لحظة انفجارها يوجد اجزاء متحركة فى مسار مستقيم وباتجاه معاكس لاتجاه المقذوف ومع حركة هذه الاجزاء يتم السماح بخروج نسبة معينة من الغاز الناتج عن الانفجار مع الظرف الفارغ وهنا رد الفعل بيتوزع على قبضة ايدك وعلى الاجزاء طيب لو فرضنا ان السوستة المستخدمة لارجاع هذه الاجزاء قوية يبقى هتتحمل نسبة اقل من رد الفعل وهنا هيكون نصيب قبضة حضرتك اعلى فى استقبال رد الفعل وبالتالى ايدك هتهتز بشكل اكبر وده هيقلل دقة الرماية لان المفروض ايدك تكون نقطة ثابته حتى يتم الانفجار ويخرج المقذوف طيب لو فرضنا اننا زودنا قوة السوستة دى بشكل ما او استبدلناها بواحده اقوى يبقى مقاومتها هتزيد ونسبة الغاز الخارجه مع الفارغ هتكون اقل ورد الفعل الواقع على ايدك هيزيد اكتر طيب لو فرضنا بقى اننا استخدمنا مسدس ساقيه بدون اجزاء متحركة اصلا؟؟؟؟!!!!! يبقى زى ما قلتلك رد الفعل كله هيقع على قبضة ايدك وبما ان ايدك(اللى بتمثل النقطة الثابته) مش قطعة حديد يبقى نصيبها من الاهتزاز او التاثر برد الفعل اعلى مع دقة رماية اقل اعتقد حضرتك كده فهمت الحل لمشكلتك؟؟؟؟؟؟ يعنى الخلاصة يا عمرو بيه انك تقلل نسبة مقاومة السوستةبشكل ما وليكن زى ما احد الاعضاء اشار عليك تشيل منها والطريقة دى عن تجربة بس انا حبيت اوضح بالتفصيل فى الاول عشان نستفيد ويكون فى حجة ودليل على كلامى واللى مش مقتنع !!!!!!!!! ممكن يجرب بنفسه والسلام عليكم __________________ اذا موضوعى عجبك لا تبخل بالرد او بتققيمه واخيرا توضيح بسيط 1- (كلا من رد الفعل الزائد وعدم الاتزان يؤدى الى تقليل الدقة فى الرماية) 2-وقد يؤدى التقليل من قوة الياى للتقليل من رد الفعل, وسهولة الحركة, وبالتالى سرعة التجميع ايضا 3- وسرعة التجميع هى التى تؤدى الى عدم الاتزان!!!!!!! ولو راجعنا رقم واحد هنلاقى ان رد الفعل الزائد وعدم الاتزان يؤدى الى تقليل الدقة فى الرماية طيب يعنى الخلاصة ان رد الفعل الزائد ده حاجة وعدم الاتزان حاجة تانية بس الاتنين ليهم تأثير على دقة الرماية وحد يقلى انت هتلخبطنا ليه !!!! يعنى لو قللنا قوة السوستة هيقل رد الفعل بس كمان هيقل عدم اتزان السلاح والاتنين بيقللوا دقة الرماية طيب يعنى نعمل ايه ؟؟؟؟؟؟؟ هقولك عليك انك تختار واحد فيهم يا اما سوستة قوية ومسدس متزن مع رد فعل عالى يا اما مسدس مع قليل من الاتزان ومع رد فعل اقل وسرعة تجميع!!!!!! وهنا بقى انا اللى هسأل سؤال للى جرب لو عندنا قلة اتزان وسرعة تجميع وعندنا رد فعل عالى والحالتين بيأثروا على دفة الرماية , لكن اى خيار انت هتختاره فيهم؟ وسؤال تانى معلش اى حالة فيهم تأثيرها اقل !!!!!!!!!! على دقة الرماية؟ واللى جرب يجاوب وانا عن نفسى عارف انا هختار ايه واسف على الاطالة |
رد: إرتداد الحلوان
اخيرا احب اكرر تحياتى لعمرو بيه صاحب الموضوع لانه بالفعل موضوع شيق
تحياتى |
رد: إرتداد الحلوان
شرح وافي يا هندسه جزيت يخيرا
|
رد: إرتداد الحلوان
مشكورين جميع الأعضاء المتميزين اللي قاموا بالرد على موضوعي وتحية خاصة للأستاذ realfighter لإفادته لنا ولجميع الأعضاء .
وشكرآ |
رد: إرتداد الحلوان
وعلى فكرة أنا مستغرب من مرور أستاذ هوجان على الموضوع بدون مشاركته ؟؟؟
|
رد: إرتداد الحلوان
اقتباس:
|
رد: إرتداد الحلوان
اقتباس:
وانا اللى بشكرك على موضوعك الجميل وتقبل مرورى |
رد: إرتداد الحلوان
1 مرفق
السلأم عليكم و رمة الله و بركاتة اولأ انا معنديش اى خبرة فى المسدس الحلوان ولأكن استخدمت انواع اخرى استار الأسبانى 9مم طويل من وجة نظرة ان اى تعديل فى الياى الموجود المسئول عن ترجيع الأجزاء واعادة التعمير بيأتى بمشاكل فى عمل الطبنجة لو تم تقصير الياى اكيد هيزيد من قوة الأرتداد و ممكن يؤثر على جسم المسدس و دقة النشان هتكون شبة معدومة . و لو تم تغير الياى لواحدة اخرى اقوى منها او زيادة طولها اكيد هيؤثر سلبأ فى ميكانزم المسدس و بلأخص على اعادة التعمير مش هتكتمل عملية اعادة التعمير بسبب سرعة رجوه الأجزاء المتحركة بسبب قوة السوستة المسئولة عن ترجيع الأجزاء مرة اخرى و اعادة التعمير و هتمنع خروج الفارغ و المشكلة دى تسمى التعليق وليس الحشر . قوة السوستة او الياى بتكون بحسابات كثيرة منها وزن الأجزاء المتحركة و العيار المستخدم و نوعة و اشياء اخرى . مثلأ لو وجد مسدس حلوان و المسورة بها تأكل فى من الداخل (الشخشان) هيكون فى مشكلة فى اعادة التعمير لسبب رجوع الأجزاء المتحركة بسرعة اكبر من السرعة المطلوبة فبتمسك بلفارغ فبل قزفة للخارج و حل المشكلة دى بيكون بقطع حلقتين من السوستة فبتقل سرعة رجوع الأجزاء المتحركة و بتسمح للفارغ بلخروج و سحب طلقة اخرى من الخزينة . الملخص ان تقوية الياى لو تقليل قوتة متوقفة على طريقة عمل السلأح و ليس قطعة واحدة فقط ... دية وجة نظرى المتواضعة وتقبلو مرورى تحياتى للجميع |
رد: إرتداد الحلوان
اقتباس:
كويس قوى انك ما اتعاملتش مع الحلوان اصله مسدس متعب بعيد عنك المهم انت عامل ايه يا هندسة طمنا عليك وبعدين كفاية بقى الله يكرمك كفاية ضرب نار تحياتى:rolleyes: |
رد: إرتداد الحلوان
اقتباس:
صديقى و اتشرف بكلة صديقى انا بخير الحمد للة و اتمنى تكون بالف خير يارب انا عارف المسدس الجاوك تعبك ههههههه |
رد: إرتداد الحلوان
على فكرة أنا مازلت مستغرب من مرور أستاذ هوجان على الموضوع بدون مشاركته ؟؟؟
|
رد: إرتداد الحلوان
فى الحقيقة كلا من رد الاستاذ realfighter و البشمهندس / محمد مكاوى مقنعين وان كنت اميل اكتر لنظرية البشمهندس محمد مع فائق تقديرى للاستاذ realfighter طبعا .
|
رد: إرتداد الحلوان
ابسط كلمه اقوله انه لو كان هناك حل كان المصنع او الدول المستورده عملته ولاكنى غير مقتنع بذدالك
|
رد: إرتداد الحلوان
طيب إدينا أمل يا أستاذ هوجان لأن الموجودين في المصنع لم يتعودوا على الإبتكار بل العكس بقالنا أكتر من 60 سنة نفس الشكل ونفس العيوب ...... أنا شايف إن في عقول متميزة ممكن تغطي النقص دة وتحاول تبتكر وتصلح العيوب دي وتتفاداها .
وشكرآ أستاذ هوجان على مشاركتك وإهتمامك |
رد: إرتداد الحلوان
اقتباس:
اى ارتداد لمسدس ماسورة مكشوفة لازم يكون جامد شوية هو سلاحك مضايقك فى ايه؟ |
| الساعة الآن 08:00 PM |
Powered by vBulletin® Copyright ©2000 - 2026, Jelsoft Enterprises Ltd. TranZ By
Almuhajir