|
مساعدة لمبتدئ
السلام عليكم
أولاً لا يمكنني وصف السعادة عندما وجدت هذا المنتدي وصف مبتدئ لا ينطبق علي بعد لأني لم أبدأ حتي الأن بحب السلاح جداً من زمان و كنت بضرب وانا صغير لكن ظروف ضاعت الهواية وسط حاجات تانية كتير انشاء الله و بمساعدتك هارجعها تاني أسف علي الإطالة بس ليه أستفسارات ساذجة شوية 1- ما معني رقم واحد ورقم أتنين :) ؟ 2- حد يرشحلي بندقية كويسة للبداية من حيث القوة والسرعة و تجميع النشكان و يكون سعرها في المتناول - ولو حاجة مستعمل من واحد من أخواتي الكبار يا ريت 3- أنا من القاهرة فين ممكن أضرب بعد الشغل أو يوم ويك أند - ونفسي بعد ماتعلم انشاء الله نطلع رحلة مع بعض مشكورين علي الوقت والمساعدة |
رد: مساعدة لمبتدئ
اهلا بيك .........
نمرة واحد يعنى مقاس او عيار الرشاية وهو4.5ملى ونمرة5.5ملى. بالنسبة للبنادق أبدا نوريكا56 جديدة بتعمل 1200 وممكن المعادى نمرة2 جديدة حوالى700ج كبدابة وتدخل سوق المنتدى وشوف هتلاقى اللى يناسبك ان شاء اللة |
رد: مساعدة لمبتدئ
يباشا منور نا والله
العيار(حجم الطلقة): عيار 177 وفى مصر بيسموا نمرة 1 ودة اصغر عيار لبنادق ضغط الهواء ومصمم لضرب الاهداف البعيدة ولانة اصغر عيار فتجد اكبر سرعة ففى بعض بنادق ضغط الهواء تتراوح السرعة ما بين 700 قدم فى الثانية الى 1600 قدم فى الثانية . عيار 22 وفى مصر بيسموا نمرة 2 ودة اكبر فى الحجم من عيار نمرة 1 الضعف تقريبا وطبعا قتقل منة وبيولد طاقة حركية اعلى والعيار دة مناسب جدا لصيد ,وسرعة الطلقة تتراوح ما بين 550 الى 950 قدم فى الثانية. عيار 25 بيسموا فى مصر نمرة 3 ودة نادر جدا لما تلاقية وطبعا اكبر وقتقل من عيار نمرة 2 ومناسب لصيد الحيوانات الصغيرة وبيولد اقوى طاقى حركية وسرعة الطلقى تتراوح مابين 400 الى 600 قدم فى الثانية . عيار 177 و22و25 همة الى موجدين فى مصر فى بقة عيار تانى 20 و 45و50 بس موجدين برة مصر . ملحوظة: كل ما حجم الطلقة يزيد كل ما الطلقة الحركية تعلى والسرعة تقل . والطلقة الى سرعتها اعلى من 900 قدم فى الثانية مداها ققصر من الى سرعتها ققل من 900 قدم فى الثانية وعلشان كدة لو جبت بندقية قوة الدفع عندها جمدة يستحسن تستخم قتقل نوع طلق . الطلقة(الرشاية):فى انواع كتير من الطلق بئسعار مختلفة تتراوح ما بين 3 الى 120 جنية وطبعا كل ما السعر يزيد كل ما تصميم الطلقة يبقى احسن والانواع المستوردة احسن من المصرية علشان هما بيقيسوا الطلق بالوزن على شان يعرفوا يولدوا سرعة معينو وطاقة حركية معينة فمثلا: بندقية قوتها 900 قدم فى الثانية نمرة 2 لما تستخدم طلق وزنة خفيف 11 هتلاقى السرعة 950 والطلقة الحركية 12 ولما تستخدم وزن وسط 14 تلاقى السرعة 800 والطاقى الحركية 19 ولما تستخدم طلقة من الوزن التقيل 21 هتلاقى سرعة البندقية وصلت ل 600 والطلقة الحركية 30. الكلام العسل ده من الاستاذ العسل مصطفي الصياد نقلته للمساعده |
رد: مساعدة لمبتدئ
السلام عليكم ورحمة الله ....... ازيك يا استاذ ........ ومرحبا بك فى منتدى الصيد فى مصر .
رقم 1و2 دى ارقام وحجم العيار الخاص بالبندقيه وفيه كمان 3 ...... والحجم المعقول للصيد هو رقم 2........ اما بخصوص ترشيح البندقيه فيه حاجات كتير واسعار مختلفه بس المهم تقول امكانياتك اد ايه وعليها نحدد لك المناسب من حيث الخامات والقوه والدقه ...... تحياتى . |
رد: مساعدة لمبتدئ
اما بالنسبه للبندقيه
قول يباشا معاك كام او عايز تدفع كام وكل لما يكون معاك مبلغ كويس تقدر تشتري حاجه عليها القيمه وفي نظري اول حاجه كويسه تبدأ 1700 ودي اسمها نوركا جيب اسباني نمره واحد بس علشان انته لسه مبتدأ بناخد الخيار الاسوء تشوف بندقيه معادي حلوه تشتري واحدهوتظبطها وتتعلم عليها لعند مايدك تاخد وكام شهر كده ولما تاخد خبره تشتريلك واحده حلوه زيك كده او ممكن تشتري واحده مستعمله والاخوه هنا بيعرضو بنادق كويسه باسعار مناسبه لك الخيار ومره اخري منورنا اخوك احمد دعواتك معانا |
رد: مساعدة لمبتدئ
والله مازال الإبهار مستمر
ردود اكتر من رائعة وزمن قياسي من الإخوة بجد مشكورين جداً أنا شفت منتدي البيع وفي حاجات جامدة كتير و كمان لفيت شوية كدة اونلاين أعرف الأنواع والخصائص و معجب بالجامو جداً انشاء اللة اظبت فلوس وتكون معايا واحدة استعمال نضيف بس محدش قالي اضرب فين في القاهره ؟ مشكوووووووووووووووووووورين |
رد: مساعدة لمبتدئ
خليك فى البيت الاول او على السطح او فى جنينة البيت للتدريب على السلاح واستعماله لحد ما يبقى زى ايدك وتتحكم به تحكم كامل وبعدين عندك اماكن ممكن تلاقيها جنب البيت زى مطحن او محطة مياه او حديقه ..... بس لازم تتدرب الاول كويس .... وبعدين اطلع رحلات زى الشروق وبدر والاسماعيليه والغمازه والبدرشين وممكن انت تكتشف اماكن وابقى قول انت ساكن فى انهى محافظه وهتلاقى الاعضاء عملولك خريطه بالاماكن اللى ممكن تبدا فيها واماكن ممكن تحترف الهوايه فيها .... تحياتى .
|
رد: مساعدة لمبتدئ
طبعا الإخوة جاوبوا باستفاضة عن نمرة واحد واتنين جزاهم الله خيرا
بص يا باشا من الآخر لو عايز تبتدي ببندقية جامدة أنصحك بكرال التركي نمرة اتنين بندقية قوية وناشنكاه فوسفوري ولونها اسود وآخر دلع أنا لسة جايب واحدة وبجد بندقية جامدة جدا بالنسبة لسعرها، هتكلف من 1400 لـ 1500 حنيه وربنا يوفقك |
رد: مساعدة لمبتدئ
سعر الكارال التركى 1200 ج ودى اغلى حاجه فى البنادق العاديه .........اما الكامو فلاج 1450 ومتغلاش عن كده وبندقيه متجربتش فتره ...... وتجربتك يا استاذ قنديل لسه عليها شويه يعنى اقل وقت ممكن نقول اننا جربنا فيه البندقيه يكون ثلاث اشهر ..... وطبيعى ان البندقيه تبهرك بقوتها لكن بعد كده .............. ومفيش احسن من الانجليزى والالمانى وبيجى بعديهم الاسبانى دا لو مكنش بينافس وبقوه ........ ارجو انك متزعلش بس ده مش راييى لوحدى ده راى اقدم الصيادين واكثرهم خبره فى المنتدى ........... تحياتى .
|
رد: مساعدة لمبتدئ
الاحسن البدء ببندقية عالية المواصفات حتي لا تصيب نفسك بالاحباط وانا انصحك بين ثلاثة (بي اس_ ويبلي باتريوت_ديانا54) وكده تكون امتلكت القوة و الدقة
|
رد: مساعدة لمبتدئ
يا باشا احنا بنتعلم منك وانا عندي سي اف اكس وكرال بس الراجل بيقولك مبتدئ ولسة عايز يجرب متدفعهوش 4500 جنيه في الأول انا شايف الكرال ممتازة لواحد لسة بيبتدي
شكرا عبى الرد |
| الساعة الآن 05:53 AM |
Powered by vBulletin® Copyright ©2000 - 2026, Jelsoft Enterprises Ltd. TranZ By
Almuhajir