|
تجربتى الشخصية مع الصيد ليلا
السلام عليكم ورحمه الله وبركاته
كل سنة وانتم طيبيين يا قناصين :) قولت أفيد بحاجة بقا بدل ما احنا بنستفاد ونسأل وبس والناس هتتضايق مننا قريب :) الموضوع عن صيد اليمام بالليل او بمعنى ادق تجربتى الشخصية ميعاد الانطلاق كان بيبقا بعد صلاة العشاء مباشرة مستخدمين موتوسيكل زى ده :) http://www.sogarab.com/photos/48060.jpg وطبعا شاحنين الكشاف كويس ومعانا البندقية ( الشنغهاى B 2 ) والسكينة ودى صورة البندقية ( معلش الصور على قد حالها عشان الموبايل على قد حاله :) ) http://imagenic.net/viewer.php?file=...i2qyjbhd15.jpg ودا الكشاف ( كشاف صينى ب 25 جنيه بس جميل جدا وبينور كويس والله ) http://s8.postimage.org/bgs0eychx/072.jpg وكنا علطول بنصطاد بعيد عن التجمع السكنى وده لسببين 1- ان غالبا مافييش يمام اصلا قريب من البيوت والدوشة 2- عشان المشاكل ودلوقت الناس كلها بتخاف من اى حاجة وشوف بقا وانتا بتنور بكشاف ف العتمة لا ومعاك بندقية هههههههه استنجت من تجربتى الشخصية حاجة مهمة 1- شجر التوت هو صاحب نصيب الأسد من وجود اليمام عليه ::: بس شجر التوت الكثيف جدا زيادة عن اللزوم ما بيبقاش عليه اى يمام ::: 2- شجر الفيكس فى المرتبة التانية مع شجر الجزورين 3-شجر الكافور بتلاقى عليه 2 بكتيره وصعب تلاقى واصعب انك تلاقيها بعد ماتقع ::: ملاحظة مهمة ومفيدة جداااااااا :::: " شجر التوت المغفل :: بكسر الميم والفاء هو ( الكنز ) وهو الشجر ال ما بيبقاش حد اصطاد عنده قبل كده وبعيد حاجات بسيطة عن التجمعات السكنية وده ال ما شاء الله كنا بنلاقى عليه بال 30 يمامة واكتر والله وتنور بالكشاف وتعمل دوشة وتضرب وتوقع وبراحتك خالص وفين وفين اما بيطير ::: مش كل شجر التوت بيبقا عليه ::: لان الشجرة ال بتلاقى عليها بيكون عليها كتيرررررررررررررر واحسن شجرة تلاقى عليها ال بالشكل ده تقف مباشرة تحتها واتكل على الله وشوف رزقك هيطلع قد ايه http://www.alhadeeqa.com/vb/imgcache/2008/05/111.jpg نيجى بقا للمخاطر ال قابلتها شخصيا رقم واحد http://www.amwaj.org.il/teva/dengo/jpg/dog4.jpg الكلالالالالالالالالالالاب :: طبعا احنا قولنا بنطاد على مشارف الكتل السكنية واحيانا بتلاقى بيت ولا حاجة ف الاطراف دى لوحده كده فبتلاقيه مربى كام كلب لزوم الحراسة ::: واذا لقيت حاجة زى كده والكلب قرب منك اوعا تجرى زى مانا كنت هعمل هههههههههه لا اثبت ولو راكب موتوسيكل زينا خليك ثابت وعادى لانك سواء راكب ولا ماشى وفضلت ثابت وهادى الكلب عمره ما هيمسك فيك الا اذا حس انك خايف رقم اتنين الناس ودول بيبقو اصعب من الكلاب نظرا لظروف البلد فكله مقلق بس طالما انتا ف مكان مفتوح ومفيش بيوت عيش واصطاد براحتك وطبعا مش لوحدك عشان المواقف ال زى كده خد واحد صاحبك معاك ولا حاجة موقف حصل معايا http://www.tage3.com/content/img_2264.jpg ::: كنا بنطاد من ع شجرة توت ميه ميه وموقفين الموتوسيكل بعيد شويه والشجرة كانت بعد بيت ف حتة مقطوعة بحوالى 200 متر المهم لقينا توك توك معدى ووقف جنب الموتوسيكل قلنا بس دا واحد حرامى عينه من الموتوسيكل ههههههههههههه المهم واحد نزل من التوك توك ووقف ف نور التو توك كأنه بينور على فلوس ( قال ايه مش شايفها مثلا جوا التوك توك ) المهم طلعنا ناحية فوق وبالكشاف قمت مصدره ناحيتهم لقيتهم رجعو بالتوك توك ووقفو قصادنا الظاهر هما كمان كانوا فاكرينا حرامية ههههههههههههههههه هما : مين احنا : ايوة هما : بتعملوا ايه احنا : بنصطاد يمام هما : طب ما تصطادش الحمام ال ع البيت ال هناك ده عشان بتاعنا هههههههههههههههههه حبيت بس انقلكم تجربتى الشخصية وياريت تستفيدو منها شويه صور بقا من الصيد المتواضع ::: واخر نقطة هى انى مقتنع تماما ان الصيد هو رزق ف الاول والاخر ساعات تبقا مظبط كل حاجة وماتصطادش اى حاجة وساعات تبقا ماشية بالبركة تصطاد وربنا يكرمك ::: http://s10.postimage.org/i3h0kgys9/043.jpg http://s12.postimage.org/lzdplxxtp/045.jpg http://s17.postimage.org/hzn3su6un/046.jpg http://s17.postimage.org/59ivfqywf/054.jpg http://s13.postimage.org/4bpj3u8h3/060.jpg http://s11.postimage.org/3nnio8b9v/064.jpg http://s11.postimage.org/gwwualamr/070.jpg http://s7.postimage.org/c5cmbmq8r/45...r_imgcache.jpg تقبلوا خالص تحياتى |
رد: تجربتى الشخصية مع الصيد ليلا
شكرا علي الموضوع المميز بس انا عندي كام سؤال
هو الكشاف ده اسمه ايه علشان انا عاوز اجيب واحد و كمان سؤال هو بيتشحن و له بتجبلو حجاره |
رد: تجربتى الشخصية مع الصيد ليلا
اقتباس:
هوا اسمه ALFAROUK وانتا بمجرد ما تقول للراجل كشاف صينى هيطلعلك كذا شكل منه الحجم ده ب 25 بس وهوا شحن مش حجارة وما شاءا لله نوره قوى تقبل تحياتى |
رد: تجربتى الشخصية مع الصيد ليلا
بالتوفيق ياباشا وبرضو صيد الليل له طعم تانى
|
رد: تجربتى الشخصية مع الصيد ليلا
بسم الله ماشاء الله عليكو
وموضوع الكلاب ده بيحصل معايا كتير اوى ههههههههههههههههههه وقولى صحيح ايه اخبار البندقيه و الضرب بالليل ؟ لأنك من فتره كنت بتشكى ان الطلقه مش بتيجى فى اليمامه |
رد: تجربتى الشخصية مع الصيد ليلا
ما شاء الله طلعه موفقه وبالف هنا وشفا
|
رد: تجربتى الشخصية مع الصيد ليلا
طلعه جميله و اسلوب سرد رااااااااااااااااائع بالتوفيق دائما
|
رد: تجربتى الشخصية مع الصيد ليلا
اقتباس:
|
رد: تجربتى الشخصية مع الصيد ليلا
اقتباس:
اقتباس:
البندقية تمام يا قبطان بس المشكلة فى اخوك انا ال مش عارف اظبط النشان الظبطة التمام وفى مرة ظبطت النشان ظبطه كويسة جدا بس للاسف مش عارف مين ال لعب فيه هههههههه بس عموما الصيد بالليل هوا ال مصبرنى عشان اليمام بيستنانى لحد ما اضرب 2 ولا 3 الحمد لله وبعدين يطير وبالمناسبة يا قبطان انا عايز اشكرك والله وادعيلك بالتوفيق والخير عشان انا شخصيا بستفيد منك كتير ومن موضوعاتك والله اهى الطلقة الاول مكنتش بتيجى ف اليمامة عشان انا بظبط النشان افقى وبعدين اصطاد بالليل رأسى بس جزاك الله خيرا اتنبهت للنقطة دى من موضوع ليك اقتباس:
اقتباس:
جزاك الله خيرا اقتباس:
|
رد: تجربتى الشخصية مع الصيد ليلا
موضوع يا باشا وتجربه اجمل
تسلم الايادى وتحياتى لحضرتك |
رد: تجربتى الشخصية مع الصيد ليلا
تسلم إيدك موضوع جميل واحلي تقييم :)
|
رد: تجربتى الشخصية مع الصيد ليلا
بالتوفيق ان شاء الله فى طلعات تانيه اجمل
|
رد: تجربتى الشخصية مع الصيد ليلا
اقتباس:
تحياتى :) اقتباس:
متشكر جدا :) اقتباس:
خالص تحياتى :) |
رد: تجربتى الشخصية مع الصيد ليلا
موضوع ممتع والله وانا قاعد أقرا عمال أتخيل كل موقف وأضحك أو أبتسم أو حتى أحس بقلق لما بتوع التكتك عدّوا هههههه بالتوفيق دايما يا بشمهندس وما تحرمناش من مواضيعك وطلعاتك الحلوة |
رد: تجربتى الشخصية مع الصيد ليلا
|
رد: تجربتى الشخصية مع الصيد ليلا
اقتباس:
اقتباس:
شرفتنى بتعليقك الجميل واتمنالك كل التوفيق والخير خالص تحياتى :) |
| الساعة الآن 05:46 PM |
Powered by vBulletin® Copyright ©2000 - 2026, Jelsoft Enterprises Ltd. TranZ By
Almuhajir