الماسوره فرقعت
 

السلام عليكم

صوره لماسوره بندقيه و ماشاءالله واخده فرقعه .. ياريت لو نتناقش ف الصوره


http://www.m5zn.com/img/?img=d79844d2d0379d1.jpg

رد: الماسوره فرقعت
 

اكيد صينى
:)

بس هى فعلا غريبة اتمنى اسمع الاراء يا ترى لية ؟

رد: الماسوره فرقعت
 

وجهه نظري المتواضعه .. و الله اعلم صح او خطأ ان اصلا الماسوره فيها عيب تصنيع و العيب ده موجود ف مكان الفرقعه دي و اللي حصل كالاتي :

مع الضرب الماسوره بتسخن و بتتعرض لاجهادات حراريه و دة طبيعي بس هما و ف وجود عيب التصنيع ده حصل خلل بالتالي الجزء دة مبقاش زي باقي الماسوره - اتغير - سواء بقي حصل انتفاخ او شرخ اي كان

المهم ان لما الطلقه بتنضرب بيحصل موجات ضغط عاليه اللي احنا بنسميها الغازات السخنه و الموجات دي او الغازات دي هي اللي بتدفع الطلقه ف هنا الموجات دي جت عند المنطقه اللي فيها عيب تصنيع و نظرا لضعفه ف ادت ل انفجاره .

ف انتظار راي الخبراء برده

رد: الماسوره فرقعت
 

السلام عليكم
تفسيرى لانفجار الماسورة البشع دا ان لو البندقية عيار 16 واخدت طلقة عيار 12 و هى ارفع من بيت النار لعيار 16 فتتحرك لداخل الماسورة للامام وبعد سحب طلقة تانية المقذوف اليطالع من الخرطوش بيفجر اللطلقة الموجودة فى الماشورة وفى جزء لا يتحمل شدة الانفجار زى بيت النار فتنفجر الماسورة زى ما شفنا فى الصورة .
هذا والله العلم .....

رد: الماسوره فرقعت
 

السلام عليكم ورحمة الله وبركاته
حبيبى يا بشمهندس سيد دايما مواضيعك كده شيقة
بالمناسبة كلامك مضبوط من ناحية موجات الضغط العالية ودرجات الحرارة .......الخ
بس مش سهل ده يحصل لوحده كده مع بندقية خرطوش لازم يكون الماسورة اتسدت باى شىء هو اللى سبب الانفجار وبالتالى حصل انفجار الماسورة فى اضعف نقطة فيها
وتقبلوا مرورى

رد: الماسوره فرقعت
 

يا فندم بأيد رأيك بان الماسورة اتسدت باى شىء بس صعبة انها تكون اتسدت بخرطوشة عيار اقل ممكن الصياد يسهو وتتسد منه الماسورة من فوهتها من بدايتها لكن هو يسدها بنفسه ويعمر ويطلق ما اعتقدش ولو حطينا الاحتمال ده اكيد الماسورة كانت هتنفجر من مكان اقرب لبيت النار مش اقرب للفوهة

رد: الماسوره فرقعت
 

طيب سؤال .. المفروض ان الماسوره متصنعه من معدن واحد ازاي يبقي في عيب ف جزء منها .. لو في عيب يبقي فيها كلها

رد: الماسوره فرقعت
 

والله يا بشمهندس انت اللى فرضت ان فيها عيب مش انا
ههههههههههه
بس خلينى هقولك هى النقطة دى بقت اضعف نقطة لان زاد الضغط فيها عند وصول المقذوف لهذه النقطة مع فوهة مسدودة

رد: الماسوره فرقعت
 

ايوة يا هندسه انا فاهم حضرتك بس انا اقصد ازاي يبقي في عيب صناعه ف جزء معين من الماسوره مش هي بتبقي من ماده واحده او سبيكه واحده؟

رد: الماسوره فرقعت
 

عشان اجبلك من الاخر الانفجار فى الماسورة ده بيكون بسبب انسدادها وبيكون نادر ودايما الانفجار بسبب انسداد فوهة الماسورة بيكون قريب من مكان الانسداد يعنى قريب من الفوهة وبالنسبة لاضعف مكان فى الماسورة مش بالضرورة ان المكان نفسه ضعيف لكن ممكن وصفه بانه ضعيف لان هى دى النقطة اللى زاد فيها الضغط زى لما تنفخ بالون وينفجر من اضعف نقطة (اكتر نقطة زاد فيها الضغط)مع ان البالون كله من نفس الخامة والتخانة
واحيانا يكون فى ضعف فعلا فى جزء معين فى الماسورة بالرغم من انها مصنوعها كلها من خامة واحده بس ده بيكون بسبب الاكسدة (الصدأ) بيكون فى مكان معين حصل فيه نتوء صدأ وتاكل وبالتالى المكان ده تحديدا بيضعف
ولذلك دايما اى تاجر سلاح لو هيشترى مستعمل بيكشف على القطعة كويس للتأكد من خلوها من اى نتوء صدأ لانه بيبدأ صغير وممكن ما يكونش ملحوظ
وملحوظة كمان مش كل الاسلحة بتتصنع من صلب مقاوم للصدأ ف منها مقاوم للصدأ وفى منها غير مقاوم وانواع كتير بيكون الماسورة الداخلية مطلية بطبقة تيتانيوم لمقاومة الصدأ والاحتكاك ومع الوقت وكثرة الاستخدام بيروح جزء من الطلاء الداخلى للماسورة وممكن قوى يتعرض لنتوء صدأ ويضعف وده بيتوقف على جودة الطلاء وتخانته وطبعا المواصفات دى اللى بتميز بعض الشركات والماركات المشهورة وتقبل مرورى

رد: الماسوره فرقعت
 

بتهيقلى دى ضربت عيار غير عيارها او البندقية مقفولة من المصدر هههههههههههههه

رد: الماسوره فرقعت
 

رد: الماسوره فرقعت
 

البندقية خرطوش سواء عيار 16 او 12 ليس المهم ومن غير الطبيعى ان يكون سبب الانفجار كما قال احد اعضاء المنتدى انه وضع طلقة 12 بدل الطلقة ال16 فى الماسورة وتم الاطلاق واتحشرت الطلقة الاولى ثم انفجرت فى الثانيه وليس عيب فى التصنيع او بسبب الصدا فو انه عيب تصنيع لحدث شرخ طولى فى الماسورة ويكون طوله بقدر المسافة المعطوبة التى بها العيب ولو كان بسبب الصدا لتطاير الجزء الذى اصابة الصدا وتهرى بمعنى الماسورة تمزع
وسبب الانفجار الحقيقى احد امرين لا ثالث لهم الاول ان يكون اطلق طلقة من نفس عيار البندقية ولكنها باردة بمعنى البارود لم يتمكن من دفع الكاس البلاستيكى الحاضن للرش الى خارج الماسورة فانحشرت ثم تلتها طلقة ثانية والماسورة مسدودة فحدث الانفجار اما السبب الثانى فانه يكون اطلق بها طلقات رش ملتصقة بالشمع المصهور او انه اطلق طلقات رصاص slug مثل طلقة المسدس وليس رش وكانت الماسورة مركب عليها shoke خانق الرش وهو ضيق غير مخصص لتلك الطلقات وقد يكون السبب انه اطلق البندقية وفم الماسورة مقارب جدا لسطح الارض بمعنى ان الاطلاق كان خطا ولو انى استبعد هذا الاحتمال وجميع ماذكرته صحيح وسبق تجربته

رد: الماسوره فرقعت
 

تسلم ايدك بس انا خايف يعنى يطلع حد يقولك يمكن كانت مقفولة من المصدر زى ما حصل معايا
هههههههههههههههههههههه
تحياتى ليك

رد: الماسوره فرقعت
 

رد: الماسوره فرقعت
 

عيب صناعة فى المقام الاول لان البندقية د الله اعلم ريمنجتون يا اما تقليد

رد: الماسوره فرقعت
 

وفى نقطة تانية ان البندقيى ممكن تكون بتضرب طلقات ضغطها اقل من 36 مثلا وه ضرب عليها سبعين دة سبب تانى