|
عندما يعشق الكاليمارى 30 نوفمبر 2012
اخوانى الصيادين....
وخاصة صيادين النييل.... السنة دى لما النيل ادانا قفاة بدرى بدرى.....قررت اخصص الشتا دة لصيد تانى...بينى وبينكم بدأت بالبنادق ولكن كان حنينى لصيد السمك اكتر........ المهم استغليت اول رحلة وطلعت مع مجموعة صيد شط قبل الزعفرانة بكام كيلو... كنا اربع افراد ...وكان الصيد صيد شط....والتاريخ 30 نوفمبر 2012 وكانت اول رحلاتى لصيد الكاليمارى....اشتريت كام ربالة واتكلت على الله وروحنا وقت الصيد كان من 6 المغرب ل 6 الصبح........... والحمد لله ربنا كرمنى ب 8 حتت كاليمارى كان فيهم رزق حتتين لقطة او فار خطفتهم وجريت هههههههههه وسابتلى 6 الحمد لله كنت عامل حسابى بلبس غامق عشان الحبر وكمان مهم تطلع الكاليمارى على جنب ماتطلعوش فى وشك مباشر وتسيبة على الأرض كام ثانية يتف حبرة كلة وانت تبقى ف امان يا معلم صيد الكاليمارى ممتع جدا عوضنى شوية عن حب حياتى الريم محتاج صبر ولياقة كل شويى تحدف وتلم مرهق جدا بصراحة لكن فرحتة ممتعة.... اول ما روحت شبك معايا اتوبيس نهرى اعتقد مش اقل من اتنين كيلو لكن لقلة خبرتى راح منى ....واتعودت على اكلتة ومشى الحال الحمد لله مش محتاج تلج معاك خالص لو اصطدت الصبح بتشيل بطنة وتغسلة كويس وممكن يقعد معاك فى الشنطة من غير تلج ممكن لغاية الساعة 3 الضهر لو انت بطلت صيد 6 الصبح....لكن لو سبت بطنة فية ممكن يضرب ناس هتقولك هات ربالة يابانى ب 75 جنية وهيقولك دى احلا وامتن وبتجيب التايهه...........انسا الكلام دة كان معانا اتنين بيستخدموا ربالة يابانى وانا وواحد تانى صينى........... وكانت النتيجة انى جبت 8 حتت والشخص التانى 4 حتت واليابانيين واحد جاب6 وواحد جاب 4 استخدم ربالة قماش صينى وادعيلى ولما تشتريها غرقها امير عشان القماش بتاعة بيتقطع ههههههه صينى بقا....وخلى بالك صينى يابانى كلة لو شبك بيتقطع.... الطريقة تعمل غماز كبير وتحتة رصاصة حجم حباية العنب البناتى الطبيعى ومدور وبعدين تربط الربالة بتاعتك ويبقا بينها وبين المدور 50 سنتى.....وتحدف على قد ما تقدر اة نسيت فية مقاسات للربالا منها مثلا 3 و 3.5 و 4 و 4.5 و 5 انا اشتريت 3.5 و 4 كل ما تطلع فى الرقم بيبقا الرصاصة بتاعتها اتقل اللى هى تحت السمك وبيبقا مكتوب عليها المقاس.....والربالة اللى انا استخدمتها ظاهرة فى احدى الصور المرفقة الناس اللى كنت معاهم قالوا ان الموسم من شهر 11 ل 3 واعتقد ان دة ممكن بكون منفذ لصيادين النيل فى الشتا لما النيل يبخل عليينا وفنفس الوقت تكاليف الرحلة بسيطة ...لو حتى اربع صيادين أجروا عربية تروح معاهم تاكس او غيرة واقتسموا التكاليف هتبقى بسيطة انشاء الله......ويستمتعوا بوقتهم كان فية ناس تانيين طلعوا بعدنا ب اتنين كيلو ربنا رزقهم باحجام اكبر واحدة حوالى كيلو ونص وكيلوها وانصاص..... حبيت اشارككم الرحلة دى وخصوصا صيادين النيل اللى ممكن يتمتعوا زيى وبتكلفة بسيطة.......وخصوصا صيادين الريم لأنهم هيتمتعوا اوى فى صيد الكليمارى لأنة محتاج شخص صبور جدا وصيادين الريم معروفين بالصبر خالص تحياتى للجميع بصيد موفق و رحلات سعيدة طارق العباسى http://img407.imageshack.us/img407/7418/29112012612.jpg Uploaded with ImageShack.us http://img585.imageshack.us/img585/9736/29112012601.jpg Uploaded with ImageShack.us http://img221.imageshack.us/img221/6688/29112012600.jpg Uploaded with ImageShack.us http://img9.imageshack.us/img9/9553/29112012611.jpg Uploaded with ImageShack.us http://img825.imageshack.us/img825/3531/30112012616.jpg Uploaded with ImageShack.us |
رد: عندما يعشق الكاليمارى 30 نوفمبر 2012
ماشاء الله
رائع يا باشا الله ينور ويزيدك كمان وكمان |
رد: عندما يعشق الكاليمارى 30 نوفمبر 2012
مجهود رائع من عاشف للصيد ..بالتوفييق
|
رد: عندما يعشق الكاليمارى 30 نوفمبر 2012
تصدق ماكنتش أعرف ان عندنا في مصر حاجة زي كده :D v تسلم على المشاركة يا باشا وبالتوفيق دايما |
رد: عندما يعشق الكاليمارى 30 نوفمبر 2012
ما شاء الله اول مره اعرف موضوع صيد الكاليمارى تسلم ايدك وبالف هنا وشفا
|
رد: عندما يعشق الكاليمارى 30 نوفمبر 2012
اقتباس:
اقتباس:
اقتباس:
|
رد: عندما يعشق الكاليمارى 30 نوفمبر 2012
بسم الله ما شاء الله . ربنا يبارك و يزيد
|
رد: عندما يعشق الكاليمارى 30 نوفمبر 2012
اقتباس:
خالص تحياتى وارق امنياتى |
رد: عندما يعشق الكاليمارى 30 نوفمبر 2012
تسلم يا ابو طارق يانجم
على فكره ياجماعه الراجل ده طلع جارى ساكن جنبى بشارع واحد وهو قمه فى الاحترام و الزوق |
رد: عندما يعشق الكاليمارى 30 نوفمبر 2012
اقتباس:
|
رد: عندما يعشق الكاليمارى 30 نوفمبر 2012
اقتباس:
|
رد: عندما يعشق الكاليمارى 30 نوفمبر 2012
تسلم إيدك يا كبير وبالف هنا و شفا
|
رد: عندما يعشق الكاليمارى 30 نوفمبر 2012
اقتباس:
|
رد: عندما يعشق الكاليمارى 30 نوفمبر 2012
تسلم ايدك وبالهنا والشفا
|
رد: عندما يعشق الكاليمارى 30 نوفمبر 2012
اقتباس:
|
رد: عندما يعشق الكاليمارى 30 نوفمبر 2012
ماشاء الله
|
رد: عندما يعشق الكاليمارى 30 نوفمبر 2012
ما شاء الله
ربنا يزيك يا استاذ طارق والله افدتنى بالمعلومات دى لانى اول مرة اعرف حاجة عن الكاليمارى ده واول مرة اشوفه وكمان بيتم صيده من النيل :) بالف هنا وشفا يا طارق باشا :) وتسلم على الموضوع الجميل |
رد: عندما يعشق الكاليمارى 30 نوفمبر 2012
اقتباس:
اقرا الموضوع كويس يا عم اسلام ماتضحكش علينا الألمان لو بنصطاد كاليمارى من النيل يبقا ممكن نصطاد يمام من جوة الغسالة ههههه:rir::rir::rir::rir: |
| الساعة الآن 07:02 PM |
Powered by vBulletin® Copyright ©2000 - 2026, Jelsoft Enterprises Ltd. TranZ By
Almuhajir