|
المسافه _ والصيد
اخوانى الاعزاء انا بطرح عليكم موضوع للمناقشه وبخص بيه اساتذتنا فى المنتدى يعنى الناس الجامدين اوى وهذا الموضوع يتناول شقين اولا المسافه المناسبه لظبط النشينكاه سواء عادى او بالمنظار والشق الاخر وهو الاهم امتى اتربص بالطير امتى اضربه على اى مسافه لان معظم الناس اما بتقرب منه اوى فبيطير او بتضربه من بعيد اوى فتخطأ الاصابه وهل كل طائر بيضرب من على نفس المسافه ولو كان فى مجموعه طير على الارض ازاى اتعامل معاها وانهى طير اختار ولو كانوا على بناء او سلك او فى الماء وهل قوه السلاح بتفرق يلا يا اعضائنا الكرام شاركونا بخبراتكم وانا هرد عليكم فى الاخر خالص بعد ما استمتع بتجاربكم ونصائحكم
|
رد: المسافه _ والصيد
استاذنا العزيز لك مني كل التحية بخصوص هذا الموضوع اقول لك من خلال تجربتي الشخصية في الصيد المسافة المناسبة لضبط النشان من 10 ال 15 متر اما عن افضل طرق اقتناص الصيد هو الزاوية المناسبة يعني لو فيه طير وهنشن عليه من امامه او خلفه تكون نسبة الأصابة ضعيفة اما عند الصيد من الجنب تكون امكانية الأصابة عالية لأن اغلب جسمه يكون في مدي الرماية وتقبل تحياتي استاذنا العزيز
|
رد: المسافه _ والصيد
اقتباس:
انا شايف ان انسب مسافة لظبط النيشان هى متوسط المسافة الى الواحد بيكون موجود فية الطرائد يعنى انا بصطاد بين الشجر والجناين يعنى المسافة بين 20 الى 30 متر مثلا يبقى اظبط النيشان على 25 لو الطير قريب اوى انزل النيشان لو بعيد عن 30 بكتير ارفع النيشان اليمام لو انتا ماشى جنبة مش هيطير هيطير لو بس وقفت مرة واحدة انا بتمشى لو شوفت فرد يمام بفضل ماشى لحد ملاقى مكان كويس استخبا فية واضرب بخصوص القوة مطلوبة بس اهم حاجة الدقة ودى لاقيتها فى البى اس اهم حاجة ان الواحد يكون عندة ظبط نفس يعنى لو الصياد مثلا شاف يمام بس لو ضربها تقع فى منطقة مش هيعرف يجيبها يبقى ميضربهاش علشان دة بيكون ظلم وافتراء لازم الصياد يحترم فريستة وعلشان الصيد مش زى الرماية ممكن تكون اليمامة قدامك وانتا معاك بندقية مدفع وتنشن صح 100% وتضرب ومتجيش لسبب واحد ان ربنا مش كاتبلها انا تموت |
رد: المسافه _ والصيد
اقتباس:
1- شركة b s a العملاقة بتضبت علي مسافة 25 ياردة 2- شركة diana العملاقة نتضبت علي مسافة 25 متر 3- شركة gamo الاكثر مبيعا في العالم بتضيت علي 20 متر 4- شركة norica بتضبت علي مافة 25 متر وعندما نحلل الاختلاف يتضح لنا ان قوة البندقية هي الاتي تحدد مسافة الضبط وايضا من العوامل التي تدخل في ضبط المسافة هي نوعية ووزن المقذوف فضبط البندقية علي مفذوف خفيف الوزن يختلف اختلاف كلي وجزئي عن الوزن الاثقل .... اما المسافة من وجهة نظري الشخصية قابلة للصواب او الخطأ هي 25 متر وذلك لوصول سرعة المقذوف الي السرعة المثالية القاتلة .... اوامر يا باشا |
رد: المسافه _ والصيد
اقتباس:
1- ازاى نظبط الشنكان والمنظار: انا هاقول النشكان وفقط لانى ما ركبتش منظار قبل كده وده مش محتاج مسافه معينه فقط انك بتشوف اصغر حاجه عندك ممكن تمثلك الطير وتضعها على مسافه تكون فيها الرؤيه واضحه وتحط عينك فى النشنكان على الظبطه الصح(سن نمله الدبانه مكمل لفتحه الشيز) وبعدين تضرب هاتلاقى الرشه جت يمين او شمال او فوق وتحت تبدا تظبط بس ما تثبتش البندقيه بحجه انك لازم تبقى صح لان اكيد ايدك هاتتحرك فى اى ضربه ولازم تكون حركه ايدك متوازنه مع ظبطه نشنكان بندقيتك انا مش عارف افهمها لحضراتكم ازاى بس ما دام اصبت الهدف 3 مرات متتاليه بنفس ظبطه النشنكان يبقى هو كده بونو وصحيح النشنكان مش زى التليسكوب محتاج مسافه معينه لانه اصلا المسافه الراسيه بينه وبين ماسوره البندقيه ما تتعداش ال2 سم فعادى حكايه المسافات ديه 2- ازاى نتربص بالطير ونصطاده وايه المسافه: لو بنصطاد فى صحرا او بمعنى اصح منطقه قليله المبانى يبقى لازم نضرب من بعيده شويه يعنى بالقليل مسافه 20 متر بينك وبين الطير وبلاش نبالغ فى المسافات لان اقصى مسافه تجيبها بندقيه رش هى 100 متر على حد علمى ولو نقدر نستخبى او نموه نفسنا حسب طبيعه الارض والبيئه يبقى تمام اوى وكمان لو شوفت طير ولقيته مش مديك اى انتباه وبيمشى عادى(خاصه اليمام) اعرف ان اليمامه ديه مش معاك اصلا ومش شايفاك فقرب منها لحد لما تحس انها بدات تقلق(تقف وترفع رقبتها وتبصلك) اما بقى لحد زى حالاتى بيصطاد فى المدن فاهم شئ عينيا واكون شديد الملاحظه والهدوء طبعا غير انك لازم تعرف طبيعه الطير اللى هاتصطاده وتعرف هو بيلاحظ ايه اوى وكده 3- قوه السلاح اللازمه: بصراحه انا بفضل القوه المتوسطه للطيور معظمها لان البندقيه بتبقى هاديه وصوتها واطى ورد فعلها مقبول ده غير انها مش بتكسر الطير وزى ما قلت اقصى مسافه 100 متر فمش محتاج اقوى من كده والصياد باى سلاح هايقدر يصطاد الفريسه حتى لو ب(طوبه) 4- انهى طير نصطاده: انهى طير من جميع الطيور طبعا الطير الذى يؤكل وتقدر توصله بعد ما تصطاده علشان ما يبقاش حرام اننا موتناه وخلاص اما بالنسبه لانهى طير من نوع معين فاكيد الاصغر حجما والانثى علشان الطيور الباقيه تحس بالخطر على الصغار فتحاول تنقذهم ظنا منهم انهم هايقدرو ولو فيه تجمع طيور امامك وعاوز تصطاد منه كتير انزل ع الارض واصطاد بوضع افقى مش علشان تجيب عدد اكبر من الطيور بطلقه واحده وبس لا علشان الطيور ما تلاحظكش فترجع تانى وبصراحه انا فى عقلى حاجات اكتر واكتر بس مفيش متسع اننا نشرح كل حاجه فى تعليق واحد ونستنى بقيه الاعضاء علشان يفيدونا بخبراتهم وشكرا ع الموضوع المفيد ده |
رد: المسافه _ والصيد
السلام عليكم
أشكرك سيادة المستشار على هذا الموضوع المفيد والذى نتمنى أن تكون كل الموضوعات بهذا الشكل الرائع بالنسبة لمسافة ضبط النيشان: أن فى رأى ان افضل مسافىة للضبط من 10 - 20 متر وهذه المسافة تكفى للصيد على مسافة 40 متر تقريبا مع الحفاظ على الدقة فى المسافات القريبة وفى حالة ضبط النيشان على مسافة أكبر سوف يحدث أمرين اما أن يفقد الاهداف القريبة جدا أو يجد أختلاف فى عملية النيشان على الصيد المنخفض والصيد المرتفع وهذا يرجع الى أختلاف خط البصر مع مسار الرشة وزاوية الأنحراف ولكن يمكن أن نقول أن عملية الضبط هى عملية نسبية تختلف حسب الصياد والبندقية الرش التى يستخدمها أفضل مسافة للصيد : مما لا شك فية أن المسافة تحدد حسب نوع الطير والبيئة المتواجد بها ولكن يمكن أن نعطى مثال بسيط أذا وجدت القمرى فى داخل الشجر فيمكن أصطيادة من على مسافة 15 متر تقريبا ولكن أن وجد فى أرض صحراوية مفتوحة فيجب ألا تقل المسافة عن 30 - 40 متر تقريبا لأنه فى هذه الحالة يكون الصياد مكشوف تماما كيف تختار الصيد المناسب : هذا الامر يرجع الى وضعية الطير فيجب دائما أختيار الطير الظاهر منه الجزأ المؤثر حتى لو كان على مسافة ابعد قليلا من طير أخر تظهر منه منطقة غير مؤثرة بمعنى أن الأفضل اختيار الطير الذى يواجه الصياد بصدره أو رأسة حتى لو كان أبعد قليلا من طير يواجهه الصياد بمنطقة أخرى غير مؤثرة مثل الظهر و أيضا يمكن أختيار الطير الابعد قليلا أذا كان فى حالة ثبات و كان الطير القريب فى حالة الحركة السريعة و كل هذا يرجع الى فهم الصياد لطبيعة الطير و تقدير المسافات وشكرا |
رد: المسافه _ والصيد
اقتباس:
لك منى التحيه |
رد: المسافه _ والصيد
أحب أن أنوه أني لا اصطاد بالبنادق ولكن بمسدس جامو p 800 دقة تصويبه وقوته المثلى على مسافة 25 متر
يعني مثلا لو أنت في بلكونة وأمامك شارع عمومي رايح جاي أقصد طريق سيارات رايح وطريق جاي وبينهما رصيف وسدد هدفك من البلكونة على كانز بيبسي ستسمع طرقعة الكانز إن لم يقع من قوة الضربه وهذه المسافة المذكورة تساوي تقريبا 50 متر إن لم تكن أكثر أما إذا وضعت الكانز على بعد 10 متر فستصيبه الرشه نمرة واحد وستترك أثر علامه على الكانز ولن تخترقه أما إذا كان الهدف على بعد 10 متر وهو عبارة عن علبة زبادي فارغة فمن الأكيد أن تخترقها الرشة نمرة واحد وهذا عن تجربة بمسدس الرش نمرة واحد. اما البنادق فقد قرأت في موضوع ما هنا في المنتدى لا أتذكره أن الرش رقم 2 بالبندقية أقوى في الأختراق أو بمعنى أصح القوة ولكن بطيء السرعة أما نمرة 1 فهو سريع وتجربتي له كانت على المسدس كما ذكرت وليس بندقية. |
رد: المسافه _ والصيد
أنا أحب الصيد بالمزارع من على الاشجار ,من على مسافة 20 متر تقريبا, وطريقتى لاتختلف كثيرا عن صيد السمك,بمعنى أنى أحدد شجرة, يمكن أن أموه نفسى اسفلها كويس جدا, وفى نفس الوقت تكون هذه الشجرة مليئة بالطيور {يمام و عصافير},مما يعطينى إنطباع, على أن هذه الشجره, مبيت لهذه الطيور, أنتظر إلى ما قبل المغرب بساعة, ثم أبدء فى تهيئة المكان ,و الجلوس دون حركة .ياتى اليمام أفواج للمبيت, وتبدء المجزرة ,بالرمسيس نمره 1 المعدلة كله مقفول بإذن الله, ممكن تأخذ 15 أو 20 يمامة ,فى ربع ساعة قبل المغرب, ولو معك كشاف قوى ,يبقى حتخلص على يمام الشجرة دى .......غير مخصص للنشر ......لكن عشان خاطر الاعضاء الكرام ....أنشر .....د/محمد كمال.... عاشق الرمسيس 1
|
رد: المسافه _ والصيد
السلام عليكم ورحمة اللة
مساء الفل على احسن صيادين فى مصر معلش يا جماعة انا لى سؤال بسيط هو كيفية حساب الصيادين لمسافة اليمامة او الطائر عموما لانى اعتقد ان المسافات المذكورة ممكن تكون مبالغ فيها شوية لان مثلا لو انا بضرب يمامة واقفة على سطح عمارة فى الدور الخامس او السادس والدور الواحد تقريبا ارتفاعة 3 متر يبقى المسافة تقريبا حوالى من 15 الى 18 متر واعتقد ان يمامة على سطح الخامس او السادس هتبقى متشافة بالعافية يبقى الي يصيب يمامة من على مسافة 20 25 متر يبقى نشانجى صحيح فا انا مش عارف رأيكم اية فى المسافات التى تذكر ان حد اصطاد يمامة على مسافة 40 و50 متر وسعات بتوصل ل80 متر مدى صحتها اية وانا لا اقصد الكلام عن هذا الموضوع فقط ولاكن المواضيع عموما فى المنتدى كلة وانا لا اقصد التشكيك فى مصداقية الكلام المقال من الصيادين ولكن تدقيق المسافات والتأكد منها اولا وشكراا |
رد: المسافه _ والصيد
عندك حق مش كل صياد معاة متر بيقيس بية المسافات المزكورة بتبقى تقديرية وتقبل مرورىواحيانا مبالغ فيها.
|
رد: المسافه _ والصيد
أنا أحب الصيد بالمزارع من على الاشجار ,من على مسافة 20 متر تقريبا, وطريقتى لاتختلف كثيرا عن صيد السمك,بمعنى أنى أحدد شجرة, يمكن أن أموه نفسى اسفلها كويس جدا, وفى نفس الوقت تكون هذه الشجرة مليئة بالطيور {يمام و عصافير},مما يعطينى إنطباع, على أن هذه الشجره, مبيت لهذه الطيور, أنتظر إلى ما قبل المغرب بساعة, ثم أبدء فى تهيئة المكان ,و الجلوس دون حركة .ياتى اليمام أفواج للمبيت, وتبدء المجزرة ,بالرمسيس نمره 1 المعدلة كله مقفول بإذن الله, ممكن تأخذ 15 أو 20 يمامة ,فى ربع ساعة قبل المغرب, ولو معك كشاف قوى ,يبقى حتخلص على يمام الشجرة دى .......غير مخصص للنشر ......لكن عشان خاطر الاعضاء الكرام ....أنشر .....د/محمد كمال.... عاشق الرمسيس 1
__________________ الأستاذ الدكتور محمد كمال أحب ان أدلك على كشاف معدني أسطواني جميل به 9 لمبات إضاءة بيضاء قويه ليس له مثيل في الأضاءة والرؤيه على فكرة جربته في الشبورة وتمنه في ميدان رمسيس 7.50 جنيه هتلاقيه عند محلات السلاح ومحلات مشهورة لاداعي لذكر أساميها بمبلغ وقدره أخر سعر سمعته أنه ب 45 جنيه ورفيع السمك ولمبه واحده مش عارف فرق التمن ده رايح فين عشان مثلا صنع الماني معرفش انا معرفش اصلا بلد صنع أبو 45 جنيه من أين ولكن أبو 7.50 جنيه هيأدي معاك الغرض قفيز من عند أي موان 3/4 بوصه أكبر من أفيز الأنبوبه وأربطه في البندقية وأقتحم وكر اليمام ليلا وسأرفع صور الكشاف حالا[img][/img] |
رد: المسافه _ والصيد
وها هو كشاف الأقتحام الليلي لأوكار اليمام;)
|
رد: المسافه _ والصيد
اقتباس:
|
رد: المسافه _ والصيد
الصيد تكيف مع السلاح والبيئه والطريده وتقدير المسافه بيكون من خلال الخبره والحنكه والتجربه ومسافه 18 او 20 متر دى مسافه تظبيط نيشان اصلا مش نهايه مسافه الصيد وواقع الحياه العملى بيقول ان احنا بنصطاد على مسافه تصل الى 60 متر وده كان يوم الجمعه الماضيه بشهاده الاستاذ اسامه فتحى والاستاذ اشرف باهى بواسطه القناصه الاير كينج واللى شاف غير اللى حلم والصيد ليه ناسه وناسه مبيشلوش متر معاهم
|
رد: المسافه _ والصيد
يوضع له ثلاث بطاريات مقاس aaa أو بمعنى أصح 3 بطارية ريموت في الصورة الأولى من اليمين مشغل أما باقي الصور فهو مطفىء لم أستطيع تصويره وأضائته موجهه للكاميرا
بالنسبه للمسافات التقديرية إذا كانت فريستك على شجرة وأنت تريد أصطيادها فاقترب بحذر حتى تراها في مرمى هدفك وصوب وسدد أما إذا كانت على سطوح عماره من خمس أدوار تستطيع أن تطيح بها وهذا يعتمد على قدرتك للتصويب حاملا البندقيه ونظرك لأعلى فهي عملية مرهقة أما إذا كانت نفس الخمس أدوار وأنت مرتكز ونظرك للأمام لن تجد صعوبة حمل البندقية ونظرك للأمام وليس لأعلى بمعنى أعتبر العمارة نايمة على الأرض والخمس أدوار أمامك هتلاقي عملية التصويب سهلة قاعد ومرتكز وبتصوب للأمام أم أنك تقف تحت عمارة وتبص لفوق ملهاش حل يعني ممكن لو أنت قدرتك وبدنك مساعدين هتجيب الهدف إنما قلوها في الأمثال اللي يبص لفوق يتعب بلاش ركز في طيارة مثلا مدة 2 دقيقة نظرك هيتعب من التركيز أما لوركزت على عربية في طريق سريع أدامك مفيش مشاكل كأنك متابع متش كورة فهمت النظرية التقدير للمسافه بيبقى أمتار تقريبيه أما مكان الفريسه ده شيء تاني طلوع السلم متعب مثلا عن النزول وأرجوا في النهاية أني أكون أفدت أخواني في المنتدى. |
رد: المسافه _ والصيد
أيه ده هوه أنا لسه صاحي أنا عمال أكتب و الأساتذه ردوا بسرعه ديه مسابقة في أسرع رد ولا أيه على فكرة موضوع شيق جدا جدا لأنه مش زي ما بيقولوا في الجون لا ده في مرمى الهدف.
|
رد: المسافه _ والصيد
الخبرة كما يقول الأساتذه الكرام في أي مجال مطلوبه فهي بعنى اخر عبارة عن كبسولة فيها معلومات سنين وتجارب قرون من الزمن فلن تكتسبها بسهولة في ملعقة من ذهب أو من أول طلعه للصيد فليس من العيب أن تأتي بعلبة كبريت وتضعها على الأرض أو تعلقها وتصوب ناحيتها فأنت بذلك تتعلم وتكتسب خبرة النشان وتتعلم من أخطأك في التصويب وتصحح مرماك وفي النهايه ليس أنت من رميت ولكن الله عز وجل وفقك في التصويب وحذار أن تجعل الطيور هدفا لتعلم الرمايه فهو محرم لحديث عن الرسول صلى الله عليه وسلم, بسم الله الرحمن الرحيم (وما رميت إذ رميت ولكن الله رمى) صدق الله العظيم
|
رد: المسافه _ والصيد
اقتباس:
|
رد: المسافه _ والصيد
اذن المجال مفتوح لكل من تخيل مسافة دون تدقيق
|
رد: المسافه _ والصيد
اقتباس:
|
رد: المسافه _ والصيد
استاذ شادى السلام عليكم حاول تعيد قراءاه عنوان الموضوع
|
رد: المسافه _ والصيد
اقتباس:
|
رد: المسافه _ والصيد
اقتباس:
|
رد: المسافه _ والصيد
ايوه تمام ياباشا ياريت حضرتك تعمل موضوع كامل عن المصابيح المستخدمه فى الصيد مدعمه بالصور ونكون شاكرين لحضرتك
|
| الساعة الآن 10:24 AM |
Powered by vBulletin® Copyright ©2000 - 2026, Jelsoft Enterprises Ltd. TranZ By
Almuhajir