|
اية الحل دلوقتى
اصحابى واخواتى فى المنتدى
عايز اخد رايكم فى اعتداء حصل على شقة خالتى هى ساكنة اصلان فى سفير مصر الجديدة بس كانت جايبة لابنها شقة فى مدينة بدر من قبل الثورة بكتير وابنها دة اصلان خلاص اتجوز وبيشتغل فى الكويت يعنى مش محتاج للشقة اللى فى بدر دية المهم هى كانت بتقول انها عايزة تبيعها وعلى هذا الاساس راحت من يومين للشقة اللى فى مدينة بدر لقيت يافطة موجودة على باب الشقة باسم حد وخبطت على الباب بتقول لقيت ست كبيرة فتحتلها فاستغربت خالتى وقالتلها دية شقتى واية اللى جابك هنا بصيت لقت راجل كبير برضة راح كلمها وقالها ادخلى عشان نتفاهم المهم مشيت على طول هى وابنها الصغير دة غير اللى فى الكويت وراحت عملت محضر فى قسم بدر فانا عايز اعرف ازاى تقدر ترجع شقتها تانى يعنى اية الاجراءات السريعة اللى بتحصل وشكرا لتفاعلكم معايا مقدما |
رد: اية الحل دلوقتى
لا حول ولا قوة الا بالله ... أنا شايف تلحق بسرعة تكلم محامي يقولك ايه اللي يتعمل
مع إني مش شايف في مشكلة ان خالة حضرتك كانت تفهم منهم عازين يقولوا ايه يمكن يكون منصوب عليهم هما كمان وحد باعلهم الشقة على إنها بتاعته .... بتحصل |
رد: اية الحل دلوقتى
هو فعلان زى ما انتا بتقول كدة لانها لما راحت القسم وحكت للضابط على الناس اللى شفتهم موجودين فى الشقة قالها ان دول واضح انهم اسرة وحد ضحك عليهم واتنصب عليهم
طب لو الموضوع هيمشى بعيد عن القانون والقضاء شوية لان القانون فى الحالات دية حبالة طويلة يعنى انا بعد ما كتبت الموضوع دة من شوية رحت اتصلت بيها سمعتها عمالة تعيط بتقولى متعرفش حد من اصحابك تروحوا تطلعوهم فانا جاتلى فكرة انى انزل على المطرية او عين شمس واقبضهم هناك مبلغ حلو كدة ويروحوا معانا وهما بقة ليهم اسلوبهم او نبقى نروح قسم شرطة بدر ويتم الاتفاق مع امناء المباحث ونديهم مبلغ حلو كدة وهما ليهم اسلوبهم ويخوفوهم مش عارف بقة اية هو الحل الامثل |
رد: اية الحل دلوقتى
وعلى فكرة هى قالتلى انها ممكن تدفع لغايت 5000 الاف جنية لاى حد يقدر يطلع الناس دية سواء امناء مباحث او مجموعة من البلطجية يتم الاتفاق معاهم
|
رد: اية الحل دلوقتى
بص يابوب اولا لازم تعرف انهم مش هايطلعو الا بالقوة وانتا صاحب حق فانتو تتفاهمو معاهم طلعو كان بها لكن اوعا يبتذوكم ويطلبو خلو اوحاجة حتى لو منصوب عليهم انتا مالكش دعوة
|
رد: اية الحل دلوقتى
طب اتصل بيا يا جميل 01005275730
|
رد: اية الحل دلوقتى
قصدك يطلبوا مبلغ علشان يطلعوا تحت مسمى خلو رجل
صح طب مدام الموضوع كدة يبقى نشوف بقة مجموعة من البلطجية فى عين شمس او المطرية بس انا عايز اسال سوال كمان انهو احسن بالنسبة للناس اللى فى الشقة دية نتفق مع امناء مباحث فى قسم شرطة بدر ولا بلطجية |
رد: اية الحل دلوقتى
اقتباس:
|
رد: اية الحل دلوقتى
بلطجية ايه بس وأمناء شرطة ايه ... طيب ماتقعدوا مع الناس دي الأول وتعرفوا منهم قصتهم ايه
وأكيد الصورة هتختلف ... وانت بتقول ناس سنهم كبير يعني حرام ترعبوهم أياً كان ولو منصوب عليهم فعلاً ... انتومالكوش دعوة ... تاخدوها بالذوق بالعافية بس أنا رأيي ... لازم تقعدوا معاهم الأول مادام أبدوا نية للتفاهم يمكن كلامهم يساعدكم بمعلومة ولا تتحل المشكلة من أساسها ... الله أعلم |
رد: اية الحل دلوقتى
طب انتا من وجهة نظرك انهى الاكثر رعبا فى نفوسهم ويخليهم يطلعوا على طول من الشقة من غير اى تردد
اجبلهم شوية بلطجية ولا نتفق مع امناء المباحث |
رد: اية الحل دلوقتى
لكن موضوع خلو الرجل ده استحالة طبعاااا ... انتو مالكمش دعوة بالنصباية اللي حصلت
|
رد: اية الحل دلوقتى
مهو يا عبد الرحمن لو قعدنا معاهم ومطلعناش بنتيجة
يبقى طبعا فى الحالة دية لازم بلطجية او امناء مباحث فعشان بس الوقت وننجز فى الموضوع دة انا راى من الاول كدة يبقى فى الموضوع بلطجية او امناء |
رد: اية الحل دلوقتى
انا ليا وجهه نظر الشقه وكل ورقها معاكم صح
يبقى تروح تقطع عنهم الميه والنور بطلبتا ويا سلام لو 50 جنيه لاى موظف هيشيل العداد خدمه ليك حاول تتفاوض معاهم بالحسنى اولا وفهمهم ان سهل جدا انك تمشيهم حتى لو هتولع فى الشقه وبعدين انت بتقول انهم اسرة يعنى مش شويه عيال بلطجيه يعنى هيلمو الدور ونصيحه ليك لو الشقه هتتساب فاضيه فترة طويله اجرها قانون جديد حتى لو بسعر بخس بس وجود ساكن فى الشقه بيحافظ عليها وربنا يوفقك للصالح |
رد: اية الحل دلوقتى
طيب ... لما تقعدوا معاهم وماتلاقوش نتيجة ابقى اعمل اللي انت بتقول عليه
رأيي بس إنك تستوضح الأمر الأول ... لقيت الكلام بالذوق مش هينفع وبيدخلوك في متاهات ووجع قلب قولهم طيب حسبنا الله ونعم الوكيل وأنا الصبح هعمل محضر "ترقيد يعني عشان مايأخذوش أي احتياط" وروح يا معلم هات رجالتك وأفضل يكونوا من الشرطة وربنا يوفقك .. ويسترها معاك |
رد: اية الحل دلوقتى
هى الشقة بتاعت خالتى مش بتاعتنا
ثانيا الورق موجود وكل حاجة يا باشا وتمام التمام وعلى فكرة معلومة ان يتقطع عنهم المية والنور دية فكرة حلوة اوى اوى ومكنتش اعرفها الحقيقة بس ازاى يتقطع عنهم المية والنور يعنى اروح فين عشان يتم قطع المية والنور عنهم وهل اقدم اوراق الشقة فى اى جهة تخص الشقة فى الاعتبار انها فى مدينة بدر |
رد: اية الحل دلوقتى
اقتباس:
وعلى فكرة انت ممكن تشيل فيوز الكهربا الخاص بالشقه وتقفل محبس الميه واديها رخامه اقولك كمان احشر حاجه فى الكالون بالبلدى تقرفهم :punnch: |
رد: اية الحل دلوقتى
يا سيدي الفاضل ,,, اولا خالته سيادتك تطلع علي قسم الشرطه التابع ليه المكان وتقوم بعمل محضر تعدي علي ملكيه خاصه وتقدم الاوراق التي تثبت احقيتها في هذه الملكيه و ترفق بالمحضر وعليه يقوم وكيل النيابه باستدعاء واضعي اليد علي الملكييه عن طريق المباحث وهنا يوجد طريقين .... الاول يكون من باع الشقه باعها لأتنين وعلي اساسها تقوم النيابه بعمل تحريات عن طريق التسجيل في الشهر العقاري او المحكمه الاداريه الصادر عنها صحه التوقيع اذا كان قام احد الطرفين باي الخطوتين واذا ثبت احداها فانها تؤل اليه الشقه ...ز ثانيا اذا لم يثبت احدي الاتنين علي العقدين وكلاهما صحيح يطلب صاحب الملكيه الاصلي لأثبات رايه واذا تعثر ذلك فيجب اللجوء للقضاء علي اثاث يبقي الوضع كما هوا عليه .... والله اعلم
|
رد: اية الحل دلوقتى
اقتباس:
وبعدين موضوع البلطجية دا اخر حاجة ...أمناء الشرطة هتقولهم تطلعولها ليكم كذا |
رد: اية الحل دلوقتى
اخى الكريم فى حل قانونى وقاتل هشرح ليك الحل وحسب ظروف الوضع شوف ينطبق على مين سواء خالتك وزجها او ابنها وزوجته تمكين من شقه الزوجية القانون المصرى اعطى حق التمكين من شقه الزوجيه للزوج او الزوجه الحاضنه للصغار على فرض الحل عن طريق ابن خالتك زوجته تعمل محضر فى قسم الشرطه التابع لها الشقه وتقول ان زوجها قام بطردها من العين الكائنه فى -------- وان هذه العين هيه سكن الزوجيه وترغب فى تمكنها من الشقه دون تعرض الغير لها وتسير فى الاجراءات خلال شهر هتحصل على قرار من نيابه الاسره بتمكنها من العين وينفذ القرار ويتم طرد اى شخص مهما ان كان مهما ان كان من الشقه اعرض الفكره دى على محامى وهو هيفهم |
رد: اية الحل دلوقتى
أنا شايف موضوع البلطجية ده ملوش لزمة واحتمال كبير يتقلب الحق عليك مش ليك يعني لو الناس اللي في الشقة دول محترمين ودفعوا فلوس لصاحبها بس اتضحك عليهم هيبقى شكلك ساعتها ان انت المعتدي ولو اللي ف الشقة بلطجية هيبقى الموضوع دم للركب أنا لو منك أكلم محامي فاهم وفهلوي يقول لك تعمل ايه بالظبط ممكن يجيبها لك بالقانون وممكن يقطع عنهم مية ونور بالقانون برضو المحامين الخبرة يعرفوا يصرفوها لك تمام وتبقى انت في السليم وشقتك ترجع لك وربنا يرجع الحق لصحابه ويخلصنا من ولاد الحرام |
رد: اية الحل دلوقتى
اقتباس:
+1 تمام يا أستاذ ياقوت أهو حاجة زي كده اللي بتكلم فيها، والمحامين ليهم طرقهم |
رد: اية الحل دلوقتى
اقتباس:
|
رد: اية الحل دلوقتى
انا شاكر لكل واحد فيكم رد على وافادنى بالنصيحة والاراء الصحيحة والموجزة
اشكركم جدا جدا جدا بس انا عايز بقة اءقولكم على اللى حصل النهاردة وتقوليلى يبقى لازم نستخدم القوة والعنف مع الناس الزبالة دول ولا اية الحل النهاردة رحت انا وابن خالتى واخدنا البواب بتاع العمارة بتاعت خالتى وهى كمان معانا ورحنا هناك ودخلنا عشان نتفاهم معاهم لان امبارح فية عضو كريم على المنتدى هنا لفت نظرى لموضوع التفاهم دة المهم والله اول ما دخلنا وقعدنا استقبلتنا ست كبيرة كدة بس واضح انها بيئة اوى فى كلامها وطلعت لينا كمان اتنين ستات يعنى الثلاث ستات دول فى سن مثلا 52 53 كدة يعنى ومعاهم راجل عجوز اديلة 60 سنة كدة المهم قاعدين يشتموا ويسبوا واحنا مش هنطلع من الشقة واعملوا اللى انتوا عايزين تعملوة و راحت واحدة منهم دخلت تجرى على جوة وطلعت ومعاها عقد ايجار وبتورهولنا على اساس انهم اصحاب حق يعنى واعلى ما فى خيلكم اركبوة المهم بعد ما نزلنا رحنا بنسال بتاع فاكهة اسمة الحاج وهبة وقولنالو على اللى حصل قالنا ان الناس اللى فى شقتكم دول جم من حوالى 3 شهور كدة وكسورا باب الشقة وقعدوا فيها وانهم اصلان من حتة اسمها اسبيكو فى مدينة السلام المهم دلوقتى انا عايز اخد رايكم احبابى واصحابى واخواتى فى المنتدى هل بقة فعلان لازم يشوفوا العين الحمرا ويضرب عليهم نار فى الشقة من بلطجية مثلا لان واضح ان القانون هياخد وقت برضة افيدونى يا اصحابى |
رد: اية الحل دلوقتى
ما احترامي لكل الردود الي فاتت
انت تجيب شوية بلطجية يخرجوا الناس دي عافية ويرموا كل حاجتهم بره الشقة وتقفلها كويس اوي ويا تبيعها علي طول يا اما تاجرها ده الحل والخلاصة بدون شرطة او قواضي علشان تخلص نفسك بدام الشقة بتاعتك واوراقك سليمة ومحدش يقدر يلومك في الي هتعمله بدام ده ملكك |
رد: اية الحل دلوقتى
اقتباس:
|
رد: اية الحل دلوقتى
اقتباس:
انت من الاخر تشوف محامي صايع وهوا هايتصرف مالكش دعوه بحاجه خالص علشان نار مع ناس من السلام مش هياكل شوف محامي هيظبطلك الدنيا |
رد: اية الحل دلوقتى
اقتباس:
(يبقى انت اكيد اكيد في مصر) |
رد: اية الحل دلوقتى
اقتباس:
|
| الساعة الآن 12:11 PM |
Powered by vBulletin® Copyright ©2000 - 2026, Jelsoft Enterprises Ltd. TranZ By
Almuhajir