مسدس ريتاي مسروق
 

الساده الافاضل اعضاء المنتدي,
ارجو ابلاغكم بانني تعرضت للسرقه.... فقد سرق مني مسدس ريتاي بارون الاصدار القديم ( الدبشك المرسوم عليه شعار ريتاي و الزناد العريض ) لونه اسود و هو مسدس جديد تماما لم يطلق ايه طلقه . وقد ارفقت صوره للبطاقه الملصقه علي العلبه ومبين بها الرقم المسلسل للمسدس وهو 44743
ولانني اثق تمام الثقه في امانه الاعضاء و شرفهم فأنني ارجو منكم التعامل مع من يعرض عليكم هذا المسدس بما يرضي الله و يرضي ضمائركم.
وانا [اعرض مكافأه 10% من قيمه هذا المسدس لمن يستطيع اعادته.

ولكم مني جزيل الشكر و العرفان

رد: مسدس ريتاي مسروق
 

قدر الله وما شاء فعل
لكن ممكن توضيح اتسرق ازاى علشان يتم تداوله بشكل او باخر فى المنتدى

رد: مسدس ريتاي مسروق
 

اللى سرقة تعرفو او هو يعرفك ؟؟ وسرقه منك ازاى ؟؟

رد: مسدس ريتاي مسروق
 

للاسف اعطيته لأحد الاشخاص لتعديله . الا انه يدعي انه قد سرق منه. ولأن بعض الظن أثم فأنا مضطر لتصديقه.

رد: مسدس ريتاي مسروق
 

بس ده كده امانه عنده وهو ملزوم بتعويضك ماديا

رد: مسدس ريتاي مسروق
 

سيدي العزيز..... و ماذا افعل اذا بدأ في التهرب! مني فهو لا يجيب علي التلفون و غدا هو في اجازه. كما ان هذا المسدس لا يمكن تعويضه فهو الاصدار القديم و هو جديد تماما

رد: مسدس ريتاي مسروق
 

انت كنت جاييبه منين يا باشا ؟؟

رد: مسدس ريتاي مسروق
 

طالما بدا فى التهرب يبقى الموضوع طبعا مش مظبوط
عموما استعوض الله وربنا يخلف عليك ولكن مش عارف الصح انك تقول مين هو الشخص ولا لأ

رد: مسدس ريتاي مسروق
 

اشتريته الاسبوع الماضي من صديق كان يملكه من ايام الثوره

رد: مسدس ريتاي مسروق
 

ياباشا ماينفعش كدا دا تروحله وتاخده منو او تاخد تمنو منو ومالكش دعوة باى حاجة تانية اتسرق بقى ضاع باظ انتا ليك فلوسك تاخدها منو

رد: مسدس ريتاي مسروق
 

استعوض ربنا فى المسدس و زعل الواد دة فى اى حاجة تانية

رد: مسدس ريتاي مسروق
 

السلام عليكم
سيدى الفاضل لو المسدس كان اتسرق منه كان ليه هيتهرب؟ صحيح ان بعض الظن اثم والله اعلى واعلم بس فى الغالب لو المسدس اتسرق هيكون هو اللى سرقه مش اتسرق منه!!!
لان حتى لو المسدس اتسرق منه ده ما يمنعش انه يتعامل معاك برجولة واخلاق ويرد على تلفونك ويعرض عليك تعويض مادى اما انك تقبل التعويض او تسامح دى حاجه ترجعلك .
لكن انه يتهرب فدى ولا اخلاق ولا رجولة وان دلت على شىء فتدل على انه هو الحرامى مش حد تانى
انا عن نفسى لو عندى امانة وضاعت منى او اتسرقت مش هعرف صاحبها الا بعد ما اشتريله غيرها جديد وبعدها وهقوله انها اتسرقت او ضاعت
فمن الاخر لازم ترجعله وهو بقى يوجدلك المسدس
تحياتى ليك واتمنالك التوفيق

رد: مسدس ريتاي مسروق
 

باشا .. اللى اديلته المسدس دة ملزم انه يجيبه او يجيب لك تمنه كامل لاينقص جنيه
زوق عافية بالأدب بقلة الأدب المسدس يتجاب .. ودة اللى انا اعرفه ودي الأصول

رد: مسدس ريتاي مسروق
 

لو سمحت اسم الشخص و مكان اقامته .. محدش هيعمله حاجه لكن ممكن تلاقي حد ف المنتدي يدلك عليه و ان شاءالله لو اتعرض حاجه الاعضاء هيتاكدوا منا لسريال نمبر و ان شاءالله ربنا يعوضك ب خير منه او يرجعلك

رد: مسدس ريتاي مسروق
 

بص يا باشا انا مستعد اجبلك المسدس مش ناقصو شىء تماما وانا عارف انا بقول اية ددة لو انت محتاج المسدس فلو موافق ابعتلى رسالة على الخاص بردك وفى خلاال يومين بالظبط ايكون عندك المسدس وشكلك انسان زوق ومحترم بس لااسف الاحترام فى الزمن دة فى ناس بتعتبرو خوف لااسف

رد: مسدس ريتاي مسروق
 

فيه مشكلة انك تقول اسمه ؟

رد: مسدس ريتاي مسروق
 

استعوض ربنا في المسدس اللي ضاع وبموضوع حضرتك دا اكيد مية في المية لو هو عاوز يبيعه مش هيعرضه في المنتدى للبيع هو اما هيبيعه برا او هيستنى شوية لحد ما المووضوع يتنسى فنصيحة بجد خد حقك منه زي ما الاعضاء الكرام افادوك او اذكر اسمه حتى لا يتم التعامل معه وبردو قول الحمد لله تحياتي

رد: مسدس ريتاي مسروق
 

اشكر للجميع ردودهم و قد استعوضت الله عما فقدت و سوف انتظر عده ايام لعل هذا الشخص يكون عند حسن ظني به و يعيد المسدس او ثمنه.
ألهم اني احمدك حمدا كبيرا و اشكرك شكرا كثيرا ملئ السموات و الارض و ما بينهما

رد: مسدس ريتاي مسروق
 

باشا لو انت مكان صاحبك دة الذى ادعى ان المسدس تم سرقتة فماذا تفعل لو المسدس تم سرقتة منك وهو طالبك به هل ستتهرب منة ام تقوم بدفع المبلغ او ملزم بتعويضة بمسدس اخر باشا قاعدة اساسية حاميها حراميها اسال كيف تمت السرقة واسف على الاطالة

رد: مسدس ريتاي مسروق
 

ياريت حضرتك تقول مين الشخص الى استأمنته وخان الامانه علشان نعرفه
ومدام بيهرب منك يبأ اكيد المسدس معاه مفيش نقاش وهو طمع فيه
والانسان ده خاين الامانه ملزوم بتعويض حضرتك ماديا ده لو كلامه صحيح زى ماقال انه اتسرق منه وده طبعا اشك فى ذلك

رد: مسدس ريتاي مسروق
 

اسمة لو سمحت عشان الكل يحذر منة

رد: مسدس ريتاي مسروق
 

الاخوه الاعزاء
كما سبق وابلغتكم انني ساحتفظ باسم هذا الشخص لنفسي حتي اتأكد من خيانته للامانه. وقد اتصل اخيرا بي وابلغني انه سوف يدفع ما يوازي 2/3 من ثمن المسدس بنهايه الاسبوع ا . وعلي العموم ان غدا لناظره لقريب. مره اخري اشكر لكم اهتمامكم و ﻧﺼﺎﺋﺤﻜﻢ

رد: مسدس ريتاي مسروق
 

ان شاء لله حقك يجيلك والحق ما بيروحش لا فى الدنيا ولا فى الاخرة