|
كتالوج
سلام عليكم
الموضوع اننا عاوزين نخلى الموضوع ده فيه كل انواع البنادق المعروفه عند الصيادين فى مصر وبكل الفيرجنات والاصدارات المتاحه فى مصر وكمان ندعم الانواع ديه بمواصفاتها الكامله اكنه كتالوج لجميع البنادق من اول الرمسيس لحد الويبلى والفايروخ وكمان نحط صور للبنادق اللى هانتكلم عنها بس كل واحد يقدر يتكلم عن نوع معين ويقدر يجيبلنا صوره للبندقيه ومواصفاتها يحطها وفى الاخر الاداره هاتتكرم وتجمعهم هنا فى راس الموضوع علشان يبقى الموضوع مستقل بذاته اكنه كتالوج وده هايفيد الاعضاء الجدد والقدامى بدل ما يسالو اسئله كتير ونضطر نقولهم اقرو كل مواضيع المنتدى ونتعبهم وبكده محدش هايبقى عنده اى استفسار عن اى بندقيه الا لو فيها مشكله او عيب وبس ياريت الاداره تثبت الموضوع او حتى تنشئ هى موضوع جديد بس يتضمن الفكره ديه وصدقونى هاتساعد كتير فى تنظيم المنتدى وصحيح نسيت اقول انه متاح بردو وضع صور ومواصفات انواع مسدسات الرش علشان يبقى الموضوع اكثر شمولا وبس سلام عليكم |
رد: كتالوج
الحاجات دى مش كتابه وخلاص يا محمود ومش اى حد ممكن يتكلم عن اى بندقيه ......احنا اتفقنا اننا هنعمل الحكايه دى بس انت اتسرعت وعملتها لوحدك ...... وبعدين مش موضوع واحد هيلم كتالوجات البنادق كلها ...
ده المفروض يبقى قسم وفيه موضوعات وكل موضوع ببندقيه ....... تحياتى . |
رد: كتالوج
ابو حميد
اتفقنا امتى بالظبط؟؟ وكمان الفكره ديه تشبه فكره استاذ يوسف لسوق المنتدى بس ده علشان افاده الاعضاء ليس الا والمعلومات محدش هايجيبها من دماغه هو هايخش على موقع الشركه وينقل الكلام المكتوب عن البندقيه بالكامل كوبى وبست هنا وهايحط الصوره يعنى اكننا جايبين كتالوجات الشركات كلها فى موضوع واحد واحنا مش هاناقش حاجه ولا عيوب ولا مميزات مجرد الكلام العادى عن اى بندقيه وحتى هايبقى بالانجليزى زى ما هو واللى مش فاهم حاجه او عاوز يترجم للاعضاء يتفضل مشكور عادى مجرد مساعده والموضوع اقتراح قابل للقبول او الرفض وكمان الاقسام الكتيره اللى فى المنتدى ممكن تزحمه اكتر واكتر وهاتبقى هيصه ع الفاضى ولو لاحظت هاتلاقى ان بنادق الجامو او الديانا الموجودين فى مصر حاليا وفى السوق ما يعدوش 20 بندقيه فعادى بس هاكلمك واشوف عاوز ايه |
| الساعة الآن 08:16 PM |
Powered by vBulletin® Copyright ©2000 - 2026, Jelsoft Enterprises Ltd. TranZ By
Almuhajir