|
طلعة إجري يا عم
طلعت مع د. إبراهيم النهاردا الفجرية في أكتوبر وكنا بندور علي مكان جديد. وكانت طلعة كوميدية مليانة مطاردات.. خرجنا برا المنطقة الصناعية في الصحراء ولقينا منطقة فيها أرض مهجورة ومصنع قيد الإنشاء وكان مليان حمام. سرب حوالي 1000 حمامة. بس تحذيرات الناس كتير من العرب ومعاملتهم الإجرامية وحذرونا أنهم ممكن جدا يضربوا علينا نار.. المهم محطناش في بالنا وبدأنا صيد. كان صيد وفير الحمد لله ولما حمامة تقع داخل المصنع المهجور كان د.إبراهيم يدخل يجيبها ماسك البندقية وكل مرة أحذره وميسمعش الكلام :) أقوله علي الأقل سيب البندقية في العربية شكلك يخوف. في مرة دخل لقيت أصوات ناس بتنداي علي بعضها. وصوت خبط علي معادن وحاجات غريبة. قلقت .. ناديت عليه لقيته جاي جري ووشه أصغر. وفي إيده حمامة لسه صاحية وقالي برعب: "أجري بسرعة" ولما قولتله فيه إيه قالي: "إجري يا عم" المهم لقيت ملامحه حادة قولت أجري وبعدين أفهم.. بعدت شوية وبصيت في المراية لقيت 2 واقفين بيبصوا علينا .. قولتله إيه إلي حصل؟ قالي بيجروا ورايا. شكلهم ناويين شر. المهم وقفت وبدأت أرجعلهم. قالي إنت بتعمل إيه؟؟ إنت راجع؟ قولتله آه مهو مينفعش نجري منهم كدا. وبعدين الناس معملوش حاجة. المهم بعد نقاش مع د.إبراهيم رجعت فعلا . لقيتهم بيشاوروا فوقفت وقولت سلام عليكم.. الراجل قالي بلهجة ناشفة إنتوا بتجروا ليه؟؟ رديت: إحنا بنتمشى في المكان مش قصدي أجري ولا حاجة. قالي طيب طالما بتصطادوا .. أتفضلوا .. الأرض مليانة حمام.. لقيت د. إبراهيم بيبصلي وعينه بتقول لا :) فقولت خليها يوم تاني إحنا كدا خلصنا صيد. وسلمت عليه ومشينا. الجميل بقى بعد كده د.إبراهيم شاف يمامة ضربها. ونزل يجيبها لقا كلب بينبح عليه.. بصلي قولتلوا عادي مش حيعملك حاجة..المهم إتشجع وراح يجيب اليمامة لقيت الكلب بيجري عليه بشكل غريب. نزلت ألحقه. لقيت إنه واقف جنب جحر فيه ولاد الكلب دا. فهمت هوا بيجري عليه بالوحشية دي ليه.. قولتله: "أجري بسرعة" وطبعا نط في العربية والكلب ورانا :) معلش طولت عليكوا وللأسف معرفتش أصور الصيد في وقتها. بس صورته بعد متنظف http://img853.imageshack.us/img853/8513/dsc0017pz.jpg |
رد: طلعة إجري يا عم
انتو طالعين تجرو من بعض يا هندسة مش تصطادو كدة ههههههههههههههههه
و بعدين طلاما فى المنطقة الصناعية عند شغلى اى حد يكلمك قولى بس و انا اظبطلك الدنيا يا بشمهندس بالهناء و الشفاء و ان شاء الله الطلعات الى جاية اجمل |
رد: طلعة إجري يا عم
ههههههههههههههههههههههههههههههه ايه موضوع الجري في المنتدى كل الصيادين بيجرووووووو هههههههههههههههه ...تسلم ايدك بشمهندس احمد هي صحيح مخاطرة منك لكن هي دي روح الصياد ...... طلعة قوية من قناص ماهر ... دمت في امان الله وحفظه
|
رد: طلعة إجري يا عم
ههههههههههههههههههههههههههههههههههههه
طلعه جميله جدا وابراهيم من اطيب خلق الله فعلا وماشاء الله واضح ان الصيد وفير وحشنى يابشمهندس وكنت فى زايد وقعدت اربع ايام وللاسف معرفتش اتصل بيك ربنا يوسع عليكو وصيد دائم |
رد: طلعة إجري يا عم
اقتباس:
اقتباس:
|
رد: طلعة إجري يا عم
بسم الله مشاء الله صيد موفق وبلهنا والشفا
|
رد: طلعة إجري يا عم
هههههههههههههه حلوه الطلعه الكلها كر و فر دي ههههههههههه
طلعه جامده يا هندسه |
رد: طلعة إجري يا عم
اقتباس:
اقتباس:
|
رد: طلعة إجري يا عم
أيه ياباشمهندس كله جرى...جرى مافيش ضرب؟؟؟؟؟؟؟؟؟؟؟
بس ماشاء الله طلعة موفقة. نصيحة أخوية ياباشا أنا معاشر عرب كثير فى العجمى لأنى ساكن فى العجمى قبل ما تدخل أى منطقة فيها عرب دور عليهم وأستأذنهم فى الصيد. حيعملولك شاى وحيتصاحبوا عليك لأنهم بيحبو الصيد جدا لكن ما بيحبوش حد يدخل مناطقهم بدون أذن. خالص تحياتى. |
رد: طلعة إجري يا عم
ههههههههههههه
الي عايز يخس ويعمل رجيم يطلع معاكوا طلعة من دي :) |
رد: طلعة إجري يا عم
هههههههههههههههههههههههههههههههههههههههههههههههههه
بتفكرنى بطلعاتى يا بشمهندس . بس الحكايه بتنتهى عندى اول ما اقلوهم انى فلان ابن فلان زى ما قالك استذنا الاستاذ عادل استئذنهم الاول وكل حاجه هتبقى تمام |
رد: طلعة إجري يا عم
الجرى نص الجدعنه يا باشمهندس هههههههههههههه تحياتى
|
رد: طلعة إجري يا عم
تسلم إيدكم بس خلو بالكم ﻷن العرب دول ما بيهظروش وكويس إنك مسمعتش كلامه
طلعه جميله و صيادينن أجمل |
رد: طلعة إجري يا عم
هههههههههههههههههههههههه
يا جماعة الجرى رياضة ههههههههه طلعة موفقة وبالف هناء |
رد: طلعة إجري يا عم
طلعه موفقه يا باشا وبالف هنا وشفا والجرى نص الجدعنه هههههههههههههه
|
رد: طلعة إجري يا عم
اقتباس:
شكرا يا باشا علي النصيحة اقتباس:
|
رد: طلعة إجري يا عم
اقتباس:
اقتباس:
اقتباس:
اقتباس:
اقتباس:
|
رد: طلعة إجري يا عم
اجري يا مجديييييييييييييييي
هههههههههههه والله العظيم زي العسل المره الجايه استاذنو الاول و كل طلعه ونت طيب |
رد: طلعة إجري يا عم
اجمل حاجه فى موضوع الخروج للصيد ده هى الذكريات الجميله و المواقف المضحكه اللى بتحصل دى و ربنا يوفقكم فى طلعات تانيه ان شاء الله
|
| الساعة الآن 08:13 PM |
Powered by vBulletin® Copyright ©2000 - 2026, Jelsoft Enterprises Ltd. TranZ By
Almuhajir