الصيد فى مصر - الطلعه الاخيره ( يافؤااااااااااااد ) هههههههههههههه

الصيد فى مصر (http://www.egyhunt.net/index.php)

- صور وفيديو الصيد ورحلاته (http://www.egyhunt.net/forumdisplay.php?f=47)

الطلعه الاخيره ( يافؤااااااااااااد ) هههههههههههههه

السلام عليكم ورحمة الله وبركاته
اخر رحله ليليه يوم الاربع
ورغم انى يوم الاربع كنت باصطاد الصبح لكن اتصل بيا صديق ليا وقالى تعالى نخرج نصطاد بالليل
قلتلو يافؤاد انا تعبان ومش هاقدر اخرج النهارده
لكن هو صمم نخرج عشان عاوز يغير جو ويتكلم معايا فى موضوع خاص بيه
( هو مالوش فى الهوايه )
واضطريت اسيب شغلى بدرى شويه
وبالفعل عدى عليا بالعربيه الساعه 7 وخرجنا على منطقه زراعيه بالطريق الصحراوى
وكاننت المنطقه ليها مدخل جانبى من الطريق الصحراوى
وبدأت صيد والدنيا كانت ضلمه جداااااااااااا والحمد لله اليوم كان ماشى كويس
ولأننا من هواة عمل المقالب فى بعض انا وصديقى ده
حبيت اعمل فيه مقلب جامد
وعملت نفسى رايح على شجره اصطاد وهو استنانى جنب العربيه فى الضلمه
واستخبيت منو فى وسط الاشجار وهو قعد مستنينى يجى ربع ساعه وانا ولا حس ولا خبر
وفى الاخر لما حس انى اتأخرت عليه قعد ينادى عليا
انت فين يابنى ملكش صوت ليه؟
ياهانى
ولا هااااااااانى
انت موت ولا ايه
وانا طبعا مستخبى وماسك نفسى من الضحك
وبدأ الخوف يظهر على صوته
ياهانىىىىىىىىىىىىى
رد احسن والله هازعل منك بجد لو مستخبى
هههههههههههههههه
وقعد يدور عليا حوالين الشجره ويقول
الله يخرب بيتك رحت فين
وخلاص هو قرب يصدق ان فيه حاجه حصلتلى وبدأ عليه التوتر
قمت طالعلو من ورا الاشجار وقلتلو بكل هدوء
ايوه يافؤاد انت كنت بتنادى؟
قام باصصلى بغل وغيظ جامد اوى ونزل فيا شتيمه
وعقابا ليا قام داخل العربيه وقفل الابواب وسابنى ومشى وهو غضبان
اتصلت بيه وقلتله ارجع متهزرش الهزار التقيل ده بقى
قالى انا مابهزرش والله لأعلمك الادب
انا هاوريك الهزار التقيل بيكون شكلو ايه
وسابنى ومشى بالعربيه
وجه الدور عليا انا بقى فى النداء
يافؤاااد ماتهزرش
انت ياااااااض استنى بس هاقولك
يافؤااااااااااااااااااااد
يافؤااااااااااااااااااااااااااااااااد
فؤاد اختفى ياجدعان
ههههههههههههههههههههههههه
وطلع فؤاد على الطريق الصحراوى واختفى خالص
وانا كل ده عامل نفسى متماسك ومش خايف
بس انا كان قلبى هايقع
والمكان شكلو وحش اوى
هههههههههههههههههههه
قلت هو شكلو باعنى خلاص مفيش فايده
بس انا اللى استاهل
وقلت لنفسى انا هاكمل مشى لغاية الطريق الصحراوى واركب اى عربيه من هناك واروح
وبعد حوالى 2 كيلو مشى على رجلى لقيته بيتصل بيا وقاللى
حرمت تستخف دمك تانى ولا لسه؟؟
قلتله حرمت ياباشا والله حرمت
قاللى عموما انا مستنيك على اول المدخل اهو تعالالى مشى بقى عشان تتعلم الادب
وبالفعل مشيت حوالى 3 كيلو على ماوصلتلو
وطبعا كملنا ضحك وهزار وروحنا
وهى دى كانت حكايتى
حكاية فؤاد
ههههههههههههههههههه
معلومات الرحله
البندقيه/كايداهم
http://www5.0zz0.com/2012/12/15/12/728715589.jpg
الرش/ مارسمان
http://www5.0zz0.com/2012/12/15/12/968759786.jpg
44 رشه تم ضربهم
35 الحصيله النهائيه
9 سرقه وترييش
وده فيديو بالموبايل للحصيله
http://www.youtube.com/watch?v=WzCl_...ature=youtu.be
ودى الصور
http://www5.0zz0.com/2012/12/15/12/772542370.jpg
http://www5.0zz0.com/2012/12/15/12/477041382.jpg
http://www5.0zz0.com/2012/12/15/12/952831165.jpg
http://www5.0zz0.com/2012/12/15/12/130732192.jpg
http://www5.0zz0.com/2012/12/15/12/501574123.jpg
وارجو ان تنال الطلعه اعجابكم
وعلى فكره انا لسه لغاية دلوقت باحلم بفؤاد واقوم من النوم مخضوض واقول
يافؤاااااااااااااااااااااااد
هههههههههههههههههه
والسلام عليكم ورحمة الله