|
بيئة !!!
بسم الله الرحمن الرحيم كلمة '' بيئة '' دي أكتر كلمة بكرهها في حياتي! ناس واقفة بتتصور في سيتي ستارز بموبايل.. إيه داعي اننا نضحك عليهم؟ إيه داعي اننا نقول عليهم بيئة؟ والله معلش أنا عارف إنها صدمة بس مش كل الناس بتلف العالم و تاخد صور جنب ميكي ماوس في الديزني لاند !!! لو بيتصوروا في المول فده لأن هو ده المكان الوحيد اللي يقدروا يروحوه.. و بيتصوروا بموبايل لأنهم ممكن يعيشوا و يموتوا قبل ما يمتلكوا نص ثمن الكاميرات اللي ...احنا بنتصور بيها ! كلمة '' بيئة '' دي ثقافة متخلفة ! ثقافة خلت إنك تبقى جامد أما تسافر اوروبا في الصيف..و تبقى معفن أما تسافر اسكندرية تقعد على شاطئ مجاني تستمتع بجمال بلدك بدون تكلف! خلت اللي يتكلم لغة انجليزية بطلاقة يبقى ليه الأولوية في فرص العمل و يبقى كووول! و اللي يتكلم لغة عربية بطلاقة يبقى اهبل! خلت الناس تقرف من البلد في شم النسيم و الاعياد عشان الناس البسيطة بيقدروا ينزلوا و يخرجوا.. بنضايق من لبسهم من كلامهم من انتشارهم.. و عمرنا ما بنتلفت للسعادة اللي على وشهم! لو صورهم في المول هتسعدهم.. لو نزولهم البحر بهدومهم هيسعدهم.. لو أي حاجة بيعملوها بتسعدهم.. يبقى مش من حقنا نحكم عليهم انهم '' بيئة '' عشان بيفرحوا بالطرق المتاحة قدامهم! شيل الكلمة دي من قاموس حياتك.. و قدر الناس و طبقاتهم و بساطتهم و افرح لفرحهم و بصلهم كويس أكيد هتشوف شيء من الطيبة من الحب من العفوية من البساطة.. أكيد هتشوف شيء من بلدك.. شيء منك! ساعتها بس هتحس إنك إنسان.. و اللي أقل منك إنسان.. و اللي أقل منكم إنسان.. إنسان من حقه يفرح و يضحك من غير ما حد يبص عليه أو ينتقده لمجرد انه مدفعش مينيمم لضحكته (: |
Re: بيئة !!!
بصراحه موضوع محترم جدا احيك عليه وكل البشر زي بعض الي يميزهم العمل الصالح والاجتهاد ف الحياه والمجتمع
|
رد: بيئة !!!
موضوع جميل و انا شايف ان الصور بالموبايل حاجه مش وحشه دلوقتي في موبيلات كمرتها بتعدي ال8 ميجا بكسيل
+ انا عن نفسي سعات بحب اروح اماكن بسيطه عن الخروك علي اماكن راقيه |
رد: بيئة !!!
اقتباس:
|
رد: Re: بيئة !!!
اقتباس:
|
رد: بيئة !!!
اقتباس:
|
رد: بيئة !!!
السلام عليكم ورحمة الله وبركاته
والله انى سعدت بقراءة هذا الموضوع الممتاز وخالص تحياتى وتقديرى لاستاذ انجل لانه بالفعل اتكلم على نقطة مهمه وعايز اضيف ان فى الغالب الناس اللى بتتريق على الناس البسيطة وبيوصفوهم ببيئة او باى الفاظ تانيه بيكونوا محدثين نعمة وانا اسف انى بوصفهم بهذا الوصف لان فعلا مثل هذه الافعال لا تصدر الا من محدث نعمة ويستحيل ان تصدر من ابن اصل وحتى لو ولد وفى فمه ملعقة من ذهب وبالنسبة لمسألة اللغة دى كمان عنده حق فيها اوقات نكون عرب فى حضور شخص اجنبى نضطر نحكى انجلش من باب الزوق عشان هو يفهم او لانه اجتماع رسمى والغريب انك تلاقى الناس بتحكى كمان انجلش بعد انتهاء الاجتماع وتحسهم سعداء باللكنة الامريكية اللى بيتكلموا بيها والغريب انه يقلك انا بكره امركا !!!!!!!!!!!!!!! تقبلوا مرورى |
رد: بيئة !!!
اقتباس:
|
رد: بيئة !!!
اقتباس:
بالظبط كدة يا بشهمندس مصطفى حضرتك قولت الكلام المظبوط |
رد: بيئة !!!
كلالالالالالالالالالالالالالالالام جامد اوي تسلم ياكبير
|
رد: بيئة !!!
انت انسان محترم في كل موضوعاتك وتبحث عن افادة الناس
ربنا يباركلك |
رد: بيئة !!!
كلام محترم :)
|
رد: بيئة !!!
ربنا يباركلك ياهاشم يارب
تسلم على الكلام الحلو ده ومفيش فى الدنيا احسن من التواضع من تواضع لله رفعه |
رد: بيئة !!!
الناس دي فعلا مشكلتها مش هما السبب فيها، سواء كانوا أفقر مننا شوية أو أقل تعليما وثقافة الواحد ربنا رزقه بمسكن كويس وملبس كويس وأبوين دخلوه مدرسة وجامعة.. يحمد ربنا عليهم ويتمنى الخير للناس كلها بدل التريقة عليهم شكرا ع الموضوع يا إنجل |
رد: بيئة !!!
|
رد: بيئة !!!
الكلمه دي مش في قاموسي اصلا
من حق كل واحد انه يفرح اظن دا مفيهوش حاجه عيب و كل واحد بيفرح بالطريقه الي يقدر عليها انا شايف ان كل واجد حر طالما مبيضرش حد |
رد: بيئة !!!
و الله يا أينجل باشا..
موضوع في قمة الروعة و الحق.. |
رد: بيئة !!!
السلام عليكم ، الى يقول الكلام ده يبقى فعلا راجل محترم ، والله الذى لا اله الا هو لا يدخل الجنة رجل فى قلبة مثقال حبه من كبر كما حدثنا رسول الله صلى الله عليه وسلم
|
رد: بيئة !!!
كلامك كله جميل وزي الفل
بس الكلمة تتقال علي اي حد سواء بسيط او فقير او غني قعد في اي مكان ولو مؤاخذة خلاه مزبلة بعد ما قام ولا نضف الزبالة الي عاملها حواليه ساعتها تقدر تقولها |
رد: بيئة !!!
منورين يا رجالة و الله و الف شكر على المرور
|
رد: بيئة !!!
( ياأيها الذين آمنوا لا يسخر قوم من قوم عسى أن يكونوا خيرا منهم ولا نساء من نساء عسى أن يكن خيرا منهن ولا تلمزوا أنفسكم ولا تنابزوا بالألقاب بئس الاسم الفسوق بعد الإيمان ومن لم يتب فأولئك هم الظالمون ( 11 ) )
ينهى تعالى عن السخرية بالناس ، وهو احتقارهم والاستهزاء بهم ، كما ثبت في الصحيح عن رسول الله - صلى الله عليه وسلم - أنه قال : " الكبر بطر الحق وغمص الناس " ويروى : " وغمط الناس " والمراد من ذلك : احتقارهم واستصغارهم ، وهذا حرام ، فإنه قد يكون المحتقر أعظم قدرا عند الله وأحب إليه من الساخر منه المحتقر له ; ولهذا قال : ( يا أيها الذين آمنوا لا يسخر قوم من قوم عسى أن يكونوا خيرا منهم ولا نساء من نساء عسى أن يكن خيرا منهن ) ، فنص على نهي الرجال وعطف بنهي النساء . |
رد: بيئة !!!
اقتباس:
|
رد: بيئة !!!
متشكرين على الموضوع البيئه ده :rir::rir::rir::rir::rir::rir::rir::rir: :lf::lf::lf::lf::lf::lf::lf::lf::lf::lf: |
رد: بيئة !!!
فعلا موضوع جامد
|
رد: بيئة !!!
الله ينور عليك
|
| الساعة الآن 10:57 PM |
Powered by vBulletin® Copyright ©2000 - 2026, Jelsoft Enterprises Ltd. TranZ By
Almuhajir